موضوع يهمكم كلكم ..

[الملقوفه]

بالفترة الأخيرة انتشرت ظاهرة بشكل فضيع بين البنات ولا يهون بعض الشباب

واللي هي ( plastic surgery ) أو عمليات التجميل ..


صارت ملامح البنات قريبة من بعض نفس رسمة الحواجب .. نفس الشفايف

وياكثر مانقول .. والله كانت أحلى .. بس لو اهتمت شوي بحالها وضحت جمالها

يعني الأغلبية عندهم قناعة إن خلق ربي حسن .. لكن يهملون نفسهم وبعد ملل من الوضع

تكون هالعمليات هي الحل السريع بدل اهتمام وعناية عشان نبرز هالجمال اللي انعم علينا فيه ربي سبحانه..


ماادري توافقوني الرأي ولا لأ .. لكن أحب أقول لكم إن مو هذا هو موضوعي اللي جايه أكلمكم فيه

<-- الله من دعوة ودعوة بتجيك على هالتسحيبة





:.
.


موضوعي وهاجسي بإختصار هو إنتم .. ( نسبة كبيرة منكم الا من رحم ربي )





وقبل ماأتكلم واسترسل بشي هذي كم نقطة بقولها :




1- أتكلم من قلب قلبي ولا أقصد أحد بعينه والله على ماأقول شهيد



2- فيه ناس بالقمة لا يجون يسوون لي زحمة ويقولون شايفة الكل غلطان


3- ماودي أكلم نفسي ودي اشوف حياة بالموضوع



4- صديقك من صدقك لا من صدقك ( ماجيت أعادي أحد أنا )






نقول بسم الله ..


شفتوا المقدمة اللي فوق !!



هذا تلميح للي جالس يصير عندنا يالغالين .. المنتديات صارت نسخة مكررة لبعضها نفس المواضيع تتنقل بينها



ردود تجيب الإحباط الواحد ماوده يكتب شي خوفه يشوف مسخ يسلموو ولا مشكور ..



أفكار محنطه إلى أجلٍ مسمى .. يندر الإبداع والتجديد .. حواجز وأسوار وأقفال بيننا بشكل مخيف



الزعل ببلاش وقسم التراحيب انقلب لقسم توديع .. كل من تهاوش مع عضو صك لك هالمعلقة وقال توصي شي انا بكرا مسافر !!



ليش كل هذا ؟؟ ووين المشكلة ؟؟ ووش اللي ينقصنا ؟؟ جاوبو على تساؤلاتي وربي منغبنه انا





يعني نشوف ( غرام ) اسم اشهر من نار على علم وترتيبه العالمي مو سهل وربي



عدد الأعضاء فيها تخلينا نأسس منهم مدينة ماشاءالله مو نأسس منتدى ..!



مختلف الجنسيات والأعمار واللي أغلبهم بمراحل عمرية نقول عن أدمغتهم فرش وجاهزة لأي تطوير مو شياب وعجايز ويالله حسن الخاتمة !!



سولفت مع أعضاء ومشرفين وإداريين ..



كثير منهم يردد قد ايش هو متضايق من الوضع السائد عندنا خصوصا التفاعل والردود

طيب .. نشوف محد عاجبه هالشي .. ليه نستمر فيه ؟؟

أعضاء يقولون ودنا نجدد أفكار بس محد يساعدنا أو يسمع لنا .. من قال ؟؟ من منعكم ؟؟




وقسم الشكاوي والاقتراحات حاطينه لأيش ؟؟



نعنبو بليسكم كل مقترحاتكم إضافة أقسام ولا شريط إهداء ولا طلب إشراف

وشكاويكم .. ليه مشاركاتي نقصت .. وليه موضوعي ( المكرر انحذف )



من جدكم ؟؟ انتم تشوفون إنكم عبارة عن أرقام ؟؟ شخصيتكم تصير قوية ولها هيبة إذا شفت نكك مع أكثر الأعضاء نشاط بدون فايدة ؟؟




يمكن أكون غلطانة .. فهموني وش القيمة اللي تشوفونها برصيد مثل هذا



ياكثر مانشوف نكات طاقة الخمس الآف مشاركة وتطير عيونا نروح نسئل يمكن نعرفه ومغير نكه .. نطل ع البروفايل



مانلاقي له الا كم موضوع ( منقول ) والباقي ( يسلموو .. شكرا .. 123 )






وقفة..


كل شخص فينا عنده ميول وهوايات بمجال معين ويبدع فيه .. بالمقابل نلاقي ناس ماتهتم بالشي هذا


مو عيب .. نقدر نخلي الناس تشوفه وااااااااااو بطريقتنا



إبتكروا أفكار مو ناقصكم عن اللي تنقلون منهم لا مخ ولا يد ..



تفردوا بمواضيع لها نكهة خاصة فيكم نعرف من برا هي لمين قبل نشوفها ..



خلو روحكم رياضية ونيتكم صافية قبل شي .. ممكن تطرح فكرتين ثلاث نعارضك فيها مو نجاسه بس نشرح لك الأسباب وياتقنعنا يانقنعك مو غلط



وممكن تجي بيوم تتردد تطرح فكرة تلاقينا كلنا معاك ومنشدين وننتظر تنجزها بأقرب وقت ..





