رائد صديق ريم الي يحاول ينتقم منها لأنه بنضره دخوله السجن يومين بسببها جريمه بحقه
رائد:انا اوريها الحيوانه بفضحها بس بالأول بخليها تاكل علقه من اهلها
------------
بدر يسلم على امه وابوه
ام بدر بخوف:ماشاء الله صارلك سنتين ماشفناك وش جرى
بدر بزعل مصطنع:هاه يمه اشوفك مافرحت بجيتي
ام بدر:هلا بك ياولدي هلا بك اشتقنالك
بدر:وين ريم مااشوفها
ابو بدر حابسها بغرفتها وماودهم بدر يدري لأنهم مايدرون وش ممكن يسوي ابو بدر غمز لأم بدر وراحت فتحت الباب
جت ريم بعد ماغسلت وجهها وجت سلمت على اخوها
بدر:شفيك ريم
ريم تلعثمت ماتدري وش تقول
ابو بدر:عشانها رسبت وعاقبناها بالغاء سفرة الصيف زعلانه
ابتسمت ريم:انا رايحه انام
دخلت الخادمه وبيدها طرد:بابا يجي رجال قول اتي بابا
اخذه بدر:يبه اعترف ليكون متزوج فتح الظرف واول ماطلع الي فيه صور وشافهم ناظر ريم وعيونه بتطلع
ريم شافت هالنضره عرفت انها بخطر ركضت بسرعه لحقها بدر وضربها ضرب كانت بتموت بين ايدينه وامها تحاول تبعده
ابو بدر شاف الصور:الله ياخذك من بنت فضحتينا
بدر:انا اوريك ويضربها بقوه وريم تبكي وتصارخ باستسلام بدر حبسها بغرفتها وعنده نيه ثانيه
---------------
مشعل وهو يركض:اتحداك تمسكيني
بشاير:هههههههههه طيب انا اوريك بشاير تركض ورا مشعل تعثرت بالفرشه وطاحت حقيقي
جا مشعل بسرعه:حياتي فيك شي
بشاير:مسكتك ههههههههه
مشعل:يانصابه
بشاير:مالي دخل مسكتك
مشعل قط نفسه عليها
بشاير قامت ومسحت فمها:اي كسرتني
مشعل:ههههههههه كسرتك ولا شي ثاني
بشاير:"وناسه مافيه خدم ولحالنا محد يراقبنا نتصرف بعفويه كذا بدون عقلانيه مثل الأطفال
مشعل اخذ يدها وطلعو برا واشر لها تقعد على المرجيحه وبدا يدفها
بشاير:ههههههههههه الحين اقسم انا رجعنا اطفال
مشعل:ياليتنا اطفال مانشيل هم
بشاير:حياتي مشعل صدقني بتبان الحقيقه
الا ياطفل لا تكبر
كذا اجمل كذا اطهر
كذا لاهم لاسكر
ترا اكبر كذبه عشناها يالله متى نكبر؟
احلم قد ماتقدر
واذا خفت خبي احلامك بدفتر
ترا الأيام سراقه والأحلام تتبخر
---------------------------
اليوم حفلة زواج جراح وهيام
جراح:الله يبارك فيكم يارب عقبالكم
ناصر:ااخ ان شاء الله قريبا يارب
الكل:هههههههههههه
سامي:وش فيك مستعجل
مشاري:ياخي طول عمره شغل ودراسه ويوم بغى يتزوج وشاف زوجة المستقبل خق يبي يتزوج بسرعه
الكل:هههههههههههههههه
ناصر:عاد لا تشوه سمعتي
ثامر:لالالاانتم غرقانين بالنعيم وحنا العزابيه ياعمري علينا
مشعل:وليه ماتتزوج ياثامر
ثامر:هاه
بندر:من قال هاه سمع
ثامر:ياخي لا تهيض المواجع
مشعل:اف شكلك بتحب ياواد
ثامر:لالالا قصدي يعني بس ماتوقع النصيب يجمعنا
مشعل:وليه عاد
ثامر:اتوقع اهلها مايوافقون وبعدين شفتها صدفه كذا بس صدفه خلقت الكثير وناظره ههههههههه من جانب واحد الي هو انا
مشعل:انا اروح اخطبها لك انت رجال وكل بنت تتمناك
ثامر:مو بزمنا هذا هالزمن هذا يبون الي مريش مايبون الأخلاق والسعاده
مشعل:لاتقعد تتفلسف علينا ياشيخ بس قلي وانا اخطبها بنفسي لك
ثامر:اجل كذا ونلظره اجل نتفق بعدين
بندر:ثامر اشوفك صاير تخبي علي
طلال:ياخي اسرار وش حارق بصلتك انت
الكل:هههههههههههه
جراح:يالله فرحونا فيكم
ناصر:ياخي قل لأبوك يفرجها علي والله تعقدت انا
الكل:هههههههههههههه
مشاري:لا اخوي كلش ولا تتعقد
الكل:هههههههههههههه
سامي:هه خليتوها فلم
جا سلطان وسلمان وفارس
سلمان:هاه اشوفكم تضحكون ضحكونا معكم
---------------------------دخل بدر على رائد المربط على كرسي وهو مغتاظ ووده
يموته بس لازم يعلمه درس ماينساه طول عمره
بدر:هاه استاذ رائد شخبارك
رائد مايقدر يتكلملأنه محطوط على فمه لزقه بس عيونه تأشر
بدر:ماغيرت رأيك وتتزوج ريم
رائد بعناديه يأشر بمعنى لا
بدر:اجل اخليك كذا وطلع من جنبه شيك من حساب شركة ابو رائد ب3 مليون ريال ووراه لرائد وموقع بتوقسع رائد
رائد شوي ويبكي هذي سيوله كبيره تدمر الشركه
بدر شال اللزقه عن رائد:هاه وش تبي تقول
رائد:انت واحد حقير لو مو اختك راميه حالها علي ماصار الي صار
بدر:اجل انا الحقير طيب واذا اشر للحارس الي معه
