سجينة احلامي... رومنسيه وحالمه...بليز اقرأوها

[الزعيمـــه8]

× * ×



بسم الله


جولي .. يعطيك العــافية


للجميـــع ..
قوانين قسم الروايات



؛؛

بالتــوفيق


::

[juoly]

الجزء الثاني
(وعادت لي الحياه)


في المجمع ساره كانت كثير فرحانه وتدخل محل وتطلع من الثاني ورهام تمشي وراها بس عقلها مو معاها

كانت لابسه عبايه كتف وحاطه لثمه وباينه عيونها من جد حلوة وساره كانت كاشفه وجها والثنتين حلوين بس رهام عيونها احلى وجدابه اكثر

تمشي ساره مستعجله شوي وماسكه يد رهام بسرعه يالله وتصدم في شخص قدامها وتطيح الاكياس الي في يدها
صرخت رهام: ساره اسم الله عليك
رد الشاب الي صدم فيها: اسف والله ماقصدي هي كانت ما........
التقت عيونه بعيونها عرفها من اول ماشافها هي هي حبيبة قلبه
همس بحزن واسى : رهام
هي تلعثمت وعيونها امتلت بدموعها حست حالها دايخه هو حس فيها انها راح تطيح وبسرعه مس كيدها وسندها
صرخت ساره بوجهه: اتركها ياخاين ياظالم
كان ناوي يبتعد عنها بس رهام شدت يدها عليه وتمسكت فيه اكثر
همس خلينا ندخل هنا وكانوا قريب من المكان الي يجلسون العوايل فيه طبعا ساره رضخت للامر الواقع ومامانعت
مشى وهو ماسكه بيده ومو عارف شنو يقول لها بجد كان مشتاق لها
كان محتاج لها وكان مشغول عقله وقلبه فيها

جلسوا على الكراسي وقال لساره راح اجيب مويه خليك معها ماراح اطول

مرت دقايق بعد ماشربت هام الماي وهي مي قادره تستوعب ان حبيبها واقف قدام عينها
بصوت مبحوح : ليش تركتني
احمد: والله غصب عني
رهام : وكيف خطيبتك معك تزوجتها ولا لسه؟؟؟
احمد: انفصلت عنها
رهام وهي تحبس ابتسامتها غصب عنها:ليش؟؟
احمد: ماقدر اعيش مع احد غيرك وماقدر اكون لغيرك وان ماقدرت اتزوجك ماراح اتزوج غيرك
رهام:بس هذي بنت عمك شلون تركتها وعمك كيف وافق كذا؟؟؟؟
احمد يسكت شوي وبحرج يرد:قلت لهم اني عاجز
رهام غصب عنها تضحك وبصوت قوي: شلون وانت
ورجعت تذكرت الي صار بينهم ودمعت عيونها مره ثانيه
احمد وهو يمسح دموعها الي على خدها: انا عاجز وماقدر اعيش الحب الا معك
ساره هنا حست بحرج وانسحبت بدون مايحس الاثنين عليها
رهام: بجد كنتلا تحبني
احمد: واموت على تراب الارض الي تمشين عليها
رهام: زين ليش تركتني؟؟
احمد: الي محد يعرفه انو امي كانت مريضه بالقلب وكنت مضظر وربي مضظر اراضيها واتركك خفت تموت وافقدها
رهام:وهي شلونها الحين
احمد: عطتك عمرها
رهام: البقا براسك انا مادري وش اقول احمد انا كنت ميته انا ماكنت قادره اتنفس
احمد: وربي اني كنت ناوي ارجع لك بس شنو كنت راح اقول وكنت حاس انك كرهيني
كنت خايف من ردت فعلك ادري اني خدلتك وظلمتك
رهام: وشلون انت هنا الحين؟؟
قصدك ليش مو بالرياض؟؟
اختي نوال انخطبت وهي الحين تجهز لعرسها وانا مو حاب اظل في البيت مابي اضايق اخوي بندر وزوجته
انتي تعرفي ان الوالد ميت من سنين والوالده وخلاص راحت فجيت اجهز لي شقه هنا قريبه من عملي
رهام: وبيتكم الي جنبنا بعتوه؟؟
احمد: لا شنو نبيعه بس ما كان عندي الجراه اسكن فيه
رهام: ....................
احمد: شنو فيك ساكته
رهام: ولا شيء
احمد: لسه تحبيني ولا كرهتيني
رهام: عمري ماتمنيت بعد فرقاك غير اشوفك ولو مره ويجيني الموت لاني ماقدر اعيش بدونك
احمد: اسم الله عليك من الموت عسى الموت لعدوينك
رهام: ارجع لبيتك
احمد: تسمحين لي
رهام: ....................
ويمسك يدها ويناظر عينها ويهمس: والله اني اشتقت لك احبك وربي يشهد علي اني عمري ماحبيت ولا تمنيت غيرك يشاركني حياتي
تبتسم وشوي وتجي ساره
ساره: يالله رهام لازم نرجع البيت
احمد:خلي بالك من نفسك
رهام: وانت بعد
ويطلع بطاقه من جيبه ويمدها لرهام: كلميني اذا حبيتي
ساره وهي مقهوره: صدق الا استحوا ماتوا وتجر رهام من يدها وتمشي

