فــي غرفــة بــندر
ماقدر بندر ينام من التفكير بريمـآ اللي أخر تفكيرها راح يكون فبنـدر لأنه معتبرته أخوها لاأكثر ولاأقل
بنــدر بصوت واطي واشبه بالهمس:شكلها تحبني لو أنها لو ماتحبني كان ماقالت كذا للميس يؤ بس هي طبعها مزوح دايمآ يمكن حتى باللي قالته اليوم مزح ياربيه عليها هالبنت جننتني حيل انا مالي ألا أني يوم الأربعاء امسكها وأسألها عن مشاعرها ناحيتي عن جد مقدر اتحمل اكثر...بس قهر باقي ثلاث ايام على بال مايجي يوم الأربعاء اووه ياطوول الايام
ونام بنـدر وحتى ماغير ملابسه وحتى نومته فوضويه
في بيت أم مازن
وتحديدآ بالصالـه
كانوا العائله كلهم مجتمعين أم مازن ومازن وريمـآ وساره وكانت ريمـآ سرحانه لأبعد حد
مازن:اقول يمه
ام مازن:هلا وليدي
مازن وهو يناظر ريمآ:سجلتوا ريمآ بالكليه؟!
ام مازن وهي مكتئبه:عيت اختك تروح مدري وش فيها
مازن:وليش ماراحت اليوم موعد نسبتها ترى اذا تأخرت عن الروحه يمكن مايقبلونها
أم مازن وهي تناظر بنتها:ريمــآ سمعتي وش قال اخووتس
جت ساره مسكت طرف بيجامة ريمـآ وبصوت عالي قوه :يالدوبيه ماما تكلمث ردي عليها(تكلمث=تكلمك)
ريمـآ انتبهت لهم:هااه وشو؟
مازن:البنت رايحه لعالم ثاني
ام مازن:هاااو وش بتس انتي وراتس مانتب معنا
ريمـآ وهي تقوم واقفه:الا معكم بس شوي راسي مصدع عن اذنكم بروح ارتاح بغرفتي
ساره تتدلع:بروح معث لغرفث(بروح معك لغرفتك)
ريمـآ:موب وقتك ابد
وراحت ريمـآ لغرفتها
ساره راحت وجلست بجنب مازن وحطت يدينها على على رقبته:احوي احوي انا مليت من البيت ودي الوح اتمسى(أخوي أخوي انا مليت من البيت ودي اروح اتمشى)
مازن:هههههه اخذت عادات ريمآ وهي صغيره
ام مازن وهي مبتسمه:ايه والله نسخه من اختها
ساره:وس تقولون تحثون عني ثح(وش تقولون تحكون عني صح )
ام مازن:ههههههههههههه لا مانحتسي عنتس ابد
مازن:مشاء الله عليه نبيهه
ام مازن وهي مبتسمه لبنته:ايه مشااء الله عليـه
مازن وهو يناظر ساره:اقول سوسو وين تبيننا نطلع اليوم!
ساره وهي تتدلع:ابي الوح لملاهي
مازن:يمه اليوم كلنا بنطلع ويالله ولموا عفشكم
ام مازن:على وين ياوليدي
مازن:بنروح نتمشى لأننا من زمان ماطلعنا من البيت على الأقل انا اروح اطلع واتمشى مع اخوياي ونروح ونجي لكن انتم تقل محبوسين بالبيت
ام مازن وهي مبتسمه لولدها:اللي تشوفه ياوليدي
مازن ابتسم لأمه:سوسو حبيبتي الحين انتي تبين تطلعين صح؟
ساره وهي متحمسه:اييه
مازن:روحي لريمـآ وقولي لها نبي نطلع كلنا واخرشيها مثل كل مره
ساره بابتسامه شرانيه:تيب
فـي غرفــة ريمــآ
كانت ريمـآ منسدحه على بطنها وقدامها الاب توب وكانت مشغله على اغنيـة اليسـا:
حبك وجع بعدو معي حبك حلم هربان
من قلب قلبي انسرق وبكيت عغيابو
مطرح ما كنا نحترق صار الجمر بردان
والعطر عندو وفا اكتر من صحابو
وحدي بدونك ما قدرت ما اصعب الحرمان
تركو الندم عندي عيونك وغابو
مجروح قلبي وصرخ عم يندهك ندمان
محروق طعم الهنا بغياب احبابو
انت لمين انت الي قلبي الك منو الي
انت ملك قلبي هواك يالي بحلاك عمري حلي
انت لمين انت الي قلبي الك منو الي
انت ملك قلبي هواك يالي بحلاك عمري حلي
وينك على ليلي تعا بعدو القمر سهران
تألمحك جايي انا عيوني سهر دابو
شوف الدني كل الدني ما في قلب عشقان
لا ما جرح من الهوى اصل الهوا سهران
انت حبيبي وبالقلب غيرك ما في انسان
مكتوب عمري الو والعمر عحسابو
صارت حياتي انا قصة قلب تعبان
وحدو الحنين الي بقي من كل اصحابو
انت لمين انت الي قلبي الك منو الي
انت ملك قلبي هواك يالي بحلاك عمري حلي
انت لمين انت الي قلبي الك منو الي
انت ملك قلبي هواك يالي بحلاك عمري حلي
طاحت من عيونها دمعه ومو عارفه شنو سببها لدرجة انه قامت وراحت للمرايه وجلست تناظر نفسها كانت جالسه تبكـي لكن شنو السبب!!
