تدرون ليش الشباب يغازلون البنات .

[(رفيقة القمر)]

تدرون لييييش الشباب يغازلون البنات؟

للأسباب التالية:

العبايات:-

الفراشه..السمكه...الفراوله((اووه صح هذي قصة شعر))<===الأناناس...العباية ذات

الشخابيط .. ساري.. شك .. خرز.. طبي وتنقي بس الله يخليك لاتتهورين وتسرقين من


ستاير بيتكم وتفصلين عبايه..

نشوف ان العبايات بدت حبه حبه شوي شوي..


كانت وسيعه==> بدو يضيقون===> فستان عزيمه===> والين وصلنا الى


الفراشه==>لا واذا رفعت يدها بالسوق والا بالشارع كأنها بات مان تبي تطير ..



والي يلفت انتباهي.. مره مريت من عند خياط عبايات كان فيه ثنتين وحده عبايتها تقول


وزرة يماني..

والثانيه قاعده تفصل عبايه.. عاد تقول للخياط ضيق من عند الخصر..



والخياط ماغير يضيق بهالعبايه لين الخياط طلعت منه ريحة فلفل==>يعني عصب وقال:


ماما هذا مافي عباه هذا صار فستان عروسه..



ولا يوم خلصت قالت حط فتحات من الجوانب وخلها لين الركبه.


. عشان يطلع البنطلون الجينز..

رجعت قالت له عندك خرز احمر ??


قال الهندي المسكين ايه قالت حطه بالعبات كله..


صاروا البنات يكشخون بالعباية..(ما اقول غير الله يستر عليها بس)


العباية عنوان أي بنت يعني البسي عباية محتشمه تحصلين على كل احترام وتقدير


والعكس صحيح


الشيلة والطرح..

-الفوطه:الي صايره كأنها فار مقرضها مافي قرض بالدنيا الا فيها<<<.. صايرة


كأنها مشخال..

لوحة بيكاسيو:- مافي لون بالعالم الا رازته بالغطى

غطى على غفله:-شيفون والا حرير بس يكون شفاف الله يرحم والديك(طيب ليه


تغطين)..(والله ماودي بس الوالد اجبرني) أعوذ بالله ما اقول غير والله لوتفتشين كان ما احد غازلك

-مافي خيط هندي وخرزه الا بالغطى:-صارت الطرحه دفتر كشكوووووول أنواع


الذكريات ..

هذي بعض الشيلات اللي طايحين فيها هاليومين



الشنط:-

اهم شي انها تكون صغيره(سندويشه) وتلصق بالاباط (يعني لاأحد يفكر


يسرق الشنطه بيموت من الريحه)


تلمع وتبلص:-


لازم الشنطة فيها كل شي:لو اي واحد يروح السوق وبس يتفرج على احجام الشنط


واذا راحت لحفلة مافي شي بالدولاب ولا التسريحه وما أخذته معها


تقول بتسافر وغير كذالو نسوي تفتيش على الشنطه تدري وش تلقى


جوال-محفظه(هذي أساسيه)-مراية الدولاب-كريم أساس-عطر-كحل-روج-نظارتيين

-نص جالكسي-قرطاس توكس-


علك-وماخفي كان أعظم


الاحذية (وانتو بكرااامة )

أكثر شي يقهرك أن كل الناس تدري أن هالبنت قصيره بس غصب تصير طويله تلقى


الكعب أطول من يوم السبت(أطول يوم بالحياة)

اللي تلبس أحذيةالشباب العرابجة:-هذي الظاهره كثير نشوفها خصوصا اللي تصيدها


بقسم الأحذيه الرجالية جالسة تختار ولا بعد لابسه كنادر(جزمة تستخدم للعب الكوره


وأحيانا لشوت بعض العلب بالشارع)




المكيـــــــــاج:-

لطخي وجهك وكثري بالعيون .ولا يفوتك المشاغل


طايحين بعرض جديد اسمه مكياج سوق


وشوفي الشباب كيف يلاحقون..



(ابي امي .. ابي ابوي..ليش الشباب يلاحقوني)..


عرفتووو اي نوعية الي يلحقووونها الشباب و يغازلونها ؟؟


ترى البنت المحتشمة الي ما تتبرج ولا تلفت الانظار محد يقدر يتجرأ و يقرب منها ...



ولا أنسى انو في بنات والله اذا شفتها بالسوق او غيره والله انك تناظر بالأرض من الحياء

حشمه وهيبه وما احد يقدر يقول لها ثلث الثلاثه كم؟؟؟

الله يهدي جميع البنات الي يسون مثل هالحركات ويدلهم على الطريق المستقيم


ويخليهم يبتعدو عن هذه الاشياء اللهم امين

[رَذَاْذ]

::

::

ليه البنت ما تطالع في الشاب الي يلبس ثوب مخصر
او بنطال نازل من تحت الخصر
او الي لابس بلوزه عصرية تقليداً للغرب

بالمقابل ليه الشاب يلتفت للبنت الي عليها عباءة كتف
او مخصره ؟

: )

انا ما اقول مع الفتاة .. لا
الخطأ معروف
والصواب معروف

لكن على الشاب يغض البصر على قد ما يقدر
إذا كانت المسألة إغواء فليه الشاب يضعف ويستجيب .. !

×

تٌشكري على الطرح
بانتظار جديدك
وممتنه لك ِ

::

::

[(رفيقة القمر)]

تشكري حبيبتي على الرد
زمان العباية كانت تتخذ رمز للعفة والطهارة وتنعكس في تربية البنت بس الحين صارت العباية رمز للغزل وقلة الادب ولو كانت هذي البنت محتشمة وما تثير الغريزة ما كان يلا حقونها الشباب
بس سؤال انه ليش مو البنت تطالع في الشاب اللي ثوبه مخصر و....... و........
يمكن السبب عشان البنت ما تقدر تقول احنا من ما انخلقنا في الدنيا الولد هو اللي يبدا مع البنت بس للاسف الحين صار عادي هذا الشي وازيدكم من الشعربيت انه الحين البنات اللي يرقموا الاولاد بس مو منتشرةهذي الظاهرة بس في حالات متفرقة في انحاء الخليج

[سن توب]

جزيتي خيرا اخيتي على طرح هذا الموضوع الذي هو في غاية الأهمية
وللأسف الكثير من الفتيات .. الذين ينعمن بمرض التطور .. يفعلن هذه الأفعال
ظنا منهم ان هذا هو التطور .. ومن لم تفعل مثلهن فهي متخلفة .. نعم قيلت كثيرا
ونسمعها كل يوم .. إذا كان التخلف في الحجاب .. وفي التستر .. وفي البحث عن رضى الله تعالى
فهنيئا للمتحجبة .. وهنيئا لنا بهذا التخلف .. ونسأل الله تعالى ان يهدي اخواتنا في الله من هذا المرض ..
مرض ينتشر بسرعة كبيرة .. نسأل الله تعالى ان لا يصيبنا ويهدي الله تعالى من أصابها
هذ ا المرض ..


اشكرك على هذا الموضوع وان اختلفت الاراء لكن الموضوع ذا اهميه وبالتوفيق لك وللجميع وتقبل ودي قبل تحياتي

SUN_TOP

[lovewave]

زماننا هاذا زمن التحلل من العادات والقيم ...
بنات وعيال انواع الحشيش والمخدرات ..بالله كيف ما تبي الغزل والاختلاط يصير ..
راح يجي زمن علينا البنت او الحرمه اذا اعجبها الرجل اوالولد تعمله عملية خطف بالقوة ..
قولو مجنون او مخرف ما يهم ..الواقع لا بد نعيشه...