في السياره وفي طريقهم للبيت
رهام: والله اني مبسوطه ردت لي روحي ياساره والله اني احبه
ساره: والله ماشفت خبال زي خبالك وش قال لك وش كذب عليك
رهام : حرام لاتقولين كذا عنه هو مايكذب علي

وراحت تحكي الي صار وهي ميته وناسه واحمد قرر يرجع لبيته القديم بعد مارجعت له حبيبته

اما بدر فأه على بدر

ام ناصر: مبروك يوليدي بعد اسبوعين نروح ونخطبها رسمي
بدر: صحيح يمه
ام ناصر: صحيح ياولدي
بدر: والله اني انتظر هاليوم من زمان
ام ناصر: الله يتم عليك فرحتك
بدر: انا بروح اسوي لي كم شغله وارتب وضعي لليوم الموعود
ام ناصر: الله يهنيكم واشوف عيالكم امين يارب
من قلب يرد بدر: اميــــــــــــــــــــــــــــــــــن



وهنا يخلص البارت الثاني وان شاء الله يعجبكم
تحياتي لكم

[juoly]

انتظر ردودكم الحلوة ولا قصتي ماعجبتكم؟؟؟؟؟؟؟؟؟؟؟؟؟؟؟؟

[juoly]

مع ان محد رد على البارت الثاني الا اني راح انزل الثالث ولو مالقيت تفاعل راح اوقف
وتكون تجربه الي

الجزء الثالث
(ليش يادنيا تخليني حزينه )

الساعه 2 الظهر يدخل ابو ناصر البيت بعد يوم شاق في العمل تعبان وراسه مصدع ويسمع
طاااااااااااااااااااااااااااااخ اكس
ابو ناصر: فهيد وجع وش كاسر هالمره
ويدخل معصب وماله خلق ويشوف زجاج المكتبه الي في الصاله مكسر والتحف الي حواليه شطايا بقايا اشكال

ويروح يمسكه من يده ويصرخ بوجهه: شسوي فيك انا ها علمني كم مره قايل لك لاتلعب بالكوره في البيت
فهد: والله ماعيدها والله اخر مره يمــــــــــــــــــــــــــــه
تجي ام ناصر: وي اسم الله على اولدي ابو ناصر خله لاتعوره توه صغير
ابو ناصر: ماخربه الا تدليعك حقه لكن تدري شلون من اليوم وطالع اذا اشوف كوره بالبيت ماتلوم الا نفسك لعن ابو بليسك ماني مسويلك ملعب بره
فهد: يبه صغير مايمديني العب فيه
ابو ناصر: والصاله يمديك تكسرها وتتونس اكثر فيها روح رح من وجهي لا اقتلك هنا الحين
ام ناصر: فدوه لعيونه ماصارت مكتبه تجيب لنا غيرها
ابو ناصر: المشكله مو في المكتبه المشكله في ولدش الي مو راضي يعقل الله يهديك بس

يدخل بدر وهو رايق وحامل بيده بوكيه ورد والثانيه علبه مغلفه بفيونكات كثير كلاس
وهو يغني
ياصايغين الذهب حبيت ادلعها
جيبوا لي خاتم ذهب يستاهل اصبعها

ابو ناصر: الحمد لله والشكر انا الله ابتلانا بمجانين حشا مهم اولاد

بدر ببتسامه عريضه هلا هلا ببوي وحبيبي هلا بالغاليه امي هلا بكم ياغوالي هلا

ام ناصر الله يدوم وناستك قول اميـــــــــــــــــــــــن
بدر: امين ادعي لي يمه ادعي لي
ابو ناصر: ليش داخل على اختبار بنت خالتك هي وهم موافقين ويتمنون رضاك بعد انت ولد بوناصر ماينقال لك لا

