ما قلت لك !! لا جار وقتك والملا بعينـك يضيـق
تعال اشيل الهم عن قلبك "وانا " اشرب علقمـه !!
وما قلت لي ! انك لهـا لا ثـارت بقلبـي حريـق
تطفي شموع الياس و تضوي بي امآل ٍ معتمـه !!
وش فيك يوم ٍ زاد نفسـك حملهـا مـا لا تطيـق
صديت كني من وجودك قبـل موتـي معدمـه !!
و "انا " التي أحتاج اعيشك لا غدى حزنك عميـق
أذاكر الهم فـي عيونـك واستفيـده وافهمـه !!
و" انا" التي شديت حبل العشق من عهـد ٍ وثيـق
وحلفت لرضي سر بالك قبل مـا ينطـق فمـه !!
و " انا " التي اخترت اكون الأهل دونـك والرفيـق
و" انا " التي ارفع جبينك عز وغيـرك اهزمـه !!
" أنا " المحبه والأخوه وان تبـي اوفـى صديـق
ما يكفي اني صرت اشوف الموت لعيونك سمه !!
ما قالو ان الحب شيمه تضحيـه وحـس ٍ رقيـق
وان الأمل من غير حب ليلة مسافـر مظلمـه !!
ما قالو ان الشـوق نـاره جنـة الحـب العتيـق
وان العتـب إذا روى بيـض النوايـا مكرمـه !!
والله لو هم يحسبـون النبـض بحسـاب ٍ دقيـق
ما يعلم الانسـان كـم لـه نبـض الله يعلمـه !!
تعال وارمي كل ما بك وسط بحـر ٍ بـك غريـق
ثم احسب النجم بعيوني لاشتعـل بـي وارجمـه .
واذا تبي انحر ضلوعـي بيـت واسـوار وطريـق
وابني صروح الخوف لجلك لا غمرنـي واهدمـه
واذا تبي تجعل خفوقـي حلـم علّـه مـا يفيـق
لـو انتظـارك مقتلـي قـرة عيونـي مبسـمـه
ان < ما جعلت الليل > دونك من مصابيحي بريـق
وان < ما تركت النوح > جرح ٍ مات واحيى بلسمه
وان < ما نثرت العمر > بيدك صبح ورد ٍ بك يليق
وان < ما نذرت الحرف > يصبح منك اعظم ملحمه
ما اكون ذيك اللي تقول ان جار وقتـك لا تضيـق
بعينك الدنيا و" انا " اكوي الهم , واشرب علقمه !!
تعال اشيل الهم عن قلبك وانا اشرب علقمه 
رد : تعال اشيل الهم عن قلبك وانا اشرب علقمه 
العرض العادي
