تابع رحلة عائلة غرام مصلح ومساعد وروح وفرفورة ورفوعه وريما ومحمد

[!؛ْرَفِيـ ع َـة آلـ شَ ـآن؛ْ!]

_تابع\ "رحلة" عائلة غرام مصلح ومساعد وروح وفرفورة ورفوعه وريما ومحمد00
التذكير بالشخصيات:
الزين يفرض نفسه"مصلح": أب لأربعة بنات وأكبرهم رفيعه الشان,وفرفورة،وروح الغلا، وريما 00
والأبناء اثنان وهما:
!!ـهيبه ملكـ!!""مساعد"
وفاهم غلط!!""محمد"0000

رفوع: يبا وينك الحين الغداء بيبرد
روح: يبا واللي يعافيك تراني ما اقدر اناظر الاكل من غير لا آكل ،
ترى بسمي بالله ويا تلحق أو ما تلحق0
وصل مصلح :ما صار غداء الجيران كلهم عرفوا انكم تنادوني00
يالله كل وحدة تسكت لا يجيها كف أسوي خششكم مثل خشه اختكم فرفورة
فرفورة: خير يبا مصلح
وانا شفيها خشتي أحلى من خشة بولندة حليم00
ريما : ايه واضح حتى اسمها ناطقته بالمقلوب!
فرفورة:وتعطي ريما ضربه بالكوع في بطنها اللي زين ما ريما ودعت الحياة من هالضربة وقالت
انا حرة اتكلم مثل ما أبي ما قلت لك صيري مصحح لي!!
ريما: وانا شعلي بالطقاق00
مساعد : وبعدين كل وحدة تبلع لسانها وتسكت
احترمو هالشيبات اللي تلمع في رأس أبوكن
البنات خافو من مساعد وسكتو00
مساعد وهو يشرب لبن لنياق بنات ما تجي الا بالعين الحمراء!!!
رفيعه وهي تأكل وتتفرج على هبال هالبنتين ولعت فوق راسها لمبه<<<متأثرة بافلام الكرتون
وصاحت فيهم عندي فكرة!
مصلح :بسم الله وبعدين يعني الناس تاكل بهدوء وانتو بدل الاكل ناكل إزعاج بتسكتين لا يجيك كف على سرعة 500 الحين على هالخشه!
رفيعه : سوري يا أبتاه!<عاشت اللغاتّ!!
مصلح: والله اذا انتي اكبرهم اهبلهم ما الوم الباقي اذا انهبلو
رفيعه: افا مو كأنها سبه بحقي!
محمد: لا شفيك الوالد يمدحك يالدبه00
رفيعه : اقول واللي يعافيك اسكت00 شرايك اعطيك عنوان الحمام!<<محمد يموت ولا احد يجيب طاري انه يتسبح!
محمد : لا تكفين آنسه رفيعه0 سكتنا0
وتنط هنا روح <<توها استوعبت اللي يصير غرقانه في الاكل!!

