الجزء السابع
**في اليوم الثاني لمكالمة سعود لقمر دقت قمر على أقرب صديقاتها وعزمتهم على بيتها عالعشاء وانبسطوا البنات وعلى آخر الليل راحوا كل البنات وما بقى إلا قمر وسمر و قعدوا يسولفون ويوم جت الساعة 12 بالليل..
قمر:بنات بأقول شئ
هنا سكتوا البنات يبغون يعرفون وش بتقول قمر..
قمر:ما كنت بأقول لكم الموضوع من أول عشان ما أزعجكم بس الحين لازم أقولكم بس المشكلة الموعد بعد ساعة ولسى ما قررت وش بأقول ؟
سمر:وش قاعدة تخربطين؟؟أي موعد وأي خرابيط؟؟
قمر:يوم ملكة فيض وسلطان صدمت بواحد وأنا داخلة للبيت وطاح جوالي وخذاه وعطاه السواق وسكتت
فيض:طيب وين المشكلة؟
قمر:الحين بأقولكم دق غلي الساعة 5 الفجر وقال لازم تطلعين معي ومن هالكلام ولا بأنشر صورك اللي في جوالك
فيض:ما فهمت كيف خذاها؟
قالت قمر السالفة لهم بأدق التفاصيل
سمر:حسبي الله عليه من رجال ليش يسوي كذا فيك يحسب بنات الناس لعبة حرام عليه اللي يسويه
فيض:هذا ما يخاف على خواته وبنات خالاته ولا بنات عماته من هالموقف يحسب اللي يسويه لعبة الحمار الحقير الله لا يوفقه قولي آمين
قمربخوف:بس الحين ما قلتوا لي ش أسوي؟
فيض:لاوم تقولين لأبوك ولا تركي ولـ..
سمر:أنا من رأيي أنها تروح هو قال مرة وحدة وبيعطيها الصور ومن بعدها ما راح تشوفه
وقعدوا البنات بين رأي ورأي الين ما رن جوال قمر...
قمر:سمر فيض هذا هو متصل وش أقول؟
سمر:قولي اللي اتفقنا عليه ولايبان خوفك منه ولا بيتمادى أكثر معاك من كذا ردي الحين عادي عليه يلا
ردت قمر:آلووو
سعود:هل اوالله تصدقين كنت أظن انك ما راح تردين
قمر:خلصني وش تبي؟
سعود:ههههه حلوة ذي وش تبي .....وبصوت جدي :نسيت اللي قلت لك عليه أمس ولا أعيده وبعدين هذا كلامك أنتِ اللي قلتِ لي أتصل عليك بهالوقت
قمر:لا ما نسيت
سعود بفرح:طيب وش قرارك يا حلوة؟
قمر عصبت:أنا وش قلت احترم ألفاظك!!!
سعود:ههه آسف ولا يهمك بس بشريني بقرارك
قمر بلعت ريقها وقالت:موافقة بس بشرط!!
سعود:شرط ولا شرطين المهم انك موافقة وانا علي الحين التنفيذ
قمر:انك تعطيني جوالك بكل اللي فيه أول ما نرجع بكل اللي فيه
سعود:موافق الجوال وراعيه تحت أمرك
قمر:ما تبي تعرف طيب ليش بأخذه منك ؟
سعود:الا عارف عشان صورك والله عارف بس الهم انك تجين والجوال بطلع بداله عشر لو أبي والرقم بسيطة أطلع بدل فاقد وانحلت المشكلة والحين بأسكر تأمرين على شئ ؟
قمر:لا
سعود:توقعت تقولين سلامتك أو شئ بس يلا راضين مع السلامة
****وش ممكن يصير معهم؟؟****
**على الساعة 3 الفجر فيض وصلت بيتها بعد ماوصلت معاها سمر ..وفيض أول ما دخلت البيت قعدت تفكر بسلطان صح انها شافته أمس بس مع كذا اشتاقت له وقالت لنفسها بأتصل عليه قبل لا أبدل ملابسي..
