أنا ارفض ومااوافق وللأسباب الاتية:-
1-أنا انسانة وماأحب أتسبب بتعاسة أنسانة غيري من دون ان يكون لها اي ذنب معاي ذنبها أنها تزوجت هذا الرجل اللي مايقدرها ولايعرف قيمتها.........تدرين من وين عرفت انه مايقدر قيمتها لأنه اشتراها في البداية وبعدين لسبب او من دون سبب بس شاف وحدة غيرها باعها.
2-أتصور ان هذا الرجل بداية حياته كان (فكر وحافي القدمين)لاجاه ولامال ومن صار عنده كم فلس طار بيها وراح يفكر بتعدد الزوجات.........هاي بدل مايكعد يصلي ويصوم ويحمد الله على النعمة اللي الله منحها له من مال ومن زوجة صبورة تحملت معاه ايام الشقاء والمرار كاعد يطالع على البنات الرايحةوالجاية والله شنو يريد يتزوج خطية لأنه تعب بمشوار حياته ويريد يرتاح!!!!!!!!!!!!
3-وش النقص اللي بزوجته حتى يتزوج عليها شنو
أ-مريضة :-كلنا نمرض
ب-ماحلوة :-نسيت ليلة زفافكم هي كانت امامك احلى وحدة بالدنيا ......لو الله كان عامي عيونك ساعتها وهسه يلا فتحت ياحسين فهمي.
ج-ماتحبها:-اذا ماكنت تحبها ليش رحت لأهلها وخطبتها منهم من دون كل بنات العالم(انشا الله حبتك حوته)شنو قابل بنات الناس لعبة.
د-مالها قدرة على الانجاب:-ومن كال ان الثانية راح تنجب وتحققلك اللي تريده(الله اذا راد شي فكأنما يقول له كن فيكون)لابيد الطب ولابيد الاولى او الثانية أصبر والهه يعطيك اللي تريدة (واستعينوا بالصبر والصلاة).
ه-جاهلة مافاهمة الحياة:-بعد هذا ذوقك واختيارك وشدعوة انت فطحل زمانك.........الطيور على اشكالها تقع ياحضرة البروفسور.
و-اخجل أكول للناس هذي زوجتي:-طبعا" تخجل لأنك ضعيف الشخصية وماعندك ثقة بنفسك ودائما" تستصغر نفسك وهذا عيبك موعيبها.
4-ما أحب اعيش دور( أمرأة أب)طيبة مو طيبة........ المهم اكره هذا الدور...........والله انشا الله يبعدني عنه.
5-مااحب اسمع من اللي حوالية(خطافة الرجال)أو(هادمة البيوت).........أحب اسمعهم يكولون ظلت خطية ماأتزوجت..............كبرت...........فاتها قطار الزواج ولا العبارات الاولى .
6-عندي مبدأ(اللي يزرع يحصد)ووووووووو(كما تدين تدان).
مع خالص التقدير والاحترام
رد : تعالوا نشوف من الي توافق تتزوج فوق ذره مع الاسباب في الموافقه والرفض الكل: للبنات فقط .. 
العرض العادي
