آآآآآه من الحب يابو سعود
ثلاث سنين أنا أخطط لهذا اليوم يابو سعود
تيسر حالي وجاهز اوفي وعدي بوقته
وفجأه جتني تتعذرتقول تأخرت الوعود
وانا مستغرب واسمع كأني وعدها خنته
حسبت انها تمازحني وتتصنع جفا وصدود
ضحكت بوجهها من قلب مع انها بايخه النكته
وقالت ارض بالواقع قلبي ماهو المعهود
تغير كل شي صوبك نصيبي ما أظن انته
كنت بيوم محبوبي ولكن ما أظن نعود
وصل من قبل ماتوصل وانا ذاك الصبر عفته
ولكن تكفى صدقني ويشهد ربي المعبود
ترا ماخنتك بغفله ولا كلمته وشفته
صراحه اهلي قالولي بانه ولد اصل وجود
وجتني امه بالصوره وبكلمات المدح اخته
سكت وقلت هي فرصه مدام الجود في الموجود
وقالوا كل من حولي علامات الرضا سكته
وانا فكرت دام امه واخته ماعليهم زود
اكيد اني براضيهم اذا وافقت واخترته
وراضي اهلي واخواني مدام ان الفرح مقصود
عطيت الناس انا كلمه ومعاهم وقتي حددته
ولا أقدر أغيرها ترا عند العرب منقود
أوافق واعتذر باكر وأقول الراي غيرته
تبي تشرح لي المنقود تصدق عاد يابو سعود
تبيني اقتنع وارضى بحال عمري ماعشته
انا ماني بقايلها عسى يفرش ثراها ورود
بعدما حطمت قلبي وطعم الموت جربته
عسى بفستانها اشواك وفي ثوبه عقارب سود
ونار تحرق الكوشه وتحرق بيتهم حتى
وموت بليلة الدخله يبرد حرتي ياكود
ولا احس انها بحضنه يلامس خد لامسته
علي اهون اذا ماتوا ولا بنفس السرير رقود
ترا صعب علي اتخيل اللي ماتخيلته
عسى قاع الثرى يقسى ويتحول صخر جلمود
وحفار القبر يرفض يسوي فوق مقدرته
ترا دفنة عديم الذات تلوع حتى كبد الدود
ومن خان العهود ومات تعافه حتى مقبرته
عسى ربي يجازيهم بحبل من مسد ممدود
يعلقهم من اطرافه وفوقه نار وتحته
انا ماني حقود وشين ولاني من نسل نمرود
ومن حط نفسه بوضعي بيقول اللي انا قلته
مدام الفعل له ردة فعل والله ابشري بردود
بدعي دامني حي وبغرس للدعا نبته
وبسقيها نزيف القلب ودمع مارحم الاخدود
وتكبر والثمر ثاري من اللي خانني وصنته
انا نذر علي اكتب وافجر هالقصيد رعود
واسمع كل بشر صوتي عجبته والا زعلته
واردد للي يسمعني اذا حبيت حط حدود
انا حبيت دون حدود وشوف اللي تكبدته
ثلاث سنين انا ابني وجت صوره بكل برود
خذت مني شقا عمري وحلم قلت حققته
ثلاث سنين انا اخطط لهذا اليوم يابو سعود
وتوافق من كلام اخته وصوره اربعه فـ سته [/size][/FONT
]
قصيده اثرت فيني حيل 
رد : قصيده اثرت فيني حيل 
العرض العادي
