وهاقد ولد الجزء الرابع
( حطام احلام)
دخل احمد على رهام الي كانت بغرفتها دارت لقته قدامها وجات تصرخ قام حط يده على فمها
احمد:رهام حبيبتي هذا انا تكفين لا تفضحينا
رهام بعد ما هدأت شوي:انت كيف تخاطر وتجي لغرفتي
احمد:والله مو بيدي وينك انتي معقوله كل هالغيبه والله خفت عليك وش بلاكي وليه مصده عني
رهام ودموعها تجري بغزاره: خطبني ولد خالتي
احمد:وش تقولين انتي مستحيل لا رهام حبيبتي لا تتخليني عني انا ابيك وربي اني شاريك وراح اجي اخطبك اول مايحين الوقت
رهام:مستحيل اكون لغيرك ومستحيل احد يمس مني شعره غيرك
احمد:تكفين لا تصيحين كذا والله قطعتي قلبي مقدر اشوف دموووووو
نواف يطق الباب:رهام افتحي الباب رهام انا اسمع حسك بالغرفه انتي مانمتي فتحين الباب
رهام خايفه ومرتبكه:اطلع بسرعه ارجوك لاتفضحني والله ليذبحني اخوي
احمد:انا طالع بس لا تقفلين جوالك خليني اكلمك اوكي
نواف:فتحين الباب لا والله اكسره
رهام: انتظر شوي بس لاني ابدل ملابسي
وانتظرت دقايق لين ما نزل احمد وبعدين حطت يدها على قلبها وفتحت الباب
نواف:ساعه تبدلين
رهام:....................
نواف:رهام سمعيني زين انا مابي اجبرك على الزواج بس والله بدر ماينعاب
وانتي تدرين ان اذا ماخذتيه انا لا احلم بظفر ساره اشوفه
رهام:وهذا الا يهمك ساره وبس واختك
نواف:انا لو تعطيني اسباب راح افهم ام انك ترفضين بدون سبب وتحطمين حياتي بكذا انتي تكونين انانيه وظالمه
انكسر داخلها لانها تعرف نواف وساره وش كثر يحبون بعض بس تضحيتها هذي معناتها تتخلى عن حلمها الا عاشت عليه
رهام:نواف انا ماودي انك تخسر ساره بس
نواف:بس ايش قول لي لي انتي تحبين اخو وحده من صديقاتك والله قولين لي عادي بتفهم وضعك
رهام ودقات قلبها تزيد:ها لا لا انت شتقول انا احب معقوله
رفع حاجبه اليمين : والله شكلك مخبيه شيء
رهام:والله تعبانه وابي انام
نواف:اوعديني انك تفكرين عشان اخوك الا ماعندك بالدنيا غيره ترى والله بلاه اموت
رهام في نفسه وانا ميته بدونه
نواف:انا راح اخليك واعرف قلب اختي الطيب مايرضى على احد يعيش هم ونكد
ابتسمت رهام وقالت:يصير خير
طلع وسكر باب الغرفه وراههي اتنفست وظلت طول الليل تفكر ومحتاره
شنو تسوي وكيف تختار اي نار ابرد اخوها وصديقتها ولا نارها وحبيبها
ومضى يومين وهي لا تاكل ولا تشرب ونواف ينتظر جواب وساره لاحس ولا خبر وماعندها غير احمد تكلمه وتسولف معه
ومره لما كنت تشكي همها له بالجوال
والله محتاره يا احمد اخوي مابيه ينكسر انا جربت الحرمان واعرف طعمه عدل
......................
اي خلاص اشوفك في الكوفي شوب يوم الاربعاء ونتفاهم
..........