برايفت


اللي بيقول يسلموو .. يطلع برا موضوعي



اللي بيقول لا تتعبين حالك ع الفاضي .. يطلع برا



اللي بيقول ترا راس ماله منتدى وطقطقة من ورا شاشة .. برضو اقضب الباب ولا اشوف ردك





وبالنهاية ماأقدر أنكر حقيقة إني أحبكم ومتفائلة فيكم كثير ..














ترااااا موووو ليي لاكن عجبني اسلوبها فنقلته فقط وهي الصادقه

تحيااتي الملقوفه

[لمسة حنان sweet girls]

الملقوفه

موضوع جوناان

تناقشين فيه أهم شي يصير بالمنتديات مواضيع مكررة وأنا ما أنكر أنا كنت ممن ينقلونها لكن بعد كذا قررت أنزل شي لي باسم لمسة حنان عشان كذا تلاحظين أن كل شخص خط حرفه بقلمه راضي عن نفسه لكن اللي نرفزني بجد مرة وانا بأحد المنتديات لقيت نص خواطري منسوخة باسم شخص ثاني والمصيبة انو كاتب تحتها بقلمي

عشان كذا كلامك 100% صحيح كثير نلاحظ بالردود مشكوور ويسلموو وثاانكس وغيرها وغيرها من العبارات صحيح يوجد نسبة من الردود تناقش الموضوع بس انها أقل من النسبة اللي ترد بس لمجرد اضافة مشاركة

عن نفسي لما أقرا الموضوع والاحظ اني ما راح أضيف فيه شي مقنع ما أرد الا نادرا والكثير من الأعضاء يزعل بسبب قلة الردود بس ما انتبه لكمية القراءات عشان كذا زيادة الصفحات في الموضوع على ردود فقط تحمل معاني شكر خارجية واضافة مشاركات داخلية صارت بكثرة بالمنتديات

وثااانكس الملقوفه عالموضوع من جد مهم

تقبلي تحياتي

[الملقوفه]

مشكووووره خيتووو لمسه حنان على مرووورك
تقبلي تحياتي
الملقوفه

[بشوشه]

طيب ياملقوفه انا بقول يسلمووو وطالعه جايه ارز خشتي . .




يااختي انا شخصيآ تعبت من المواضيع المكرره بنفس المنتديات , باءمكانه يكتبهابأسلوبه

وبدل مايكتب منقول تكون بقلمي / وشحلاتها بقلمي ,حركة عقلي انميه اشوف قدرتي في هاي

المجال ,ممكن اكون دافع لغيري ليش لأ؟!

قلة الردود هذي تقتل وتشوفيها ياكثرها في المواضيع ذات العنوان الجذابــ هي سياسه ترى

شكلي بستخدمها العنوان يكون عكس المحتوى ,او فعلآ مضمونه شيء

ترغبه النفس ومومشكله بقدر مايكون هناك مواضيع ذات قيمه لكن تشجيع وكلمه من قلب

لصاحبها قليل . (البعض هينا يقول لايهم عدد الردود بقدر عدد القراء ,وانا اقول كلمات الثناء من العوامل المساعده في زيادة رصيد الابدااع والرقي بمستواه الشخصي ) .

وأولآ وأخيرآ راجع لنوعية "عقلية" المتصفح .وهل يرغب فعلآ في تطوير ذاته ام لا .

,
,



^_^ وبس خلص الحكي ياقلبي .. يعطيك العاافيه ملقوفه .

[منسدح بالصاله]

مانلاقي له الا كم موضوع ( منقول ) والباقي ( يسلموو .. شكرا .. 123 )

ههههههههههههه

والله إنك صادق

وفيه بعض المشرفين ما شاء الله عليهم تسلموا الإشراف ومشاركاتهم ألف وحولها

وبعضهم لبس وشاح التميز وباقي ما وصل الألف وبعيد منها

هي على حسب نية الشخص

إن كان يبغى يستفيد ويفيد يوصل فكره ورأيه وقناعته ويحب ينشر الخير

ويحب يساعد فلان في حل مشكلته أو إقتراح أو أي شي

ولا شخص يحب تكثر مشاركاته وعشان يشار إليه بالبنان بأن فلان في القمه

والله بيتعب اللي بيسوي كذا

وأكثر اللي يطالع في المشاركات ويحسب كم وصلت مشاركاته ما يستمر في المنتدى

بيطفش

أما اللي يدخل ويناقش فلان حتى لو تمشكل مع عضو المهم إن المشكله عشان قضيه

وفي الأخير ( صافي يا لبن )

حتى في ردود تحس إنه مسوي ( copy ) أول ما يدخل المنتدى

ويطيح ( paste ) على كل المواضيع اللي يخشها

وبعضهم ( يطلب نقاط )

وهذي اللي قهرتني

يعني يكتبون من أجل نقاط كثرة مشاركات

حتى إن المميز تطيح معنوياته ويطفش

يعني في بعض المواضيع اللي أشوفها ومكتوبه مثلا بقلم صاحب الموضوع

وما أستطيع إني أناقشه فيها أو أبدي رأيي

والله إني أتركه ولا أكتب شي لأني أعرف لو كتبت ( يعطيك العافيه ) بيجيه انهيار عصبي

الرجال سهران يمكن ليله كله على الموضوع وفي الأخير ( يعطيك العافيه )




روووووعه موضوعك مع إنه منقول

وليته يعلق في أعلى المنتدى للي يخشون