مشتهيه اهايط عليكم هع

[frfoooorah]

اسعد الله اوقآتكم بالخير والمسرآت

>>> بدايه حلوه

بما اني احارب المواضيع الماصله والمكرره ولا احب النقل

مما ادى الى قله المواضيع المطروحه من قبلي وعاد مايقصرون روآد القسم

باليوم 400 موضوع ماشاءالله تبآرك الله

ودي ادخل بالمهم لاني بصراحه فيني نوم ومالي خلق اكتب

يله كلكم تخيلوا معي

اليوم وبالتحديد في الساعه 5 ومدري كم دقيقه فجرا كنت اغط بسبات عميق

المهم فجائه وبدون اي مقدمات اسمع صوت زي كذا >>> واوي واوي

صحيت من النوم مرتاعه وادور مصدر الصوت

مسكت جوالي قربته من اذني ماطلع هو

لاب توب اخوي كان جمبي

قلت يمكن احد بالمسن يستخف دمهواقرب من عند الاب توب

ومايطلع هو

يوم تسلسل الرعب الى قلبي قلت اكيد هذا احد بيخطفني

>>> وش عندها


تعرفون الواحد نايم ويقوم على صوت مرعب

وخصوصا لاصآر مفهي وماخذ بنادول نآيت يعني ام الحاله الصعبه

المهم قعدت احك رآسي ابي اعرف من وين الصوت ويوم حكيته جتني فكره

اني اطلع برى غرفتي يمكن الصوت برى ويوم طلعت اختفى الصوت

قلت لاااااا اكيد السالفه بها إن هذا احد مسوي لي مقلب

رجعت ودخلت غرفتي ويوم قربت للسرير واسمع الصوت مره ثانيه

حسيت اني ذكيه

وقلت خلني اطلع فوق السرير وافتح الشباك يمكن الصوت جآي من برا..؟

ويوم فتحت الستاره واذا بي انصدم

وش تتوقعون..؟

طبعا بوصف لكم المنظر الحماسي:

كان وقتها آذان الفجر وحنا قدام بيتنا مدرسه طلعت المدرسه ذي تحترق والصوت صوت جرس انذار

واشوف انوار تطلع من سور المدرسه

قعدت افكر بعيال الحارس قلت لايكونون ماتوا بس

والناس وقت صلآه يعني محد داري

واذا بي احك رآسي وقلت انا لهآآآآ

>> فديتني هع

وامسك الجوال وادق على خويتي قلت لها كم رقم المطافي..؟

قالت لي داقه الساعه 5 وتبين رقم المطافي وش شآربه انتي..؟

قلت لها بتعطيني ولا شلون<< قويه

طبعا البنت قامت تسلك لي وطفشت مني بالاخير وعطتني الرقم وقفلت

واجي بكل حمآس ادق عليهم محد يرد وانشب بحلوقهم لين ردوا

المهم بلغت وعطيته الوصف وقفلت وحسيت اني اول مره اسوي بطووله بحياتي

حسيت اني كشخه وعجزت ارجع انام ودقيت على كل الناس بعلمهم بس محد رد

في غضون ثواني الا اسمع صوت المطافي جآيين

واروح اصحي اختي واقولها السالفه طبعا كانت تحسب اني استهبل ووسلكت لي

وقالت لا تتأخرين على دوامك

المهم تجهزت بكل حمااااس بروح اقول لخوياتي في الجامعه عن العمل البطولي اللي سويته

>>> وهـ بس

عاد قهر في لقطه فاتتني وانا طالعه شفت المطافي كنت بصورهم بس عبود معصب بالسياره

وانا كان معي عفش ولا امداني بس ياحظهم المدرسه مادرسوا كل ماجت سياره رجعوها

وانتهت العمليه بسلآم والحمدلله لايوجد ضحايا كله بفضل الله ثم بفضل تبليغي

>>> أقول وخروا عني

ورحت وقلت لخوياتي وكل الناس والآن انا قاعده اقولكم بس لا احتجتوا شي لايردكم الا كيبورداتكم



