السلام عليكم ورحمة الله وبركاته
هاانا اوفي بكلامي وانزل لكم البارت اتمنى لكم قرائه ممتعه
في الأستراحه
جراح وسامي ومشاري يبون يسبحون وغصبوا وائل يسبح معاهم فهد محد يقدر يقنعه
فما حاولو كثير معه وهم يسبحون
مشاري:فهودي حياتي جب لي مويا
فهد:ليه احد قالك اني أشتغل عندك
مشاري:فهيدان خلك مؤدب اها
فهد:اي اتحداك تنطق وشف الي يجرالك
مشاري:يمه تخوف
فهد:طيب بروح اجيب لك
مشاري:مشكور
فهد قام يجيب المويا وهو ماشي شاف اغراض الشباب بالصاله طرى باله يخبيهم
لا كذا بينكشف فخبى بوك مشاري وائل اما سامي اخذ جواله وجراح قال افتح البوك واخذ
شي مهم وهو يطالع صار عنده فضول انه يشوف الصورة اكيد صورة جراح او صديق عزيز
انصدم اول ماشافها هذي صورة الدكتوره وش جابها رجع كل شي مكانه ماله خلق بعد الي شافه
فهد مصدوم اكيد جراح يعرف شي
بعد العشاء انتبه الكل لسرحان فهد ومو منتبه على الي ينحكي
سامي:فهد فهد ياهــــــــــــــــو وين رحت
فهد:ها هلا
مشاري:من قال هاه سمع وش عندك سرحان ويغمز له الي ماخذ عقلك
فهد:لا ولا شي انا ماشي تبون شي
مشاري :وانا ماشي معك
الكل:مع السلامه
بعد مرور اسبوع
في بيت ابو سلطان الكل مجتمع
ابو سلطان :اسمعو ياعيالي اظن انكم عارفين انا ليه جامعكم من شان مسالة الخطبه
وانا بخطب لكم وازوجكم في يوم واحد وتعرفون منو ابي اخطب
سلطان:ايه يبه
سلمان:بالتأكيد
فارس:لاانا ماعرف ايش بتخطبون لي وانا ما أعرف العروس
سلمان :بنخطب بنات خالتي
فارس:يبه انا ماني طالع عن شورك بس انا ابي اختار الي بتعيش معي
واكيد ابتسام مو هي لأني ماعمري فكرت فيها ولا التهزيئه المحترمه الي عطتنياها
ولا احلى
ابو سلطان:يابوك انا حاجزهن من زمان لاتفشلني مع الرجال ماتوقعت احد منكم بيرفض
وابو سامي محترم هالشي كل ماجا احد يخطب رده من شانكم
فارس:على عيني وراسي بس
ابو سلطان قطع كلامه :فكر ورد علي ولاتوطي راسي عند الرجال
سامي و وائل (الصديق المقرب)يتناقشون دايم
سامي:ياخي خلني اتونس بشبابي وانا مو مسوي شي من الكبائر ولا كبرت يصير خير
وائل:وانت ضامن عمرك
سامي هزته الكلمه بس مايبي يبين لوائل :الحمد لله اصوم واصلي
وائل:تنام النهار كله ولا قعدت تجمع الصلاة
سامي:يما جني وش دراك
وائل:اتق الله في نفسك وفي صلاتك انا لو مااحبك مانصحتك
سامي ساكت يعرف انه على خطأ اكتفى بالتفكير ارسال ابتسامه الى صديقه الحنون
جراح رجع الرياض ويزور اهله خميس وجمعه
بعد ماوافق فارس الي فضل انه يتزوج على انه يفشل ابوه مع الرجال خطب ابو سلطان من
ابو سامي
في بيت ابو سامي
الأم بحنيه:ابيكم تفكرون زين
سميه تعرف ردها بس تتميلح وحتى رحاب
رحاب:يما انا بشوفه اول وبعدين بحكم
سميه:ايه عني علينا الا متمقلته زين
رحاب وجهها حمر وسكتت
ابتسام:انا ماابي اتزوج الحين ابي اكمل دراستي وتوني صغيره على الزواج
الكل انصدم
ابتسام:تخيلوا انا بموت من الرعب والخوف وهو ميت ضحك اعطيته تهزيئه هو وسامي واخوه
البنات:ههههههههههههههههههههههههه
الأم:خلصتو انا يوم كبر ابتسام حامل بسامي والعرس مو بلحين
وفكروا كلكم
في بيت ابو فيصل
