يوم انصدمت بدنيتي ..دورتك جنبي ما لقيتك!!

[غريبة بين البشر]

الجزء الرابع

مر أسبوع من آخر مرة تقابلوا فيها البنات ..الا فيض تدق على قمر ..
قمر:الوو
فيض:الحقي علي يا قمور الحقي علي
قمر بخوف:فيوض وش اللي صار فيك؟ تكلمي وش فيك؟
فيض تبكي و قمر تحس نفسها بتبكي معاها من الخوف و فيض مو راضية تتكلم و شوي و قمر صارت تبكي من الروعة الا قالت :عشر دقايق و نكون عندك يا فيض مع السلامة
و دقت على سمر وهي تبكي..
سمر:الوو
قمر تبكي و تتكلم بصوت مو مفهوم:الـ.. الحقي علـ..على فيض تـ.. تراها تعبانة و مو راضية تتكلم و تقول لي وش فيها
سمر خافت:الحين باخذك لهناك مع سلطان و انتظريني عند الباب مع السلامة
دقت سمر على سلطان<<يوم الاتصال العالمي ههههه

سمر: سلطان
سلطان:نعم وش فيها؟
سمر:تعال بسرعة عشان توديني
سلطان بعدم اهتمام: ماني فاضي لك يا سمر تر..
سمر تقاطعه بصراخ :سلطان تعال بسرعة فيض تعبانة ومو راضية تقول لنا وش فيها؟
سلطان حس ان احد رمى عليه موية باردة:ها؟
سمر تبكي:سلطان الله يخليك تعال لي بسرعة
سلطان:خلاص الحين أكون عندك
#######

**سلطان كان مسرع بالسيارة مع فارس و فارس كان خايف أول مرة يسويها سلطان و يسرع كذا:سلطان قول لي وش صار يوم انك طاير كذا والله أحس ان قلبي بيوقف من السرعة!!
سلطان معصب:أقولك انا هي مريضة تدري وش يعني مريضة؟ حياتي مريضة
فارس ضحك:هههههههه أقولك انك تحبها ما تصدقني والله لو تشوف وجهك بس الحين تبصم على نفسك بالعشرة انك تحبها
ما مرت خمس دقايق الا هو عند باب بيتهم ((بيت سلطان وسمر مو فيض)) ودق على سمر:يلا سمر انا عند الباب اطلعي بسرعة
سمر:لحظة بأجيب بس..
سلطان يقاطعها بعصبية:أقولك البنت مريضة الله العالم وش فيها وانت>> يقلدها:لحظة .. ورجع لصوته الطبيعي:شوفي عندك دقيقتين لا لا عندك دقيقة واحدة ما جيتي والله لأروح لها بنفسي يلا لا يكثر الهرج
واقصري الشر وانزلي
**نزلت سمر و ركبت السيارة وقامت تفكر كيف تقول لسلطان يمر على قمر و فكرت و قالت بأقول له و اللي فيها فيها و تكلمت سمر بخوف :سلطان؟
سلطان ما رد عليها وصفطها
سمر:سـ..سلطان؟
سلطان صرخ عليها:نعم وش تبين؟
سمر: ممـ.. ممكن نمـ..نمر على ...امممم
سلطان:تكلمي ميـــــن؟
سمر :قـ..قمر
فارس انصدم له زماااان عنها:قمر؟
سمر:ايه قمر قلت لها بنمر عليها بس سلطان والله ترى بيتها قريب من بيت فيض
سلطان:خلاص بس والله لو تتأخر بنتركها<<شغال بالتهديد هههههه
ووصلوا عند بيت قمر و طلعت بسرعة و كانت متلثمة و عيونها السود الكحيلة الوساع باينة من لثامها و باينة خصلة من شعرها <<من غير قصد طبعا
و مرت من جنب فارس اللي ما عرف وش صار فيه و عيونه ما نزلت من عليها الين ما ركبت و راحت تقعد ورى فارس عشان سمر كانت قاعدة ورى سلطان و فتحت باب السيارة و جلست وراه وقمر:السلام عليكم
الكل:و عليكم السلام
أما فارس رجع كرسيه شوي على ورى و غمض عينه وهو يشم ريحة عطرها وآآآآه من عطرها ما ذبح فارس الحين الا عطرها اللي يحس انه يناسب شخصيتها ناعمة و رومانسية وهادية ابتسم على خياله تخيل لو انه يتزوج قمر عياله كيف بيكونون ووين بيعيشون ورفع نفسه و فتح المرايه اللي عنده وعدلها علشان تصير على عيونها وانصدم زيادة يوم شاف عيونها من هالقرب عيونها سحرته وحس انها اجمل عيون قد شافها بحياته ما انتبه الا على عيون قمر اللي انتبهت له وهو صار مرتبك وابتسم ولاحظ على شكلها انها اكيد مستحية و صرخ صوت بداخله :اشتقت لها اشتقت لها يا ناس والله والله اشتقت لها مووووت
وصار يطالعها من جديد و بتمعن يبي يروي ضماه منها و يشبع عيونه من شوفتها الا جات هالاغنية

