لحظه حبيبي قبل يسبقني النوم

[روعـه]

إفتح شبابيك الهوى جيتك اليوم
بإحساس من زود الوله عده يطير
جيتك مثل طفلن له أيام محروم
عن حضن أمه أبعدته المقادير
وجيتك مثل عودن له أيام مهموم
وده يلاقي بأخر الوقت تقديــر
وجيتك حضن عاشق وهايم ومغروم
وده يضمك لين تصبح على خير
متى تحس إن الهوى شي مقسوم
من قسمة الخالق على خلقه يصير
ومتى تحس إني لك أطيح وأقوم
وأتعب على شانك وأقدرك وآغير
لي في هواك أحلام وأمال وعلوم
وأحزاب وأصحاب وقصيد وجماهير
وهموم وأفكار وهواجيس وحلوم
ودروب وأخطار وعذاب ومشاوير
وحب وغلا وإخلاص ومعاند ولوم
وإحساس وإلهام وشعور وتفاكير
وصحبة سهر ومقاطعة لذة النوم
وأشواق جياشه وعشق وتعابير
في ذمتك مابان لك شي مكتوم
من بعد ماصورت الأوضاع تصوير
لاتحسب إنك شي عابر ومعدوم
وتاريخ حبك فاق كل الأساطير
كني لقيتك ........وكني قريتك
في كل شي أتخيلك وأسمعك دوم
وأتأملك في الوقت الأول والآخير
من ماضي الأيام لايومك اليوم
وغلاك عندي ماحصل فيه تغيير
وأنا لك الله ماأقبل البيع والسوم
ولا أرضى علي ولاعليك المخاسير
لاْني الوحيد إللي على بحرك يعوم
وإللي عرف مرساه في رحلة السير
لحظه حبيبي قبل يسبقني النوم
بضم صدرك لين تصبح على خير


منقــــــــــــــــول لعيونكم
وأتمنى تعجبكم

[زهرة التوليب]

الله يعطيك العافية تسلمين

[سراب الصمت]

روعه
يعطيكِ العافيه
كلمات رائعه ومضمون جميل
ذووق بإختياراتك ونقلك ياقمر

<><>سراب الصمت<><>

[بقايا الدموع]

روعــــه ,,


يعافيكـ ربيـ على هالنقلـ الرائعـ ,,


وسلمتـ أناملكـ غاليتيـ ,,


دمتيـ كما تحبينـ ,,

[*مزون شمر*]

راائعه
يسلمووو عاالنقل