بطاقة شخصية سبب طلاق ؟

[بنت عساف]

المشاركة الأصلية كتبت بواسطة منسدح بالصاله ما أدري عن الدوله اللي تتكلمي عنها وليه المرأه ما يكفيها كرت العائله وكرت العائله يكفي عن كل شي ليش المرأه تبغى تخرج عن سلطة الرجل بطريقه ذكيه وفيها خبث يعني طلب المرأه لزوجها هذا الطلب كان طلب ( غبي إلى أبعد درجه ) ويمكن تستاهل الطلاق لأنها حسست زوجها بأنها تبغى تنفصل عنه وتصير لها حياتها الشخصيه الرجل حس بأن زوجته كأنها تسحب منه سلطته وقوامته ومعه حق أنا بأجي يوم من الأيام ولي أمر ما بأترك بنتي تاخذ بطاقه شخصيه لأني أحس بأنها خرجت عن سيطرتي خرجت عن رقابتي يعني نفسيا أحس بأنها أبتعدت عني وسلمتها حريتها وما بأطلعها من كرت العائله حقي إلا لكرت العائله حق زوجها وفي هذا الوقت خلاص أرتاح البنت تقدر تستغني بكرت العائله ومو مطلوب منها بطاقه شخصيه لأنهم يقدرون هذا الشئ وما أحد بيلومها إلا بينقدون عليها تصرفها وينظرون لأهلها اللي سمحوا لها بأنهم متساهلين معها وفي السعوديه غير مسموح على ما أظن بطاقه شخصيه للبنت وبغوا يسوون لكن العلماء ناقشوهم في هذي المسأله وما أدري وش اللي صار الولد حاله ثانيه وبعيده وغير عن البنت صعبه يشيل كرت العائله اللي فيه اسم امه وأخواته ويوري العالم الولد القطاعات تتطلب بطاقه شخصيه وتخيل رجل عمره 25 وباقي في كرت العائله الرجل غير عن البنت لانه هو اللي يأسس الأسره والبيت أحسن نلبس عبايه عشان نصير متعادلين مع النساء هلا بالمنسدح.. طيب اقعد عشان نتفاهم.. شووف يالطيب انا سعودية ونجديه بعد.. تصدق اخوي .. احس مخكـ مجمد مرة ..ليش.. اولا البنت تطلع البطاقه لكن لاتنزل من كرت العائله.,,. يعني اثبات هويه ولما تنزل من كرت ابوها تروح لكرت المقرود رجلها.. شوف يالغالي.. عندنا بالجامعه مثلا .. شلون اثبت اني انا فلانه بنت فلان.. لازم يكون معي اثبات فيه صورتي مثلكم ومو بس بالجامعه بالبنك كمان .. وربي اتعب لما اروح له .. يجلسون يمطون اخواني وابوي عشان اطلع صرافه .. وغيروا وغيروا .. اخوي منسدح...<<<اجلس مرة ثانيه ما خلصت كلامي .. الله يا ربي يهديكـ ويشيل من راسكـ التفرقه العنصريه.... عالعموم الخلاف لا يفسد للود قضيه .. اكيد منسدح منورنا .. لاتقاطع ننتظر رجعتكـ : عسافيه

[بنت عساف]

المشاركة الأصلية كتبت بواسطة حاكم الظلام بسم الله الرحمن الرحيم بطاقه شخصيه ؟؟؟؟؟؟ ليه لا ومنها مره وحده تطلع رخصه بعد (( بس ماتقود السياره )) ..... عشان نكون مثل بعض , في الممتلكات الحكوميه المفروض نستغرب من الي طلبت تطلع بطاقه مو نستغرب من الي طلق , بما انها طلبت تخرج بطاقه خلاص هي تخرج من يد الرجل يعني بتصير على كيفها (( الدعوه سايبه )) بعدين اي حريه الي نتكلم عنها !!! نضيع بناتنا وبنات المسلمين ونقول حريه ؟؟؟ بصراحه انا ما ادري هل هو صحيح ولا لا يطلعون بطاقات لكن في يوم من الايام جا لي زميل موظف في امن الطرق , قال لي اليوم جونا بنات بس تصدق بالله ان معهم بطاقات شخصيه لا بعد مستانسه فيه رزتها بوجهي وانا ماطلبتها ... قلت انا غريبه والله ... تتوقعون هو ايش قال ؟؟؟؟ والله قال عادي بنات مهملينهم اهلهم وصايعات !!!!!!!!!!!!!!! الحكمه من الكلام هذا شوفو كيف الناس تنظر لهم واغلب الناس والله . وبعدين اننا احنا نلبس عباة زيهم لا صعبه شوي الاسهل انهم هم مايلبسون عباة . وهذه وجهة نظري الخاصه في هذا الموضوع والعامه لما يتوجب علينا ديننا واخلاقنا والغيره على بنات المسلمين . وشكراً يالله انك تحيَ المعصبين ... لو ادري انك بتشوش ما نزلت الموضوع اخوي حاكم رووق الله يهدي حالكـ اولا بالنسبه للموقف اللي صار معكـ لا ينطبق بأي شكل من الاشكال على كل بنات الحمايل صح انت معي .. والمرأة العاقله هي التي تدير امورها بوجود ولي امرها او بدون وجودهـ لان من عليه رقيب او حسيب هو من يعيش ويمارس الخطأ باي صورة من الصور.. الى الحين حلوين <<<امشي معك خطوات اقناع قالك بغسل مخكـ شوف يالغالي.. حنا الدوله الوحيدة المتمسكة بشرع الله .. والحمدلله عيالنا وبناتنا فيهم الخير والله لنا سنه او اكثر نشوف صحوة بين الشباب في مجتمعنا ولله الحمد يعني بدا يصير عند شبابنا ثقافه دينيه حتى لو تلقاهم يخطون .. نجدهم هم انفسهم ينكرون خطأهم .. يعني بأذن الله بناتنا لما يأخذونها هالبطاقه ما راح يستخدمونها مثل صاحبتنا اللي قلت عنها.. وياليت ياليت تحاول تشيل من راسك فكرة الفرق بين البنت والولد لان الكل سوى الا بما شرع الله.. " اخوي حاكم الضلام كما قلت واعيد واكرر الخلاف لا يفسد للود قضيه.. اكيد طلتك هنا اثرتنا ونورت صفحتنا ننتظر عودتكـ : عسافيه ..