ها رفوع قولي لنا فكرتك تراك حمستينا على خالي بلاش!!
رفيعه : ابد بس والله ضاق خلقي من جلسه البيت ومقابل خششكم 0000
فقلت ليش ما نفكر برحلة ونغير جو!
ريمــــا: ايه والله العالم كلها تسافر واحنا ما غير في هالبيت ومقابلين نياق مساعد!
مساعد: والله نياقي هم اللي ملو من مقابلكم00 لكم الشرف تقابلونهم0
مصلح: اممممممم الحين هالصراخ واللي يسمع ناط عليك حرامي عشان تبين طلعة،
انا آسف ما عندي وقت أضيعه لأجل رحلة.<<وقته من ذهب!.
رفيعه : والله براحتك مافي رحلة انا بعد ماراح أدور لك عروس00
<<مصلح من سمع طاري العروس رفع كفه اليمين اللي يبان عليها التعب والشقا والمكافحه من اجل حياة أفضل!!، ومسح على شيباته البراقه00
وقال: احم احم 00 حصل خير قولو وين تبون وانا حاضر
ريما: والله انا ودي الشاليهات الجو حلو وكل صاحباتي هناك00
محمد: شاليهات معناها بحر وسباحه
لا لا خلوها البر صيد وجو حلو وشبة نار0
مساعد : وانا بعد اقول نروح البر منها اغير جو ومن ارفه عن هالناقه !
فرفورة: ايه والله انا بعد اقول بر00
روح: لا اخر رحلة كانت بر ملينا ترى 00
رفيعه: والنهاية ناس بر وناس بحر ارسو لكم على بر00
مصلح: نسوي قرعه00
محد اعترض واجريت عمليه القرعه وكانت النتيجه اسبوع في لشاليهات000
قامت الاستعدادات وروح طبعا كتبت قائمه لهم اهم شي عندها الاكل00
وبعد عناء ذهب الجميع للنوم للاستيقاظ مبكرا!
صحت رفوع على صوت المنبه وقامت تصحي ابوها واخوانها وخواتها الجميع استعد واتجهو للشاليهات00
وصلت العائله الكريمة ومصلح اخذ له غرفه لحاله والبنات كلهم في غرفه ومساعد ومحمد في غرفه00
روح: بنات متى راح نتغدى تراني جوعانه00
ريما: خافي ربك لسا فطرنا وجينا والساعة للحين عشرة الصبح وطول الطريق ما وقفتي أكل وتبين غداء!
عز الله بتردين رشيقه!
روح: والله الجوع كافر وما يعرف متى اخر مرة أكلت انا بروح أكل عاد شعلي منكم 00
طلعن البنات وحطو لهم فرشه جنب البحر
طلع لهم مصلح بقامته الرشيقة وهو لابس هذاك الشورت الاحمر والتيشرت الابيض اللي عليه صورة نانسي عجرم والشوز سبورت احمر وفيه خطوط بيضاء والكاب الاحمر <<يعني كشخه رهيبة!!
رفيعه: ما شاء الله لا اله الا الله انت أبوي تصدق ما عرفتك ايه الجمال ده كلو<<قلبت مصري!
احمرت وجنتا مصلح خجلا وقال: من زمان انا وسيم 0
وتركهم وتوجه للبحر واستأجر له جي تي سكي وتفحيط على أصوله 0 واللي يشوفه ما يقول هذا عمره 70 عاما كأنه في ريعان شبابه0!
شافه مساعد ودخل دقايق الا وهو طالع غير ملابسه وتوجه اخذ له جي تي سكي بعد وراح يفحط مع ابوه والبنات تصفيق وتشجيع ومحمد يتفرج عليهم0
وبعدها أذن الظهر والكل اتجه لصلاة00
وبعد الصلاة البنات جهزن الفحم واللحم والأغراض ومصلح ومساعد ومحمد يشوون اللحم للغداء00
العصر بعد الغداء طلعو مرة ثانيه وجلسو يشربون الشاهي قال مصلح ابي اسوي رياضه بصراحه اخاف على لياقتي البدنية تتأثر00
مساعد: ولا يهمك يبا تأمر أمر كم صلح لح عندنا!!
مساعد: محمد 00
محمد: يا عونك00
مساعد: عانك ربك اقول روح جيب لنا فوت بول خل الوالد يمارس رياضته اليوميه ويحافظ على لياقته00
