 رد : قصة روحي تناديك رومانسية ( سعودية )
. ....::: الجــــــــــــــــــــــــزء الخامس :::.....
رجعت أم فهد إلى بنتها بعد ما فسخت عباتها وغيرت ملابسها
أم فهد : مها ........
مها : يمه خليني أنام .. من الصباح قاعدة
أم فهد : بس شوي
قعدت مها عالسرير وحطت يدها على خدها : هاااا يمه وش تبين
أم فهد : متى أخوكِ راح للمستشفى ...؟
مها : اللحين مقعدتني من عز نومي علشان هالسؤال ... من شوي مكلمته كان سألتيه << ماتدري أنه فيصل اللي رد عليها >>.....
أم فهد : ما كلمته ..
مها فتحت عيونها عالأخر : واللي دقيت عليه من شوي
أم فهد : شفتي أنك نايمه وماتدرين بالدنيا ... هذا فيصل
مها : ...............................
أم فهد : مها وبعدين يعني مارح تجاوبين
مها : ........ يعني اللي رد فيصل .............
أم فهد : ايـــــــه .....<< قامت بتطلع من الغرفة لأنها ما لقت جواب >>
مها وأخيراً جاوبت : المغرب ..
أم فهد : بس طولوا بالمستشفى ..
مها : على ما يوصلون للمستشفى والزحمة و التسجيل ...
أم فهد : اخذوا لهم أكثر من ساعتين
مها : عادي ........ وبعدين زين كذا يا يمه روحتي عليّ النوم .. الحين شلون أنام ..
أم فهد : بعد شلون بتنامين .. حطي راسك عالمخده ونامي ..
قامت مها من السرير وراحت للحمام .. تغسل وجها ..
أم فهد : البنات يسلمون عليك
مها : الله يسلمهم .... كلهم راحوا لبيت خالتي أم عبد الرحمن
أم فهد : ايه والكل سأل عنك ..
مها وأهي طالعة من الحمام : سألت عنهم العافية
أم فهد : أخوكِ أكل شيء لمن قعد ..
مها : لأ .. قال إذا حس بالجوع بيقول لولد عمي يوديه مطعم
أم فهد : ياكل من برا ....
مها تسرح شعرها : ..........................
أم فهد : مها ....
مها : يمه وش فيك .. وش هالأسئلة راسي صدع حــــــــرام عليك .... النوم ما ضقته ..
أم فهد : ما جا أبوكِ ؟؟
مها حطت ايدينها على راسها : يمـــــــه وش فيك اليوم ؟؟؟؟؟
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
(( بالسيـــارة ..............
خالد : ممكن تمر على مطعم ما كلت شيء من قعدتي
فيصل : حاضر ... صب لي شاي ..
خالد : ما خلصت هالثلاجة
فيصل : باقي شوي ... هههههههههه
خالد : تفضل ...... << عطاه استكانت الشاي
فيصل : مشكـــــــــور
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
نزلت مها وحملت معاها مجلة تتسلى فيها .. الى الصالة قعدت على الكنبة وبدت تتصفح .. سمعت صوت أبوها
أبو فهد : السلام عليكم
مها : هلا يبه وعليكم السلام
أبو فهد : ليش قاعده بروحك يا بنيتي
مها : ليش من اللي في هالبيت بيقعد معاي
أبو فهد : أمك ما جات ؟؟
مها : إلا بس قاعده بغرفتها وخالد ..................<< سكتت
أبتسم أبوفهد : عارف انه بالمستشفى .. كلمني وهو جاي الحين
دخلت عليهم أم فهد : الله يعطيك العافية يا أبو فهد
ألتفت لها أبو فهد : الله يعافيك .. من اللي جابك البيت ؟
أم فهد : عبد الرحمن .. انا ما كنت بجي بس هو وده يشوف خالد وفهد .. قلت له فهد مسافر مع زوجته .. قال بيشوف خالد لأنه عرف انه تعبان
أبو فهد : وهو وش أخباره الحين
أم فهد : ما شاءالله عليه كبر وصار رجال .... << وهي اتطالع بــ( مها ) اللي كانت مشغولة بالمجلة ... >> ولا سمعت شيء من اللي أمها قالته <<
أبو فهد : كم صار له بالخارج ؟؟
أم فهد : 3 سنوات .. بس تغير عن قبل ..
(( دخل خالد ومعاه كيسين وثلاجة الشاي .....................
خالد : السلام عليكم
الكل : وعليكم السلام
قامت أم فهد لولدها بتطمئن عليه : ها يا وليدي بشر عسى ما فيك شيء ..
خالد : يا يمه والله ما فيني شئ .. ما تشوفيني .. حصان ..