[بنت عساف]

المشاركة الأصلية كتبت بواسطة الأمير دحوووم

والله أنت اللي مدري وين عايش.. ياخوي حنا بدولة مسلمة ومحافظة!!
بعدين البنت اللي تطلع بطاقة ماتخرج عن كرت العائلة..

وبقولك عن شي وبصراحة

فيه عيال وبنات بكرت العائلة وماعندهم بطاقات.. وأكبر هاملين وضايعيين!!
المسألة ياعزيزي مسألة تربية وأخلاق.. ولا البطاقات هذي ورق في ورق!!

واللي طلق هذا إنسان ماعنده ثقة بنفسه أولاً.. وفي زوجته ثانياً!!


وبالأخير أنا مدري كيف ربطت البطاقة بالتحرر والإنحلال.. يعني وش بتسوي بالبطاقة؟!! بتروح تطلع مع شباب وإذا مسكوها الهيئة بتقول معي بطاقة

&&&&&&&&&&&&&&&&&&&&&&&&

بنت عساف.. أتمنى لك حياة سعيدة ولا تحرمينا من هيك مواضيع

"

اخي دحومـ

فكر نيــر الله يوفقكـ على قد نيتكـ البيضاء..

ماشاء الله اسلوبكـ يتميز بالحكمة ..

اتمنى تواجدكـ دائما..

دمت بخير

:

تحيتي

[بنت عساف]

المشاركة الأصلية كتبت بواسطة تحياتي لمن دمر حياتي؟؟؟

السلام عليكم انا من وجهة نضري فيه كذا سبب وفيه سبب انا معهم فيه؟
1_ لانهم يفكرون انواذا طلعت المرأه بطاقه شخصيه راح تفتح الابواب لشي ثاني وراح اقولكم ايش!
السياره السفر بدون محرم الاستأجار بدون محرم وهذي انا معهم فيها واتوقع الكثير معي في النقطه هذي.
2-النقطه الي انا ضدهم فيها انها راح تاخذ استقلاليتها وماراح تحتاجلهم وهذي اكبر تفكير غلط.
وهذا رائي الشخصي وشكرا للطرح الرائع.

اهلا بك هنا

اولا :

بناتنا بنات حمايل وفيهم الخير وبأذن الله لن تسول لهم انفسهم فعل شئ مشين

يسئ لانفسهم او لسمعة اهلهم ..

وثانيا :

كل نفس بما كسبت رهينه

لماذا نحاسب مجتمع فيه 18 مليون بجرم واحد

او بسبب شخص واحد..

اتمني لك التوفيق

شكرا لمروركـ

:

تحيتي

[حاكم الظلام]

المشاركة الأصلية كتبت بواسطة بنت عساف

هلا بك اختي والله وهذا انا اعود من جديد
لكن اتمنى قبل كل شي انك لا تتبعين القاعده التي تقول
(( ان لم تكن معي فأنت ضدي ))

ليه سميتيه تعصب ؟؟ ممكن يكون غيره عليكم وممكن يكون خوف كذلك شره اكثر من خيره.

واكيد الي حصل ماينطبق على الكل لكن هو جزء من الكل , وحنا اذا بغينا نصلح نصلح لجميع الفتيات , ليس من المنطق اننا نفعل السبب في الخراب ونقول الي يبيه بيقدر يحصله؟؟؟؟
اختي الغاليه اذا الفتاة استخرجت البطاقه هل تعلمين ماهيا الفرص التي تنفتح امامها؟
مايحتاج ان الهيئه تمسكها مع من تريد في السيارة لأنها سوف تأخذ لها غرفه ببطاقتها في فندق وتدعوه بعيداً عن الهيئه وغيرها ....
(( يعني البطاقه سبب اساسي ))
والكثير الكثير .....

على فكره انا وكل الشباب مو خاسرين شي اذا ايدنا الفكره , انتم الي بتخسرون والله والكل عارف ...

وفي النهايه تحياتي وتقدير لك وللجميع
وسعدت بالحوار معك .

الخلاف لا يفسد للود قضيه..

وشكراً