الحارس جاب اخت رائد سوزان وهي تبكي
رائد:بدر الا سوزان
بدر:انا ماني مضطر اسوي شي الا اذا انت عندت
رائد:مايشرفني اتزوج وحده مثل اختك
بدر:لالا عيب هالكلام ترا باشاره مني ينقال عن اختك نفس الكلام
رائد:حرام عليك تراها حرمه مصليه وصايمه والله لتدعي عليك
سوزان قامت:اسمع انت كان فيه شي بينك وبين اخوي خله بينكم وابعدوني عنكم ولا تضلمني معكم اموت ولا تلمس شعره
من راسي
بدر عجبه دينها وشرفها مسكها من يدها وقربها له وبتفحص:ياه جمال اخوك ولا شي عند جمالك
رائد:ابعد يدك ياحقير
بدر:اجل نتفق
سوزان نفضت يدها من بدر:ابعد عني اتق الله في نفسك تدنس عرضي بشي مالي ذنب فيه
بدر:رائد اخلص علي ابي ردك بسرعه والحين
بدر يقرب سشوزان منه وهي ضربته بكوعها
بدر يتألم وبصوت واطي مايسمعه رائد:ترا ساكتلك اعقلي ابرك لك
رائد نزل راسه:انا 000 موافق
بدر:انتبه تلعب بذيلك ترا الشيك معي وراح اصرفه بحال ماجيت بكره تملك
رائد:طيب ابعد اختي
بدر اشر وجابو عباتها وسوزان لبست عباتها وغطوتها وشراب رجليها وقفاز ايديها
بدر اندهش قليل يشوف حرمه محتشمه هالقد وفكو قيود رائد
بدر:امش اوصلك انت واختك
رائد بقهر:مشكور اخذ تكسي
بدر:لالا انا ابي اكلمك بالطريق
بالسياره الكل ساكت الموقف صعب جدا
بدر :اعذرني عن الي صار انا كنت ادافع عن شرف العائله هذا صعب علي كثير
رائد:وانت مشكور علمتني درس ماانساه
سوزان:بشر جباره وشغلت مقطع بصوت القارىء احمد العجمي من سورة الكهف"ووضع الكتاب فترى المجرمين مشفقين مما فيه
ويقولون ياويلتنا مالي هذا الكتاب لا يغادر صغيرة ولا كبيرة الا احصاها ووجدوا ماعملوا حاضرا ولا يظلم ربك احدا"
نزلت دموع رائد ندمان على الي سواه وبدر تمالك نفسه وصلو البيت وكلن راح فحال سبيله
---------------
بصالة الأحتفالات عند النساء
مريم:وناسه جوري مره ثانيه اخوانا يتزوجون بالأول فهد وبسمه والحين هيام وجراح الحمد الله اهم شي يكونون سعيدين
جوري:هههههههههههه وش فيك تقرقين واجد اليوم
مريم:والله من فرحتي ماتدرين شقد تعذبت هيام وعانت
جوري:والله صادقه حتى جراح
جوري ومريم يناظرون بعض:هههههههههههههه
-------------
جا وقت الزفه نزلت هيام بثوبها الناعم مع وجود روح الفخامه وتسريحة شعرها جايه على جنب مكياجها الأروع مع عيونها
الرمادي نزلت على الدرج والأضواء والأعين عليها لحضه تمنتها دوما لتزف لحبيبها جراح
واخيرا وصلت الى الكوشه وهي تأسر النضرات المعجبه بها
دخل جراح بابتسامته وجنبه ابوه وابو فيصل سلم على هيام وباسها
هيام تبوس على رجله وهو يغمض عيونه قعدوا والأبتسامه لاتغادر افواههم
جراح بصوت واطي:اوجعتيني بس مادامه منك عسل على قلبي
---------------------
في اليوم التالي
ابو مشعل طق الباب عهلى مشعل
بشاير:مشعل شوف من يطق الباب
مشعل:ياربي انت قومي
بشاير:مشعل شوف انا وش لابسه
مشعل وهو قايم:طيب فتح الباب ويناظر وهو يفرك عيونه يبه
ابومشعل:تعال ابيك بمكتبي وراح
دخل مشعل
بشاير:مين
مشعل:ابوي
بشاير بشهقه:وش يبي
مشعل:ههههههههههه ياخوافه مدري بس شكله مو عاجبني
بشاير:الله يستر
-------------------------
رائد وابوه جو وخطبو ريم وملكو بنفس الوقت
------------------------
فيصل:بشري يادكتوره كيف الفحوصات والتحاليل
الدكتوره:والله الصراحه
امل:ايه
الدكتوره:لا تخافون انتم اثنينكم مافيكم شي شوية منشطات وان شاء الله يصير خير
فيصل:مشكوره وجزاك خير
------------------
مشعل طق الباب ودخل :السلام عليكم
ابو مشعل بحزن:وعليكم السلام ادخل
دخل وسكر الباب وراه وقعد
ابو مشعل:مشعل انا اسف على الي صار ذاك اليوم ابو بدر اعتذر وطلب مني اعتذرلك فيه سوء فهم
مشعل:يبه انت تامر على رقبتي اما الخايس ابو بدر ماله حق يتجنى علي يبه انا ولدك لازم تفهمني ودافع عني
----------------------
بشاير ومها ومشاعل قاعدين يشوفون مسلسل نور
مشاعل:اه ياقلبي لو اخذ واحد يشبه مهند
مها:اي مهند لا تقولين الي بالفلم
بشاير:اجل مين
مشاعل:يخرب بيته على هالجمال
مها:الصراحه انا مايهمني الجمال الخارق المهم الأخلاق وقدر من الجمال