بدر: مدري ليش قلبي ناغزني يبه

ابو ناصر: هذا توتر بس لان جو جديد عليك
بدر: وناصر وزوجته متى راح يوصلون؟؟
ابو ناصر : ياولد احنا لسه بالظهر وموعدنا مع ان نواف المغرب

بدر : اوف باقي له كم ويصير مغرب
ابو ناصر يضرب يده كف بكف ويقول: لاحول يامره حطي لنا الغدا تراني ميت جوع

ام ناصر من عيوني




وفي بيت رهام الي عايشه بعالم ثاني من اسبوعين

كانت تكلم احمد في التلفون وناسيه نفسها وامها ماقالت لها بالسالفه تبي تسويها مفاجأه
حسب الي تعرفه ان بنتها تحب خالتها ام ناصر وساره صديقتها وهي متعلقه في بيت ام ناصر كثير
وبدر شاب ولا كل الشباب ماينعاب يعني البنت اكيد راح تنبسط وتفرح بخطبتها

رهام:الله لا يحرمني منك
احمد: ولا يفرقنا مره ثانيه
رهام : وكيف البيت الحين
احمد: والله فاضي جالس برحي فيه ماعندي من يمليه
رهام:...............................
احمد: انا قلت لاخوي اني اتعالج راح انتظر كم شهر وبعدها راح اجيك ومحد راح يبعدنا عن بعض مره ثانيه
رهام: زين ولو عمك قال لك ارجع لبنت عمك
احمد: ليش انا ماقلت لك انها انخطبت
رهام: لا
احمد: راح الله يوفقها مع عريسها
رهام : زين ليش ماتجيني الحين
احمد: ماينفع لا تنسي ان لو كان الا فيي صحيح راح ياخذ وقت
وانا كنت رافض الزواج فلما كان اخوي ينصحني بالعلاج كنت دوم ارفض
وبس لما رجعنا لبعض قلت له اني اتعالج يعني لازم ما احسسه بشي
رهام: وانت ماشفت كذبه غيرها
احمد: هذا الي صار
رهام: بس والله ......................... وينفتح الباب وتدخل امها
رهام: اوكيه حبيبتي اكلمك بعدين
وتسكر الخط بسرعه
ام نواف: مين دي
رهام : وحده من صديقاتي
ام نواف: لاتنسي الليله بيت خالتك ام ناصر بيجونا
رهام: لا مو ناسيه راح اجي اساعددك بعد لو حبيتي
ام نواف: لا ما ابيك ماقصرت ريتا الطباخه ولا روزا مكفيين وموفيين
رهام: ساره قالت راح تجي بدري بس للحين ماجات مدري شفيها
شوي وتوصل ساره


(طبعا ساره عندا خبر بالموضوع بس ماعرفت شنو تقول لاهلها وحتى رهام بعد مارجع احمد مستحيل راح توافق بس كانت متوتره ومو عارفه شنو تقول خصوصا لما حست ان خالتها ماجابت لرهام خبر عن الموضوع)

رهام: والله من جد احبه
ساره: .....................
رهام: شنو فيك اليوم سارحه وبالك مو معك ليكون نواف مسوي لك شي؟؟
ساره:نواف اهو قي مثله
رهام: خبريني عنك وعنه
ساره:نواف مو مثل حبيبك الخايس الا مايخاف عليك هذا يموت لو ويحرم نفسه من انه يكلمني عشان محد يشك فيني ولا يقول عني كلمه
رهام: وش قصدك يعني؟؟
ساره: ولا شي
رهام:احمد راح يجي يخطبني
ساره: ام واضح
رهام: تراك صايره سخيفه وممله اذا نواف مايكلمك لاتكوني حسوده
ساره: كلها كم شهر وانا وهو في بيت واحد
رهام: اي في بيتنا راح يضيق علينا البيت
ساره وهي ترمي الوساده الي بيدها على رهام: ويمكن انتي تطلعي قبلي ويصير البيت لي ولنوافي وبس
رهام: مخبوله انتي لسه شوي
ساره: ماتدري شنو يصير؟؟؟ الا بسألك لو يجيك خاطب غير احمد شنو....
رهام تسكتها :الله لايقولها وبعدين انا واحمد لبعض ومحد راح يفرقنا
ساره...........................