بهالوقت دخلت عليها ساره بصراخ:ريمــآ
ريمـآ على طول راحت وصكرت الابتوب وانسدحت على سريرها وتغطت بالبطانيه عشان ماتوفها اختها وبعدين تفضحها:روحي اطلعي انا بنام مو هذا وقتك ابد
ساره:نبي نطلع للملاهي يالله دووومي (دومي=قومي)
ريمـآ:ماابي ارووح
ساره عرفت انها لو ماراحت ريما ماراح يروحون البيت كله وطلعت من غرفة ريمــآ وكانت تركض بالدرج وصادفها مازن
مازن:وش بتس انتي شوي شوي انزلي عشان ماتطيحين
ساره وهي تلهث وتكمل نزلتها:انا ماأتيح (مااطيح)
مازن:الله يستر من هالبنت اكيد ناويه على شي
وطلت ساره للحوش وعلى طول راحت للثيل وجلست تدور على حاجه معينه وجلست ثواني وعلى طول لقته
ساره ببرائتها المعتاده:نوودي
تحمستو ودكم تعرفون شنو نودي هذا صديق ساره الروح بالروح وله عندهم ثلاث اسابيع
هذا نودي (سلحفاة)تحبها سااره حيل وريمـآ تكرهه بقوه
اخذت ساره السلحفاة ودخلته ببلوزتها القطنيه وراحت من ورى البيت لانه تبغى المطبخ بس
لما دخلت المطبخ:سيتي بسلعه عتيني سحن(بسرعه عطيني صحن)
سيتي:ايس فيه انتي
ساره عصبت:عتيني سحن بسلـعه ولا ترى بعلم امي
سيتي تخاف شوي من ساره لانها سارونه دلوعة البيت:طيب
جت عطتها الصحن
ساره بصوت عالي:ابي عطا(غطا)
سيتي:ايس فيه قول انتي
دخل عليهم مازن:وش فيه
سيتي:انا مافي معلوم ايس يقول هذا بنت
مازن مبتسم والتفت على ساره:وش تبين ساره
ساره وهي تحاول تغبي نودي عشان ماينتبه اخوها:ابي عطا ادول عسان اعطي السحن(ابي غطا اقول عشان اغطي الصحن)
اغشى على مازن من الضحك:...آآه بطني
سيتي:بابا ايس يقولـ
مازن وهو يالله يالله يلقط انفاسـه:عطيها غـ ط ـا
سيتي:طيب بابا
واول مااخذته على طول طاارت لغرفة اختها ريمـآ
واتوقع انكم عرفتم وش تبي بالصحن والغطا
حطت نودي بالصحن وغطته بالغطا وبتعطيه ريمـآ عشان تخوفها ولمن تحس ان اختها تنشطت من هالكسل والخمول اللي فيها تروح معهم<=تفكيـر أطفال
دخلت ساره على ريمـآ
ريمـآ مفتحه عين ومسكره عين:وش تبين
ساره بدلع:امي تدول كولي وعتتني دا(امي تقول كولي وعطتني ذا)وطبعـآ مدت لها لصحن وفتحته ورمته على اخته
ريمـآ صرخت صرخه هزت البيت كله اللي من خلالها بثواني كل اهل البيت عندها