مشاعل وبشاير يناضرون مها بتعجب
مها:شفيكم اتكلم جد شبي بالجمال اذا الأخلاق مو موجوده
بشاير:اف مها صايره فيلسوفه وتتكلمين مثل الكبار
مشاعل:ليكون حاطه عينك على احد
مها:انتم اي سالفه تقلبونها حاطه عيني ومو حاطه
----------------------
ثامر طق الباب ودخل:السلام عليكم
مشعل يكلم بالجوال :وعليكم السلام واشرله يقعد شوي وسكر الجوال هلا ثامر
ثامر:طال عمرك هذي المعامله الي طلبت مني اراجعها كل شي تمام
مشعل:ثامر شيل الكلافه بينا احنا اصدقاء ولا انت لك راي ثاني
ثامر:بالشغل رئيسي وبرا الشغل صديقي
مشعل ناضر المعامله ووقعها:يعطيك العافيه
ثامر:الله يعافيك وجا بيطلع
مشعل بفكاهه:ثامر صديقي
ثامر بابتسامه:هلا مشعولي
مشعل:ههههههههه اقعد
قعد ثامر:اخلص عندي شغل
مشعل:اعقل ترا اخصم من راتبك
ثامر:ماتقدر انا اكلم مشعل صديقي
مشعل:طيب قلت لي بعدين نتفق قل وش عندك وابشر بالي اقدر عليه
ثامر:مشعل لا تدوخ عمرك معي مشكور وجزاك الله خير
مشعل:عاد انا مصر وناضره لاتقولي انك على علاقه ببنت
ثامر:ههههههههههههههه لا انا ههههههه مستحيل
مشعل:يوه ثامر اجر الكلام منك جر تكلم
ثامر:يعني مصر
مشعل:مصر اعرف السالفه وبروح اخطب لك بعد وناضره ثامر انت رجال كل بنتتتمناك
ثامر:لا سالفه ولا قصيده شفتها صدفه وعلقت بذاكرتي لا اقل ولا اكثر
مشعل:ايه ومن هي قصدي اسم عائلتها عشان اسألك عنهم
ثامر:اسم عائلتها وبتردد:ال0000
مشعل:وش قلت
ثامر طلع بسرعه ومشعل لحقه
مشعل:ثامر ثامر
ثامر:نعم
مشعل:ليه طلعت
ثامر:مابي اسمع ردك لأني اعرفه
مشعل اخذ ثامر من يده وراحوا كوفي بجنب الشركه
ثامر منزل راسه ويشرب قهوه
مشعل:ثامر كيف تحكم علي بدون مااتكلم واابي تفسير وين شفتها
ثامر:لا تشك ولا تظن ظن السوء
مشعل:انا ماقلت شاك بس ابي اعرف
ثامر:كنت بودع اختي ورحت حوش الحريم وشفتها تبكي احسبها اختي ويوم شافتني ركضت لداخل واختي جت وشافتها وقالت انها
اختك مها هذا الي صار
مشعل:اجل وناضره اليوم تعال العصر واتهندم كويس واطلبها من ابوي وانا بساعدك ابوي مو سهل وكانك تبيها حارب من اجلها
ثامر:مشعل وش تقصد لا تورطني
مشعل:وش اتورطك انت اخطب ويصير خير
-------------------
ابو جراح:طلال وش رايك تشتغل معي
طلال:بس ياعمي ابو جراح انا
قاطعه ابو جراح:ادري وش بتقول انت تدرس صح وانت بتشتغل معي من امريكا
طلال:كيف؟
ابو جراح:قريبا انم شاء الله بنفتتح مصنع ونبي خبرلات اجنبيه لتدريب العماله السعوديه وابيك انت الي ترسلهم لي وراتبك ياصلك
كل شهر وانت تدرس
قام طلال وباس راس ابو جراح:مشكور ياعمي ماقصرت ماتدري انك فكيت ازمه عني
ابو طلال:جزاك خير ياابو جراح
ابو جراح:انا ماسويت شي هذا شغل
طلال:الحين اقدر اصكه كف
الكل:منو
طلال:صاحب المطعم الي اشتغل فيه انا وصديقي احمد على طول سكران وصارعني بريحة الزفت الي يشربه الله ياخذه
الكل:هههههههههههههههههه
ابو جراح:ماودك تاخذ وعد ياطلال
طلال:الود ودي بس مافيه وقت اقل من شهر واسافر وهي تدرس
جراح:تختبر بالسفاره من هناك
ابو جراح:خذها معك وخل العرس قبل السفر بكم يوم وشهر العسل هناك
بندر:ايه عمي صادق
ابو جراح:وانا بساعدك بتكاليف الزواج ياولدي اهم شي سعادتكم ووعد مثل بنتي وابيلها السعاده
طلال:لا ياعمي يعطيك العافيه التكاليف ان شاء الله مقدور عليها
ابو جراح:مايصير ترد الهديه
ابو طلال:التكاليف ان شاء الله مقدور عليها
ابو جراح:عاد انا حر هديتي لولدي طلال مو لك
الكل:ههههههههههههه
-----------------
مشعل وثامر يسولفون وابو مشعل يتقهوه
ابو مشعل:هاه وش عندكم قاعدين من اليوم ولا تكلمتو بالموضوع الي تبوني فيه
ثامر يناضر لمشعل ومشعل ياشر له يعني ابدا
ثامر:والله ياعمي الصراحه0000 اني 00000 اليوم جاي وطالب القرب منك
ابو مشعل :وش تقصد
ثامر:انا جاي اخطب يد بنتك مها لنفسي
ابو مشعل بصدمه:نعم ، انا ماعندي بنات للزواج وحنا وضفناك مو عشان تطلب بنتنا كون نفسك وبعدين يصير خير
مشعل:يبه
ابو مشعل:وانت جنيت تبي ازوجه
ثامر:انا اسف من بكره بقدم استقالتي والفقر مايعني انكم انتم بشر واحنا لا كلنا عيال حوا وادم من تراب ومردنا للتراب وطلع