وانا بعد احبك
وسكرت الخط بس مين كان يسمعها ؟؟؟؟؟؟؟؟؟؟؟ نواف الا كان حاس ان اخته مي خاليه
قرر يعرف وش القصه ويكشف اخته عمل حاله ماسمع شيء وهو مخطط يلاحقها وين ماتروح الاربعاء ليعرف مين حبيب القلب الا خرب بيته انتظر دقايق بعدها دخل الصاله
رهام:هلا بأخوي
نواف:هلا
رهام:وش فيك
نواف:مالك شغل فيني انتي خلك بحالك وانا بحالي
رهام في نفسها (معقوله سمعني لا اكيد لو عرف كان قلب الدنيا على راسي) وش بلاك مو على بعضك
نواف:انا طالع غرفتي
استغربت رهام من حال اخوها بس قالت في نفسها يمكن مشاكل في العمل خلته في حاله ورجعت تفكر في حالها
وفي بيت ساره
ام ناصر: والله يولدي الف بنت غيرها تتمناك بس انت اشر
بدر:يمه مابي غيرها مابي يمه انا احبها وطول عمري اتمناها
جرحتني يمه والله ما استاهل تسوي فيني كذا
ساره تراقب حال اخوها الي منهار وهي تحتسب امرها(حسبي الله عليك ياحمدوه وش الا جابك حرمتني انا واخوي من حبنا وضيعت امانينا واحلامنا الله لا يوفقك)
ام ناصر:والله رهام عاقل مادري ليش تسوي كذا
بدر:يمكن تحب غيري
ام ناصر:وش هالخرابيط ماعندنا بنات تسوي كذا بلا حب بلا قلة ادب والله لنذبحها
مابقى الاهي
ساره:اخوي هونها وتهون
بدر:خلاص اطلعوا بره مابي اشوف احد مابي اسمع احد يتكلم عنها اطلعوا
طلعوا من غرفته وهو حالته حاله شافهم بوناصر وسمع صراخه
ابو ناصر:من بكره يام ناصر تدورين له على وحده بنت حمايل ومزيونه واحسن من بنت اختك المغضوبه
ام ناصر:بس بدر
ابو ناصر:بدر بزر مايعرف مصلحته وبعدين من متى الرجاجيل تبكي على الحريم انا والله ساكت له عشانك
والله لو ما انتي كان عرفت شلون اتفاهم معه وانتي ياساره لعاد تروحين لهم ولايزورونك رجولك احشها لو عرغت انك معاها
ساره:يبه هذي ر
ابو ناصر:والله وطالت وتشمخت حتى انتي ياساره بتراددين ابوك
وطلع بعد مازف الي في البيت كلهم
فهد لحاله كان في عالم ثاني
سلطان وهو يمد لفهد لفافة سجاير:جربها والله ماتندم
فهد:سلطانوه لو ابوي يدري بيقتلني
سلطان:ماعليك منه امسك وجرب وماراح تندم
فهد اخذ السجاره ومن هالحظه صار مدمن حشيش
وجا يوم الاربعاء الي نواف ينتظره لبست عبايتها وقالت لمها :انا رايحه السوق توصي شي
ام نواف:سلامتك انتبه لنفسك يابنتي
وهناك وصلت اول ماشافها جا لعنده ومسك يدها ونواف مو مصدق عيونه
دخلو الكوفي وهو وراهم ودخلو كابينه وهو وراهم حدها جلست على الكرسي وينفتح الباب
نواف عيونه حمره من الغضب:ايا قليلة الادب احمدوه عاد مو انا قايل لك ليش تسكتين
احمد ارتبك بس :هدي اعصابك يانواف
نواف:انت انثبر مكانك انا مابي اسوي فضيحه ولا كان ذبحتك هنا ومايردني احد وانتي يالله قومي
ومسكها من يدها وعطاها كف باليد الثانيه وطلعوا واحمد ماعرف وش يسوي
وفي السياره هاجمها سب وصراخ وشتايم وهي تبكي وساكته وهو يسرع زي المجنون لين ما صدموا في شاحنه بالطريق
وهنا راح اوقف البارت
وانتظروا المزيد من الاحداث بعد ردودكم الحلوة
رد : سجينة احلامي... رومنسيه وحالمه...بليز اقرأوها 
العرض العادي
