اخبار فن , اغاني, العاب, صور, منتدى, منتديات, أغاني, افلام, العربية, برامج, بلوتوث, دردشة, دردشه, شات, طرب, قصص, أفلام, اخبار, اغانى, الجنس, الشعر, تعليم, جوال, حب, دروس, سيارات, شعر, كتب, مصر, موسيقى, نكت, التراث, الجماع, الجمال, الرسم, تصاميم, تعارف, خواطر, ديكور, رسم, رسومات, فلسطين, فنانين, كليبات, كمبيوتر, ادب, اسلاميات, التربية الفنية, التسويق, التطريز, الحوار, الخزف, الخطابة, الخياطة, الديكور, الزخرفة, الفن التشكيلي, المسرحية, النحت, ثقافة, دين, رياضة, رياضه, التعامل مع الاخرين, الخط العربي, الفن التشكيلى, الفنون التشكيلية, ترفيه, سياسة,

M!sS 3so0olh · 07:35 AM

الســـــلام عليكــــم

كيفكــم عســاكم بخيــــرر

حبايبــــي حبيــــت أعرض لكــم قصــه كتبتها أناملــي وأتمنى من كـل قلبـــي أنها تعجبكـــــم

وهالله الله بالردود

واذا عندكم اي انتقااد للقصـه تكفوون خبرونـــي

..::()()()()(للآسف ضعفت وأعترفت بحبـي المكنونــ)()()()()::..

في أحد المنازل الكبيره والمرموقه بالحـي يوجد هنـاك غرفـه هادئـه جدآ لايسمع منها سوى صوت الموسيقى الهادئـه وكانت هناك فتاة جالسـه على كرسيـها الفخم وبين يديهـا دفتر وقلم وكانت تعشق كتابة الشعر والخواطر
:.طبعـي ولو حاولت أغير هالطبع اللي فيني
أنا أصلي لعابه ودومي ألعب على الحبيلين
ياما وياما طيحت شباب فحبي ومالقيت معجبني
تغزلت وتقربت ومثلت الحب على كثير ومبين
جرحت وشتمت وكذبت والقهر انهم للحين يبوني
ريمـا قفلت دفترها وحظنتـه ونزلت راسها وطاحت خصلتين على وجهه الناعـم: آه من هالدنيا نفـسي أعرف وش مخبيه لي بالمستقبل وودي أعرف بالنهايه انا من راح أتزوج.....؟؟!!!

....ــــ....ــــ....

معكمـ البطلــه الأولى لهذه القصـه ((ريمـا))فتاة شقيه جدآ ولعابه حيـل وفيها شوية غرور ورفعت خشم وتحب كتابة الشعر والخواطر ومالها هدف معين بالحياة فاشلـه بدراستها أهم شي عندها بالحياة الفرفشه والوناسه حتى لو كان على حساب غيرها ومن ناحية شكلها طولها( 160) ووزنها (52 )بيضاء البشره ووجهها دائري وشعره ناعم ولحد أكتافها وقاصته قصة الأناناس وطلع شكلها مره حلو لونه بني غامق وبشرتها ناعمه حيـل وعيونهاوساع خشمها دلـة سيف شفايفها صغار ومرتزات وورديه ولمن تبتسم يطلعلها غمازات وهم اللي محلينها أكثر وتبلغ من العمر 19 سنه

قطعت عليها جوها الرومانسي لمن فتحت عليها أختها الصغيره الباب:ريموووه
ريما:نعم
ساره:صقيقتس تبيتس(صديقتك تبيك)
ريما:ومن هذي؟
ساره:هاذيك العبيه اللي دايما تدول وبدلع قالت أبي ري ري (هذيك الغبيه اللي دايما تقول أبي ري ري)
ريما عرفت انها تقصد صديقتها شوق الدلوعه حيل وابتسمت لأختها:طيب الحين بنزل
قربت ساره من ريمـا وهي تأشر على الدفتر:وتو دا (وشو ذا)!
ريما تناظرها متعجبه:وشو
ساره وهي تناظر الدفتر:ابي ارثم عطيني اياااه(ابي ارسم) ومدت أيدهـا عشان تاخذه
ريما:لا حبيبتي هذا مو للرسم
ساره عصبت ولما جت تطلع التفتت لريما:انا مااحبث وقفلت الباب بقوه(أنا ماأحبك)
ريما:هههههههههه جيتها جيتها
وكانت ساره برى الغرفه تركض وتصارخ تحسب أن ريمـا وراها

...ـــــ....ــــــ......ــــــ......ــــــ....