مشعل:يبه وش الي سويته لاتكبر على انسان وبشر زيك وتنتقص من شأنه
ابو مشعل:احنا ماندخل اغراب لعايلتنا
مشعل:بس عيال عمي كلهم تزوجوا ولا تبي خواتي يعنسن وبعدين لازم تاخذ رايها
ابو مشعل:لسا صغار
مشعل:ادري بس الي سويته غلط وطلع
--------------------
سيف:هلا ثامر
ثامر:محتاج اشوفك تعال عندي عند البحر
سيف:شفيك ثامر
ثامر:تعال الحين وبعدين نتكلم
-----------------------
ابو مشعل:مها يابنت اليوم واحد من موضفيني خطبك وانا رفضته بس ابي رايك
مها:ايه يعني ايش ومنو هذا؟
ابو مشعل:ثامر اخو مرت بندر ولد عمك
مها:ايه عرفته الي شغله مشعل وتذكرت الي حصل"اه شقد حنين"
ابو مشعل:وش رايك
مها:يبه بصراحه انت ماهليت لي الراي انت على طول رديت بدون علمي مع انه شي يخصني حتى
لو كنت ابوي بس كان لازم اعرف بالأول
ابو مشعل بندم:الله يكتب لك الي احسن منه
طلعت مها وفيها حسره على الي صار وهي نازله سمعت مشعل وامها يتكلمون عن الي صار بالمجلس رجعت غرفتها وقعدت تبكي
على قسوة ابوها على قسوة الزمن وعلى فقدان شخص قريب جدا من صفات اخوها
-------------
سيف:ايش انت مجنون تدخل عسكريه
ثامر:احسن لي من الأهانه
سيف:انت حر
--------------------------------------------------
بعد مرور 5 سنوات
جراح يلحق ولده يوسف:تعال يوسفوه هههههههههه يالخواف
يوسف يوقف ويمد لسانه:ماتقدر تلحدني"تلحقني"
جراح يمسكه:اها مسكتك وهو يدغدغ بطنه تعيدها ولد هيام تعيدها
جت هيام:شفيها هيام شفيها
يوسف:بابا يدول هيام مو حلوه
جراح بشهقه:وتكذب بعد
هيام بدلع:انا مو حلوه انا زعلانه
يوسف يضحك:باباااااا ماما زعلانه
جراح:اف يالنشبه مايفهم التصريف بابا حبيبي روح العب مع عمه جوري قبل تروح
يوسف يتأفف:دوري"جوري"تهاوسني"تهاوشني"
هيام:تستاهل
جوري تطق الباب:وين الخايس ولدكم كل ماانام عندكم يكسر لي شي والحين كسر حلقاتي هديه من ناصر
جراح يفتح الباب:خير ان شاء الله
جوري جت تبي تتكلم بس يوسف طلع:ماني دحل هن انتسرن"مالي دخل هن انكسرن"
جوري:سمعت يعترف ولدك بعد
جراح:اسمعي تبيني اودي الحلق واصلحه لك خوذي يوسف بنام توي جاي تعبان وهو صاجني
جوري:وعد رجال
جراح:اهب تظمن حقها خلاص وعد رجال
جوري خذت يوسف
جراح سكر الباب وناظر هيام:اف واخيرا
هيام:هههههه
جراح وهو يقلد المسلسلات التاريخيه:اضحكي ياحبيبتي وجلجلي المكان بضحكتك
هيام نقعت ضحك
جراح:اه ياقلبي بتموتيني
هيام:جراح لا تقول كذا اسم عليك
----------------
ابو مشعل قاعد ينتظر برا عند مكتب الظابط وهو متهم بتهريب المخدرات اتصل على مشعل ولده وتوه يرد وعلى طول جا
بس الظابط طلبه قبل يجي مشعل
الظابط كان يقرا الملف بدون الأسم وبدقه اشر للجندي
الجندي:حاضر سيدي وطلع
ابو مشعل بصدمه يناظر الظابط وتذكر الي صار قبل 5 سنوات
رن جوال الظابط ثامر ورد:هلا سيف لالا مااقدر عندي قضيه مهمه بعدين اكلمك مع السلامه
[/size][/size]
سوري مايقدر على اكثر من 25000حرف///////
ثامر ناضر المتهم وبتفحص يوم عرف الشخص الي قدامه ورجع قرا اسم المتهم دار الزمن فيه وتذكر شي من الماضي لم ينساه ابدا
تفضل ياعم
ابو مشعل عجز عن الكلام قعد على الكرسي المقابل لمكتب الظابط ثامر
ثامر:ياعم ابو مشعل انت متهم بتهريب اكثر من مئتي حبه مخدره بالأضافه الى الهيروين ومضبوطه بسيارتك وارجو انك تساعدنا
ابو مشعل:ياولدي انا رجال كبير ويني وهالسوالف
ثامر:للمره الثانيه اقولك لازم تساعدنا على كشف الحقيقه كيف ماتدري بهالكميه الكبيره الموجوده في صندوق سيارتك؟
ابو مشعل:وان شيدريني السواق يحط ويجيب ويودي وكل شي ونا تاجر كبير ولي اعدائي
ثامر:هل يعني هذا انك شاك بااحد؟ وهذا مايعني ان اي انسان يبي ينتقم منك لأنك تاجر كبير ومعروف
ابو مشعل:تجي تهديدات كثيره من ناس اعرفهم بس ماتوقعت توصل للمخدرات
ثامر:هذا الشي يغير مجرى القضيه ارجو منك تخبرنا كل شي في بالك
دخل الجندي ودق التحيه:في واحد عند الباب اسمه مشعل يبي يدخل يحضر التحقيق
ثامر:خل يتفضل
مشعل:السلام عليكم وبنضرات مصدومه:ثامر