وتمضي الساعات سنين بالنسبه لبدر وساره

الكل جالس في الصالون الكبير الي مصمم شبه منفصل حتى لو صارت عزايم عائليه مثل هذي
النساء في قسم والرجال في قسم ثاني

بدر ونواف وناصر وابو ناصر وفهد جالسين يسولفون
ونوره مرت ناصر وامه وخالته جالسين صوب ثاني
ورهام وساره بالمطبخ مع الخدم يجهزون العصير
كان عليهم عباياتهم الكتف ورهام متلثمه كالعاده اما ساره كاشفه وجهها بس البنات ماشاء الله عليهم حتى كحله مايحطون

مشت كل وحده منهم بشويش لين ماوصل للصاله تخانقوا كل وحده تقول لثانيه انتي ضيفي الرجاجيل
بعدين اتفقوا يدخلوا مع بعض ودخلت رهام اول وبدت باليسار من فهد وبعدين عمها وساره يمين نواف الا ماشال عينه من عليها وهو يسالها: شلونك يابنت خالتي
ساره: بخير
ومشت لاخوها بدر الا انقهر من اخته وقال وش دخلك هنا <<<<<<<<<<<< مسكين يبي رهام تجيب له العصير

رجعوا للنساء قسمهم وهم يسولفون قطع سوالفهم ابو ناصر بصوت مرتفع وقال: يام نواف
ام نواف: سم يابو ناصر
ابو ناصر: احنا جايين وشاريين بنتنا رهام لولدنا بدر

رهام سمعت طلب ابو ناصر وكان رصاصه صابت قلبها وقامت بسرعه غرفتها وساره وراها

بدر قلبه حاسس ان في شي همس وش فيها رهام؟؟؟
قاله نواف دلع بنات وتغلي
ابو ناصر : مارديتي يام ناصر
ام نواف ردت: وين القى احسن من بدر واذا اخوها موافق انا ماعندي مانع
نواف: والله وصار لي كرت احم احم ...غير صوته شوي وقال: والله اني ابي الفكه منها خذها يابدر الله يعينك على مابتلاك ترها دلع مرررررررررررره



رهام على سريرها مو مصدقه الخبر وساره واقفه مو عارفه شنو تقول
رهام: ليه ماقلتي لي من قبل؟؟
ساره: والله ما عرفت
رهام: والحل انا مابي اخوك (كانت تتكلم وهي مجمده عواطفها تتكلم بقوه وبدون ماتناظر في ساره)
ساره:قولي ماتبيه

رهام: راح انزل الحين اقول لهم ماابيه
ساره:لا مو الحين انتظري لين
رهام قامت من كلامها وبسرعه نزلت للطابق الارضيى واخذت نفس عميق ودخلت الصاله

ام ناصر قامت لها تستقبلها :هلا بمرت اولدي هلا بالغاليه
رهام طالعت فيهم كلهم وكملت طريقها لداخل والكل مستغرب من تصرفاتها وراحت لبو ناصر وقال:
عمي ابو ناصر انا مابي اتزوج
بدر وكان سكين طعنت قلبه :ليش
رهام وهي توجه الكلام لبو ناصر: عمي انا مابي بدر اولدك
خزها ابو ناصر بنظرات قويه وقال يالله يامره قومي

طلع الكل من بيت ام نواف ونواف يصارخ في اخته:فشتينا انتي على ايش شايفه نفسك انتي اصلا ماتستاهلين بدر.. بدر احسن منك وهي ساكته وامها تلوم حالها على الموقف الي صار وبس تسترجع ان لله وانا اليه راجعون

الي قاهر نواف انه خلاص كان ناوي يخطب ساره بس يعرف غطرست وعناد ابو ناصر يوم رفضت رهام بدر لا يحلم يشوفها حتى بنامه

طول الليل واحمد يتصل فيها وهي ماترد عليه وهو قلبه محروق مايدري شسالفه
انتظر لين الساعه 3 الفجر ونط من سور بيتهم لسور بيت رهام وراح لغرفة رهام مثل قبل لما كان يتسلل زي الحراميه

دخل غرفة رهام الا استغربت جيته والي كانت جالسه في غرفتها ماله من حالها ومن الدنيا

وووووووووووووووووووووووووووووووووووووووووو

وش تتوقعون

نواف هل يدخل الغرفه ويشوف احمد بغرفة اخته او ...........................

انتظروا البارت الجديد



هذا البارت لو مالقيت تجاوب فيه راح اوقف القصه واشكر الي مر وقرأ الجزء الاول وعقب على قصتي

بس والله حاسه حالي حزينه لان مالقيت التفاعل الا كان ودي فيه

[juoly]

ليش ماتقرأوا قصتي
انا زعلانه
اهي اهي
حرام
ادعموني شوي