((وينها عيونك تعبت من الوله يا حكايات الليالي في غلاي..
كل شئ أشتاق لك و اشتقتله وينك اشتقت لعيونك يا هواي))

طالعته قمر و حست انه يقول لها:الاغنية مهداة لك يا عمري ..وسكتت قمر وما انتبه لهالموقف الا شخص واحد !!!!!
وعشر دقايق بالكثير الا هم واصلين عند بيت فيض الا نزلوا البنات بسرعة أما السيارة ما تحركت للحين لأن سلطان كان مشغول على خوفه على فيض و فارس سرحان بقمر
##########



**أما الوضع عند البنات أول ما دخلوا البيت ركضوا البنات على طول لغرفة فيض وأول ما فتحوا باب غرفتها لقوها عالسرير و أول ما شافت قمر ركضت لها بسرعة وطاحت بحضنها وهي تبكي وصاروا البنات يبكون معاها من الخوف و آخر شئ تكلمت فيض:صار اللي كنت خايفة منه صار
سمر:يا حياتي عليك يا فيض تكلمي وش صار؟ لا تخوفينا عليك تكلمي واحنا نسمعك
فيض: الحقير الحمار سواها فيني
قمر: وش سوى ؟ومين هو أصلا؟
فيض بقهر:يو..يوسف يوسف...وتبكي من قلبها
قمر:وش سوى فيك هاليوسف أكيد شئ كبير
و فيض تبيكي وهي ماسكة بقمر بقوة و ضاغطة عليهاوقمروسمر يحاولون انها تقعد على سريرها
و راحت سمر تجيب لها كاس موية و قعدوا يهدون فيها عشان يعرفون وش صار أصلا لفيض و خلاها بهالحالة اللي هي فيها و يوم هدت تكلمت فيض:تخيلوا تخيلوا خطبني من أبوي أمس وأبوي يوم قلت له اني ما أبيه قا..قال ..وتبكي من جديد..قال لي مو على كيفك بتأخذينه غصبا عنك و بعدين أحسن لك من الغريب ...آآآه بموت والله أحس اني بمووت ...قعدوا البنات يحاولون يهدونها و يطلعونها من الحالة اللي هي فيها و لمعت في راس سمر فكرة خبيثة و حاولت تنفذها و طلعت جوالها و دقت على .....


#########


**سلطان كان يدور بالشوارع مع فارس وهو موب عارف وين هو فيه بالضبط المهم يحاول يطلع الهم اللي فيه الا انتبه على صوت رنين جوال بس تجاهله سلطان ماله خلق يرد على أحد رن الجوال الين ما قطع الا فارس رفع الجوال وقرى الاسم وقال فارس:سلطان مين الي مسجل اسمه باسم "المزعجة"
الا سلطان ضغط فرامل بقوة لدرجة ان فارس صدم راسه بالقزاز
فارس:وجع وش فيك ما تعرف تسوق لو سوينا حادث الحين الظاهر بيعجبك!!
سلطان بصدمة:قلت مين اللي اتصل؟
فارس واللي موب عارف سبب تصرفات سلطان:المزعجة...وبنظرة تساؤل:ليش؟
سلطان يتكلم بصعوبة:هذي سمر
فارس:سمر أختك؟
سلطان بنرفزة:لا بنت الجيران أكيد سمر أختي بلا غباء و الحين اسكت أبغى أعرف وش أخبار فيض
فارس:هههههه وأنا أقول مو لله هذي الفرامل أثريك تبي تتطمن على حبيبة القلب
سلطان عصب:انثبر ....وبصوت واطي :أبشوف أحوالها
فارس سمعه بس تجاهله وفكر بنفسه :والله أنه يحبها ولا هو بداري عن نفسه
ودق سلطان على جوال سمر ....والتفت على فارس:بأنزلي هنا بالكوفي بعدين بأتصل عليك تأخذني
يلا الحين روح عني
**أما سمر من شافت اسم سلطان ردت على طول:الوو
سلطان:وش أخبارها؟
سمر:ما في تفاهم معاك؟مافي وش أخبارك ياسمر ولا أنا خلاص الضعيفة اللي محد يسأل عنها...هههههههه بس ما همك الا هي؟
سلطان: صدق والله وش أخبارها؟ووش فيها؟
سمر:بعدين بعدين((خافت تقول لسلطان عالتليفون وقالت بنفسها بأقول له بعدين))
سلطان:عطيني إياها
سمر((هذا اللي بغيته)):وشـــو؟
سلطان بصوت يذوب الصخر:تكفين بس بأسمع صوتها بس والله كلمتين على بعضها و بأسكر
سمر حبت تعابطه:لا
سلطان:تكفين عطيني إياها و بأسوي لك اللي تبين!!
سمر فرحت:والله اللي أبيه !!
سلطان مل منها:ايه اللي تبين بس عطيني إياها...وبحزن:أبيها
سمر مهما كان هذا أخوها الوحيد وما حبت تكسر بخاطره ومدت الجوال لفيض اللي كان سرحانة
سمر:خذي
فيض:وش ذا؟
سمر:لا والله يعني ما تعرفين ان اسمه جوال؟
فيض بعبط:أعرف انت ووجهك بس ليش معطيتني إياه؟
سمر:في ناس ميموتون و يكلمونك ويتطمنون عليك
فيض بغباء:مين؟
سمر بابتسامة:سلطان
فيض وسمر:سلطــــــان!!!
سمر بلا مبالاة:أموت وأعرف ليه كلما سمعنا اسمه صرخنا فيه؟
فيض:معليش سمر بس أخوك مقدر أكلمه
سمر بخبث:ليه مو انت ((كملوا كلامهم و سلطان عالخط))اللي تقولين أنك تستحين تكلمينه عشان من كثر ما تفكرين فيه تخافين تحبينه أجل لو تسمعين صوته وش بتقولين
فيض شهقت:أنا قلته يا مفترية...يا يا والله لو ألقى لك اسم يناسبك كان ناديتك فيه يا يا معفنة
سمر رمت عليها الجوال:عالعموم أخوي يبيك تكلمينه ترضين تكسرين بخاطره ((وصارت ترمش بعيونها لفيض كأسلوب استعطاف))
فيض:خلاص بأكلمه بس مو عشانك ..وبدلع:عشاني ما أحب أكسر بخاطر حبيبي سليطين و الحين اطلعوا برى ....أما سمر وقمر فعيونهم طلعت من مكانها على كلامها
قمر:أفا والله ماهقيتها منك تطردينا أحنا عشان هالحمار سلطان
فيض عصبت:سلطان مو حمار انت حمارة
قمر عصبت الحين من جد:أنا أنا تسبيني وانا اللي ماسويتها فيك من يوم ما كنا صغار!
سمر تعالي خلينا نطلع بكرامتنا اللي بقت لنا
فيض صكت الباب عقب ما طلعوا وانتبهت ان السماعة مرفوعة:يا ويلي نسيته ليه دايما تصير لي مواقف بايخة معاه؟






