السلام عليكم ورحمة الله وبركاته
وشلونكم قراء منتدى غرام الاعزاء
هاذي ثاني مشاركه لي معكم بعد قصة
انا وزوجي
حب تحت الرماداتمنى انها تعجبكم
الجزء الاول
بعد ما خلصت مكحله عيونها ناضرت نفسها بالمرايه
احلى شي فيها عيونها رسمتها حلوه ورمشها كثيفه ومكحله نضرتها فيها براءه
وجاذبيه لبست طرحتها ونقابها وبعدين لبست عبايتها الي على الراس
بس مخصره ربطتها على جنب بشكل بين طولها ورشاقتها
حطت شنطتها على كتفها وناضرت ساعتها وهي خايفه يجي فارس قبل
ما تطلع وبعدين مستحيل يخليها تطلع بهالشكل زفرت بقهر مادري ليش
يتدخل بحياتي نزلت الدرج بسرعه وشافت زوجة عمها جالسه في الصاله
جت عندها وقالت : يمه تبين شي انا طالعه
نا ضرتها ام فارس وهي تبتسم سلامتك حبيبتي بس انتبهي على نفسك
ردت عليها وهي تطلع انشالله
طلعت من باب الصاله وهي جايه بتطلع لباب الحوش شافت فارس جاي
بيدخل حاولت تتجاهل وجوده وتطلع بس وقف قدامها وهو ساد عليها الباب
بهيبته وطوله لفارع
ناضر بنقابها الواسع وعيونها المكحله
ونزل بنضراته على عبايتها المخصره على جسمها
رفع نضراته لها وقال بستهزاء على وين انشا لله رايحه بها الشكل
حاولت تبلع ريقها بصعوبه وهي تنزل عيونها عشان ما تلتقي بعيونه
وتفضح خوفها وقالت بروح السوق مع زميلتي
قال بتحدي وانا قايلك ماتروحين مع زميلاتك وخصوصاً وانتي بهالشكل
ليش ما تسمعين الكلام
ردت عليه وهي تحس بقهرها من تحكمه في تصرفتها غطى على خوفها
ومن قال اني بسمع كلامك انا حره اسو الي ابي ولو سمحت ابعد عن طريقي
تأخرت بطلع
قرب لها ومسك ايدينها وضغط عليها بقوه وهو يحس بغضبه يزيد
وقال بنبرة تهديد : رنيم اقصري الشر وارجعي احسلك لا تخليني اتصرف
معك تصرف ما يعجبك
تجمعت الدموع بعيونها وهي تحس بأصابعه تضغط على ايدها بقوه المتها
بذيك الحضه حست باليتم والوحده والقهر
قالت بصوت مخنوق اترك ايديني يالزفت
تفاجاء لما شاف عيونها تلمع بالدموع حس بطوفان من الحنان والمشاعر المتضاربه
بصدره ترك ايدينها وقال بصوت منخفض
اسف رنيم بس انتي بعنادك تجبريني على كذا
ناضرته بحقد وكره وختفت من قدامه من غير ما ترد عليه ولا كلمه
تنهد بضيق ودخل وراها
استغربت ام فارس وهي تشوف رنيم رايحه ترقى الدرج بسرعه وشكلها
معصبه التفتت وشافت فارس داخل وراها
ام فارس : وشفيها رنيم رجعت توها طالعه بتروح السوق
جا فارس وحب راس امه وجلس على الكنب بتعب وهو يرمي شماغه وعقاله
وسند راسه وهو يغمض عيونه عارف ان امه لازم تحقق معه
لانها تدري انه هو السبب بزعل رنيم وهي غاليه عليها
فتح عيونه بكسل وقال يمه انتي تعرفين رنيم دلوعه وتزعل من أي شي
حتى لو كانت مخطيه بتصرفاتها
ام فارس : يعني انت منعتها تروح مع زميلتها ليش تتحكم بتصرفاتها
وانت مالك أي حق انك تمنعها وأبوك سامح لها تروح للي تبي
فارس: يمه ابوي هو الي بيخربها بتدليعه لها مخليها على كيفها
تروح وتجي من دون ما حد يحاسبها
ام فارس : بس انت تدري انها يتيمه وابوك مايبها تحس انها ناقصها
شي وهويحبها ويحس انها بنته الي ماجابها
وانت عارف وشلون عانا من خوالها لين سمحوله يخليها تعيش عنده
قام فارس وراح لغرفته وهو يقول يمه حتى لو كان الكلام الي تقولين
صحيح انا لايمكن اشوفها تضيع واتركها على كيفها
هزت ام فارس راسها بيأس وهي عارفه انه اذا اقتنع بشي
لايمكن يتنازل عن رايه
"""
ابوفارس اكبر اخوانه ما عنده الا فارس اولده الكبير
