 رد: قصه كان قصدك عذابي لا توصي حريص الزمن مايقصر وانت فيك بركه (سعوديه)
الجــــــــــــــــــــزء الثـــــــــــــــــــــــــــامـــــــــــــن
اليوم التالي .... الساعة 4:30
دق جوال فرح بنفس النغمه "" والله مايسوى اعيش الدنيا دونك لا ولا تسوى حياتي بهالوجود ""
فرح : الوو
خالد : يالله ترانا رجعنا من البر – اطلعوا غسلوا السيارات
فرح : نعم نعم سيارات
خالد : ايه سيارات اخلصي
فرح : لااا اكيد قاعد تمزح
خالد : لاا والله ما امزح اخلصوا ترى بطلع الساعه 6 ابيها منظفه ابي فيها لمعه
فرح : يالله عاد ادري انك تمزح
خالد : اقولك لا والله لكم ربع ساعة اذا ماطلعتوا نتقابل عند عماني سامعه
فرح معصبه : طيب – وسكرت السماعه
&&&&&&&&&&&&&&&&&&&&&&&&&&&&&&&&&&&&&&&&&&&&&
في الصاله
فرح : يالله بنات خالد رجع من البر ويقول غسلوا السيارات
غلا : يالله يارا سوي اللي قلتيه
يارا : يالله قوموا معاي وكل وحده تمسك لها وحده وتلطخها بكريم الأساس
فرح : بس حنا عندنا 4 خدامات ومن وين نجيب الخامسه
يارا : ما عليك انا بضبط الموضووع لميس مادام انتي اللي بتضبطيه عز الله خرب
دخلت نجود : شتقولون وش الموضوع اللي بيخرب
لجين : هذا ياطويله العمر امس رحنا الــ.......
قاطعتها يارا : ولا كلمه "" خزتها ""
لجين : عادي نجود منا وفينا
غلا : أي والله وغنت "" نجود مني وفيني ومكانها وسط عيني ابيها وهي تبيني هذا الحكي من زمام ""
نجود : ههههههههه وش فيكم وش السالفه
لجين : والله احنا رحنا .........................................وهذي السالفه من طق طق الى وعليكم السلام
نجود : صدق انكم خبلات رايحين المملكه على انكم عجايز يعني دراريع وبراقع
غلا : عليك نووور
نجود : الحمد لله اني رحت نمت وماسمعت هالطلب
فرح : وتخيلي من شافنا
نجود : مـيــن ؟!!!!
فرح : خالد اخوي وعيال عمي كلهم
نجود : هاا وش سوو فيكم
لميس : بعد جهداً جهيد خفوا العقاب من انهم يقولون لأبوانا الى ان نغسل سيارتهم كل يوم
نجود : هههههههههههههههههه احسن تستاهلون زين والله منهم انهم ماعلموا
لجين : ايه والله الحمد لله
نجود : فيه سيارات عند الباب كلها طين شكلهم رايحين البر
فرح : ايه بس مره ليكون وسخه
نجود : ما ابي اكذب عليك الا والله وسخه
لميس : شفتوا الحقاره قاصدين يوسخونها عشان نغسها
فرح : خالد قال ربع ساعه والا بيعلم عماني
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $$$$$$$$$$$$$$$
قاموا البنات يركضون دخلوا المطبخ لقوا مازا وميري خذوهم غرفه فرح وفرح نادت سلمينا وسويرمي وخذتهم لغرفتها
يارا فهمت الشغالات بعد جهداً جهيد انهم مايفتحون غطاهم لما يكونون العيال موجودين ويغسلون السيارات ومايتكلمون
لطخوا ايدين مازا وميري لانهم هنديات يعني سود بكريم الأساس اما سلمينا وسوبرمي من اندونيسيا يعني بيض ولبسوهم عبايات وغطوهم
نزلوا البنات الخدمات طلعت فرح من الدريشه الا خالد وطلال بره طلعوا البنات
خالد : اسمعوا قبل ماتشوفون السيارات وسخه مره ابيها تلق لأني بطلع انا وطلال مع الربع الساعه 6:00
يارا : طيب ممكن تدخلون داخل نبي نأخذ راحتنا
طلال : بندخل ترى السيارات مفتوحه نظفوها من داخل وشلوا الوساخه اللي فيها فهمتوا
دخلوا طلال وخالد المجلس
دخلوا البنات الصاله وطلعوا الخدمات قاموا يغسلون السيارات
&&&&&&&&&&&&&&&&&&&&&&&&&&&&&&&&&&&&&&&&&&&&
البنات بالصاله
فرح : الحمد لله ان الحريم طالعين السوق والا كان فضحونا
يارا : شفتوا ما احد كشفنا
لجين : الله يعينهم السيارات مره وسخه
