اتمنى ان تنال اعجابكم واستحسانكم
ياللي تنشد عن سهم في غيــــــــابه = سهم جلا عن كل دارن سكنهــــــا
عز الله انه ماتهنى شبابـــــــــــــــه = مسجونة روحه وخله سجنهــــــا
سهم عن الدنيا تنحت ركابـــــــــــــه = اقفى حجيجين مقفيه عن وطنهـا
المر بانفاسه وحزنه شرابــــــــــــــه = نفسه عن الافراح ولى زمنهـــــا
حتى الوطن وده يودع ترابــــــــــــه = نجد العذيه طابت النفس منهـــــــا
كنه حكم تعزير حد الحرابــــــــــــــه = يتلى بيانه للمشاهد علنهـــــــــــا
والشيخ يبكي يوم يتلي كتابـــــــــــه = لسيافه رقبته سلم رسنهـــــــــــا
ثابت ولايشكي بظلمه عذابــــــــــــه = المسك روحه والشجاعه كفنهـــا
مبداه ثابت لا تعده غرابــــــــــــــــه = كل الهموم بجوف صدره شحنها
مير الهوى مافيه نخوه ولابـــــــــه = كم روس قوم فالقبايل طحنهـــــا
عشق وهيام وحب صافي صبابــــه = بعروق قلب سهم القوافي دفنهــــــا
له نسمة مثل الندى والسحابــــــــه = وسمية هاضت وفاضت شجنهــا
وله غرتن تلعب بعالي حجابــــــــه = وحجانه الزين السماوي قرنهـــا
وعين الوحش فالعاليه من هضابه = وخدود كن النور مصدره منهــــا
ومبيسم كن العسل فيه ذابـــــــــــه = وجوفه ثمان كالبرد من مزنهــــا
وعنق نتق عن لبته بالرحابــــــــه = وصدرن ركز حتى البلوزه فتنهــا
وسلامتكم......بقلمي....اخوكم الشاعر / سهم القوافي
سهم جلا 
رد : سهم جلا 
العرض العادي