أم فهد : وش صار معاك بالستشفى ؟
خالد : عطوني أبراتين وحبوب .. بس حسيت أني تحسنت شوي .. أحسن من قبل
أبو فهد : هدّي يا أم فهد ما فيه إلا كل خير
(( أنتبهت مها الى ثلاجة الشاي بيدينه وبلمت .........
أبو فهد : تعال أرتاح يا وليدي .. ما تشوف شر
خالد : الشر ما يجيك ......... " قعد على أقرب كنبه له وحط اللي بيدينه على الأرض .."
مها تأشر بيدها على ثلاجة الشاي : شتسوي معاك !!!!!!
خالد : ههههههههه تشم هوا أختنقت من جو البيت
مها : .......!!!!!........
خالد : ما صار معانا وقت نشرب شايك بالبيت .. فأقترح فيصل ان ناخذها معانا ونشرب الشاي في السيارة .. على طريقنا
مها : وشربتوا كله مثل ما قلت لك ...؟!!!!!!
خالد : امــــــــانه انا شربت أستكانتين .. بس فيصل ما قصر
...{ سرحت مها لثواني على كلام أخوها اللي ذكرها بــ فيصل ونظراته اللي مو لاقيه لها تفسير }...
ــــــــــــــــــــــــــــــــــــــــــــــــــ ــــــــــــــــــــــــــــــــــ
رجع فيصل البيت واستغرب لمن شاف الصالة فاضيه وبهالوقت ..!!..
راح ورمى نفسه على الكنبه .. قرب يده بيطلع جواله بس يده طاحت على شئ ثاني ................... تلمسه وسحبه .. ابتسم لمن عرف انه شريط اعتدل بقعدته وقعد يناظر الشريط
دخلت عليه ندى : السلام عليكم
ناظرها ورد السلام : وعليكم السلام
ندى وانظارها على الشريط اللي بيد فيصل : وش اللي بيدك ؟
فيصل باستهبال : جوال ............ يعني وش شايفه حضرتك شريط
قربت ندى شوي وقعدت تتأمل الشريط .. ما حس فيصل إلا وايدينه فاضيه
فيصل : وش فيك ؟؟؟
ندى : شريطي
فيصل : طيب ... وانا رح آكله علشان تاخذينه كذا من عندي ... وين الذوق
ندى بتصنع الأدب : آسفــــــــــــه
فيصل : ما علينا ... وين أمي أبوي أخواني ..؟ .. ما اشوف حد منهم !!!......
ندى : اللي طالع واللي نايم واللي فاضي ما عنده شئ ..>> تقصد نفسها بأخر كلمه << ..
فيصل : من اللي فاضي ليكون انا !!!!!!؟
ندى تأشر على نفسها : لأ ... أقصد نفسي ......
فيصل : ههههههه ايه نسيت انك بإجازه .... إلا شخبار جبينك ؟
ندى : الحمدالله .. كل ماجاه الألم يروح
فيصل : يعني نقطع الأجازه
ندى أخترعت : لأ لأ لأ ... والله ان الجرح يألمني بس مو دايم .... وبعدين أنت نسيت شكله ...... يخــــــرع .........
(( ... تركت فيصل وراحت جنب الفيديو.....))
فيصل : وش تسوين ؟
ندى : بصراحة ما عندي شئ بكره .. فــرح أسهر تسهر معاي ؟
فيصل : لا مارح أسهر خلي السهر لــ لأصحابه
........... >> دخلت الشريط وشغلته << ............
فيصل : إلا ما قلتي لي شيسوي شريطك هنــــا >> وهو يأشر مكان ما لقاه <<
ندى ضحكت وكأنها تذكرت شئ : بليلة عزيمتنا أقترحت عليهم نشاهد فيلم هندي .. بس مها وشذى رفضوا لأنهم ما يحبون الأفلام الهندية ... وأخذوا الشريط مني
فيصل : مها بنت عمي أبو فهد ..!!..
ندى : ايه اللي ..............هههههههههههههههه ......
فيصل : كملي ليش الضحك ...؟؟؟؟...
ندى : هههههههههههه
فيصل : وش فيك ِ ..؟؟؟؟؟
ندى تبي تحرجه : تسوي نفسك ما تدري عن شئ
فيصل يحاول يتجاهل كلامها : ............ أدري عن وشو !!؟
ندى : اللي انهبلت فيها .. يوم شفتها ....
( فيصل فتح عيونه ... شلون اعرفت هاذي ليكون مها قالت لها عنــــــــي ) ...
ندى : وش فيك ساكت ؟
فيصل : لا بس قاعد أتذكر ..
ندى بابتسامه خبيثه : وهذا شي ينسي .... بس قول بصراحة وش رايك فيها .........
( فيصل سيطر على نفسه وابتسامته لا ينفضح .. وقام بيطلع لغرفته .. بس ندى أستوقفته << راحت ووقفت قدامه .........
فيصل : وش فيـــــــك ِ ....