ثامر قام وسلم على مشعل وناضره:دور الظابط الحين ابعدني عن حياتنا الخاصه لو سمحت علشان لا تأثر في حكمي
مشعل "اعجبه ثامر ولطالما اعجب به":لو سمحت حضرة الظابط ابوي بايش متهم
-----------------------------------
سلمان يلاعب توأمه مهند ودانه الي لسا عمرهم ست اشهر
رحاب:الله لنا
سلمان يطوقها وهو يبتسم:انت الأساس ويابعد كل الناس
رحاب تناظر سلمان وتناظر عيالها وتدمع عيونها:الحمد الله الي رزقنا وملو علينا حياتنا
سلمان:الحمد الله
رحاب:يالله قوم خلنا نتغدى
سلمان:وش طابخه لنا حياتي
رحاب:الي يحبه قلبك
سلمان:لالا اجل طابخه قلبك
رحاب تضربه خفيف:ويهون عليك اطبخ قلبي
سلمان يبوسها:امووت انا بالي يدلعون
-------------------
ناصر:اشتقتلك ثاني مره مااخليك تنامين عند اهلك
جوري:ناصر ليه حرام عليك امي تظل لوحدها
ناصر:وانا بعد اضل لوحدي وامك خواتك خل ينامون عندها
جوري:حياتي انت انا وخواتي كل اسبوع وحده تنام عندها
ناصر بزعل:انت حره انا احبك واشتاقلك وانت ولا همك
جوري تسوره :انا لو مااحبك ماشوف عيونك غير عن كل الناس تدري انه بنضرة عيونك يضيع كل كلامي كل حروفي نضرتي
مايعرف كلامها غيرك ولهت اشتقت لك
ناصر:انت ناويه علي اه عيونك تحكي كلام
جوري:مو اي كلام واي مشاعر انت روحي الي ماستغنى عنها
ناصر:تسلم روحك ياروحي ونبض قلبي
-----------------
مشعل:ثامر مااقدر اطلع ابوي بكفاله
ثامر:مو بيدي القضيه اكبر مما تتصور بس مسكنا خيط والله يوفقنا
مشعل:خيط اي خيط اكيد مو ضد ابوي
ثامر:هذي اسرار العمل واحنا مع الحق وعمي ابو مشعل مو راعي هالسوالف
مشعل:وينك ياثامر اختفيت فجأه من حياة الكل
ثامر:مابي شي يذكرني بالماضي
مشعل:لا ياثامر الأنسان مايهرب من ماضيه
ثامر:وليتني اقدر انسى المشهد ينعاد كل يوم وكل لحضه مايغيب عن بالي الي حصل اهانه بحقي يامشعل لا تلومني
مشعل:الله يلوم الي يلومك
ثامر:خلينا من هالسالفه انت شخبارك
------------------
سامي:حياتي خليني اطلع
الجوهره ساده الباب:ماني مخليتك تطلع حرام عليك كل يوم تطلع وانام وانا ماشفتك
سامي:قلتلك ماراح اتأخر
الجوهره بزعل بعدت عن الباب وراحت انسدحت بالسرير:كيفك تأخر ماتتأخر انت حر اصلا صاير مايهمك
سامي طلع وضل واقف برا ماطاوعه قلبه يتركها زعلانه عليه قطف ورده من الحديقه ورجع للجوهره ولقاها منسدحه ومغطيه وجهها
سامي:حياتي جوهرتي
الجوهره ماترد
سامي:ياكذابه ادري انك مو نايمه
لامجيب
سامي:يالله عاد ويرفع الغطى ويعطيها الورده
الجوهره تمسح دموعها:شكرا
سامي يقلدها:شكرا ويناظرها بس
الجوهره:تحسب كذا بتراضيني لو تجيب مال قارون مارضيت هذي الأشياء ماتعنيلي شي
سامي:يالله اجل وش الي يرضيك
الجوهره:اسأل نفسك انت ماعدت مثل اول اقعدك للصلاه وانت تصرخ بوجهي وهي تبكي تصرفاتك وكلامك كله تغير
سامي يحضنها:حبيبتي اسف وربي مضغوط شغل بالشركه والعصر ادرس بالتحفيظ واحيانا ارجع بالليل الشركه توترت اعصابي
الجوهره:شفت وش قلت حتى ماقلت ارجع البيت صايره ماشوفك اسأل نفسك من متى ماحضنتني ماسألتني ايش مضايقك
ايش مزعلك ايش مفرحك
سامي:حبك بقلبي مو لازم اظهره
الجوهره:وش يضر اذا اظهرته انت الحين اعدمته
سامي:اهدي الجوهره اول مره اشوفك منفعله كذا
الجوهره:لأني احبك
سامي يطوقها:هههههههههه الله الله اعترافات قويه نادره
الجوهره تبعده:يابليد
سامي:انا بليد هاه انا اوريك البليد وش يسوي قام وشالها وصار يدور فيها ويصارخ احبك يالمجنونه احبك
------------------
ثامر يكلم صديقه والي مشاركه بالقضيه:تصدق انهم غلطو غلط كبير جدا احنا الحين مسكنا الخيط ضد عصابة ابو صقر
الي مدوخ دول ومنظمات عالميه
عبد الرحمن:الا صدق وش سالفتك مع ابو مشعل
ثامر:بعدين الحين خلينا بالخطه للقبض على ابو صقر وعصابته
------------------------
سميه سرحانه دخل سلطان ينادي ولا ترد حس انها مزعوجه شوي
سلطان:سميه شفيك اناديك انا؟
سميه انتبهت:هلا حياتي
سلطان:وين شارده
سميه:مارحت بعيد افكر فيك صارلك كم يوم مو على بعضك
سلطان:ااخ والله انك ادرى بحالي من نفسي تسلمين ياعيوني
سميه:طيب فضفض لي يمكن اقدر اساعدك