فهد صار مايقعد بالبيت كثير واذا قعد نايم على قولته وبدا يكثر شعره وعيونه حمرا
والصدق انه يقفل باب غرفته ولا يقدر ينام من كثرة التفكير
نزل يشرب مويه شافه ابوه وناداه
فهد:هلا يبه
ابو فيصل:وش فيك ليه كذا وجهك متغير حالك
فهد:لا بس تعبان شوي
الأب الي ماتعود يشد على أحد فخلاه
في اليوم التالي
سلمى:اسمعي انت قطعي الدجاج واضغطيه في القدر بسرعه يالله قبل يجي وقت العشى
صديقاتي تاركتهم بالمجلس
امل:قلت لك مااعرف وتحوم كبدي من الدجاج
سلمى :اي شي على ماتجي الطباخه الجديده وانت امال ساعديها وانت هيام قطع السلطه
ذولي الخدم ماابيهم يسوون شي يحومون الكبد وطلعت وبنفسها اف ماتفهم
والله لأكسر خشومكم على ايش ماادري
امال عطت الخدامه الدجاجه لأنها بغت ترجع فهد ارسل على احد من الشغالات تجي ترتب
المجلس وتشيل الي فيه
سلمى اعطت كل وحده شغله علشان ترسل غيرهم
سلمى:امال روحي للمجلس تشوفينا محنا فاضيين
امل:وليه ماتروح وحده من ذولي (الخدامات)
سلمى ماردت وامال وهي طالعه:اللهم طولك ياروح
امال في حوش الرجال وهي راجعه حست بدوخه وطاحت منها الأغراض
واغمى عليها وطاحت على الأرض
في بيت ابو سامي
رحاب تركض على الدرج وطايره لغرفتها
رحاب:ابتسام ابوي يبيك في مكتبه تحت
ابتسام:وش يبي
رحاب ترفع اكتوفها يعني ماتدري
نزلت ابتسام وطقت باب المكتب :هلا يبه بغيت شي
ابو سامي ترك الورق الي بيده وناظرها بابتسامه :تعالي اقعدي جنبي بكلمك اشوي
قعدت ابتسام وهي بقلبها تعرف وش يبي ابوها واستحت مره ودها الأرض تنشق وتبلعها
بس وين ابوها بدا
ابو سامي:يابنتي انا اعطيت الناس كلمه وماودي اظغط عليك ودي اطمن عليك قبل ماموت
ابتسام:ماعاش يبه من يكسر كلامك بس انا تو الناس على الزواج والمسؤليه
ودي اكمل تعليمي
ابو سامي:مايضر تكملين وتتزوجين خلني ارتاح انا وابوك
ابتسام :الي تشوفه يبه
ابو سامي:على بركة الله
في بيت ابو فيصل:
مشاري دخل من باب الرجال معروف ان مشاري مو لازم يدق الجرس لأن فهد قايل لأهله
ومتعودين عليه وهو ماشي انصدم يوم شاف بنت مغمى عليها بالحوش وجنبها قزاز مطشر
وده مايناظر بس خلاص عيونه طاحت وماقدر يبعدهم عن القمر
اتصل على فهد وفهد جا بسرعه يحسبها هيام طلعت وحده من بنات عمه مشاري كان معطيهم ظهره
دخل بسرعه ولبسها هو وهيام عباتها وطلعو بسرعه
المستشفى
مشاري سرحان صورتها ماتروح من باله وملامحها البريئه والتعب الي باين عليها
فهد:مشاري مشاري
مشاري:هلا ناديتني
فهد:صار لي ساعه اناديك
مشاري :الا صحيح هذي أختك
فهد:لاهذي بنت عمي احس انها هاديه ماعمري سمعت لها صوت مع انها عايشه معنا بنفس البيت هي واختها
بعد وفاة عمي الله يرحمه
مشاري :لاحول ولا قوة الا بالله
الدكتور طلع مسرع:المريضه امال تبغى متبرع دمه o
مشاري يرن الأسم براسه وعمره ماراح ينساه
فهد:انا دمي A
هيام:وانا بعد
مشاري :انا اتبرع لها
فهد:يعطيك العافيه ماتقصر
في بيت ابو فيصل
امل تبكي بغرفتها وسلمى قاعده مع صديقاتها ولاهامها شي
وقفت سيارة مشاري عند الباب ونزل فهد وهيام بس ومشى
دخلت هيام على امل
امل:وين امال
