أمي اعزمت ناس وعرسي جهزوا ثوبه

["حبها وفاء"]

جلست بضيقتي وحدي افكر في بداياتي
على شاطى البحر جالس وكان اليوم بغروبه

على الشاطى جلست احسب جروحي وكل خساراتي
وكان الوقت حزتها مطر وقلوب...مرعوبه

وكانت طفله اصغيره بجنبي تقرا حسراتي
كأن الضيقه في وجهى وهي بالروح مكتوبه

تذكرت الحبيبه يومها خلتني بأهاتي
بعد ما جتني تشكي لي تقول اليوم مخطوبه

وعرسي..في شهر(واحد)وضاعت كل حيلاتي
وامي اعزمت ناس وعرسي جهزوا ثوبه

تقول ارجوك أبي تحرق صوري مع رسالاتي
وفراقك ماهو بكيفي وانا والله مغصوبه

وقالت خذ وعد من دمعي المقهور بسكاتي
اموت بحبك الغالي وارد احيا على دروبه

وقالت..مدري وش قالت ...انا ميت بلحضاتي
خنقني الهم في صدري وشفت الدنيا مقلوبه

أبستوعب ولاني قادر استوعب نهايااتي
أبي ذرة فرح لكن لقيت الفرحة مسلوبه

تساوت دنيتي بعيني تساوى الماضي باالاتي
ما دام ان العيوب اليوم ترفع ناس معيوبه

رجعت لغرفتي بين (الاثاث) وبين شمعاتي
اناظر كل رسايلها وقلت...؟ان كان لي حوبه

يا عل اللي خذاها ياخذه ربي من ادعاتي
يشوف اللي انا شفته ويصير الهم مشروبه

بكيت وما لقيت اللي يواسيني بدمعاتي
وشكيت الجرح للدنيا ولا منهو لفت صوبه

ما غير(أمي) تحاول بس تخفف لي معاناتي
وبكت شافت حياة اوليدها للموت مطلوبه

يا دنيا بس خليني ابي ارتاح في ذاتي
انا كني على الدنيا خلقتني ربي اعقوبه

ابنسي واطوي الذكرى ابدفن كل حكاياتي
ابمشي وما أبي احد وهي توبه بعد توبه

ابقطع سيرتك واطلب من المولى بركعاتي
يصبرني على غيابك واعيش بدنيه محجووبه

وانا قلبي يا عمري تاب وعزم يجمع اشتاتي
واذا قلبي طلع مذنب ترى انتي اعظم اذنووبه

[أســــ الغنج ــــير]

اختي الغاليه
اخلاقي راس مالي
يعطيك العافيه
مشاركه حلوه وكلمات جميله
بس وبما انها ليست بقلمك حيث ان فيها بيت يدل على انها لغيرك لذلك ياليت لو تكرمتي تسمحين لي بنقلها للقسم المناسب لها وهو قسم المنقولات الادبيه لاعدمتك
ورجو المعذره على النقل لأن قسم همس القوافي من شروطه ان تكون المشاركه بقلم الشخص نفسه ولكن فيه بيات اتضحت لي من سياق القصيده بأنها لرجل وليست لأمرأه لذلك ارجو المعذره على نقلها
وهذا من سؤء حظنا لأني كنت اتمنى ان تبقى هذه المشاركه الحلوه عندي في قسمي لكن لم يحالفني الحظ
وانشالله نتطلع لمشاركه تخصك
عالعموم مشكوره وتقبلي
تحيات وتقدير اخوووك
أســــ الغنج ــــير

[رونق الحروف]

يعطيك العافيه ع النقل الجميل
عزيزتي دامت ايامك سعيده

[شرقااااوية]

ابدااااااااااااااااااااااااااااااااااااااااااااااا ااااع وربي ابدااااااااااااااااااااع
الله يعطيك العافيه يارب وسلمت الايداي ونتظر جديدك والى الامام
تحياتي لك:شــــــــــــرقاااااويــــــــــة

[همس الصبآ]

. ,
,

ابقطع سيرتك واطلب من المولى بركعاتي
يصبرني على غيابك واعيش بدنيه محجووبه
وانا قلبي يا عمري تاب وعزم يجمع اشتاتي
واذا قلبي طلع مذنب ترى انتي اعظم اذنووبه

يسلمـ ذوقكـ ..
ربي يع ـطيك الع ــآفيهـ
دمتِ

. ,
,