فــي بيـــت لاتقل فخامتــه عن البيت الللي ساكنـه فيه ريمــا

بنـدر وهو معصب:أووووه وين جوالـي
وجلس يدور فغرفته المقلوبـه فوق تحت
دخل عليه أخوه سطـام:يالله عجلنا تأخرنا على العيال
بنـدر وهو عاقد حواجبـه:مالقيت جوالي
سطام وهو مبتسم:يالخبل انت معطيني اياه عشان اتصل على الدوب محمد لأن جوالي مقطوع
بنـدر:ياكرهك بعد يالله أجل خلنا نمشي
سطام وهو يناظره ومشكك:تعال قول لي احنا وين بنروح!
بنـدر مستغرب:يعني وين بنروح بنلاقي الشباب بالمقهى
سطام وهو يناظر اخوه من فوق لتحت:طيب وش عندك متكشخ؟
بنـدر:مالك شغل أمش بس وخلصنا
سطام وهو يضحك:مااش هالايام صايرن اشك بك
بندر:اش بس هههه
سطام وهو يطلع من الغرفه كان حاط ايده على كتف اخوه:تصدق عاد توي اتشرف بمعرفتك
بندر:ههههههههههه تلايط بس يالتفخ
طلعـوا من الغرفـه جميـع وتلاقـوا مع اختهم الكبيـره
لميس بحركـه عربجيه حيل ضربت كتف اخوها بندر:وش عندوووه لايصير بيعرس مسيار هههههه
سطام:ههههههههه الظاهر بيسويها
بنـدر:يابيخكم بعـد
لميس:اقول ياطويل العمر اذا خبرت لي رجل سنع يقبل بي تراي موافقه بس هاه ماوصيك اهم شي اخلاقه هههه
سطام:اهاا حلووو اقتنعتي انك عانـس
بنـدر:هههههههههههه ياكثر اللي جوا خطبوك بس انتي دايمآ ترفضيـن
لميس:الظاهر انكم صدقتوا ان ودي بالعرس تراي اتسذب
سطام:ههههههههههه اش بس تراك عطلتينا
بنـدر:تأخرنا على العيال يالله بدك شي خيتوو
لميس:سلامتك حبيبي
سطام وهو يأشر بيده لأخته:بااااااي
وراحـوا العيال للمقهـى

الحيـــن نتــعرف على البطـل الثاني لهذه القصــه ((بنـدر)) انساان هادىء جدآ وحبوب ورومانســي حيـل مايحب يزعل احد وهو دلوع أمـه يحب يسوي مقالب بأخته لميس أكثر شي ومن ناحية شكـلـه طولـه( 170) ووزنه (54 )جسمـه عضلي ومشدود ومن ناحية لونه ابيض حيـل لما يطلع للشمس ثواني على طول وجهه ينقلب أحمر لون شعره اسود حيل وفيه خشونه شوي حواجبـه كثيفه وسوداء وفيه صفه لما يعصب حاجبـه اليمين على طول يطير هههه عيونه وساع ورموشـه سوداء وطويلـه وعيونه لونهم عسلي فاتح وخشمـه طويـل وشفايفه حمراء وكبار شوي ودايمآ يحط سكسوكـه لأنها لابقه عليه حيـل ويبلغ من العمر 20سنه وعلاقته قريبه حيل من اخوه سطام
والحين نتعرف على البطـل الثاني للقصه ((سطام)) فرفوش يحب الوناسه حيل اربع وعشرين ساعه تلاقيه يضحك وهو اللي كان يظبط المقالب مع اخوه بندر من ناحية شكـله طولـه 160 ووزنـه 58 جسمه عضلي لأنه داخل نادي رياضي ابيض لكن بياضه جااي على صفار وعيونه عاديه وخشمـه أقرب للأفنس (يعني صغير) وشفايفه ورديات وكبار شوي وعمـره 18 سنه
والبطلـه الثانيـه للقصـه ((لميــس)) انسانه مرحـه وعلاقتها قريبه حيل من أخوانها دايمآ تكون بغرفتهم تضحك معاهم وتستهبل وصارت عربجيه حيل تتكلم مثلهم ومافيها من النعومـه شي ومن ناحيـة شكلها طولها 160 ووزنه 50 سمـراء شوي لكن سمارها محليها كثير
شعرها لونه اسود مو ناعم لكن مع الاستشوار يصير أنعم من الناعم حواجبها سود ودايمآ تشقرهم وتخليهم ثمانيه وثمانين مثل مانسميهم عيونها كبار ووساع ورموشها كثيفـه وخشمـها واقف وشوي عريض و شفايفه صغار وورديات وعمرهـا 23 سنـه ولها دور كبير بالقصـه وعلى فكـره ترى بندر وسطام ولميس يصيرون عيال خالة ريمـا