هيام:بالمستشفى نقلو لها دم وخلوها لبكره ترتاح
امل وهي تبكي:ودوني لها ودوني ماابي اقعد هنا كله من أمك هي السبب عندها مية شغاله وترسل اختي التعبانه
هيام ـــــــــــــــــــــــــــــ
مشاري راح اشترى بوكيه ورد احمر وابيض وكتب على الكرت:الى من اختلط دمي بدمها لن انساك ابداً
فقد تعلق قلبي بقلبك ملاحضه:رجا ء اول ماتشوفين الكرت اخفيه الى ان يشاء رب العالمين
ـــــــــــــــــــــــــــــــــــــــــــ
فيصل دق باب غرفة امل ونادى هيام وراح لغرفته
هيام بعد مامسحت دموعها طقت الباب ودخلت
فيصل:باكيه صح يعني الكلام الي سمعته من امل صحيح
هيام ساكته
فيصل:يعني صح قولي وش صار من اول
ـــــــــــــــــــــــــــــــــــــــــــ
صحت امال الساعه اربع الفجر تلفتت حولها مالقت احد الا الممرضه الي غيرت المغذي
الممرضه:كويس الهين
امال تهز راسها بمعنى كويس
الممرضه جابت لها بوكيه ورد كلمة روعه قليله وعطتها لها ناظرت الكرت واخذته وقرت المكتوب
تذكرت انها طاحت وما حست الا الحين وش قصده ومنهو هذا فعلا اخفت الكرت
امال مع التفكير نامت وقعدت لما مر عليها الدكتور
الدكتور:صباح الخير
امال:صباح النور
الدكتور:ايمتى سحيتي
امال:على الأربع ورجعت نمت والحين صحيت
الدكتور:امس جيتينا مغمى عليكي واحد من الي اسعفوك تبرع لك بالدم واليوم بتطلعين ان شاء الله
امال فهمت الي يقصده الي بالكرت بقى تعرفه بس
جوهيام وامل وفيصل طلعوها من المستشفى
في غرفتها
هيام:الله وش هالبوكيه يجنن من جابه لك
امال اختبصت :وزوعوه بالمستشفى الا صدق منو تبرع لي
امل:وش دراك
امال:الدكتور قالي
هيام:مشاري صديق فهد هو الي لقاك بالحوش طايحه وهو الي تبرع لك بالدم
امال:فشله
هيام:لا عادي وهو مره محترم على طول دق على فهد وقاله يحسبني انا بس فهد قال انك بنت عمه والصراحه
على طول تبرع لك بدمه لأني انا وفهد مانصلح لك
امال:ليتني عاد اقدر اشكره وبنفسها ليتني اشوفه
هيام:خلاص سهله اقول لفهد يشكره بالنيابه
امال:لاعيب
في الجامعه
الجوهره ورحاب وهيام وامل وامال قاعدين على طاوله وحده
رحاب ميته ضحك على المواقف الي صارت لهم بالسفره
مرت من عندهم هنوف وناظرتهم بنظرات احتقار رحاب تعرف هالحركات زادت ضحك
هنوف لوعد :ودي ازنطها احرقها بنزين تدرين طلعت بنت خالة سلمان
وعد:تدرين هذي الي معهم الي لابسه وردي هذي بنت خالتي
هنوف :اي وحده فيه اثنين
وعد:البيضا وشعرها اسود وطويل
هنوف:وليه ماتكلمون مع بعض
وعد:كيفي وانت شدخلك
وعد ماتحب احد احسن منها وتغار شوي من الجوهره
رحاب:الجوهره هذي مو بنت خالتك وعد
الجوهره:ايه شفيها والخيبه
رحاب:ولــــــــــــــــيه
الجوهره:تغثني شايفه حالها ومغروره
امال:تتغير مع الزمن ويالله انا رايحه محاضرتي بتبدأ يالله امل وقام الكل لمحاضرته
يوم الأربعاء
الشيخ في بيت ابو سامي وملك لعيال ابو سلطان
سامي:هاه يابو سامي متى بتزوجني شف الناس الي تزوج عيالهم
ابو سامي:اعتمد على نفسك وبعدين يصير خير
سامي:عادي اخطب وبعدين اتزوج اخاف تطير
ابو سامي:وش الي تطير
سامي:انا قلت يطير انا ماقلت وطلع بسرعه علشان مايزيد الحكي وينكشف