وكانت نودي على بلوزة ريـمآ وكانت مو قادره تتحرك من الخوف وماتسوي شي غير الصراخ لأنه تخاف تمسكها
وساره جالسه بطرف الغرفه وتضحك:اذا دلتي انث بتروحين معنا للملاهي اوحرها عنث
مازن:خير خير وش هالصراخ
وشاف اخته مشقصه ونودي ببطن اخته
عجز يمسك نفسه من الضحك
ام مازن:ههههههههههههه هالبنيه لاقلت لك انها شيطانيه
وكانت ام مازن رايحه بتشيل السلحفاة عن بنتها عشان توقف من هالصراخ
ساره صرخت على امها:لا لا ماما لاتلوحين لين تدول ريمآ انها بتروح معنا للملاهي
ريمـآ بأنكسار:خلاص خلاص بروح بس تعالو شيلوها عني
راحت ساره ووقفت عند اختها
ساره عشان تتأكد:دولي قثم انث تروحين معنا
ريمـآ:اقسم بالله اني بروح معكم ورجعت تصارخ ريما لانه نودي تتحركـ
مازن:خلاص ساره شيليها بتروح ريمـآ
ساره وهي تحس انها منتصره:هيييييييه هيييييييييه
وراحت شالت السلحفاة عن اختها
ريمـآ وهي تحس انها متقرفه من جسمها:بروح اتحمم سنـه
ساره خافت وصدقت اختها لما قالت سنه:لا لا بعدين ماتلوحين معنا للملاهي
مازن راح لسارونه وحظنها بقوه:وه ياناااس فديتها هالبنت
وجلس يبوسها وهي تضحك
وطلع مازن ومعه ساره وبقت ام مازن:اقول بنيتي
ريمـآ:سمي
ام مازن:بتس شي عادي قولي لي انا امتس اذا ماقلتي لي من بتقولين لوه.!
ريمـآ ابتسمت لأمها:لا يمه مافيني شي
ام مازن:حتى مازن حاس مثلي انتي اليوم مو مثل قبل
ريمـآ وهي مازالت مبتسمه وهي تحاول تصرف امها:لا بس عشان راسي مصدع وعكر لي مزاجي يالله يمه بطلع لي ملابس بتحمم وبتلبس وبطلع معكم
ام مازن:اذا يابنيتي ماودتس مايحتاج تروحين
ريمـآ:لا بالعكس ودي لأننا من زمان ماطلعنا من البيت
ام مازن وهي تفتح باب الغرفه:اوكي اجل نتظرتس تحت
ريمـآ:طيب
اول ماطلعت امها
انسدحت على سريرها وجلست تصيح ومو عارفه شنو سبب صيحها تحس نفسها مخنوقـه ومحتاجه تبكي
فــي بيـــت أبو بنـدر
ماتعرفنا على ابو بندر أنسان غني عن التعريف حنوون لأبعد درجه وكان طول عمره يعتبر عيال ام مازن عياله
أما ام بنـدر فهي نفس الشي انسانه طيبه حيل بس فيه صفه انها شوي قاسيـه عكس ابو بندر يعني هي كانت دايمآ تشد على عيالها اما ابو بندر فكان دايمآ يلبي طلباتهم بسرعه بدون مايسألهم ليش او وشوله..