محمد: أتنكت من وين أجيب لك فوت بل الحين!
مساعد: ما يبي لها ذكاء، روح شوف لك بزران يلعبون وخذ حقتهم وجيبها 0
محمد : طيب لاجل الوالد بس00
راح محمد ودقايق الا هو والكورة معاه
مصلح هجوم ومساعد دفاع ومحمد حارس لزمهم حارس ثاني ومالقو انسب من فرفورة00
ولعبو والبنات الباقي تشجيع وانتهت المبارة بقوووووووول من مصلح00
مصلح: خلاص انا تعبت الأيام جايه نلعب انشأ الله00
بعد المغرب وتناول العشاء الوالد مصلح دخل غرفته ينام بعد يوم حافل بالنشاط والحيويه00
ومحمد بعد نام لأنه كان مواصل ومساعد في صراع فكري بين حبيبته ولبن لنياق والبنات في غرفتهم ضحك وسوالف واكل00
رفيعه: يا بنات حاسة نفسي بختنق حنا ما تعنينا وجينا لاجل نجلس داخل 0
ريما : معاك حق قومو يا بنات نكمل سهرة برا00
طلعن البنات بهدوء وروح وريما جهزن الاكل ورفيعه جهزت الشاهي والقهوة وفرفورة تساعدهم وجلسو استهبال وضحك وفله00
فرفورة: يا بنات مدام الحين ليل والناس نيام وأولهم الوالد والأخوان انا ابي افحط!!
روح: ايه والله وانا بعد
ريما: يالله وانا معاكم0
رفيعه: اقول اسكتن لا تشوفون شي ما شفتوه 00
فرفورة: عاد انا من متى سمعت كلامك0
يا بنات اللي تبي تجي معي حياها واللي ما تبي خلها جالسه00
روح: ايه بس كيف والمفتاح عند الوالد؟؟
فرفورة: افا عليك الحين دقايق وهو في يدي00تريونا!!
راحت فرفورة ودخلت غرفة ابوها بهدوء على غير العادة وهي تمشي على أطراف أصابعها وأخذت المفتاح من على الدرج وطلعت0
يالله يا بنات حياكم معنا00
قامن معها ريما وروح ورفيعه رفضت أنها تطلع معاهم
وطبعا فرفورة هي اللي تسوق وروح وريما تهاوشو كل تبي تجلس جنبها وفي الأخير ركبن البنات الثلاث جنب بعض 00
رفيعه قامت تمشي جنب البحر والتقت في بنتين يتمشون وعرفت انهم جود الحزن ونسمة ليل وراحت جلست معاهم ونست نفسها بالسوالف ونست خواتها00
وفرفورة شغلت لها أغنيه وفتحت الصوت كله وتفحيط على اصوله00
مساعد اللي كان في غرفته ولسا ما جاه نوم سمع صوت اغاني وتفحيط قال خل اطلع أتفرج واسلي نفسي شوي0
طلع مساعد وجلس يناظر قال هذي سيارة الوالد غريبة انا متأكد ما طلعت من غرفته الا لما تأكدت انه نام وتطمنت عليه0
طلع جواله من جيبه ومالقى في رصيده الا ريالين قال يالله فدوة للوالد اهم شي ينزل عيال الناس اللي معاه ويجي قبل لا يفضحنا وبكرة اخليه يشحنها لي بثلاث مية!!
دق مساعد رقم مصلح ورد عليه مصلح بصوت باين عليه النوم وقال الوو00
مساعد: يبا تكفى وقف تفحيط ونزل عيال خلق الله قبل لا يصير فيهم شي وأعقل لا تخلي الناس تتكلم عليك!
مصلح وعلامات الاستفهام تدور فوق رأسه : اقول الظاهر انك اليوم ما شربت حليب نياق وبديت تخرف!
أي تفحيط وأي عيال ناس انا في سريري نايم في سابع نومه 0
مساعد يبا تكفى تراني صاحي وأتكلم جد وقف السيارة وانزل00
مصلح أي سيارة السيارة برا موقفه واقول لك انا نايم 0
مساعد قل والله! اجل سيارتك انسرقت00
مصلح: شنو شلون انسرقت ؟
مساعد تعال اطلع شوف ثلاث شباب راكبين فيها ويفحطون انا حسبالي انت مركب معاك اثنين وتوريهم مواهبك!