ندى : ما رح تشاهد الفيلم معااااي
فيصل : لأ ...... ممكن توخرين عن طريقي ......
ندى : لاحق على النوم ما تشوف الساعة هاللحين عشر وربع
فيصل : خله وقت ثاني يا ندى .... بكره وراي شغل من الصباح ولا نسيتي ....
( نزلت أم محمد وشافتهم واقفين وباين على ندى انها تترجاه ...
أم محمد : وش صاير ..
فيصل : زين أنك جيتي يا يمه
ندى : يمه خليه يشاهد معاي الفيلم ...
أم محمد : وش فيك ِ ما بتتركين حركات البزارين .. أنت ِ كبيره على هالسوالف
( حقرها فيصل وصعد الدرج حتى انها كسرت خاطره بس هو تعبان ويبي يرتاح .. دخل لغرفته وفسخ الشماغ وحطه عالسرير .. فتح أول زرارين من ثوبه وقعد على طرف السرير .. حس بنوع من الشوق .. وده يكلمها .. يسمع صوتها .. يشوفها ... البنت دخلت بباله
رمى بنفسه عالسرير .. نصف ساعة من الذكريات ونـــــــــام
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
(( الصباح ............. في بيت أبو فهد .......
أم فهد : ما اشوف فهد يتصل بالبيت .. يدق عليك ..؟؟؟
أبو فهد : ايه يدق بين فترة وفترة .. بعدين خلي الرجال براحته نسيتي شغله وزوجته
أم فهد : بس انا أمـــــــه ....
أبو فهد : خلاص إذا تبي تكلمينه دقي عليه
( ....نزل خالد .. وبعده بدقايق نزلت مها .........
مها : صباح الخير
الكل : صباح النور
خالد : وش ذا النشاط ....
مها : أي نشاط ... الا قول رعب خوف
أبو فهد : ليش الخوف والرعب ...؟
مها : لا ابد بس اليوم عندي امتحان ......
خالد : الله يعينك .....
مها : وش فيه السايق تأخر ؟؟...
ما كملت كلمتها إلا وصوت الهرن واصلها .. فقامت ولمت أغراضها ..
خالد : شوي شوي لاتعفسين الطاولة علينا ..
( ..أكتفت مها بنظره وابتسامه خفيفه لأخوها وراحـــــــت .....
ــــــــــــــــــــــــــــــــــــــــــــــــــ ــــــــــــــــــــــــــــــــــــــ
في بيت أبو محمد الكل كان موجود عالطاولة عدا ندى لأنها كانت سهرانه البارح << اما فواز فكانت الحراره عندهH >>
طلع أبو محمد ومحمد للشغل .. وبقى على الطاولة ريم وفواز وفيصل وأم محمد ....
فواز : وين ندوووه
فيصل بنظره جانبيه : لهدرجة يهمك وجودها عالفطور
فواز سكت ولا علق على كلام فيصل له
ريم : يالله انا ماشيه
أم محمد : انتبهي لنفسك يا يمه ...
ريم : انشالله ......... << طلعت >>
فيصل : يا الأخ إذا نسيت ان عندك جامعة تراني بذكرك ....
فواز : ما نسيت بس باقي على محاضرتي ساعة
فيصل : أوكي .... يمه انا ماشي تامرين بشئ
أم محمد : ســـــلامتك يالغالي .. الله يحفظك
فيصل : يالله فمـــــــان الله
أم محمد : في أمــــــــــــان الكريم ..
ــــــــــــــــــــــــــــــــــــــــــــــــــ ـــــــــــــــــــــــــــــــــــ
(( ...... في الجامعـــــــــــــــــــة .....
مها والفرحة باينه بنبرة صوتها : هااااااااااي
شذى : هلا
مها : وش فيك ليكون ما قدمتي زين ؟؟
شذى : إلا قدمت زين بس فيه بعض الـــ .........
قطعت عليها مها : بيني وبينك حتى انا عندي بعض الأخطاء بس ليش اتعب نفسيتي ..!..
شذى : المفروض انا اللي اقول هالكلام
مها : ليش ؟؟
شذى : لأني ما ذاكرت زين ....
مها فتحت عينها عالأخر : ليكون بتقعدي معااااي اوجهك كذااا !!!!!!!!!
شذى : لا تخافين دقايق وارجع مثل ما كنت
رغد : صباح الخيـــــــــــر حبايب ..
مها وشذى : صباح النور
مها : انتي وينك ما نشوفك إلا مره بالأسبوع .. وين ايام قبل ؟؟ ولا نسيتينا خلالالاص ..
رغد : ما نسيتكم ويستحيل انساكم .. انتو مكانكم بالقلب
مها : تسلمين حبيبتي
رغد : وش فيها الأخت شايله هموم الدنيا على راسها ؟؟!
