انا اشهد ان النمر يرث نمارة=وانا اشهد ان الذيخ يرث نوابيح
الوقت ذوقني حلاة ومرارة =وابهج فوادي بالمزون المراويح
والحر يفهم كل شي بالإشارة =واللاش مايفهمك تنخاه وتصيح
اللاش لاش ولابقلبه حرارة =واللاش جعله فدوةً للطحاطيح
والشهم يعرف قدرضيفه وجارة =واللاش مايقدر على هبة الريح
والشهم يعرف قيمة اهله ودارة =والنذل يتعبها بكثر التجاريح
والشهم يحصد(نعم )جهد وجدارة =واللاش يحصد طول عمرة (تقابيح )
والشهم في وقت اللوازم صدارة =واللاش يرعى حرمته والدراميح
والشهم يكسب طيب طيب ونعارة =واللاش يكسب له من المرجلة ميح
والشهم يرقى بالكرم في مسارة=واللاش يمسك بالكفوف الشحاشيح
والشهم له بصمة قيادة وامارة =واللاش ماله بالجمايل ملاميح
والشهم تشريف التعب والزيارة =واللاش ودك تاخذة عاصف الريح
والشهم شهم وتفتخربه ديارة =واللاش ماتقواه جرد الصحاصيح
بعض البشر مشية عليها خسارة =ماهم لعسرات المغالق مفاتيح
وبعض البشر ممشاة دين وطهارة =مشيه على البيداء صلاة وتسابيح
وبعض البشر ماهو بيده قرارة =تلعب به الحرمة سواة المراجيح
ماني كفيل آدم بمافي إدخاره=لكن اعبر والليالي تباريح
بيني وبين العز تارة وغارة =وبيني وبين الذل بعد ومشاويح
لقيت نسل الشهم عزونمارة =ولقيت نسل اللاش ذل ونوابيح
بقلمي: حسن السفياني
هبة الريح 
العرض العادي
