يازين يوم اني أنا وانتي صغار

[بعيد المغازي]

قصيده أعجبتني ... أتمنى تعجبكم


يازين يوم اني أنا وانتـي صغـار
توما لبست شماغ وانتـي عبايـه

بالطول ماناصل ولا خمسة اشبـار
دايـم نقيـس اطوالنـا بالمرايـه

مابيننـا شيـن نخبيـه واسـرار
ماغير لعب اطفـال كـل الحكايـه

ماهمنا موجـز ولا نشـرة اخبـار
التسليه صـارت وسيلـه وغايـه

وان جا فلم كرتون للقطو والفـار
نجلـس نتابـع قصتـه للنهـايـه

بالمدرسه نزعل على شان الاصفار
انتي سبب لعبك وانا مـن غبايـه

ياما تهاوشنا على كيـس فيشـار
انحاش به وافرح بطـردك ورايـه

وان قلتي ياراشد ياويلك من النار
اخاف واستسلـم وابيـن خطايـه

والى ضربتيني تقـل بيننـا ثـار
وان قلت كافي قلتي ماهـو كفايـه

والى خلصتي ضرب بيمين ويسار
اخذتـي الفيشـار واللـي معايـه

والى زعلت وقلت ابا اروح للـدار
صحتي وقلتي اسفـه يـا غلايـه

واصدقك وافرح بعد ذيك الاعـذار
واجيك لا حاقد والا احمل وشايـه

بس لو اشوفك مع بشرغيري اغار
لو كان اخوي أو من أعز اصدقايه

واركض لخوك اقول شفها مع اكبار
عشان يفرض لي عليك الوصايـه

هـذي طفولتنـا بـراءه وتذكـار
دايم نحـن اليـا ذكرنـا البدايـه

واليوم ابا اكتبها سواليف واشعـار
وافكـر انتجهـا بفلـم وروايــه 000

تحياتي

[« آلـطـرفـﮯ ـآلـح ـنـونـﮯ »]

رووعة الأبيات من اولها لآخرها ..
:
مابقا للناس غير الذكرى .. وأغلب قصص الحب ,,الطفولة ....
:
تسلم يمناك اخوي ..
بس ياليت تحدد المصدر ( بقلمك \ منقول )
اتباعا لشروط القسم وانا بانتظارك ..

[الميكر]

كلم جميلة لا شك ولا ريب في ذالك

يسلموووو

ع النقل الموفق

[السيد بدير]

بصراحه رائعه
مشكور اخوي
والله يعطيك الف عافيه

[بعيد المغازي]

مشكوورين كلكم على المرور الذوووق ..

رجة بس رزة ..

القصيده منقوله ..

ومشكوره على مرورك الطيب