ورفعت الجوال وبدلع:الووو
سلطان فرح: هلا والله بأحلى الوسمعتها بحياتي
فيض استحت:هلا سلطان
سلطان بخبث:سلطان حاف توك تقولين سليطين وحبيبي تراك ما ترضين علي أجلي ليه تكسرين بخاطري؟
فيض انصدمت ان سلطان سمعها و هي تحاول تنرفز البنات وقالت بصوت يبان فيه الصدمة:سـ..سلطان من متى سمعتني؟لا يكون من بديت أتكلم؟
سلطان:يس
فيض بصدمه:كذااااااب!!
سلطان يقلدها:واللـــه
فيض لا شعوريا:يا سليطين ليه كل مرة أكلمك تتريق علي فيها ...وقامت تسوي نفسها تبكي.. اهئ اهئ
سلطان انفجع كيف سمح لنفسه يبكيها:حياتي والله ماكنت أقصد اني أخلييك تبكين
فيض تكمل تمثيلها:لا لا انت أصلا متعمد انت تحب تكسر بخاطري دايما كلكم ضدي دايما ...اهئ اهئ كلكم دايما تزعلوني..
سلطان عصب من كلامها:مين مين اللي دايما يزعلك ما عاش من يزعل حبيبتي ما عاش من يزعل حبيبة سلطان!!



































فيض انصدمت من كلام سلطان معقولة حبها مثل ما حبته ايه لازم تعترف لنفسها هي حبت سلطان من يوم ما شافته لا لا حبته من يوم ما سمعت سمر تتكلم عنه..تحس معاه انها ما تحبه وبس ما تحبه وبس هي.........
































وش بيصير بين سلطان و فيض؟
@@@@@@@@@@@

[غريبة بين البشر]

المشاركة الأصلية كتبت بواسطة frrr

تكفين لا تطولين ياقلبي

والله ما كتبت الجزء هذا الا عشانك يا عيوني ولا يهمك كلها يومين بالكثير وأنزل لك البارت الجديدبس عشانك

[ام ابوها]

بليز كملي القصه روعه

[s-s-]

بلييييييييييييييييز ياقلبي التكمله

[frrr]

[quote=I'm cute girl;3624686]والله ما كتبت الجزء هذا الا عشانك يا عيوني ولا يهمك كلها يومين بالكثير وأنزل لك البارت الجديدبس عشانك[/Q تقبلي مروري وتقبلي مني باقت الورد لي احلا ورده <<<<< بس مادري كيف ابي افرق بين الورد وانتي الورده