ابو بندر:وين العيال يام بندر
ام بندر:بندر الحين بينزل أما لميس لحد الحين نايمـه وسطام طالع مع اخوياه
ابو بندر:هذي شغلته سطام بتله طالع
دخل عليهم بندر بهاللحظه وراح حب راس ابوه ويده ونفس الشي سواه بأمـه
بندر بحنيته المعتاده:وش اخباارك يالغالي
ابو بندر:بخير الله يسلمك وانت وشلونك
بندر:دامك بخير فأكيد انا بخير
ابو بندر وهو مبتسم:الله يرضى عليك
ام بندر:كأنك تأخرت على صديقك يابو بندر
ابو بندر:ايه والله ماحسيت بالوقت
بندر:ايه بلاك لاهي بـ هيا عجرم ههههههههه
ابو بندر يضحك:لا والله انه احسن من العجرميه هههههه
ام بندر مو فاهمه:انتم تحتسون بمين
ابو بندر وهو يضحك:مع السلامه
بندر:هههههههههه ياحلوه هالتصريفه
لما جا يطلع ابو بندر ناظر ولده وغمز له بمعنى انتبهه لاتعلمها احنا بايش نتكلم
وبندر رد له الغمزه بدون ماتنتبه أمه
بهالوقت دخل سطام
سطام وهو مبتسم:هلا بالغاليه هلا بالزين
ام بندر:هلا بالمنافق
سطام يناظرها وهو مكشر:افا يمه انا منافق مقبووله منتس
وقام سطام يسوي نفسه بيطلع
ام بندر تراجعت عن كلامها تخاف ان ولدها يزعل:انت محد يمزح معك
سطام مارد عليها
ام بندر ضاق صدرها:والله العظيم اني امزح معك
بندر:هههههههههه يمه تراه يستهبل معك تراه جالس يسوي حركات تغلي
سطام:خلني اتغلى يابن الناس من زمان ماتدلعت على امـي
ام بندر ابتسمت لولدها:ايه والله خله يتدلع
سطام وهو مبتسم:فديتها والله
بندر:اقول لميس وينها..فاقدهاا وربي
ام بندر:نايمـه
سطام التفت على بندر وبعيونه نظرات يعرفها بندر لانها مو غريبه عليه:بندر تعال ابيك
بندر:ههههههه فاهمك وربي
سطام يغمز لأخوه:طيب قوم ابيك بموضوع خطير
بندر:عن اذنك يمه
فــي غرفــة لميـس
نايمه لميس والبطانيه طايحه بالأرض شكلها عمومآ فوضوي ويضحك بعد
دخل بندر ومعه لابتوبه وسطام معه مكبرات الصوت ودخلوا الغرفه بشويش وصكروا الباب بشويش قربــوا من عند سريرها بندر واقف يزبط الاب توب وسطام قاعد يزين المكبرات
وطبعآ لميس غاطه بنومها ومو حاسه بالمؤامره اللي قاعده تصير حولها
...ــــ...ــــ...ـــ...ــــ...
فـي غرفـة ريمـآ
كانت جالسه تكلم شوق
شوق بدلع:خلاص اوكـي راح اروح معك ياربيه عليك خربتي علي روحتي للمشغل عشان ازبط اظافري
ريمـآ وهي مو عارفه ليه اسلوبها متغير شوي وطريقة تعاملها مع اهلها تغيرت اليوم عن كل الأيام ومن دون ماتحس طلعت عصبيتها شوي:خلاص اذا ماودتس تروحين لاتروحين مو تجبرين نفستس عشاني
شوق منصدمه من اسلوب ريمـآ:ريما وش فيك اصلا ماهمتني روحتي للمشغل بس قاعده امزح معك وربي
ريمـآ:انا ماقلت لك شي اذا ماتبين تروحين للملاهي لاتجبرين نفستس عشاني
شوق عصبت من طريقة تعامل ريمآ لها:وبعدين معك اذا انتي معصبه تكفين لاتحطين الحره فيني طييب ويالله سلام
وقفلت شوق وهي حدها معصبه
ريمـآ جلست ثواني تبي تستوعب اللي صار تو:ياربيه علي الحين البنت وش سوت فيني عشان اعصب عليها
وتنهدت تنهيده طويلـه لها ألف معنى ومعنى
بهاللحظه دخلت ساره:انتي ماحلستي (ماخلصتي)
ريمـآ:شوي وبنزل
ساره:بسلعه عسان نلوح بدلي (بسرعه عشان نروح بدري)
ريمـآ:طييييب اطلعي انتي بس
فــي غرفــة لميـس
كان سطام حاط السماعات وحده يمين لميس ووحده يسارها
بندر بصوت واطي:واحد
سطام وهو مبتسم:ثنين
بندر وسطام قالوا جميع :ثلاثـــــــــــــــــه
وشغلوا صوت الاسعاف لكن تخيلوها مع مكبرات الصوت الغرفه لحالها جالسه تهز
لميس فزت من مكانها وهي تصاارخ تحسب ان فيه شي وكانت خاايفه حيل وطبعا كانت الغرفه ظلماء حييل وماكانت تشوف احد وكانت خايفه قووه من الصوت لان الصوت عالي وقريب بس هي ماتوقعت ولا واحد من الميه انه فيه احتمال انه اخوانها مسوين فيها مقلب وقامت من مكانها بسرررعه وراحت فتحت اللمبات
وصدمتها الكبيره لما شافت بندر مغمى عليه من الضحك وسطام نفس الشي
لميس وهي حدها منقهره:سويتوها فيني هاااه
وكانت متجهه بندر بتضربه لكنه على طول ركض وطلع من الغرفه وجت بتلحق سطام لكن ماقدرت لأنه لحد الحين مرعوبه
جلست بطرف سريرها تبي تستوعب اللي صار لها
بندر وسطام فتحوا عليها الباب شوي وجلسوا يناظرونها ويضحكون
بندر:أسفين اختي ماعرفنا انك بالغرفه
جا سطام كمل كذبة اخوه:كنا بنجرب مكبرات الصوت وماتوقعنا انك بالغرفه عن جد سوري
لميس معصبه ومرعوبه:....