سلطان:كل السالفه ومافيها ظغوطات الشغل صاير على طول مزحوم ماافضى لنفسي
سميه:خذ اجازه وخل سلمان وفارس يتحملون شوي
رن جوال سلطان:هلا يبه
ابو سلطان:هلا فيك سلطان اشكرك انت واخوانك على مجهودكم وهديه مني لكم بمناسبة المناقصه الي رست علينا لكم مني
تذاكر سفر انت واخوانك وحريمكم وكل تكاليف السفره لأسطنبول واذا تبون غيرها انا حاضر
سلطان:يعطيك العافيه ومشكور
ابو سلطان:خبر اخوانك ومابي اطول عليكك شكلك تعبان مع السلامه
سلطان سكر الجوال:ابشري بالسعد وقام اخذها من يدها وطلعو الحديقه
----------------
ابتسام:واو وناسه الله يخليك لنا ياعمي
فارس:ياحياتي يايبه الله يخليه لنا مشى فارس للدولاب وطلع شي وحطه وراه وناظرها ابتسام غمضي عيونك
ابتسام مشغوله ترسم:هاه طيب ماناظر
فارس:قلت غمض عيونك
ابتسام نزلت الي بيدها وغمضت عيونها
فارس يقرب منها:خليك مغمضه لين اقولك افتحي لبسها عقد مكتوب عليه اسمها وحرفه هو باسها افتحي عيونك
ابتسام ناظرته وبعدين ناظرت العقد وباسته:مشكور يادنيتي وحياتي
فارس:العفو هذا بمناسبة نجاح معرضك الأول وبامتياز
------------------
فيصل دخل ووجهه حزين
امل بخوف:فيصل طلعت النتيجه وهي تقرب منه هذا المكتوب لنا لا تزعل ولا تيأس وهي تمسح كلى كتفه الله الرزاق
فيصل وهو يحضنها:هههههههههههه مبروك انت حامل
امل وهي تبكي:حرام عليك خوفتني
فيصل:حبيت اسويلك دراما وهو يمسح دموعها
امل:كل الي تمنيته بالدنيا انت وذريه من صلبك
فيصل:احبك يانور عيني احبك ياكل ماتمنيت
----------------------
فهد:عبد الرحمن لاتعور اخوك
عبد الرحمن بابتسامه:اصلا ولدك هو الي يكفخني وانا علشان ماما ماقوله شي
بسمه تحضنه:ياحياتي ياعبودي وتبوسه انت كبير صح
عبد الرحمن:صح
فهد:الله لنا
بسمه وهي تقعد جنبه:تغار من ولدك
فهد ويقرب وجه من وجهها:اغار عليك من نسمة الهوا وقرب
بسمه قامت:فهد وتأشرله العيال عيب
قام فهد واخذ بسمه من يدها:عبود روح العب انت واخوك بالمرجيحه
بسمه:ابوك يالتصريف
فهد وهو يسكر باب غرفته:هههههههههههه بالله عيديها
بسمه:فهد بسك تتمصخر على كلامي
-------------------
يسألني مكان وين وسط القلب ولا العين
رائد:حبيبتي ريم وينك فتح باب غرفته شافها وكعادتها تقرا قران ودموعها على خدها
ريم اول ماحست على رائد مسحت دموعها:هلا حياتي بغيت شي
رائد يناظرها:ايه بغيت اسألك روحي وين وديتيها
ريم تمسح دمعه نزلت وحطت يدها على قلبها:هنا
رائد يقعد جنبها ويطوقها:ماتوقعت اني بيوم اطيق اقعد جنبك اثرني ماقدر ابعد عنك
ريم تحضنه:ولا انا رائد ولا انا
ماحكينا عن رائد وريم الي تزوجو مجبرين بسبب غلطهم من زواجهم كلن ينام في غرفه تغيرت احوالهم وتبدلت
رائد بعد الي سواه فيه بدر وريم بعد ماصارت تروح مع عايشه وبشاير للندوات والمحاضرات ودور حفظ القران الكريم
وبعد مرور 6 اشهر من زواجهم تطلقوا ولاكن سوزان كانت تنقل الأخبار بينهم وحاولت تصلح بينهم وخاصه انهم تغيروا
وبعد مرور 6 اشهر اخرى من الأنفصال رجعوا لبعض بس مو ريم ورائد الي بالأول وبعد مارجعوا لبعض على طول راحوا عمره
----------------------
سوزان وبدر تزوجوا بعد ماشترطت سوزان ان بدر يحفظ 10 اجزاء من القران الكريم وتوافق عليه وهذا الشي كان في صالحه
لأنه اخذ دكتوراه بالأعجاز العلمي للقران الكريم
------------------
ام وعد ماتت قبل 3 سنوات
-------------
ثامر:مشعل احنا بنطلع الوالد كتظليل للمشتبهين وهم اكيد بيهددون ابوك مقابل الي لقيناه بالسياره بما اننا عملناحالنا مالقينا شي
وهذا الخيط الي يخلينا نمسكهم الحين بنرسل قبل مايوصل ابوك للبيت اجهزه ومعدات مراقبه على الأتصالات وحراسه من بعيد
لبعيد وانا وبعض زملائي بنكون عندكم بالبيت تحسبا لأي طارىء او اتصال اوكي
بيت ابو مشعل
دخل ثامر وهو يسترجع الماضي واول مادخل مشعل حس فيه
مشعل:تفضل ثامر
الطاقم كله موجود
عبد الرحمن صديق ثامر:كلش تمام احنا ننتظر وصول ابو مشعل اكيد يراقبونه لين يوصل هنا
من بعيد كانت العصابه تراقب بيت ابو مشعل وتنتظر وصوله للتفاوض على المناقصه والمخدرات الي بالسياره الي انصدموا