مايستفاد من القصه:

1- لاتترد بالتبليغ عن اي حريق ولا شي بعدها بتحس انك كشخه وعندك سآلفه

2-اذا قمت على صوت مفجع لاتفكر كثير ارجع نم لانك لو حاولت ترجع تنام ماراح تقدر

3 -لا تكثر هياط ع الناس بعدين محد بيصدقك >>> عن تجربه

4-انقلعوا >>> لازم تخربها

يلا يالدبين والدبات المايكـ معكم لتعليقـ والتفحيط بالموزوع

القفوا التحيه

[!! أنـثـى الـ خ ـيـآلـ !!]

يوم تسلسل الرعب الى قلبي قلت اكيد هذا احد بيخطفني

>>> وش عندها

هههههههههههههههههههههههههه
من يبي يخطفك يا الخبله

واذا بي احك رآسي وقلت انا لهآآآآ

ههههههههههههه قصم من هالجمله قلت إذا ماماتو بيموتون


ههههههههههههههههههههههه
وش عندها فرفوره صايره بنت شاطره <<إحلفي
فرفوره لازم تتزوجين بصراحه من ورى هالعمل البطولي أحس إنك
صرت عاقله وكبيره <<لا تحسين :)

4-انقلعوا >>> لازم تخربها

هههههههههههههههههههههه
مالت عليك يا حبيبة البي


يسلمك ربي


إلقفي البوسه وطسي

[كريم المدينة]

ما اعطوكي ادارة المدرسة مكافاه

المفروض تطالبينهم بها

ترى هذا الموضوع مهم حطيه في السيرة الذاتية اذا جيتي تقدمين وظايف هههههههه

وبعدين انتي ووجهك مو حافظة رقم المطافى وفرحانة

اتحداكي كم رقم قوات الطوارى<<<خاربها

يمكن تلقين اسامة بن لادن بكرة يفطر في سطح بيتكم وش تسوين <<<بيوديكم في داهية

تسلمين فرفورة
وليتني ادرس في المدرسة اللي جنب بيتكم
كنت اتمنى انك تقولين المدير انحرق ومعاه المدرسين <<<يحقد على اي شخص في وزارة التربية والتعليم ههه


مبروك على الانجاز


دمتم بود

تقبلوا مروري

[روح الغـلا]

فرفوره

يامال اللي يخرعج بالليل
وماتروحين الحمام

انا كنت ناسيه لابكوتي بغرفة المختبر
ليش ما فزعتي وجبتيه
ولا على ناس ونالس

>>تروحين تصورين المطافي وتدقدقين تالي الليل والناس نايمه والمطافي فاصلين من التعب>وجه يرفع وينزل حواجبه >>يعني ااختصار هذا \\ هع

تدرين انا قلت لعبود ينطر بس عطاني طاف هع مالت عليه

بعدين انتي ما قلتيلي الا تو ليه الهياط؟؟؟
بخرب عليج عند البنات هع هع

>>روح طسي يلا

القفي التحيه
يسلموووو

[frfoooorah]

المشاركة الأصلية كتبت بواسطة !! أنـثـى الـ خ ـيـآلـ !!

هههههههههههههههههههههههههه
من يبي يخطفك يا الخبله

مانيب خبله يالكمخه

ههههههههههههه قصم من هالجمله قلت إذا ماماتو بيموتون

انعن ابو التحطيم

ههههههههههههههههههههههه
وش عندها فرفوره صايره بنت شاطره <<إحلفي
فرفوره لازم تتزوجين بصراحه من ورى هالعمل البطولي أحس إنك
صرت عاقله وكبيره <<لا تحسين :)

انتي وش سالفتس تبيني اتزوج مشان يفضالتس الجو

>>>فاهمه غلط فرفر هع

هههههههههههههههههههههه
مالت عليك يا حبيبة البي

وعليتس يا بعد تسبدي

يسلمك ربي


إلقفي البوسه وطسي

يسلمو على التعليق والمطامر بالموضوع

القفي التحيه ومعاها بوستين

>>>كريمه هع