>>>>>>>>>>>>>>>>>>>>>>>>>>>>>>>>>
فهد يكلم جراح :هلا جراح بغيتك شوي اليوم فاضي
جراح:افضالك ياحضرة فهد تعال لبيتنا
فهد:لالاابيك تجي للكوفي الي في 000000000
جراح:خلاص نتقابل
هيام تكلم الجوهره
هيام:يعطيك العافيه تعبتك معي بالمحاضرات اظطريت اغيب ذاك اليوم علشان اطلع امال بنت عمي من المستشفى
الجوهره:فعلا انا لاحظت التعب عليها الله يكون بعونها
هيام:الجوهره انا خايفه على فهد اليومين ذولي مو عاجبني حاله
الجوهره:قبل شوي كان يكلم اخوي جراح بحاول اني اعرف لك شي منه وهذا مجرد محاوله فقط وليس وعدا
هيام سمعت اسم جراح ابتسمت :الا صدق وش اخبار ه بعد ماماتمن الضحك علي يوم طحت وتكرفست
الجوهره:لابس صار يسأل عنك كل يوم
هيام وهي حدها مستانسه :وليه يسال
الجوهره:وانا وش يدريني عن سكتت شوي عن روميو
هيام :مين ان شاء الله جولييت
الجوهره:وحده تعرفينها
هيام:رحاب بنت عمك صح
الجوهره:وش الي مخليك متاكده كذا طبعا لا وعلى طاري رحاب اليوم ملكت
هيام:صحيح الفصعونه ملكت قبلنا يابعدي
الجوهره:وازيدك من الشعر بيت خواتها اثنينهم ملكو وكله على عيال خالتهم
هيام:خلاص الجوهره سكري امي تبي التلفون مع السلامه
الجوهره:مع السلامه
في الكوفي
فهد:جراح الصراحه انا بقولك شي ابي ضميري يرتاح تعبت صراحه حتى النوم مانام ابي ارتاح من ناحيتين
الناحيه الأولى ضميري والناحيه الثانيه شخصي
جراح:الله الله كل هذا فضفض ياخويه ماتخبيش حاقه عليه
فهد:تذكر يوم كنا بالأستراحه كنت بسوي فيكم مقلب فخبيت بوك مشاري وعلشان تظبط قلت اخذ من بوكك شي مهم
انصدمت يوم شفت صورة الدكتوره
جراح فهم السالفه:مين الدكتوره
فهد:اه منها الي عالجتنا بالعيد من شفتها وهي ماتغيب عن خيالي انام واقعد وهي معي ماتفارقني
قلي وش جاب صورتها عندك
جراح:يعني الي بالصوره تشبه الدكتوره
فهد:ليه الصوره مو للدكتوره
جراح بابتسامه:لا هذي امي
فهد انصدم:اسف والله ماكنت اقصد
جراح:ادري ولو انك قاصد كان ثبت رصاصه بهالراس
فهد:ايه خلاص تراي حسيت
الكل:هههههههههههههههههه
جراح فال لفهد كل السالفه وطلب مساعدته
فهد:صدق قل والله
جراح :اجل امزح معك بس لاتخبر احد
فهد:اشوا احسب انك تعرفها او لك بها علاقه
جراح :ايه زين ولاعاد تفتح بوكي
الكل:هههههههههههههههههه
<<<<<<<<<<<<<<<<<<<<<<<<<<<<<<<<<
في غرفة فيصل اجتماع سري للغايه بين هيام وفيصل
هيام :لالالالالا انا ماقدر اسويها بتزعل مني وانا ماصدقت العلاقات تمام
فيصل:طيب ابي اسمع ردها بنفسي شلون
>>>>>>>>>>>>>>>>>>>>>>>>>>>>>>>>>
الجوهره : هلا هلا والله بالغالي هلا باخوي حبيبي
جراح:اخلصي يانصابه وش تبين مكشوفه
الجوهره:اسمع ترى هذي هيام مو انا تبي تسال عن اخوها فهد انهم موعارفين وش فيه وهي مره خايفه
جراح بتنهيده:قوليلها الي فيه مثل الي فيني
الجوهره :الأخ صاير شاعر جراااااااااااااح وبنظرة خبث انت تحب هيام
جراح مصدوم ومسوي حاله مو هامه :ومن قالك انسه الجوهره لا يوه قريب بتصيرين
مدام الجوهره وراح وخلاها
الجوهره بنفسها وش يخربط هذا:جراح تراكم مكشوفين العبها على غيري (تستفزه)
