كامري+سكسوكة+N70+عطر+عشاء=؟

[فراشات]

بسم الله الرحمن الرحيم.
الــزمـان : يوم الأربعـاء التـاسـعه مسـاءا ً ....
المكــان : الريـاض ....

تعريـف لمن تـدور حـوله القضـيه

الأســم : بـدر

عمر بـدر : 23

مهنة بدر : طـالب جامعي






كامري بدر :

اللـون اســود
الموديـل 2006
طريقة الدفـع : اقسـاط على (ظهـر) ابو بـدر
عـداد البنزين: تحت الـــ e والجـيب مافـيه الا الرخصـه وريـاليـن
مـوقع السيـاره وصـاحبها: امـام صـراف بنك سـامبـا (الأمريكي سابقـا ً ) ينتـظر وصـول دوره لـكي (يشـفط ) مكـافـأته الجــامعيـة التي تقـدر بـ 834 و 60 هلله .


بدر وكامري بدر وبطاقة صراف بدر امام الصـرافه اللي بتنـشفط منـها 800 ريـال (كـاش منـي)

انشفطـت مكـافأة بدر من بطاقة صراف بدر بـــ يـد بدر .


(غمـض فتـح) واذا بـ بدر امـام محطـه الوقود

بدر : صديق عبي بنزين فـُــل .
صديق : اوكى (مع هزة رأس تقلـيــديـه).


وبعـد مرور دقيقـه و7 ثانيه امتلء خـزان الوقـود والمـقابل 36 ريـال


800 - 36 = 764 ريال

بعـد محـطة الـوقود (فتح غمض) واذا بـ بدر وكامري بدر امـام (التلمـيع السـاطـع)


45 دقيـقه بعد التلمـيع السـاطع

كامري تلمـع بدر يدفـع

764 - 150 = 614 ريال


انتهـينـا من كامري بـدر






سكسوكـة بـدر :

الزمـان : الساعه العاشـره والنصـف مساءا .
المكان : تقـاطع شـارع التحليـه مـع شارع التخصصـي بالتحـديد حلاق (هوليـوود)


بدر للــ حلاق : حبيب ألبي ابيك تـدلعنـي عندي موعد مهم الليله .
الحلاق لـ بدر : تكرم عينك مدام انتا بــ تـدفع احنا نـلمـع .



غمض عين سكر عين



150 ريـال لـ حبيب ألب بـدر .. يعني



614 - 150 = 464 ريال


سكسوكه عجــــــيبه






جهاز بدر ( n70بدر) :

الزمـان : الساعه الحاديه عشر مساءا ً

المكان : محـل همســات للأتصـالات - المرسـلات




بـدر يبي يستـبدل N70 بـدر بجهاز ثاني


N70 بـدر سعـره بـ 1100 ريال

والجـهاز اللي يبـي يستـبدل فيه .. سـعره 1440ريـال


يعني بـدر لازم يـدفع 340 ريـال فرق السعـر .... ودفـــع



يعنـي



464 - 340 = 124 ريال

غريــب هـ البــدر ...






عـطر بــدر :

الزمــان : الساعه الحاديه عشر وخمسه واربعون دقيقه مساءا ً
المكـان : الرواد للمستـلزمـات الرجـاليه - طريق العروبــه


وبعـد محـاولات لشراء العطـر المفضـل تم اختيـار عـطر بـ مبلـغ 120 ريـال .


نرجـع للحـاسبه ونقـول


124 - 120 = 4 ريـال فقط
عجــب عجــــــاب







عشــاء بـدر :

الزمــان : السـاعه الثانيه عشــر منتـصف الليــل .
المكـان : بوفـيـه بجــانـب البيـــت


باقـي المكـافـأة 4 ريـال و ريـالين في جيب بـدر هذي 6 ريال


وعشاء بـدر ثنـين شـاورمـا و واحـد بيبـسي بـ 5 ريال
وريــال حطـه في جيبــه للـيوم الأسـود .



بالعـافـيه يابــدر ولاتنســى تسمــي





- هذه الشخـصـيه الـدرامـيه هـل هـي فـعـلا ً تـوجـد فـي مجتمــعـنـا ؟؟

-هـل تصــرفـه بـهذه الطــريقــه السبــب فيــــه الأتكـــــاليــه وعـدم تحمــل المســؤوليــة ؟؟

ام هــي قــاعــدة ((حـلال عمــك لا يهــمك )) ؟؟ ام لأن المـال المصــروف ليــس من مجهـــوده ؟؟

- اذا وصـــل الــشــاب الـى هـذا العمــر هـل من المعـقــول ان لا يكــون لـديـــه تـفـكــيـر عـقـلانـي نوعــا ً مـاا ؟؟

هل فعلا مصروف الشاب لايكفيه ؟ ويطير من يده بهذه السرعه ؟

هل متطلبات المعيشه (في الحياة العزوبيه) تستلزم صرف الكثير ؟-

ماهـو رأيـك في النــوع الـذي يركـــض وراء اعتـــقــاد (( عيش يومــك وربك يحــلهـا )) ؟؟


النقاش مفتوح للجميع

ننتظر نقاشاتكم

تحياتي لكم
للأمانة: منقول

[أفعى الظلام]