**أما سلطان فكان في مخيم مع أصحابه وشاف جواله يرن ((سواها قلبي يا حبيبي وحبك ما طاعني وأنا عالحب أناهيه)) على طول عرف أنهاغ فيضها الوحيدة اللي مخصص لها هالنغمة الا واحد من أصحابه يسحب الجوال ويقول:الله مين هذي حبيبة سلطان ؟؟يتصل بك أثريك ما تركت المغازل ها؟
سلطان :يا رجال هذي زوجتي والله انه مخك وصخ مثلك يلا انقلع
وأخذ الجوال ورد بسرعة:آلوو
فيض:هلا والله سلطان وش أخبارك؟
سلطان راح بعيد عنهم عشان يأخذ راحته في الكلام معها :أنا الحمد لله تمام بخير ونعمة بس ماني مصدق فيض تتنازل وتتصل علي وش صاير فيك؟تعبانة طيب أوديك المستشفى؟تكلمي تراك خوفتيني
فيض ابتسمت من صوته الخايف عليها:لا والله حبيت أتصل عليك عشان...
سلطان مات من الخوف عليها:عشان ايش تكلمي يا حياتي وش فيك؟
فيض بخجل:عشاني اشتقــــــــت لك
سلطان:هههه فديت المشتاقة لي حتى أنا اشتقت لك كثر النجوم بالسماء كثر حبات الرمل كثرحبي للمطر وكثـ..
فيض:خلاص خلاص هههههههه مصدقتك بس حبيت أسال
سلطان:اسألي يا روح سلطان وعمره وقلبه وكل دنيته هذي كلها
فيض استحت:حبيبي سلطان خلاص بعدين ما عرف اسال
سلطان انهبل من كلمتها<<يا كثر ما ينهبل:أنا حبيبك؟؟صدق يا فيض والله
فيض:أنت مو حبيبي
سلطان بزعل:ليه؟
فيض بخجل:أنت حبيبي قليلة عليك أنت روحي وعمري وحياتي وأنت قلبي أنا بدونك مقدر أعيش بدونك أموت
سلطان عصب:لا تقولين كذا جعل يومي قبل يومك
فيض بخوف:لااااا سلطان حبيبي لا تفاول على نفسك
سلطان هدى:هههه اذا قعدنا كذا ما راح نسكر من بعض أبد وببعدين صح وش سؤالك؟؟
فيض:صح ذكرتني كنت بأسالك وين أنت فيه؟
سلطان:نخيم بالبر
فيض :الله تصدق من زمان ما رحت للبر أخيم
سلطان:أجل خلاص جهزي نفسك الأسبوع الجاي بأوديك أنا
فيض فرحت:والله
سلطان:والله يا حبيبة سلطان والحين لاوم اسكر الشباب بيحرقون الرز لازم أنقذهم مع السلامة
فيض:مع السلامة
وسمعته يصرخ: شباااااااااااااااب الكبسة
**جاء اليوم الوطني "اليوم الموعود"لبست قمر عبايتها بتطلع مع فيض ويمرون على سمر يحتقلون متناسية سعود وعلى الساعة 8 الليل طلعوا أهل قمر مع أهل فيض إيطاليا أسبوعين وتركوا البنات ..ويوم جت الساعة 9 فتحت قمر باب بيتهم بتطلع مع السواق بس تفاجئت بسيارة همر سوداء واقفة عند الباب مزينة بكلام كثير مكتوب عليها بمناسبة اليوم الوطني ومن ورى مغطي السيارة بعلم كبير استغربت قمر هاليارة وتلقى رجال نازل منها متكشخ عالأخير وطالع شكله روعة وطالع الرجال بقمر اللي قالت لنفسها كأني شفته من قبل ووقف الرجال قدام قمر وقال: الله كل هالكشخة عشاني
قمر كانت لابسة عباية مطرز عليها علم المملكة من ورى ظهرها وحاطة لثمتها ومو حاطة أي شي الا كحل أخضر مطلع عيونها الوساع روعة من جد
قمر:لو سمحت مين أنت؟
الرجال:أفا ما عرفتيني !! أنا ...
**أما سلطان كان واقف عند باب بيت فيض ويوم فتحت فيض باب بيتهم تفاجأت بسلطان اللي نازل من اليارة ووقف عند فيض اللي كانت لابسة مثل قمر بالضبط :اركبي معي
فيض:وين ؟؟ وبعدين وين سمر ما أشوفها؟
سلطان:كرد على أسئلتك المكان خليه مفاجأة بس سمر سافرت مع أهلي اليوم لجدة تموت فيها
فيض:سلطان يعني بنركب بروحنا؟
سلطان بعصبية مصطنعة: تراك أخرتينا عالمفاجأة بتركبين ولا لا؟
فيض بتغيظه:لا ما راح أروح معك
سلطان عطاها ظهره:على كيفك ترى بألقى وحدة تركب معي تعرفين جاذبيتي لا تقاوم !!
