لي غبت عني دمعتي تسأل تبيك

[عاشقة قلبها المجروح]

هاااااااااااي عذابها من خيالها

القصة أكثر من روعة تسلم يمينك يالغلا...

أتمنى أن ما يصير شي يخرب حياة جواد و زهراء...

ودمتي بود

[عاشقة قلبها المجروح]

...:

مخاااالف


:...

[عذابها من خيالها]

غاليتي عاشقة قلبها المجروح

اشكرك من كل قلبي على مرورك الراقي

وجودكـ دووم منــــور الصفحـــــة

يعطيكـ ربي الف عافيـــــة

ولا تحرميـنــــا من طلتك البهيـــــه

[عذابها من خيالها]

الجـــــــزء الخامس

اليوم الثاني "بيت ابو يوسف"
ابو يوسف وهو يشرب القهوة:ام يوسف
ام يوسف:سم
ابو يوسف:كم صار الى ايمان عند ابوها ؟؟
ام يوسف:ثلاثة اسابيع
ابو يوسف :انا اليوم بكلم ابو ميثم واذا ما رجعت خلال اسبوع .."رفع راسه فوق"بنخطب ليوسف
ام يوسف طاح فنجان القهوة من يدها وقالت بصدمة :شنـــــــــــــــــــــو ؟؟
ابو يوسف :الي سمعتيه
ام يوسف برجا:بس يا
ابو يوسف بحزم :انا ما احد يراددني وكلمتي ما تثنى
*.*.*.*.*.*.*.*.*.*.*.*.*.*.*.*.*.*.*.*.*.*.*.*.*. *.*.*.*.*.*.*.*.*.*.*.*.*.*.
شركة ابو ميثم وابو يوسف
المكتب
ابو يوسف :يا ابو ميثم شنو الحل الحين ويا بنتك وولدي؟؟
ابو ميثم:والله يا خوي الولد ولدك والبنت بنتك
ابو يوسف :انا اليوم بخلي يوسف يمركم يتفاهم معاها
ابو ميثم:لا تخليه ولا تتعب حالك ..انا بخلي جواد يوصلها بيتها مثل ما طلعت بنفسها ترجع بنفسها واذا ما رضت سوي الي تبية يا خوي انا ما الومك بالي تبي تسوية ..انت من حقك تشوف احفادك
ابو يوسف :بيض الله وجهك يا خوي
*.*.*.*.*.*.*.*.*.*.*.*.*.*.*.*.*.*.*.*.*.*.*.*.*. *.*.*.*.*.*.*.*.*.*.*.*.*.*.
بيت ابو ميثم "الصالة "
نزلت ام ميثم من غرفة بنتها وهي على وجهه علامات الكذر
ابو ميثم:ما رضت ؟؟
ام ميثم :شسوي بعد ..مي راضية وقعدت تصيح كالعادة
ابو ميثم:اذا ما تبي ترجع الى زوجها انا بروح بنفسي مع اخوي اخطب ليوسف
ام ميثم بعصبية :هذي بنتكم يا رجال
ابو ميثم:مثل ما ايمان بنتي يوسف ولدي ولا انتي ناسية ان انا شلته وربية مع جواد وزكي
ام ميثم:لا حول ولا قوة الا بالله العلي العظيم
---------------------------------------------
من الجهه الثانية في بيت ابو ميثم
جواد كان طالع من غرفة رايح الشغل وسمع صوت بكي اخته دق الباب ما حد رد عليه قال يمكن تبي تقعد لحالها وكمل طريق ونزل تحت ،لما نزل شاف ابو معصب وامه شكلها متغير
جواد :السلام عليكم
ام ميثم وابو مثيم:وعليكم السلام
جواد:شفيكم ؟؟
ام ميثم:أسأل ابوك
ابو ميثم بحزم:بنخطب ليوسف
جواد الصدمة شلته همس:شنو ؟؟
ابو ميثم:الي سمعته
جواد وهو مو مستوعب:متى ؟؟
ابو ميثم:ليلة الخميس ان شالله
جواد:ايمان عندها خبر ؟؟
ام ميثم:لا
جواد بحزم:بس لازم تدري
ابو ميثم:احنا قلنا لها اذا ما رجعت راح نزوجه بس ما تدري انه خلاص عزمنا
"دخل ميثم ومرة وولده"
الكل :السلام عليكم
الكل :وعليكم السلام
ميثم:خير ان شالله
ابو ميثم:جهز نفسك على الخميس رايحين نخطب ليوسف ولد عمك
سكينة شقهت شهقه قوية
ميثم انصدم بس كان متوقع هذا الشي من عمه:من بنتة
ابو ميثم:بنت ابو سالم رفيج ابوي الله يرحمه