يوم الشرطه ماكتشفوا المخدرات بالسياره لأنهم مايعرفون الي حصل
وبدأت الأتصالات والمفاوضه ومع مراقبة الكمبيوتر لموقع ابو صقر وابو مشعل ينفي ان في سيارته شي
ثامر كان ذكي وهذا الي يوقع اعدائه كان يلقن ابو مشعل الكلام علشان ياخذون موقع الأتصال فرقه كانت جاهزه للقبض على العصابه بعد ماعرفوا المكان
طبعا هذا حلم كبير بالنسبه للظباط وجهات الأمن
حس ثامر بخنقه في صدره مايعرف ليه يمكن الذكريات المؤلمه طلع للحوش
احد عصابة ابو صقر ينتظر احد يطلع من عائلة ابو مشعل عشان يخطفه للمساومه طلعت مها وقعدت على المرجوحه وكانت تقرا
يوم حست انه في خرفشه بالشجر وراها قامت شافت رجال راحت تركض وهي تصارخ
ثامر سمع الصراخ وراح يركض وصار يضرب بمسدسه على الرجال واصابه في رجله وبسرعه مها الي بتموت من الخوف
اتخبت ورا ثامر وارجال اصاب ثامر في صدره وهرب وهو يعرج
ثامر طاح على مها الي كانت متخبيه وراه وماقدر يتكلم ومها ماقدرت تتحرك وتصرخ:مشعل مشــــــــــــــــــــــــــــــــعل الحق علي
مشعل كان يدور وين الصوت وهو يركض
ثامر يبتسم بألم :الحمد الله اني شفتك قبل اموت
مها تصارخ بهستيريا وهي تشوف الدم وهي مرعوبه
مشعل جا وبسرعه اتصل بالأسعاف
ثامر:كنت حاس ان الله ماراح يجمعنا كان يتنفس بصعوبه وغمض عيونه
ابو مشعل يبكي ويقوم بنته الي انهارت اعصابها لأنها شوي وكانت بتنخطف وسمعت اقوى اعتراف بحياتها بمثل هاللحضه
----------------------
بندر وعايشه بالحديقه يتسابقون
عايشه وهي تتنفس بسرعه:خلاص وقف تعبت
بندر:حتى انا تعبت بس انا الفايز
عايشه:ايه انت غشاش
بندر:ابشري على امرك بعد وش
عايشه تضربه خفيف:احرجتم تواضعي
بندر يبوسها
عايشه بشهقه:بندر
بندر:نعم انا سويت شي انت الي بديتي وبستيني
عايشه:عاوز تلبسني التهمه
بندر وهو يغمز لها:شرايك بالحديقه
عايشه:شكلك شارب شي
بندر:شرايك نغير الموجه ونروح اليوم بالفندق
عايشه:ههههههههههه شالفرق
بندر ياخذها من يدها وهو يحرك حواجبه:يفرق كثير
-------------
وعد وطلال مدعوين للكلام بمؤتمر عن التعريف بالأسلام كان الحضور من جميع الديانات وعد تغطي وجهها مع الصعوبات
الي لاقتها وطلال كان فخور فيها
وعد كانت تتكلم وبطلاقه عن الحريه الي اعاها الأسلام للمرأه
وحده من الحضور:نحن لانعرف الكثير عن الأسلام ونستطيع فهم كل شي ولكني اتسائل لما انت تغطين وجهك هل انت قبيحه؟
وعد:ديننا الأسلام امنا بتغطية وجوهنا لأننا درر مصونه ونستر مفاتننا عن اصحاب القلوب المريضه الذين لا يفكرون بنا
وانما مايريدونه منا
ضلت وعد تتكلم بما الهمها الله ان تقوله وبعد انتهاء المحاضره
وعد راحت للحمامات النساء دخلت وراها بعض النساء عشان يشوفون شكلها ومنهن الحرمه الي سالت عن الحجاب
وعد راميه غطاها وغسلت وجهها الحرمه انصدمت من جمال وعد العربي وايقنت بنفسها ان كلام وعد حقيقي
بعد انتهاء المؤتمر كان هناك اسر كامله اسلمت واشهروا اسلامهم وناس اقتنعوا واسلموا واناس اخذوا كتب عن الأسلام
ليفهمو الأسلام الحق بدون تشويه صورته من قبل التنصيرين والأعلام
طلعوا من المؤتمر وهم يمشون وماسكين ايدين بعض
طلال:الله ياوعد شقد كنت فخور فيك انت تغيرت كثير
وعد:ترا يكبر راسي
طلال:افشه لك
وعد وطلال:هههههههههههه
طلال:امووت فيك يانور حياتي
--------------------
فتح عيونه ناضر حوله ابتسم يحسب نفسه مات صار يضحك بصعوبه
سيف:الحمد الله على السلامه
ثامر:مسكوهم ولا لا
مشعل:تطمن مسكوهم بس فيه بعض الأصابات
عبد الرحمن:ياخي انت كنت بتموت وتسأل عنهم
ثامر:انا واحد اما هم يقتلون مية واحد بيوم واحد
سيف:يوه انت للحين فيلسوف وحكيم
الكل:هههههههههههههه
دخل ابو مشعل:السلام عليكم
الكل:وعليكم السلام
ابو مشعل:الحمد الله على سلامتك ياولدي
ثامر:الله يسلمك
ابو مشعل:ماادري كيف اكافئك انت انقذت حياة بنتي وحياة عائلتي
ثامر:ماسويت الا الواجب ياعمي
ابو مشعل يعطي ثامر شيك
ثامر:وش هذا انا اسف مااقدر اقبله
مشعل:يبه ثامر ماتهمه الفلوس
ابو مشعل وهو طالع:ثامر يطلب الي يبي هو مايطلب يامر وطلع
