ابي ابكي على صدرك تنسيني جميع الهم

[نوف الهلال]

ابي ابكي على صدرك تنسينـي جميـع الهـم
ابي انسـى عـذاب(ن) كـل ماله..ايتحدانـي

ابي تمسح عن عيوني علامات الشقـا والظلـم
وابي قلبك على قلبي وابي روحك بوجدانـي

ابيك وماابي غيرك عليـك الـروح بـه تلتـم
تلملمني بغـلا قلبـك وتنثـر باقـي احزانـي

تعبت اتخيل طيوفك تعبـت اشتاقلـك واحلـم
تعبت اسأل متى جرحي بيرحمنـي وينسانـي

تعبت اكتب لك حروف(ن) عليها اطرب واترنم
واعزف لك نغم جرحي على قيتارة الحانـي

تعبت وماقدرت افهـم زمانـي ليـه مايرحـم
وليش إنـي اذا طعتـه يعاندنـي ويعصانـي

عشق فيني خضوعي للقهر للياس حتى الظلـم
غدا يتلـذذ بجرحـي ويستوطـي بجدرانـي

تعبت ومابقت كلمـه تفسّـر ضيقـي المبهـم
تعب حتى التعب مني يقول ارجـوك انسانـي

اناديلـك ونبراتـي بدمـع العـيـن تتكـلـم
واجاوب عنك واشكيلك وانا بالبيـت وحدانـي

وادوّر لك عن اعذار(ن) وابرر ليـش ماتهتـم
وانفاس الغلا بصدري تدوّرلـك عـذر ثانـي

تعال اشرق عليّ شمسك وبدد ليلـي المظلـم
ياروحي خلني وردك وقلبـك خلـه بستانـي

تعال اقرب من انفاسي وحسّ اشلوون اتلعثـم
اذا قربت من قلبي وشلتـك داخـل احضانـي

تعال ان كنت شاريني تعال ان كنت بي مغـرم
تعال بدون ماافرض عليك وغصـب تهوانـي

انا مااطلبك عطفك..ومابـي تشفـق وترحـم
عزيز النفس كنت ودوم ببقى رغـم احزانـي

بس خذها ترى كلمه وكلـك ذوق لـو تفهـم
انا عشقي صبر واحساس وطبعي ياما اشقاني

امانـه لاتخلينـي علـيـك بـيـوم اتـنـدم
لانك كل مااملك......ورب الكـون يافلانـي
اتمنى ينال اعجابكم...........
اجمل تحيااااااااااااتي لكم حبايبي

["سنفورة"]

زوين بزاف تبارك الله عليك

[نوف الهلال]

تسلمين ياقلبي على المرور الحلو ...
تحيـــــــــــــــــــــــــــــــــــــــــــــــ ــــــــــــــــــــــاتي

[غلا و كلي حلا]

رووووووووووووووووووووعه تجنن
إذا كنتي أنتي اللي كاتبته ما شاء الله عليك
بس إذا ناقلته ميرسي على مجهودك
ان شاء الله نشوف من كتاباتك

[..* الدانـــة *..]

روووووووووعة

الله يعطيــــكِ العافيــة ..

وشاكرة لجهودك الرائعة ..

وما ننحرم من جديدك ::