لعز للي حرزها

[سهم القوافي]

الله على اللي قفزته كنه الباز = لو تعترض قدمه عدامه قفزهــــا
شهادته بالفحص ناجح ومجتاز = للطرقه اللي ناوي في نجزهـــا
فلل من البترول بنزين ممتاز = لو تصعب وعور الدير ماعجزها
مليان طبلونه تصاميم والغاز = سلط على مخ الخواجه فرزهـــــا
انشهد انه حقق بمخه انجاز = فرصة عمر سعى لها وانتهزهـــا
صناعته للجيب دايم ماتنهاز = جودة مكينه والبدي فن وازهـــــا
قوة دبل ومرافقه شغل هزاز = حمر العروق يشقها مع غرزهـــا
في تختخ مافيه واشي ولماز = حكاية المقفي كثيرن لمزهـــــــا
وانزل السجاد تصميم شيراز = مع شنطة العزبه بكامل جهزهـــا
وازهم وليف بالتواصيف يمتاز = لبيه منها كلمة من ميزهــــــــا
واشب نار السمر واخلي الغاز = حتى الجمر بالنار يصبح عززها
واقرب الدله على الجمر لانحاز= فنجالها يبرى الكبود ولهزهــــا
واجر صوتي للحبيب بمعناز = ويردد لحوني ويفهم رمزهـــــــــا
ماكمل القصه ولاني بمعتاز = خل البقيه لغز للي حرزهـــــــــــــا

وسلامتكم...بقلمي.اخوكم..الشاعر.سهم.القوافي

[nashwan/wish master]

اخي الكريم سهم القوافي


متميز دائماً في طرحك

هنا في همس القوافي


وقلم تواجده يسعدنا

لك كل التقدير منا


ينطيك الف عافية

ولاتحرمنا جديدك


دمت بسعادة


اجمل الامنيات

من سيد الامنيات

تحياتي
نشوان/سيد الامنيات

[فيصل عبيد]

اخوي سهم القوافي
قصيدة رائعة من السهل الممتنع
امتعتنا وابدعت في سردك للقصيدة تقبل مروري

[أســــ الغنج ــــير]

اخوي سهم القوافي
صح السانك والله
والله الطرقه الحلوه
جيب وطخماء وشبة ضو وتختخ خالي
اي والله يحق لك تجر الصوت خخخخخخ
لاعدمتك
جزله ومن جزل
انت مبدع عسانا مانتبدل فيك
تقبل تحيات وتقدير
اخوووووووووك
أســــ الغنج ــــير

[كينــاز]

صــ ح لسانك
قصيدة رائـ ع ـة
يعطيك ألف عافية
ما ننحرم يارب