قصيدة أنتي ولاشي

[شــمــوخ إنــســان]

والله وصرتي تستهينين فيني

وانا الذي سويت لك قدر بيديّ

تدرين وش كنتي قبل تعرفيني ؟

ان قلت لك كنتي ولا حاجة شويّ

انا الذي فرشت لك رمش عيني

وعملت منك شي وانتي ولا شيّ

جيت اعشقك ما جيتك لك تحقريني

جيت اسكنك بسمة ما هو بسكنك غيّ

لا صرت عامل لك قدر قدريني

ترا الكرامة صفحة ما لها طيّ

ما دام ما جيتي غلا لا تجيني

نار الجفا عندي ولا الذل بالفيّ

والله لاهجرك قبل لا تهجريني

اجل تبيعيني واجيلك برجليّ

يا تتركين الكبر يا تتركيني

لأن المحبة شي والمهزله شيّ

إن كانت الدعوة غلاي وحنيني

يمكن يزول الحقد ويشعشع الضيّ

لكن حكاية ينحني لك جبيني

في ذمتي ما ينحني لك وانا حيّ
.
.
.
.
.
.
.
.
.
أبي ردودكم

[-• الطـَّرْف الحنـُون •-]

يعطيك العافية ..
:
بس ياليت ترجع لشروط القسم اخوي وتحدد المصدر
( بقلمك \ منقول )
اتباعا للشروط وحفظا للحقوق ..
:
ولي عودة ..... ^^

[كينــاز]

ஐஐஐ

صـ ح لسانك إذا أنت الشاعر
و تسلم يمينك إذا الناقل
يعطيك ألف عافية
ما ننحرم يارب

ஐஐஐ

[روح كفاني جروح]

رووووووعه


ومن اجمل مقاله الشاعر حامد زيد



يعطيك العااافيه


اخوي شموخ انسان

دمت بخير
اختك:
روح كفاني جروح

[**داليا**]

روووووووووووووووووعه
من اكثر القصاايد اللي احبها لحامد زيد من جد هالقصيده معبررره وكلماتها قووويه

تسلم اخوي وتسلم يمناك ع الاختياار الحلو ....
تحيااتي ...........داليا