فيض ولعت غيرتها عالاخير:سلطااااااان بركب معك بس مو عشانك عشان الوقحة اللي ممكن تتجرأ وتركب معك
سلطان:أوكي بس يلا حياتي تأخرنا....وركبوا السيارة
**اما الوضع عند قمر كان ما يبشر بخير
قمر:لو سمحت مين أنت؟
الرجال:أفا ما عرفتيني أنا بندر
قمر:مين بندر؟؟
بندر:اللي قال لك اسمه سعود
قمر:!!!!
بندر بوقاحة:تدرين وانت حاطة هالكحل طالعة تجننين
قمر بخوف:وش تسوي هنا روح لا تسوي لي فضيحة وانت واقف معاي يلا
بندر: بتركبين معي ولا لا؟
قمر:طبعا لا
بندر:خلاص بكرة بالكثير صورك تكون على النت نازلة و....
قعد يشرح لها وش ممكن يسوي بصورها الين ما وافقت تركب معاه بالغصب ويوم ركبت السيارة..
قمر:وين رايح؟
بندر:بأمر على أصحابي بيروحون معي
قمر بصراخ:وشــــــــــــو!!!
بندر ببرود:ونروح من عندهم عالتحلية نستعرض ونرجع
وراح بندر عند أصحابه ويوم ركبوا ....بندر:الا صح وين فارس؟
قمر منصدمة معقولة يكون نفسه ولا مجرد تشابه أسماء يمكن مو؟؟
الا واحد يتكلم >>أحمد: يقولك انتظر شوي بينزل الحين
قام الثاني >>نايف:الا اقول يا بندر يدري فارس عن القمر اللي معانا؟
بندر:لا ما قلت له تعرفه ما يحب هالأشياء بيعرف الحين وبيسكت ما راح يعارض
الا نزل واحد عرفته قمر على طول وكيف ما تعرفه "فـــــــــارس"
فارس ركب السيارة على طول بدون ما يشوف اللي قاعدة قدام ولا اهتم من الأساس يعرف
ويوم وصلوا التحلية الشارع كان زحمة وكله مليان عيال يرقصون واللي يستهبلون وبعضهم طالعين من أبواب السيارات واللي رافعين صوت المسجل عالأخير بعني قمة الهبال بأنواعه
الا بندر يطلع من الفتحة الموجودة فوق بسقف الهمر ويفتحها وشوي طلع منها وفارس كانت عيونه عالشارع طول الوقت كان يشم ريحة عطر قد مرة شمها قبل كذا بس وين يا فارس وقعد يحاول يتذكربس مررة ما نفعت السالفة معاه..
الا نزل بندر من الفتحة وقال لقمر:وش رأيك تطلعين معي؟؟
قمر ساكتة اما هو ما انتظر منها رد على طول نزل ومسكها مع خصرها وطلعها معه بحيث تكون رجولها جوى السيارة وهي قاعدة على سقفه<<فهمتوا علي؟
اما الشباب من يوم ما شافوا قمر انهبلوا زود وقعدوا يصارخون و يصفقون لها على جرائتها وكل شوي واحد يمر يمر ويرمي رقمه واللي يرمي ورد وحركات واللي يغازلها ويوم طلع بندر معها وشاف سقف السيارة المليان كروت عليها أرقام والورود قام سعود مسك ورد جوري أحمر وقدمه لقمر قدام العيال وهو يبتسم خذتها قمر ورمتها على الأرض على طول والعيال هنا خقوا من جد عليها وصارخوا:ياهوووووووووووووووووووووووو
بندر هنا ضحك ونزل ونزل معاه قمر من فوق وقعدوا يدورون ووراهم السيارات اللي اعجبوا بقمر وقعدوا يدورون الين ما راحت كل السيارات من وراهم وعلى الساعة 12وكانوا عند باب بيت قمر وهنا انصدم شخص كان جوى السيارة ...وقعد يكلم نفسه..معقولة تكون هي؟؟ ما توقعتها بهالوقاحة وأنا اللي توقعتها بنت متربية تكون كذا تطلع مع عيال!!...