مصلح سكر الخط بوجه مساعد وطلع يركض بالبجامة
افا ايه والله هذي سيارتي لسبورت منين خذو المفتاح؟
مساعد :مدري انا سمعت الصوت وقلت بطلع أتفرج لقيت السيارة!
مصلح: اخاف هذا محمد؟؟
مساعد: لا محمد نايم من المغرب ما طلع00
مصلح صار ينادي ويأشر لاكن البنات لا حياة لمن تنادي،معليين على صوت الأغاني ولا داريين بشي00
ومصلح ومساعد ينادون ولا احد ملتفت لهم0
رفيعه سمعت صوت ابوها وأخوها استأذنت من البنات ورجعت بسرعه خير يبا ومساعد عسى ما شر؟
ومحمد اللي سمع الفوضى وطلع لهم خير شفيكم؟
مساعد: ابد بس شباب سارقين سيارة الوالد ويفحطون فيها00
رفيعه : خافت وما عرفت شنو تقول !!
محمد: هذيلا شيوقفهم والله ماخذين راحتهم ولا داريين بشي مافي حل الا انكم تتصلون في الشرطه وهم يتفاهمون معاهم0000
رفيعه: لا الشرطه لاء بلاش فضايح!!
مساعد: ليش ؟ يعني ننتظر ليما يدعمون فيها بعمود والوالد للحين ما خلص من اقساطها؟
رفيعه : لاء قصدي انهم انهم
مصلح: منهم تعرفينهم؟
رفيعه: ايه
مصلح : بتتكلمين لا كف على خشتك
رفيعه : وبنبرة خوف هـ هـ هذيـ
مساعد: بتتكلمين عدل ولا 000
رفيعه: هذيلا خواتي فرفورة هي اللي تفحط واللي جمبها روح وريما وهم تلثمو بشماغاتكم لاجل محد يعرفهم0
مصلح: وانا اقول كيف وصلو للمفتاح ؟؟
اما البنات فهم عايشين الجو ولا داريين في اللي يحصل من وراهم وبينما هم كذلك اذا التفت ريما وشافت ابوها واخوانها ريما مدت يدها وطفت المسجله يا بنات شوفو أبوي مع اخواني فرفورة اللي ما عرفت شتسوي من الصدمة وقفت السيارة وهي خايفة!
ومساعد راح يركض وفتح باب السيارة ومسك فرفورة من خشتها ومحمد نزل ريما وروح!
ومصلح اخذ السيارة ورجعها محلها ودخلو
مصلح:بسرعة تاخذون أغراضكم وبوجهكم السيارة
مالكم جلسه بعد اللي صار
البنات وملامح الخجل على وجيهمولا وحدة تجراءت تتكلم اخذو جميع أغراضهم وردو بيتهم000
والرحلة اللي مفروض تستمر اسبوع انتهت في نفس اليوم00
ما يستفاد من الموضوع:
1\ يا بنات خذو العظة والعبرة يعني اذا طلعتو رحلة لا تسمعون كلام اللي مثل فرفورة وتفحطن0
2\ مصلح اذا الله طول بعمرك وقالت لك بنتك بتطلع رحلة لا تسمع كلامها00
3\ أتمنى ان محد يزعل مني ترى الدعوة كلها مزح00
4\ القفو التحيه<<<ما تقلد000

[,؛’ شُمُوُخً بَدَوُيَهً ’؛,]

يبا وقصم اني ما سويت شي

ريما وغلا هن اللي سرقن السياره>>>تبلت البنات

ومساعد راح يركض وفتح باب السيارة ومسك فرفورة من خشتها

آآآي آآآي اترك خشتي يالدب

ههههههههههههههههههههه

رفوع وقسم بالله ميته ضحك ترا ارد على موضوعتس من المقبره>>>خخخخخخخ

ابداع وربي ابداع

يسلموو على الفرفشه قلبوووو

القفي التحيه>>>عن السرقه

طلعتي منتي بهينه

[روح الغـلا]

اسجل حظووووووووور

[! الزين يفرض نفسه !]

ليه وانا بعد لازم احجز ههههههههههه



رفيعه

القفي التحيه لحين عودتي

<< ابوكم عزالله رحتو فيها

[!. لحن المشاعر .!]

رفيعة مرة صدقنا إنك ماخرجتي تفحطي معاهم <<< أجول أسكتي بس لا تتصفخي كمان شوية


تسلمي على الفرفشة و الصرقعة