هل تتزوجين من شخص راتبه 2000 ريال .؟

[منسدح بالصاله]

هههههههههه

باقي البنت تفكر في الراتب ( كثر الله خير من تزوجكم )


نعود للموضوع

أنا ما بأنصح البنت بأن تتزوج ولا لا والسبب اللي كتبته في السطر الثاني بين قوسين

لكن بأنصح الشاب بأنه يترك عنه سالفة الزواج ويرتاح

يعني يريح نفسه وش له ووجع الراس

يعني بعض النسوان تقول ( وش يأكلني وش يشربني وش يعيشني )

كلمات تدل على الأنانيه وعلى أنها متخلفه وعلى أنها مو راعيه وراعية مسؤوليه

وهذولا والله ما ينجحون في الزواج ومصيرها تنفرش في الأرض وتنطرد لبيت أهلها

صح من حق الزوجه إنها تستمتع لكن بقدر وعليها إنها تقدر الظروف وتساعده وتشاركه

همومه وحياته وعسى الله يفرجها عنهم

لكن لا زلت أؤكد بأن بنات اليوم ما همها إلا ( فلانه وعلانه ولبسي ولبسها )

يعني ما بتقدر ظروف زوجها ولا تساعده ولا تعطيه وجه أصلا

فأنصح اللي راتبه كذا يتبحبح ويمتع نفسه ولا ينسى يتصدق

ويسحب على الزواج اللي كله مسؤوليه وفوق طاقة هذا اللي راتبه

2000 اللي ما بيحصل غير المشاكل والهموم والغموم وكيف يسدد الديون اللي باقي

من زواج الأخت الفاضله اللي همها فستانها وشرعتها وأجار الشقه ومقاضي البيت

ولوازم العيال وفي الأخير طلاق ومشاكل وزوجه ما ترحم

خل رفيقك العزوبيه والدنيا فانيه والزواج مو كل شي في هذي الدنيا

وإذا حدتك الدنيا مره ( فلا بأس بالمسيار هع هع ) تسير بس وتطلع هههههه



وإفتك من وجع الراس وهم وغم وعيال وأهل الزوجه وقلفهم هم وزياراتهم

ولبس وأسواق .... الخ

ويقولون كثرة الجلطه والموت في الرجال

طبعا كلامي للي راتبه ألفين وحولها

مدري في هذا الوقت صرت أنظر بشفقه لكل المتزوجين وأحمد ربي على العزوبيه

[أمل الرياض]

اكيد مارح اوافق
وهذا مو نقص او عيب فيه لاسمح الله


ولكن لو نتكلم بالعقل رح نشوووف ان
2000 ريال ماتجيب شي ... لان ظروف الحياة صارت صعبه
وغلاء الاسعار ... الكل عارفها ... والحياة تتطلب الكثيير والكثيير


فايش الفايده لما ارتبط بشخص بهالمرتب ونعيش حياتنا كلها بمشاكل
و المشكله الاكبر لما يكون في اطفال بالمستقبل .... رح تكثر طلباتهم
ورح تصعب الحياة اكثر واكثر




/



\




يسلموو ع الموضووع

[رفيعه الشان]

اممممممممممممممم

الموضوع مثير للنقاش

ومن وجهة نظري

عادي

و2000 يعني مردها تزيد

ما راح يبقى على حاله

اهم شي عندي انه يخاف ربه

ومواظب على صلاته

لان اللي ما يخاف ربه ينخاف منه

والمال عمره ماكان مقياس سعادة او العكس

اهم شي الانسان يأكل ويعيش مستور واني ما امد يدي لآحد

والله ما ينسى عباده

اما مصاريف مالها داعي وسفر و...... يعني مثل مو متعودين عند اهلنا

فأتوقع مو ضروريه لاجل احدد مستقبلي عليها

وإذا على الاولاد انهم يكونون مثل غيرهم وعيال عمهم وخالاتهم

فكل طفل ينولد يكون معاه رزقه من ربه

واللي خلقه عمره ما ينساه

وهذا اللي ربه كاتبه له

اتمنى اني ما ازعجت احد بوجهة نظري

دمتمـ 00 بحب000

وتسلمين اختي عالموضوع

بنتظآر جديدك!

[أملان]

اتزوجه لو راتبه 1000
البنت الذكيه تعرف كيف تدبر حياتها وكيف تعيش مع شخص راتبه قليل
انا ابي حبه وحنانه ابيه يحميني ابيه يكون سند لي مابي فلوسه
وكثير الي تزوجو براتب قليل وحياتهم سعيده
والبعض فيهم بركه بمجرد انه تزوجها ارتفع راتبه وجاه منصب

تحياتي لك

[mohjum]

بسم الله الرحمن الرحيم
شنتال اشكرك كل الشكر على هذا الموضوع وهذي اول مشاركه لي ولكن دائما احب اقرى ولكن شدني الردود من بعض الاخوات وعندي بعض التعليق البسيط

1- هل كان همكي الزوج او المال اذا كان الزوج يبقى معك طول العمر باسلوك وحكمة عقلك ولكن المال سوف يذهب كم تذهب الرياح.

2- يا بنات انتم الان ترون عدم تواجد وظائف لشباب بروتب متطبلتكم مثل اريد اسافر الي البلد الثاني وغيره ولم ياتي الشخص بعذر عدم اكتفاء الراتب دبر نفسك تسلف استدين ولم ياخذ الرجل قرض او غيره ولا يستطيع السداد فا مكانه السجن ويكون السبب الزوجه المحترمه وبعده تطلب الطلاق هذا رجل مسجون والسبب طلباتك التي لا تنتهي.

3- اجل على جميع البنات عدم رفض اي شخص مسن لم ياتي لخطبته فا يكون الرجل المسن صاحب مال ويقوم بتوفير جميع طلباتك بدون اي رفض افضل من تجلسو عوااانس طول الحياة وتلوم الشباب انهم تزوجو من الخارج .

اذا كان رفضك اختي المسلمه العاقله لزوج ذات دين وخلق فا مع احترامي لك ضربتم احاديث الرسول صلى الله عليه وسلم عندم قال اقبلو من ترضون دينه وخلقه

واتوقع انا معظم البنات كفت ووفات

وتحياتي لكم