.
.
.
.
إلا إنتـه مـا توقعـتـك تـخـون
ليت كـل النـاس خانونـي معـاك
كنت أظن إنك وفي مخلص حنـون
ما حسبت حساب غـدرك أو جفـاك
كنت وحدك ساكن بوسـط العيـون
لا وربي ما سكـن عينـي سـواك
كنـت أبادلـك المحبـه والشجـون
وقلبـي بيدينـه مفاتيحـه عطـاك
كنت في دنياي أجمـل مـا يكـون
كنت دايم أرتجـي وأطلـب رضـاك
ليش كل هـذا التجافـي يـا فتـون
بعت مـن حبـك وبعيونـه شـراك
كنت ما أزعلـك وكلهـم يزعلـون
كنت أنـا بالنسبـه لجروحـك دواك
يا حسافه كيـف عشرتنـا تهـون
كيف تنسى اللي دقيقه مـا نسـاك
كنت أنا وياك صحرى مـع مـزون
لو عطشت القلب مـن دمعـه رواك
وصرت أنا العطشان أطلب منك عون
ليش تحرمني في عز الضيـم مـاك
قلبـك بكيفـه يخـون والا يصـون
هذا عمرك وإنتـه أدرى بمستـواك
بس شجاوب كـل منهـم يسألـون
أحسن أسكت تدري الكـذب يعـداك
القهـر إنـك علـى قلبـي تمـون
لو طلبت إحساس قلبي قلـت هـاك
والقهـر إنـي أحبـك وبجـنـون
يا حسافه ضاعـت أيامـي معـاك
ليـش خيبـت بمحبتنـا الظنـون
ليش ما بادلت مـن حبـك هـواك
ليش كنت تحلف بحبي مـا تخـون
وإني في عينك أنـا أجمـل مـلاك
كنت أظـن إنـه العـواذل يكذبـون
كان قلبـي وكـل إحساسـي فـداك
ما هقيتـك يـوم يالغالـي تخـون
ليت كـل النـاس خانونـي
القصيدهـ بالصوت
عجبتني حيل وحبيت تشاركوني قرأتها..
أتمنى تعجبكم..
أع ــذب التح ــايا
..
إلا أنته ماتوقعتك تخون 
العرض العادي