جراح وهو راجع:حنا منو المكشوفين
الجوهره:انت وغيرك
جراح:منو غيري سامي "اف شقلت"
الجوهره يعنني:اف شجاب طاريه الحين يالله مع السلامه
جراح :هيه هيه وين رايحه
الجوهره:لغرفتي
جراح:توذلفي كنت ابي اقولك خبر مفرح بس طلعت ما تستاهلين
الجوهره:افأ انا ماستاهل ولي سكتت
جراح:ولي ايه كملي ايش
الجوهره :اسمع جراح بدون لف ولا دوران انت تحب هيام وهيام ولااقولك خليها بعدين احسن وراحت
جراح وصلت معه حده مسك يد الجوهره :نعقد اتفاق تعلميني واعلمك بس انتي اول
الجوهره:انا اكيد بعرف بعدين على ايش مستعجله اما انت ماتقدر تعرف
جراح:الخبر الي بقوله ويناظرها الخبر اني اعرف شي عن اختي بسمه
الجوهره شهقت:قل والله
جراح:اجل أكذب هذا شي مابنكذب فيه بس لاتعلمين احد لين نتاكد
الجوهره وبدت تتجمع الدموع بعينها :ماتوقعت إني بيوم راح اشوفها
جراح:لاوبعد ترطن هندي
الجوهره وهي تمسح عيونها:لاعاد ههههههههههههه مره وحده وانت شدراك
جراح قال للجوهره الي صار :هذا ان شاء الله اذا كانت هي
الجوهره:ان شاء الله وناظرته اجل بتنازل واقولك مافي جعبتي وقالت له عن المكالمه
جراح بابتسامه عذبه:صدق ولا تمزحين
الجوهره:الشرهه مو عليك على الي قاعد عندك وقامت وهي تمشي
ابو جراح:الجوهره تعالي
الجوهره:هلا يبه بغيتني بشي
ابو جراح:ام جراح جيبيلنا الشاي
ام جراح :ان شاء الله
ابو جراح:هاه يابنيتي صار لي اسبوع من قلت لك ومارديتي علي
الجوهره وحمرت خدودها:الصراحه انا ماابي اتزوج الحين
ابو جراح:يعني مافيه اعتراض على ولد عمك
الجوهره بنفسها شقولك اقولك انه مو كفو انه مسك ايدي اقولك اني احبه ولااقدر آه :لايبه مافيه اعتراض بس
انا ماعمري فكرت فيه كزوج هو زي
ابوها قطع كلامها:ايه قوليلي من الحكي الفاضي احسه زي اخوي ومدري وشووبنظرة حنيه:يابنتي
انا رديت على عمك رد اولي اني موافق وانا ودي ومن عيني تاخذين ولد عمك الي يصونك
ويحترم ويحسبلك وللأهلك حساب انا مابظل لكم على طول
الجوهره :لا يبه لاتقول كذا بعد عمر طويل
ابو جراح:هاه نتوكل على الله
الجوهره دارت فيها الدنيا :الي تشوفه
ابو جراح:مقتنعه خلاص
الجوهره تهز براسها بمعنى ايه وطلعت قبل لاتوري ابوها دموعها
>>>>>>>>>>>>>>>>>>>>>>>>>>>>>>>>>>>>>>>
في اليوم التالي في الكوفي
فهد:جراح ماسويت شي
جراح:اليوم مناوبتها
فهد:انت بكره ترجع الرياض
جراح:لابعد بكره
>>>>>>>>>>>>>>>>>>>>>>>>>>>>>>
في سيارة وائل
سامي :اخس والله اخيرا ملكت على حبيبة القلب ومن ورانا
وائل :سامي لااحد يسمعك يحسب اني راعي سوالف وخرابيط
سامي:زين الحمد لله قلبك يعرف الحب إلا بالمناسبه بكره حبيبة القلب اذا هاوشتك لاتخيل تطقك وش تسوي
وائل:هي بس تجي حلالها يـــــــــــــــــــــــــــاه ياسامي احبها من سنين ولا اقدرحتى اقولها واليوم قلت لها اخيرا
ويوم لبستها ودي ماقوم لولا الفشيله كان قعدت للصبح
سامي هههههههههههههههههههه كل هذا
وائل:واكثر
نرجع بالذاكرات شوي (وائل يحب بنت خالته منى من يوم هم صغار لأنها كانت هاديه وهي حلوه
مره فكانوا اطفال يلعبون مع بعض يدرون انها ضعيفه فيتسلطون عليها واحد بس الي يدافع عنها وهو وائل