بندر وهو يضحك:توي ادري ان شعرك عكاريش
سطام:ههههههههههههههه انا من زمان داري بس الله يعز الأستشوار
بندر:والله انك صاادق
دخلت عليهم ام بندر ولقتهم يضحكون وعرفت انهم مسوين مقلب ببنتها:تدرون ان رجليني تجمدوا ماقدرت ارقى للدرج ولما طفى الصوت ارتحت شوي وقدرت اني اكمل الدرج
بندر وسطام مسكتين لأنهم يعرفون انه امهم تصير شينه اذا عصبت
لميس تتمسكن على امها:يمه وربي لحد الحين مرعوبه تعالي اسمعي دقات قلبي
ام بندر بحنيتها:يابعدي والله يابنيتي انا خفت وانا تحت اجل لو السماعات قريبات مني وش بسوي
وجت التفتت لعيالها:تدرون ان اللي سويتوه غلط
سطام بيكذب على امه:يمه ماعرفنا انها بالغرفه حسبالنا ان الغرفه فاضيه
ام بندر عارفه ولدها:لاتخليني اعصب أكثر من ما أنا معصبه لاتنسى انك ساألني عن لميس قلت لي وينها قلت لك انها نايمه
بندر ناظر اخوه وبعدين ضربه مع يده وبصوت واطي:تبي تكحله عميته
سطام من غير شعوره ضحك بصوت عالي:وربي مااقدر اكتم ضحكتي كل ماتذكرت شكل لميس وهي تقوم تفتح اللمبه ..... وكمل ضحكه
بندر ضحك مع اخوه
وام بندر عصبت اكثر من قبل
اما لميس كانت تناظر اخوانها نظره شرانيه:والله لأرده لكم بأقـــوى ونشووووف تراني اعلنت التحدي
ام بندر:بندر سطام شغلكم بعدين والله لو اني مو مشغوله الحين كان وريتكم شغلكم بس بطلع الحين مع مرت اخوي
لميس:سلمي لي عليها
ام بندر وهي تطلع:يبلغ
بندر:يمه اول مره اخاف من امي
فــي الملاهــي
كانو فارشين فرشـه بالثيل وجالسين يسولفون
ساره:انتم بث تثولفون انا ابي الوح العب (انتم بس تسولفون اني ابي اروح العب)
ريمـآ:وانتي احد ماسكك روحي العبي
ساره:احاف
مازن:يالله امشي العبـتس
بنفس الوقت رن جوال ريمآ وكانت مسج
(أتمنى من كل قلبـي انــك تتهنيــن بروحتـك للملاهـي وبصراحه ماتوقعت ان عندكـ اخت حليووه عن جد فستانها الأحمر مره حلو اذا الصغيرونه حلوه وش تكون الكبيره أجل!!!... سلم لم)
هنا ريمــــآ وقف قلبها مو قادره تتحركـ ابد انشل مخها عجزت تفكـر بشيء طول جلستها كان تتلفت
تدرون ليش لأن الرساله كانت من نفس الرقم المميز
أتمنــــــــــى من كـــل قلبـــي ان البااارت نال على اعجاابكم
رد : للأسف ضعفت وأعترفت بحبي المكنون قصه رومانسيه جدا .gif "Graaam (101)")
انا كل شويه ادخل ادور البااارت ومالقية .gif "Graaam (242)")
قلت اكتبلك يمكن تنزليه .gif "Graaam (295)")
:graaam (221).gif "Graaam (247)")
.gif "Graaam (263)")
رد : للأسف ضعفت وأعترفت بحبي المكنون قصه رومانسيه جدا 
.gif "Graaam (68)")
العرض العادي
