اقتباس:
المشاركة الأصلية كتبت بواسطة سطام الشمري
 بسم الله الرحمن الرحيم ..
.
.
.
فقط // لِروحها الطَاهره
.
.
.
يمه تواريتي ولا بعدك أوناس
......................... بعدك زماني صار حوسه بحوسه
همٍ وغم وكسر خاطر وهوجاس
......................... والعين معبد والدمع من طقوسه
الصدر ضايق والمعاليق يبّاس
......................... والحال عظم وجلد والهم سوسه
تجبرني الذكرى ويكسرني الياس
......................... وأنهرت بين طعون وقتي وموسه
تعبت أعزي النفس وأقول لا بأس
......................... ظلماي بعدك ماتنيره شموسه
بين البشر عايش ولاني مع الناس
......................... النفس عيت لا توالف نفوسه
أجلس مع الجلاس والفكر منحاس
......................... شارد ذهن كل المسافات أقوسه
بعد السعاده صرت للهم نبراس
......................... وقصر الفرح ينهار من ضرب فوسه
ياكثر ماطقيت في كفي الراس
......................... وياكثر ماعضن بهامي ضروسه
وياكثر في طاريك ماحبس الأنفاس
......................... خوف الدمع يشرح على الخد بوسه
وأشم ريحك كل ماهب نسناس
......................... لا صار من يمة مكانك عسوسه
لو الغلا ينقاس يمه بمقياس
......................... حبك بقلبي صعب محدٍ يقوسه
أنتي ذهب قلبي غناتي والألماس
......................... أنتي بنات الفكر وأنتي دروسه
أدعي لعل إللي تَخَضَّعْ له الناس
......................... يجبر عزا نفسٍ زمانه يدوسه
يالله عسى لك بين الأكرام مجلاس
......................... بالخلد يمه بين يانع غروسه
.
.
.
بقلمي
(( سطام الشمري )) |
اخوي سطام الله يرحم امك وامي
حتى في الحظوظ والظروف متساوين
صح السانك وياليتني ماقريتها قبل حزة النوم
لاخلا ولاعدم وعسى مثواهم الجنه
وصح السانك وعلاء شانك
قصيده انا دائمأ اتجنب الكتابه في الموضوع هذا
لدرجه اني احاول اركز على قصيدتك وماابغى اخش جوها لأن جوها يتعبني والله ماابغى اعيشه مرني اللي مر عليك وانا في عز الطفوله وكأنه امس او اليوم من شدة الموقف لاعدمتك والله يرحم الميت ويطول عمر الحي والقصيده انا ماتعمقت في المعنى لكنه لفت انتباهي ملاحظه بسيطه واكيد ان جو القصيده لمايتميز به من حزن سبب هذه اللاحظه البسيطه وهي تكرار القافيه في صدر البيت السادس وفي صدر البيت الرابع عشر
والقصيده ماعليها غبار
وصاحبها شهادتي فيه مجروحه
وخصوصأ هو وقبيلته و
توقيعه له رمز ثاني
لاعدمتك وتقبل تحيات وتقدير
اخووووووووووووووك
أســــ الغنج ــــير
يُمه 
العرض العادي