هههههههههههههههه

يسلموووووووو

اجل احنا وش نسوي

فراشات


مشكورة

[( البرنس )]

اختي العزيزه / فراشات
موضوع جميل

بدر لا يصرف المبلغ كل يوم بل كل اخر شهر
كلها طبيعيه الا (سكسوكه 150 ريال هذه المشكله)
العطور عادي
استبدال الجوال عادي
بنزين عادي
لو كان بدر مغترب عن اهله كم يصرف بدر بالشهر (اجار سكن+ مشاوير من بلد الي بلد+ اكــل يوميا+ غسيل ملابس+الي اخره) هل نعتبرها ((تبذير )) هل تكفيه بدر 834 و 60 هلله الي اخر الشهر طبعا (لا)

في ناس يصرفون كل يوم خارج البلد اكثر من بدر ؟؟؟
في ناس تزين السياره بمبالغ هائله ؟؟؟
في ناس تشتري لوحات مميزه بالملايين؟؟؟والخ
هذا الاسراف بعينه

بدر يمشي علي المثلــ ((( عيش يومــك وربك يحــلهـا )))
======================================

المهم تقبلي مروري

[!صمـ.. المحب ..ــت!]

آخت فرآشات

موضوع جميل وشيق ويستحق آلنقاش فيه

لآتستغربين حآل هذآ آلشآب آمكن يكون وضع هذآ آلشآب آو تصرفه لآيقآرن بغيره

ممكن يكون صرف 800 ريآل في يوم آو نص يوم غيره يصرف آكثر بكثير آضعآف هذآ آلشخص

ويآليت في فآئده ..!!!!!!

وهنآك آلقصص وآلآمثله آلكثيره

آختي موضوعكـ, يطول { آلشرح وآلنقاش فيه } لآنه يعتبر مشكله آو مرض آصآب شباب هذآ آليوم

..

آشكركـ, على طرحكـ, آلجميل وحسن وجمآل مآآخترتي

لآعدمنآكـ, ولآتحرمينآ من جديدكـ,

تقبلي مروري وردي

؛
صمت المحب
؛

[منسدح بالصاله]

والله أعرف ناس إن المكافأة يبقى منها في آخر الشهر

ليه ؟؟

لا تقولون الأخ بخيل

لا والله مو بخيل

بس يصرف بعقلانيه

يعني ليه ألمع السياره

أقدر أغسلها بخمسه ريال من هندي في الشارع

أما عن السياره فصاحبي ساكن في الجامعه ولا يحتاج سياره يمشي على رجله ( الله يكرمكم )

ملابسه يغسلها بمبلغ وقدره

الأكل يعني ما يصرف

يعني ليه أروح للكماليات والفشخره والصرف اللي ماله داعي عشان أروح لشارع التحليه وأستعرض

فيه بعض الطلاب والله إنهم قمه ومثال في كيفية التعامل مع المال حتى لو المكافأة 500

ناس أهلهم خلوهم يشعرون بالمسؤوليه من صغرهم

عوائل تعلم أبنائها بأنه لازم يعتمد على نفسه

زرعت فيه بأن الأخذ من الغير صعب وبأنك رجل والرجل يصرف على نفسه

لكن هل هذي العوائل تهمل أبنائها

لا والله

يعني أذكر لكم قصه محزنه

شخص يدرس براتب 2500

حجز على الخطوط الجويه إلى منطقته لزيارة أهله

قص تذكرتين

تذكره ذهاب وتذكره عوده

الأخ راح لأهله وانتهت الإجازه ومع حلول المدرسه وش سوا الأخ

أخذ فلوس تذكرة العوده وراح يشتري لأخوانه أغراض المدارس

وحجز على النقل الجماعي

والله إنه كبر في عيني

يا أخي يعجبني اللي يحس في أهله ويجعلهم هم همه

والحين الله وفقه وصار راتبه فوق عشرة آلاف

شوف كيف شعر بالمسؤوليه مع إنه باقي يدرس

حتى تجلس معه تحس إنك تجلس مع شخص عمره أربعين من ثقله ورزانته وهو باقي صغير في العمر

لكن التربيه لها دورها

الأخ بدر من يوم وهو صغير بس ياكل ويشرب ويمكن تخرج بنسبه رايحه فيها

لا وشوفوا الدلع

يعني أشتري له كامري وهو باقي يدرس

المفروض حتى لو إمكانية أبوه ممتازه إنه ما يعطيه سياره يخليه زي بقية الطلاب

ما أقصد بهذي الطريقه إنه يضيق عليه لكن يعلمه المسؤوليه

يقول له بأني ما بأعطيك شي إصرف على نفسك من مكافأتك

يعلمه كيفية الإقتصاد في المال

يعلمه بأنه يقدر يسوي اللي هو يبي لكن بشطاره وبذكاء

يعني شوفوا البنقال عندنا

يستلم 500 ويشتغل تغسيل سيارات

ويصرف في الشهر مية ريال والباقي يرسله إلى أهله

تشوف عشاه دايما تميس وفول

ما يبذخ ولا يصرف صرف الويل

لأنه يعرف إن وراه أبناء وعائله ينتظرون راتبه





الشعور بالمسؤوليه هو اللي ينقص مثل بدر ومن هو على شاكلته