منطوق الأعاقه

[سيرا ماديرا]

منطوق الاعاقه

لاتقولوا البصير هو اللذي عنده بصر
ولا تقولوا الضرير هو اللي في عينه سواد

مابي اسمع بأن اخوي ودعه النظر
ومابي اسمع بأن الليل في عينه سهاد

ومابي اسمع "معاق"ومابي اسمع "قدر" ـ
ومابي حتى العيون اللي تناظره بهواد

عيون تحمل حزنها وتنثره بإحساسي جمر
نظرات في عين البشر تتليه كسرات الفؤاد

امد ايدي واحمله ويشتعل فيني قهر
وابتسم رغم الظروف اللي عنادٍ في عناد

يمه ترى ماهمني من البشر غيره بشر
ويمه ترى في داخلي جمرٍ يغطيه الرماد

ياخوي علمهم بأن الطفل في نفسك كبر
ياخوي اصرخ بالصبر اللي تغطي به بلاد

امر جنب بابك وانا دمعي بعيني يحتظر
حتى عيوني تشتكي ياخوي في شوفك حداد

واطل اسمع ضحكتك بعيون عاشت للسهر
وتثقل الخطوة واشد بخطوتي حد المهاد

وتلتقي عيوننا .. وعيون نفسي تنكسر
وانته عيونك ترتعد احساس في نفسك و باد

ياخوي احساسك عرف بأني بجنبك انتظر
وتمد ايدك للوصل رافض لإحساس البعاد

وتبتسم ثم تبتسم وانا دموعي تنهمر
كيف الطفولة صامده في جسم اقرب للجماد

تداعب ايديني ايديك وكل اللي في نفسي ظهر
حزن ومشاعر صادقه ومثقله واحساس جاد

اشكي همومك للصبر حتى اشتكى مني الصبر
كيف ما تشكى صاحبه اللى على فراش الجهاد

مدري ازيف ضحكتي واخدع دموعي والدهر
ولا دموعي زيفت ضحكة تعاني اضطهاد

لا جسم يشفع صاحبه ولاعين ترسم له نظر
ولا عقل منطوقه ثمر من قبل اوقات الحصاد

فلا تقولوا البصير هو اللذي عنده بصر
ولا تقولوا الضرير هو اللي في عينه سواد


بقلمي

[الفتى الملثم]

صح لسااااااااااااااااااااااااااااااااااانك


النص هذاا حكم بصراحه

والله يعطيك العافيه

تقبلي تحياتي

الفتى الملثم

[زهرة التوليب]

كلمات طالعة من قلب وتلتقي عيوننا .. وعيون نفسي تنكسر وانته عيونك ترتعد احساس في نفسك و باد ياخوي احساسك عرف بأني بجنبك انتظر وتمد ايدك للوصل رافض لإحساس البعاد وتبتسم ثم تبتسم وانا دموعي تنهمر كيف الطفولة صامده في جسم اقرب للجماد الله الله صح لسانك ياشاعرتنا .. أبدعت بالحديث عن لحظات مرة .. ومحطة أليمة والأعمى هو أعمى البصيرة لا البصر لاهنت

[أســــ الغنج ــــير]

اختي الغاليه
سيرا ماديرا
يعطيك العافيه
كلمات حلوه وجميله
ولو انها تحتاج الى التركيز على الوزن شوي
ولكن يكفي انها من عند سيرا مادير
لاعدمتك وتقبلي تحيات
وتقدير اخووووووك
أســــ الغنج ــــير

[!! Mr.Nader !!]

::

صح لسانك يا سيرا

لفتت انتباهي كلماتك فحبيت اتواجد بصفحتك

يسلم قلمك وقلبك اختي


::