اقتباس:
المشاركة الأصلية كتبت بواسطة قلبي وصاني عليك
 مرحبااااااااااا الساااااااااع
كيفكم شباب وصبايا
اليوم جايبه لكم شعر من تاليفي
واتمنى ينال اعجابكم..
وهالله هالله بالردود عشان
اتشجع واطرح لكم اشعاري الباقي
لاتعتقد في يوم اني عشقتك
العشق يا بعد روحي لك قليل
قلبي وروحي وكل شي وهبتك
ومن في هاالدنيا يوصف المستحيل
كلمة حبيبي ماتوفي نصف حقك
وكل الجوارح في خفوقي لك تميل
انت الذي في القلب دايم وصفتك
رقه وجمال وذوق وطيبه من دون تمثيل
حتى القصايد زدتها من عرفتك
لانها قبل ملقاك دون القليل
وحتى حروفي تستحي ان طريتك
ودقات قلبي بك تهوجس يالجميل
ربي يحفظك في قربك وبعدك
ويبعدك عن كل شر رذيل
وسلاااااامتكم
صح لسانك فالج البيرق<<ههه مصدقه عمرها |
اختي الغاليه
قلبي وصاني عليك
يعطيك العافيه وماقصرتي
وانا فعلآ قلبي وصاني عليك ان اكون صريح معك
مصافحه جميله
<< اتمنى اعرف انتي من الناس اللي يزعلون والا لا؟؟؟
لأن فيه ملاحظات قليله وبسيطه بس وبما انك ضيفه علينا في قسم همس القوافي مانبي تاخذين بخاطرك علينا !!!
والملاحظات مثل /
ياليت تحاولين تركزين على الوزن شوي طبعـــــأ اسهل واقرب طريقه للوزن هو انك تحاولين تلحنين كل الشطور او البيوت على لحن واحد!!
برضوا فيه ملاحظه بسيطه على بعض القوافي الموجوده في الصدر مثل/
الصدر في البيت الثالث
والصدر في البيت الاخير
برضوا ياليت حاولتي تجيبين حرف مثقل في الصدر في البيت السادس اقصد بدلآ عن حرف الياء وانتي لو تنطقين القافيه تحسين بتغير!!
هذي بس ملاحظاتي واذا ماكنا صريحين مع بعض والكل استفاد من الثاني فأعتقد ماراح الشخص يستفيد ويتطور بقصائده ويتقدم بها للأمام !!
وانا كان بأمكاني اقول صح السانك والله يعطيك العافيه واجاملك لكن يمكن انتي ماتعجبك المجامله وتحبين الصراحه لكي تستفيدين!!!!
برضوا انا اعجبني عندك حاجتين/
1-القافيه اللي في العجز منتظمه ومتماسكه وقويه
2-الفكره عند الشاعره قويه
<< اختي ارجو ان تتقبلين وجهة نظري بكل سعة صدر
كما ارجو استمرارك والاستفاده من الاخطاء التي تم ايضاحها بالنص
واتمنى في يوم من الايام اشوفك تنتقدين الشعراء وانا متأكد من كذا لكن:
لانجاح مع اليأس
ولافشل مع الاستمرار
اتمنى اشوف مشاركاتك القادمه وانا متأكد انك راح تشوفين التغيير والتقدم بنفسك
لاعدمتك وتقبلي تحيات
وتقدير اخووووووك
أســــ الغنج ــــير
لاتعتقد ..شعر من تاليفي 
العرض العادي
