تل قلبي تل جمس قوموه من الخفر = واصله من ضابط المركز رموز مخابره
تله اللي في فعوله ضاري لكل الظفر = كل شبر في الحدود بصفي راسه خابره
نسل طيبا مايهاب الموت بدروب الخطر = فالمهمات الصعيبه قام محدن جابره
يوم تله في مكانه دار به بوش الكفر = لين شفت اكبر حجر يقدح شرار بدابره
كن شكمانه على دور اللهب جمر حمر = اومنصات لصــــواريخ صداها عابره
باصل اللي ماعشقت لمثل زوله فالبشر = اشهد انه تل قلبــــــي واعتلا منابره
لين غادر من مكانه بلا علم وخبـــــر = ماترك لي زود فكر ولامجال مكـــابره
لو منعته من كثير الشوق عاند وانفجر = واستحج بعشق مثله فالعصور الغابره
قال قيس بعشق ليلى مات ماعندك عذر = ثم ماتت من هواه وليش عشقي قابره
شوف عنتر خاض حربه للحبيبه وانتصر = عز عبس ومهر عبلا قدمه بمثابره
قلت ياقلبــي تركد على بعد النظـــــــــر = كم قلوب في دروب العشق دايم صابره
قال انا مالي بخلق الله ولا عندي صـبـر = سابر كل الطريق وطول ليلي حابـــره
كان تبقيني بصدرك والله اني لانتحــــر = والوصيه بين نهديه ادفنه يامقـــــابره
وسلامتكم ..بقلمي.اخوكم.الشاعر.سهم القوافي
تل قلبي 
رد : تل قلبي 
العرض العادي