*.*.*.*.*.*.*.*.*.*.*.*.*.*.*.*.*.*.*.*.*.*.*.*.*. *.*.*.*.*.*.*.*.*.*.*.*.*.*.
شقة نور وزكي
زكي :نور عطيني جوالي
نور عطته الجوال الي كان يرن :هلا بيه
ابو ميثم:هلا بيه شلونك ؟؟
زكي:الحمد لله بخير ..خير بيه صاير شي؟
ابو ميثم:الخير بوجهك ..جهز نفسك يوم الخميس بنروح نخطب ليوسف
زكي :هاا
ابو ميثم:شنو هاا بعد هذي بعد ..جهز نفسك سلام
زكي :وعليكم السلام
_زكي سكر الجوال وهو منصدم سألته نور شفية وقال لها وهي بعد انصدمت

*.*.*.*.*.*.*.*.*.*.*.*.*.*.*.*.*.*.*.*.*.*.*.*.*. *.*.*.*.*.*.*.*.*.*.*.*.*.*.

يوم الخميس
بيت ابو يوسف كلهم هناك الا يوسف الي يتصلوا له ولا يرد ولا يعطيه مشغول ،وفي النهاية سكر جواله
"يوسف كان يلفف بالسيارة في شواع مو عارف شنو يسوي ولا شنو يقول ما كان يشوف قدامه من الهم الي هو فيه وما نتبه الى الشاحنة الي كانت قدامة وصدم فيها "
في بيت ابو يوسف رن جوال جواد وكان المستشفى :السلام عليكم
جواد:وعليكم السلام ..خير ان شالله
المدير :والله وانا ابوك انا عارف انك في اجازة وان ازعجتك بس الحين جانا حادث والمصاب ما يعلم بحاله الا الله ومحتاجيك
جواد:لا خير ان شالله ..ثواني واكون عندك ..سلام
"سكر الخط"
ابو ميثم:خير
جواد وهو يوقف :في حادث صاير وبروح المستشفى ضروري ..اذا جا يوسف دقو علي
ابو ميثم عصب :على شان نكون في واحد ونصير في ثنين
جواد:يبـــه الرجال بيموت اذا ما رحت
ابو ميثم استسلم الى الامر الواقع :لا حول ولا قوة الا بالله ..روح وانا ابوك
ابو يوسف:ما ادري شتبي بهالشغلة الا ما وراها الا عوار الراس ..تعال الشركة مع ابوك وخوانك
جواد وهو طالع ومعصب من كلام عمه:والله يعمي انا اخدم بلدي وما اعتقد اني بوفي ابد ..سلام
*.*.*.*.*.*.*.*.*.*.*.*.*.*.*.*.*.*.*.*.*.*.*.*.*. *.*.*.*.*.*.*.*.*.*.*.*.*.*.
هل يوسف بموت؟؟ولا راح يتعافى ويرجع مثل اول ويخطب البنت؟؟

[عاشقة قلبها المجروح]

هااااااااااااااي

والله البارت قصير جدا بس عندي اعتراض هههههههههههه

أولا يوسف لا يموت و لا يتزوج غير ايمان والله حرام الحين هي بتضحي عشان مصلحته المفروض يضغط على أهله و يرفض الزواج عشانها مو يستسلم كذا...

دمتي بود