هذا كان رأي فارس اللي تسرع بشكوكه ...
وقبل ما تنزل قمر التفتت على بندر:وين اللي اتفقنا عليه؟
بندر:هههههههههه هذا هو الجوال وفيه كل الصور
قمر بتشكك:أكيد؟
بندر:والله اني ما سويت نسخة
قمر:ما أصدقك
بندر:بهالامور بالذات ما اكذب
ونزلت قمر ومعاها الجوال حق بندر وأول ما دخلت البيت تاكدت ان كل الصور موجودة ورمت الجوال بالزبالة ونامت اليوم وهي مستريحة..
**اما سلطان مع فيض من أول ما ركبوا وهم ساكتين وحبت فيض تقطع هالسكوت
فيض بدلع:حبيبي
سلطان"يا ويل حالي من هالدلع":بس قال بصوت جدي:نعم
فيض جاها احباط "كل هالدلع ما أثر فيه يمكن لازم أزيد الجرعه عليه":حبيبي سلطان يا عمري انت وقلبي وكل دنيتي هذي ..وبدلع زايد:وين بنروح؟
سلطان نسى عمره وهو يسمع دلعها هذا هو لمل يسمع صوتها ينجن اجل وشو لما تتدلع عليه وش بيصير فيه؟
فيض مسكت يده وعشان سيارة سلطان مضللة خذت راحتها وحطت راسها على كتفه اما سلطان ما قدر يقاوم هالدلع يا ناي يحبها غصب عنه يحبها..
سلطان وقف السيارة على جنب بالشارع وفيض استغربت :ليش وقفت؟
سلطان ما طالعها:عشان مايصير لنا حادث من دلعك هذا
فيض ضحكت :وليش ان شاء الله يصير لنا حادث ورفعت راسها عن كتفه بس لسى مازالت ماسكة يده وبيدها الثانية لفت وجهه عليها:سلطان:وش فيك؟
سلطان بصوت هيمان:عشان سلطان يا حبيبة سلطان صار مهووس فيك 24 ساعة يفكر فيك ويشتاق لك ويويد حيه وشوقه وولهه عليك
فيض:سليطين حبيبي
سلطان:عيون سليطين حبيبك آمري وأنفذ
فيض:أحبـــــــــك ...وبصوت أطفال:كتييييييييييييير
سلطان باسها وقال :وانا اموت فيك تصدقين اخرتينا عالمفاجاة
وحرك السيارة كلها ربع ساعة الا هم واقفين عند مطعم ايطالي شكله يجنن يدري انها تموت بالايطالي
فيض مندهشة من تصرفاته:سلـ..سلطان ليش كلفت على عمرك؟
سلطان نزل من السيارة وفتح بابها ونزلها وهمس باذنها :قالت لي سمر انك من زمان نفسك تجين واهلك مو فاضين قلت حبيبك يجيبك وش رأيك؟
وسحبها ودخلوا المطعم وراحوا لطاولة منعزلة شوي عشان تاخذ فيض راحتها بالأكل على كلام سلطان ويوم قعدوا عالطاولة مسك سلطان يدها وباسها>>يدها لاتفهمون غلط ما يقدر يبوسها بمكان عام غير هالمكان
فيض تحاول تسحب يدها منه وسلطان معاند:لا تحاولين حبيبتي ما راح اتركك الا بشرط؟
فيض:وشو؟
سلطان بنص عين:فرحانة انت ووجهك على اني بتركك لا تخافين شرطي انت تعرفينه زين
فيض مستغربة:انا اعرفه؟؟
سلطان:تذكرين وش طللبت منك صباح ملكتنا؟؟تراك وعدتيني
فيض ناسية:وش طلبت مني؟
سلطان بخبث وبصوت أطفال:بوثة
فيض بهمس:صاحي انت ؟؟بعدين
سلطان:لا تخافين ماخذها ماخذها وبتعطيني اياها برضاك...
وبالفعل يوم وصلها بيتها عطته اياها برضاها وزي ما يبي....
انا آسفة بس هذا اللي قدرت عليه هالفترة وهذا الجزء عشان ما حبيت اخليكم تنتظرورن اكثر من ما انتظرتوا
رد: يوم انصدمت بدنيتي ..دورتك جنبي ما لقيتك!! 
العرض العادي