فـــي بيـــت ريمـــآ

كانت جالسـه ريما تكلـم صديقتها شوق وكانت حاطه رجل فوق رجل:طيب يالدوبا بكرى بتروحين تسجلين بالكليـه!
شوق:والله مو عارفه انتي متى بتروحين
ريمآ:احتمال اروح بكرى على حسب المزاج
شوق:اوكـي عطيني الخبربدري عشان نروح جميع
ريمآ:اوكي من عويناتي هههههه <قالت عويناتي عشان شوق ماتحب هالكلمه
شوق عصبت:وبعدين معك
ريمآ تسوي نفسها مو عارفه:وش فيك انتي انا وش قلت!!
شوق:انا عاارفه انك قاصده يالله بس باي
ريمآ وهي تضحك:امزح معك يالدوباا
شوق:طيب يالله بدك شي
ريمآ:لايكون زعلتي
شوق:لا وش دعوا بس امي لها شوي تناديني
ريمآ:اوكي سلمي لي علىخالتي هههههههه
شوق:هههههههههه لاتحتكين بأخوي يالله سلام
ريما:سلام

طلعت ريمـآ من الغرفه رايحـه عند امها بالصالـه
ريمآ:هااي مامي
ام مازن:عدلي لهجتك
ريمآ مبتسمه:طيب طيب هههههه وش اخبار أميمتي
ام مازن:بخير الله يسلمتس هاه بنيتي بتروحين بكرى تسجلين؟
ريمآ:كسل اروح
ام مازن:هااو اجل من بيروح!
ريمآ وهي رافعه حاجب ومنزله حاجبها الثاني:والله يااميمتي افكر انتس انتي تروحين مشاء الله شكلتس بنيه مو مبين انتس معرسه وان عندتس عيال سوي نفستس ريما ههههه
ام مازن حطت يده على جبهة بنتها كنها بتقيس حراراتها:المشكله ان مابتس حراره انت من جدتس تحتسين
ريمآ:من جدي وعمي وكل أهلي والله صدز يمه سويها تكفين عشاني
دخل عليهــم مازن بهالوقــت
مازن:السلام عليكم
ريمآ:وعليك السلام هلا والله بالزين
ام مازن:وليدي مشغول انت الحين؟
مازن:لا آمري يالغاليه وش بغيتي
ام مازن:ابيك ياوليدي تودي اختك للمستشفى لان هالأيام صايره اشـك بمخها
ريمآ:هههههههههههههه
جت ساره وجلست بحظن اخوها:ادول ادول مذوني (اقول اقول مزوني)
مازن:هههههه هلا آمريني
ساره بدلع قالت:ابي اروح للبداله (للبقاله)
مازن:هههههههههههههههههه بداله قالت طيب من عيوني الحين اوديك
ساره وهي تناقز من الفرحـه:هييه هيييه احوي بيوديني للبداله
مازن:وهو متقطع من الضحك:ههههههه تكفين لاتعيدينها
ريمآ:استخفت البنيه عشان بقاله هههههههههه
ام مازن:أي والله هههههه
ريمآ:الا اقول يمه وش اخبار خالتي أم بندر عساها بخير!
ام مازن وكأنها تتذكر:الله يذكرك بالشهاده حبيبي مازن ترى يوم الأربعا بنروح للرياض
مازن وهو متكدر:ليه يمه وش عندك بالرياض!
ام مازن:من زمان ماشفت اختي والله اني ولهانه عليه
مازن:يصير خير وكان يناظر ساره هاه سوسو نروح للبداله
ساره متجهزه:يالله نلوح (نروح)
وبعد ماطلـع مازن
ريمآ:بروح أكلم لميس بخليها تنظف غرفتي وتجهز سريري هههههه
ام مازن:ههههههههه ماتلاحظين انك انتهكتي حقوقها
ريمآ وهي تلعب بحواجبها:حلالــــي
ام مازن:ههههه

