ابليس ترك العمل عند المسلمين !!!!!!
كان في غرفته, يجمع ملابسه في حقيبة إلى جانب باقي متعلّقاته, على المنضدة القريبة كانت استقالته موقّعة ومختومة حسب الأصول, وبجوارها تقبع ون-واي تيكت إلى جزر القمر.
كانت ملامح وجهه في تلك اللحظات تنطق بالحزن, الكآبة, الإحباط, اليأس, وقلّة الحيلة... مع دهشة مزمنة ارتسمت عليه منذ فترة ليست بالقريبة, واعترافٍ بالعجز والفشل.
إبليس راحلٌ عن بلادنا إلى غير رجعة... فليفرح المؤمنون ...
- وين يامسهّل؟ ليش عم تلم اغراضك؟
- يارجال ماظلّلي قعدة عندكم, إلي سنين عاطل عن العمل وقرّبت أموت من الجوع... بلاقيش معك سيجارة ؟
مش ناطع فيكم لا وسواس ولا خنّاس! كنت زمان بوسوس للوحدة تسيب ابنها يبكي وهي بتحكي مع جاراتها, هلأ صاروا لحالهم يرموا اولادهم في الحاوية أوّل مايجوا!
كنت أوسوس للواحد ينسى يسمّي الله قبل ماياكلوا, هلأ بطّل حدا لاقي إشي ياكله! يارجال إذا أنا إبليس تسمّمت بالشاورما !
كنت برضو بوسوس للشب يرميله كلمة ع البنت وهي ماشية بالشارع, صاروا البنات سألوا ع الشباب بكلام أنا نفسي بستحي أحكيه!
واحد بسرق 6 مليون ريال عينك عينك بحبسوه 3 سنين في فيلاّ ع شطّ البحر , واثنين بفتشوا في مكبّ الزبالة بتطلق النار الشرطة, إنتو بدكم إبليس إنتو؟!
صار عندكم فائض في الفساد بكفّي 30 سنة لقدّام, صرت أخاف على حالي منكم!
يارجال مرّات بضطرّ أوسوس بالشقلوب وأقول للمسؤول إرحم وللحرامي بكفّي خلّي شويّ للحراميّة اللي رح ييجوا بعدك!
يعني إذا إنتو لحالكو سمالله بتعملوا كل هالبلاوي, أنا إبليس شو أعمل؟ أشتغل شوفير تكسي يعني ولاّ أفتح صالون حلاقة؟ ماظلّ غير أقدّم للأوقاف يعيّنوني واعظ أو إمام جامع !
ثمّ فتح الباب وانطلق خارجاً إلى غير رجعة
.gif "Graaam (122)")
ابليس ترك العمل عند المسلمين 
العرض العادي