عمره 28 وهو معتمد عليه ومخليه يدير شركاته كلها بفروعها المنتشره
بجميع مناطق المملكه فارس بعد ما تخرج من الجامعه اخذ الماجستير
في التجاره وادارة الاعمال وزياده على دراسته كان يمتلك ذهن حاد
وذكاء وطاقه للعمل ومن اول ما مسك ادارة الشركات لاحض ابوه
ارتفاع ارباحها وزيادة صفقات ونشاطات شركاته
علشان كذا ارتاح وهو يشوف حلاله الي تعب عليه بأيد امينه
رنيم بنت اخوه عمرها 19 توفيت امها وابوها قبل 14سنه بحادث سياره
وكانت رنيم عمرها خمس سنوات
كانو حاطينها عند اهل امها ومسافرين الاردن عشان ام رنيم تتعالج
لانها تأخرت ما حملت بعد ما راحت كم مستشفى بدون فايده
وهم راجعين كانو مستانسين لان ام رنيم اول مره تستجيب للعلاج ويصير عندها
امل انها تحمل مره ثانيه وتجيب طفل يكون اخو لرنيم
ويملا عليهم البيت سعاده
بس فرحتهم ما كتملت وحصل عليهم الحادث وتوفو بطريق رجعتهم
اقعدت رنيم شهرين عند خوالها بعدين راح ابو فارس واخذها تعيش عنده
بس هم ما رضو يخلونه ياخذها بسهوله الا بعد المحاكم والواسطات
لكن هو كان مصمم ياخذ بنت اخوه لانه اولى فيها
"""""
في فله متواضعه قريبه من قصر ابوفارس
كانت ام احمد وبناتها جالسين في الصاله يتقهوون ويتفرجون على التلفزيون
زفرت ساره بملل وهي تمدد رجلينها وتسند ضهرها على اسفل الكنب
ياربي وش اسوي بهالملل ودي اسافر اروح أي مكان زهقت احس اني بنفجر
ود اسوي أي شي بدل هالكسل
ناضرتها امل وقالت طيب من قلك تخلصين ثانوي وتجلسين بالبيت
لو كملتي كان قضيتي وقتك بشي يفيدك
ساره : انتي عارفه معدلي لا يمكن يدخلني أي قسم محترم
تحسبيني مثلك يا الدحيحه تنجحين بالتسعينات وفوق
ضربتها امل وهي تقول اذكري الله لا تصكيني بعين تراى ما نجحت الا
بتعبي وسهري
ساره: طيب يا الذكيه دوريلي حل غير الدراسه
سوت امل نفسها تفكر بعدين ابتسمت بمكر ولتفتت على ساره وقالت
لقيتلك حل ليش ما تتزوجين طلال ولد عمتي نوره الي متيم بهواك
ويتمنى توافقين عليه اليوم قبل باكر
ناضرتها ساره بقهر وقالت مالت عليك انتي وولد عمتك
ما لقيتي غيره عاد لو اعنس ما تزوجه يحلم بس اني بوافق عليه
سمعو صوت الباب يفتح وبعد شوي دخل احمد وسلم وحب راس امه
وجلس جنبها
احمد : وشلونك يالغاليه بشريني عنك
ابتسمت ام احمد وقالت بخير عساك بخير الله يخليك لي ويحفضك من كل مكروه
احمد : آمين ويخليكلي بعد
كانو البنات ساكتين اول ما دخل احمد
التفت عليهم وقال اخباركم بنات
ردت ساره والله وش اقولك اخبارنا ما تسر نبيلنا سفره تمشيه
أي شي المهم نطلع نغير
ابتسم احمد على شكلها وهي تتكلم بحماس عشان يقتنع
طيب يا بنت حمد ما طلبتي تجهزو اوديكم نتمشى وبعدين اعزمكم على مطعم يحبه
قلبك نقزت ساره بحماس وهي تقول تسلملي يا احلى اخو بالدنيا
وراحت تتجهز وهم يضحكون على هبالها
"""
ابو احمد اخو ابو فارس الثاني متوفي من ثلاث سنوات
احمد ولده الكبير عمره 25
وبعده امل عمرها 22اخر سنه لها بالجامعه
وبعدها ساره عمرها 19 خلصت ثانوي وجلست بالبيت
احمد بعد وفاة ابوه حاول يعوض امه بحبه وحنانه
لانه بطبعه حنون وما يحب يشوفهم متضايقين اويبون شي وما يسويه لهم
يشتغل مع فارس سكرتيره الخاص وايده اليمين
"""""""""""
""""""""""""""""""""
بعد الجزء الاول الي اعتبره تعريف بالقصه في شخصيات اسا سيه
في القصه بتعرفونها في الاجزاء الجايه
انتضررايكم فيه بكل شوق
حب تحت الرماد 
العرض العادي
