مالذي يلفت إنتباهك عند إقبال أي شخص عليك؟

[غرااام الاحباااب]

ابي أطرح موضوع شاغلني إلى حداما

وأتمنى أقرأ آرأكم وماأدري إذا أحد

سبقني وطرحه من قبل وهو..




********************************************


شنو الشي إللي يلفت إنتباهك عندإقبال

أي شخص عليك؟




مـثلا..

أنا لما أشوف أي شخص يلفت إنتباهي بطنه (الكرش) هل هو بارز

مترهل مشدود....إلخ


لأني أكرهه وأحاول قدرالإمكان أتحاشاه في نظري

منظره بشع ولإني مأحبه يكون فيني

عشان كذاأتمتع ببطن مشدود...

وحده من صاحباتي متعقدةمن (أنفها) فأول شي يلفت

إنتباها في الشخص أنفه طويل قصير حلو مبسوط...إلخ



إللي أبي أعرفه.

ليش ندقق على شي محددفي الشخص إللي أمامنا؟

هل لأن عقدة نقص ونبي نشوفهافي الأخرين؟

أو لأنه الِشي الحلو إللي فينا نبي نشوفه في غيرنا شلون؟


تحياتي إلى الجميع

اختكم ...
غراااام الاحبااااب

[غرام و انتقام]

لأ مو شرط لو ننتبه على شخص بشي معين معناته هالشي عيب فينا

انا مثلا بيلفت نظري الأسنان بالنسبة للجنسين

والحمدلله اسناني بخير

[بنت عساف]

تصدق موضوعك غريب
انا شخصيا ما يلفت انتباهي شئ محدد
الشئ الغريب فيه هو اللي يلفت انتباهي
مثلا لو كان لابس لبس غريب
او مسوي حركة شعر غريبه

:)

يسلمو عالموضوع

//

عسوفه

[امواج الشوق]

،،، انا الشخص يكوون كيف ما يكوون ،،،

انا الي يلفتني في الشخص ،، اسلووبه ،،
وطريقة كلاامه وحوااره ،،
تفكيره ،،
لان هذاا هو الي رااح تعايشيه ،،
بتعاايشين رووحه فهو الي لازم نهتم له ،،



اما ستايله ،، وكرشه ورجله ،، ما اشوف لها دااعي ــ
تقدرين تلاقينها او تلاقينه في قمة الجمااااااال ،،
وتقعدين ويااه تطفشين ،،
وتلاقين الي عاادية ،،
واذا قعدتي ويااهاا ما تشبعين من قعدتهاا ،،


اعتقد مااافي احد بهالوقت ،، ما صاار يهتم بشكله ،،
كل النااس صار تفهم ،،

واسااساا ،، الانساان المسلم بطبعه نظيف ومرتب ،،
لان الله جميل يحب الجمااال ،،
عشاان كذاا ،،،
ما نهتم بالمظااهر ،،
ونشووف المضموون الي هو الجووهر والقلووب الطيبة ،،



دمتم بخير

[راحله بهمس شفتاك]

موضوع يحتاج المناقشه بحقيقه
احيانا يلقتنا الشخص من تصرفاته مثلا يصاررررخ بقوه وهوه يمشي
اما شكله مااحس يلفتني
اما البنت اذا كانت تمشي وهيه تتميع بكل بساطه بصرف نظري عنها لان ماتستاهل اناظرها وبس
شكرااااااا