الحين نتعرف على أم مازن انسانه حنونه لأبعد الحدود الحقد ماله مكان بقلبها ابد طيوبه حيل زوجها توفى قبل 7 سنين ربت عيالها احسن تربيه ماعندها غير مازن وريمآ وساره
والبطل الثاني للقصه واللي له دور كبير بقصتنا ((مازن)) انسان طيوب حييل عمره مارفض طلب لأمـه كان يحترم أمه ويقدرهـا بشكـل كبيـر تعود انه يشيل مسؤلية البيت بعد وفاة ابوهـ ومن ناحية شكـلـه طولـه 170 ووزنـه 65 لونـه اسمر فاتح وشعره ناعم حيل وملامحه ناعمه حيـل عيونه صغار وخشمـه واقف وشفايفه صغار وعمـره 26 سنه

فـــي غرفــة ريمــآ
كانت بسريها ومنسدحه على بطنها وتلعب بشعرها وبالها مسافر لبعيــد وكانت تسمع أغنيـه حسين الجسمي فقدتـــك
فـي نفـس الوقت رن جوالهـا وكانت النغمه Nokia tune معناته ان المتصل رقم غريب ومو مسجل لأن كل شخص وله نغمه مخصصه
قاطع تفكيـرها رنة جوالها مدت ايدها للطاوله وسحبت الجوال وشافت الرقم لقته رقم مميز بقوه:ياااااااااااي من متصل علي يلعن بليس يجنن الرقم بس لا صعبه ارد انا ماتعودت ارد على أرقام غريبه ولا خلاص قررت راح ارد وبسكت لين اسمع صوت الطرف الثاني اذا بنت بكلمها واذا ولد بقفلها بوجهه

...............ــــــــــــــ..................... .ـــــــــــــــــــــــــ...................ـــــ ـــ.........

أتمنــــــى أنه تحووز على رضاكــــم وأعجابكــــم...........,,,,,

p!nk pr!ncess · 21-04-2008, 07:30 AM

قصتكـ روعـــهـ

\\

بدايـــه موفقــه

M!sS 3so0olh · 21-04-2008, 07:34 AM

اقتباس:

المشاركة الأصلية كتبت بواسطة p!nk pr!ncess

قصتكـ روعـــهـ

\\

بدايـــه موفقــه

تسلميييييييييييين خيتوووو

عن جد نورتـــي ياغلاااي

الله لايحرمني من هالأطلاله الرووعه

p!nk pr!ncess · 21-04-2008, 07:10 PM

يليييز نزلــي البــآرت

hajar02 · 21-04-2008, 07:24 PM

بداية موفقة والقصة باين عليها حلوة من اولها
بليز لا تطولين علينا
ننتظرك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

للأسف ضعفت وأعترفت بحبي المكنون قصه رومانسيه جدا

للأسف ضعفت وأعترفت بحبي المكنون قصه رومانسيه جدا

التسجيل السريع مُتاح
مرحباً بك في منتديات غرام , يمكنكـ تصفح كافة أقسام المنتدى ومشاهدة المواضيع والردود وتحميل المرفقات دون الحاجة إلى التسجيل ولا يتطلب منكـ التسجيل إلا في حالة الرغبة بمشاركة الأعضاء مواضيعهم بالرد عليهم ولمعرفة المزيد من المعلومات حول نظام المنتدى وطبيعة عمله وقوانينه أضغط هنا اسم المستخدم: كلمة المرور: تأكيد كلمة المرور: البريد الالكتروني: تأكيد البريد: موافق على شروط المنتدى