مره تهاوشوا علشانها وائل يدافع والبقيه من الأطفال ضدها لين خمشوا وجه وائل وجو الكبار وفكوهم
ومنى تمسح دم وائل وبدون لااحم ولا دستورتحبه وتناظره بحنيه هذه القبله ضلت مرسومه بذاكرة وائل
الي دايم تصير له مواقف مع منى ياحليله مؤدب
وحده من هذي المواقف
منى نايمه عند خالتها مع بنتها ندى في غرفه وحده
في اخر الليل تعبت منى كثير لأن عندها الربو وليلتها تراب وبرد وهوا عالي
صاحت ندى لأمها ان منى طاحت على الأرض وجسمها حار وجهها قلب وماقدرت تستعمل جهاز الربو
الأم صحت وائل من نومه علشان يودون منى للمستشفى وائل لمن عرف فز من طوله وبغى يخبط بالجدار
لبسوها عباتها وماقدروا ينزلونها من الدرج لأنه اغمى عليها فشالها وائل ارتعب من لونها الي تغير
وصار يركض وماراح من عندها الا هو مطمن عليها
وائل:منى عساك بخير الحين
منى بحيا :الحمد لله
وائل:عساك دوم بخير يالغاليه )
سامي:وائل انا بعد خطبت بنت عمي
وائل:اخس والله اخيرا خطبت حبيبة القلب من ورانا
سامي:لاتقلد هههههههههههههههههههههههههه
الكل:ههههههههههههههههه
الجوهره في غرفتها تبكي دخلت عليها أمها وقالت :وليه يمه تبكين
الجوهره:لابس باشتاق لكم
الجوهره بالحقيقه خايفه ان سامي يكون عكس ضنون ابوها وانها ماتقدر تعيش معه
في المستشفى في غرفة الدكتوره
جراح بنفسه يارب الهمني يارب تكون اختي:السلام عليكم
الدكتوره بسمه :واليكم السلام تفضل انت من زمان هنا تبغى تسال عن مريض
جراح الحمد لله تتكلم عربي زين:لاانا جاي علشانك انت
الدكتوره:ايش من شاني انا
جراح طلع الصوره الي معه وينتظر ردة فعله
بسمه تناظر جراح وتعقد حواجبها ودها تقوم تذبحه
بسمه:من فين جبت هذي الصوره
جراح:هذي صورة امي مو صورتك
بسمه انصدمت ودها لو يتكلم بسرعه ودها ينقذها هذي الي بالصوره موهي هو يقول انها امه
لايكذب اكيد احد معطيه اياها من ملفاتي بس قديمه
بس جراح ماخلاها اكثر حكالها حكايته
بسمه :طيب اذا انتم ادوروني ليش يرميني
جراح قالها كل شي من البدايه وانه اصغر منها وان امه للحين تبكي عليها
بسمه طلعت سلسالها الذهب الي مكتوب اسمها فيه جراح ابتسم لها
بعد انتهاء دوام بسمه طلعت مع السواق وطلع جراح معها وصلوا بيت روشان رن الجرس فتح رضوان
اخو بسمه الباب (16سنه)وانصدم يوم شاف جراح دخلت بسمه ودخلت معها جراح للصاله
وصارت ترطن هندي مع اخوها
بسمه:وين ابوي
رضوان:مين هذا بسمه
بسمه :بعدين تعرف
وش تتوقعون هل بسمه هي اخت جراح ؟؟
وهل سامي يتزوج الجوهره ؟؟
وعلااقات
رحاب وسلمان
وفارس بابتسام
فيصل وامل
مشاري وامال هل ينكشف الكرت ولمن
وعد ووووووووو
هيام وجراح هل يتزوجان
وائل وسامي هل سيبقيان اصحاب ام شي سيفرقهما
فهد هل سيكمل حبه اذا بسمه لم تكن اخت جراح
ارائكم وتوقعاتكم وماوصيكم ابي رايكم بالبارت
juoly حياتي هذا هو البارت وآسفه على التأخير
أتمنى لك قراءه ممتعه
رد : رواية القلب سلمك أمره روعه لا تفوتكم 
رد : رواية القلب سلمك أمره روعه لا تفوتكم 
![..×..[بنت قطر]..×.. متصل الآن](new/statusicon/user_online.gif)
العرض العادي
