اقتباس:
المشاركة الأصلية كتبت بواسطة الرايقه212
حبك تبدل
قضيت منك ومن جفاك وتغليك
قلبٍ يبيك أبوقفه عند حده
ذليت نفسي في رجاك وترجيك
ضيعتني ما بين هاته وردّه
مليت من طرد السراب بصحاريك
خلاص قلبي ما بقى فيه شدّه
ما أدري وش اللي صار راحت مباديك
وين الحنان وين ذيك الموده
أول يفز القلب وان جاه طاريك
واليوم وش له في غرامٍ يهده
أقول ياذا الوجه ما أبيك ما أبيك
حبك تبدل مع بطا الوقت ضده
خلاص بعتك عقب ما نيب شاريك
وأيدي غسلته منك في بحر جده
قلبٍ لقى منك العناء وش يبي فيك
وشخص بحجمي ما أنتب اليوم قده .gif) .gif) |
اختي الغاليه
الرايقه 212
اول شي يامرحبا بك وبقصيدتك
والقصيده حلوه واعجبتني وبدون مجامله
بكل صراحه اقولها
بس عندي طلب صغير وياليت تلبينه لي
طبعــــــــآ من شروط قسمنا قسم همس القوافي
هو تحديد المصدر وتذييل القصيده بذلك!!
<< يعني اذا انها من ابداعك فتكتبين تحت النص كلمة
بقلمي واذا انها ليست من ابداعك فتكتبين تحت النص كلمة
منقول
والقصد من هذا هو حفظ حقوق النشر
فياليت تلبين لنا هالطلب ونكون شاكرين لك
عالعموم يعطيك العافيه
ولي عوده بأذن الله
تقبلي تحيات وتقدير
اخوووووووووك
أســــ الغمج ــــير