مها : ما عليكِ منها .. الحين ترجع مثل ما كنت واحسن بعد
ــــــــــــــــــــــــــــــــــــــــــــــــــ ــــــــــــــــــــــــــــــــــــ
(( في بيت ابوفهد
(... كانت ام فهد تكلم ولدها فهــــــد ...
ام فهد : الكل بخير يا وليدي ... انت شخبارك وشخبار زوجتك .. انشالله بخير
فهد : دام انتي بخير يا يمه حنا بخير
ام فهد : متى بترجعون .. صار لكم مدة طويلة بالأمارات يا وليدي ..
فهد : باكر انشالله بنكون عندكم
ام فهد والفرحة مو شايلتها : صدق يا وليدي
فهد : ايه صدق .. والله كان ودي اخليها مفاجئة يا يمه بس شسوي ... ما ابيك تحاتين اكثر ...
ام فهد : بشرك الله بالخير يا وليدي .. يوصل انشالله ... سلم على منال .... الله يسلمك ....<< سكرت من ولدها وراحت للمطبخ ....
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
(( .... نرجع للجامعــــــــــــــة ...
شذى للحين متأزمة نفسيتها ...
أمل : السلام عليكم
الكل : وعليكم السلام
أمل : رغودة هني ولا حد عطاني خبر ... اخبارك ؟
رغد : بخير الحمدالله
أمل : هااا بشروا وش سويتوا بالأختبار ؟؟؟
مها : انا عن نفسي .. الحمدالله .. بس اختك اللي مصدقه حالها اللي يشوفها يقول من العشر الأوائل ..
رغد وأمل : ههههههههههههههههههه
شذى : حرام عليك تحطميني .. انا صحيح مو من الأوائل بس مستواي متوسط ..
مها : الحين انا ما قلت شئ ويمكن أخطائي أكثر من أخطائك .. ما شوف سويت مثلك
شذى : انا جوعانه ريقي نشف ...
رغد : يالله من الشاطر اللي بيخوض المعركة
أمل : ههههههههه انا مالي خلق ادخل بوسط هالزحمة .. اخر مره تناجرت مع وحده زين مني ما صفعتها كف على وجها
مها : هههههههههههههههه انا اللي بخوض المعركة ..
ــــــــــــــــــــــــــــــــــــــــــــــــــ ــــــــــــــــــــــــــــــــ
(( ....... أنتهى دوام الجامعــــــــــــــة ....... ))
مها : الســــلام عيكم
ام فهد : وعليكم السلام .... هلا حبيبتي
مها : يمه وين ابوي ما جا ؟؟
ام فهد والفرحة مو شايلتها : للحين ما جا انتي روحي غيري ملابسك وتعالي ساعديني ...
مها : يمه وش فيكِ ...!!!... وش اللي صاير ومخليك فرحانه كل هالقد ..؟؟
ام فهد : أخوكِ فهد بكره بيرجع ..
مها والأبتسامه نرسمت على شفاتها : بكره !!!!!!!!!
ام فهد : ايـــــه ... اليوم الصباح كلمته وقال لي انهم بكره جايين انشالله ..
دخل عليهم خـــــالد : السلام عليكم
مها وام فهد : وعليكم الســــــــلام
مها : يالله يمه انا بروح اغير ملابسي وراجعت لك ..
خالد : وانا يا يمه بروح انام لا تحسبيني عالغذاااا
ام فهد : خالد يمه انت ناسي وش قالك الدكتور البارح ؟!!!
خالد : يمــــــه ابي ارتاح اشوي
ام فهد : ارتاح ما قلت لك شي ... بس يا وليدي انت تعبان ولازم تاكل زيـــــــن
خالد باستسلام : خلالالالاص علشان خاطرك بنزل اتغذااا معاكم ..... يالله بالأذن ..
ــــــــــــــــــــــــــــــــــــــــــــــــــ ــــــــــــــــــــــــــــــــ
(( في بيت ابو محمـــــــــد ...........
كانت ما زالت نايمه وتحس بتعب .. فتحت عينها ولقت خيوط الشمس الذهبية ملت غرفتهـــا .. رفعت يدها وطالعت الساعة ....(1وربع ).... قامت وهي تحس بخمول دخلت الحمام .. و طالعت وجها بالمرآة لكـــــــن الصـــــــدمة اثر الجرح زاد وتورم .. حطت يدها على فمها وابلعت ريقها .. حست بضيق وراحت تصلي .........
( ... تحت بالصاله ........
كان فيصل قاعد لوحده بالصاله ويطالع بجواله بعمـــــــق ... يطالع رقم ...... ومحتـــــــار .................
.................................................. .........................
........... يتبـــــــــــع ................
راح تعرفون صاحب الرقم بالجــــــــــزء القادم بإذن الله
 | 
العرض العادي