سيف يغمز لثامر:من قدك ياشيخ
------------------
مشاري مقابل امال ويقلد"ناصر القبي بطاش"انت خوخه انت مشمش انت والله حاجه تهوس
امال ومشاري ناقعين ضحك
امال:انت الي بسميك بجوالي مشمش دلع لمشاري
مشاري:لا وش مشمشه
امال:ادلعك ياحياتي
مشاري:هههههههههههه مابي دلعك كاني صرت مشمش
امال:ولا تزعل يامشمش وتناظره هههههههههه وربي طلعت عفويه
مشاري يتأمل برائتها:احبك كلك على بعضك وهو يتلمس ملامح وجهها عيونك رموشك عدستك رسمك كلامك وحنانك علي
امال تحط راسها على صدر مشاري:انت الي عوضتني عن عطف وحنان اهلي الي انحرمت منه
مشاري:احبك حياتي ويرفع راسها امال انت تبكين
امال تبكي بصمت
مشاري يمسح دموعها :حياتي ليه تبكين مااحب اشوف دمعه بعينك
امال:بس تخيلت حياتي من غيرك وتحضنه احبك ومااقدر اعيش من غيرك
------------------
بعد مرور شهر
اليوم ملكة ثامر ومها
مشعل:انا طالع خذو راحتكم
ثامر قام وقعد جنب مها وهي تبعد شوي وهو يقرب وهي تبعد بس ثامر ماخلاها مسكها وقربها منه كانت مرتبكه مره وعيونها
ماتثبت بمكان من توترها
ثامر:مها
مها:هلا
ثامر وهو يلف وجهها عليه:ناضريني
مها ناظرته ونزلت راسها
ثامر:تسمحين
مها بصدمه:بايش
ثامر:ههههههههه اعترفلك
مها خدودها حمرت
ثامر:انا خفت اموت وانا ماشفتك كنت بموت من الرعب يوم شفت المسدس ينصوب عليك يوم شفتك وارتحت انك بخير
ماهمني ان عشت ولا مت
مها بلا شعور:اسم الله عليك وبحيا لاتقول كذا
ثامر:الحمد الله الي انجمعت فيك واملي عيوني منك
مها مستحيه
ثامر يمسك يدها:ماادري كيف صار بس الي اعرفه اني احبك وطول الخمس سنوات انت ماغبت عن بالي
---------------
بعد مرور اسبوع الجميع في شاليه ابو مشعل
الأطفال يلعبون مع بعض والرجال يتمشون مع حريمهم بالشاليه على رجولهم حتى الي تو ماتزوجو والكبار قعدو كلهم مع بعض
ببيت الشعر ويتقهوون
في الليل
الكل دون استثناء حتى وعد وطلال اجتمعوا قريب من البحر وانقسموا رجال وحريم ويلعبون يقولون شعر او انشوده او حتى
اغنيه والفريق الثاني يرد بمقطوعه من اخر حرف الحرب ضروس بين الفريقين محد فاز لأنهم كانو يلعبون بحماس وعندهم
استعداد يكملون للصبح
كانوا يرمون على بعض النكت ويقلدون بعض ويتذكرون الذكريات الجميله والمؤلمه لهم
من الفجر ركبو سفينه محجوزه لهم تدور بهم بالبحر يومين
كانوا طاقينها وناسه وهيصه احيانا البنات يرقصون والعيال احيانا ينشدون اناشيد الكشافه ولا قصيد البحر او اناشيد المجد
او يصيدون
والبنات كل وحده تشجع زوجها او اخوها
رجعوا لبيوتهم على امل ان يعودون لمثل هذه الفسحات
قد نعلم ماذا سيحدث ونحن مع ابطال روايتنا ولكننا بعد الأن لانعلم عشنا معهم ايامهم حلوها ومرها وتجسدت بواقعنا
ليلامس مشاعرنا وتهذي به عقولنا
ضحكنا معهم وبكينا
فرحنا وحزنا
ولكننا ابدا لم نيأس فهذه الحياه
غنيت بأسمك هلا يامعتلي قدره
نورت قلبٍ يشاطره الفكر عاني
غنيتها لك وأنا رجلي على جمره
جمر المحبة ونار الشوق تصلاني
بنلبي قلبٍ يحب الطيب مايكره
للخير خيير ومع الأنسان أنساني
من وسع باله خياله وسع بصدره
حتى يضم الموده وسط شرياني
/-/-/-/
يا من يريح الخفوق بشوفه وذكره
لو كان ذكره يذكرها وينساني
العين في غيبته من غيبته تشره
من طول ساعة سهرها تشره أجفاني
مليت صبري وأنا صبري على هجره
مل الصبر لين بكيته و بكاني
رسالتي صوب لي من همنا أمره
العين تضمى لها والقلب ضمياني
/-/-/-/
كذاب من قال برجعلك بعد فتره
أحسب غيابه شهر لو مرت ثواني
البارحة قلت أنا بصبر ألى بكره
واليوم جاني وحبيب القلب ما جاني
غنيت بأسمك هلا يامعتلي قدره
نورت قلبٍ يشاطره الفكر عاني
غنيتها لك وأنا رجلي على جمره
جمر المحبة ونار الشوق تصلاني
تمت بحمد الله "النهايه"
استودعكم الله الذي لاتضيع ودائعه
اشكر كل من قرأ روايتي
اشكر اختي "لأجل عيوني ترخص رقاب لأنها ساندتني حتى انتهيت من كتابتها"
واخيرا اقول لكم الى اللقاء مع تعب كتابه ولمدة سنه
والسلام عليكم ورحمة الله وبركاته
رد: رواية القلب سلمك أمره روعه لا تفوتكم 
رد: رواية القلب سلمك أمره روعه لا تفوتكم 
العرض العادي