لميس : أي والله
دخلت الجده : ميري ميري
فرح : جده وش تبين فيها
الجده : ابي شاي انبح صوتي وانا اصوت لها
فرح : انا بسويلك احلى شاي بس انتي تامرين امر
@@@@@@@@@@@@@@@@@@@@@@@@@@@@@@@@@@@@
دخلوا الحريم
ام خالد : فرح الشغلات وش فيهم يغسلون السيارات يقولون انتو اللي قايلين لهم
فرح : ايه خالد قال قولوا للشغلات يغسلونهم
ام خالد : ياحرام شكلهن تعبن بقول لخالد يقول لراجوا يكمل عنهن
فرح : لا لا راجوا راح بيجيب اغراض البيت
ام خالد : طيب ليه مغطينهن
فرح : جدي قال غطوهم عشان السيارات مايشوفهم
ام خالد : غريبه وليه
فرح وهي تمشي للمطبخ : ما ادري
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $$$$$$$$$$$$$$$$$$
في المجلس
خالد : وهاذي كل السالفه عشان كذا عاقبناهم يغسلون سياراتنا
عبدالله : خلهم يغسلون سياراتنا انا ونايف معاكم
طلال : تامر امر يستاهلون اللي يصيرهم طارق قول للبنات يغسلون سيارات نايف وعبدالله
طارق : إن شاء الله
طارق وهو طالع جاءه نايف : طارق نجود كانت معهم
طارق : لا لا تخاف هذولا بزارين نجود كبيره مستوى هالحركات
نايف : اشوا لا تنسى تقول لهم يغسلون سيارتي
طارق : إن شاء الله
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $$$$$$$$$$$$$
طارق جاء عندهم وبسرعه الخدامات تغطوا
طارق : وش فيكم انا طارق
الخدامات : !!!!!!!!!!!!!!!!!!!!!!!
طارق عصب : هيه وش فيكم ردوا " وهو يصارخ "
مازا خايفه : نـ... نــ..عــ...م بابا
طارق : هههههههههههههههه
وراح دخل المجلس على طول
طارق : هههههههههههههههههه
خالد مبتسم : اشكالهم تضحك صح
طلال : ههههههههههههه
طارق : ههههههههه لا لا ههههههه انتم اللي تضحكون ههههههههه
طلال : وشو حنا
طارق : العبوا عليكم ههههههههههه مسخره
راحوا خالد وطلال يركضون ويوم شافوهم متغطيات وقفوا
خالد : طوريق هذولاء هم
طارق وهو ماسك بطنه من الضحك : قولهم يفتحون غطاهم ههههههههه
طلال : استغفر الله وش هالكلام
طارق : والله انهم خدامات
طلال : لاااا
خالد ( يبي يشوف هو صادق ) :بصوت عالي وهو معصب : من قالكم تغسلون السيارات
ميري على طول تكلمت : كلوا بنات قول لما يجي ولد حطي قطا ولا يتكلم
خالد : افتحي الغطاء لا بارك الله فيكم
يوم فتحوا الغطاء طلعوا الخدامات
طلال : ههههههههههههههههههههههه
خالد : والله ما اخليها لهم
دخل من باب الصاله وهو يصارخ : فرح فرح
فرح : ياويلي درى انهم الخدامات
لجين : روحي شوفي وش السالفه
فرح : لا تبينه يذبحني اطلعوا كلكم معاي
تغطوا البنات وطلعوا ام خالد : وش فيك قولي
خالد : ابي فرح وين فرح
فرح تأشر من ورى امها عشان مايتكلم
خالد : ماتدرين يا يمه وش سوت والله لو اقولك تنصدمين
ام خالد : قول وش فيها فرح
خالد : تخيلي قلت لها تسوي شاي وقهوه للرجاجيل وماسوتها
ام خالد : الحمد لله خوفتني خمس دقايق وتكون عندك خلاص لا تعصب
فرح : نعم خالد الحين بجيب القهوه والشاي
خالد : لا تعالي بكلمك
ام خالد راحت داخل عند الحريم
فرح : نعم
طلع خالد وفرح للحديقه والبنات معهم
خالد : ماشاء الله من فكرته هالمره
لجين : يارا
خالد : لهدرجه اغبياء مخلين الخدامات يغسلونها بس ماعليه صدق نظفوها بس للأسف فيه سيارتين اوسخ منها حقت عبدالله ونايف بتنظفوها الحين ولاتقولين يايارا بنأخذ راحتنا
@@@@@@@@@@@@@@@@@@@@@@@@@@@@@@@@@@@@@
| 
لحجز
مساحه لموقعكـ اضغط هنا \\
إعلانات الشركات تتم فقط من خلال الإعلان بجوجل ومن ثم استهداف موقع غرام
اضغط هنا 
العرض العادي
