السلام عليكم ورحمة الله وبركاته
اليوم جايب لكم شي جديد واتمنى ان ينال اعجابكم واستحسانكم
ابثبت وجودي ماابي كاميرا وفلاش = بسوق الضوامي لين للحوض اوردهـا
جزال البيوت اللي تروى بها العطاش = تخلد زمان وكل واحد يرددهـــــــــــــا
ليا سمعها الغافل تنهض يردد عاش = قبل مايشوف الاسم يطرب وييدهــــــــا
فوايد تجارب ماضيه كامنه بالجاش = تقيم جواهر نادره من فرايدهـــــــــــــا
تلحف سماها وارضها بالربيع فراش = بفطرة حكيم الكون بالصدق مولدهــــا
مافيها تكلف كاذبين وولايــــــد لاش = ولا مـــدخــل للي يـــــــــدور بينقدهـــا
خلاصة حكم وامثال بالضامر المنداش = سلاح الجيوش بعزها يوم تحشدهـــا
وتبقى رصيد ليا بغيته دفعته كـــــاش = ماتبقى عليك اقساط بكره تسددهــــــا
نصايح وفكر ودين بحسابكم ببــلا ش = مايندم فهيم طول عمره مجودهـــــــا
يوصي بها الشايب قبل شيلة الانعاش = ليا غرغرت روحه لصلبه يوكـــدهــا
على الدين ثم الدين ثم الدين غيره ماش = يردد ثلاث مرار والناس يشهدهـا
بعدها تودد والديك بجناب هشـــــاش = ولاتذبح الفرحه بمثلك وتفســــــدهــا
ترى البر مايبخل على صاحبه يعتاش = ولو كان نفسه في رضا الله مجهدها
يحس بسعادة بال والعزم ماينـــــاش = وعد طالب التقوى من الرب يسعدها
وجنب طريق الكذب ومنافق غشاش = يمـــد بحباله بيــن خلقه ويعقــــــدهـا
وراع النميمه ناقل الهرج والوشاش = تنحى عنه واترك هروجه وحيــــدها
يقول المثل راس الظبي ماوراه عراش = كذلك بخيل الجاه واموال يجردهـــا
فعول الجمايل جلها والضعاف قشـاش = ماتزرع يمينك لو بعد وقت تحصدها
تجنب سلع بهرج لها الطامع النجاش = تجيه المقــــرد لين بالدين يقردهــــا
يبى هبش رزقك لو يسمونه الهباش = يحط ارصــده بامثال ظرفك يزودهـــــا
ولاجاك رزق المقبلات لكنوزه حـاش = مكبل يديك وكل رجليك قيــــــــدهـــــا
ماقوله ابي ضحكه على طاش ياماطاش = خلاصة تجارب سافط الكم فوايدها
قصيده نقيه كنها فالبياض الشـــــاش = ابي دعوة قلوب البرايا تساندهــــــا
وسلامتكم..بقلمي..اخوكم الشاعر سهم القوافي
كاميرا 
رد : كاميرا 
العرض العادي
