قصيدة ابتدينا عند احبك وانتهينا عند باي

[(اميره بكلمتي)]

لعنبـو قصـة غـرام ٍكـل ابوهـا كلمتـيـن
ابتدينـا عـنـد احـبـك وانتهيناعنـدبـاي
تونا مابعد مشينا في الهـوى لـو خطوتيـن
وانتهى الموضوع فجأة حتى مدري وش خطاي
انتهى الموضوع كذا بكـل سهولـه تحكميـن
وين احبك وين اريدك وين ساكن في حشـاي
يمكن انك ما وفيتـي يـوم جيتـي تعشقيـن
ويمكن انك تحسبينـي بتبعـك مـن دون راي
ويمكن اصلا ما عشقتي بـس كنتـي تلعبيـن
ويمكن انك ما وصلتي في هـواك لمستـواي
ويمكن اني ماعرفتك في الحقيقـه وش تبيـن
ويمكن اني خنت نفسي يوم اعطيتـك وفـاي
علميني فـي الهـوى ياجاهلـه وش تعرفيـن
تعرفين انك غديتي شي يجـري فـي دمـاي
علميني في العطـا والتضحيـه وش تفهميـن
لعنبو حيّك عشانـك سبـت اقـرب اقربـاي
كنت احطك في عيوني تسرحيـن وتمرحيـن
كنت اشيل هموم قلبك وارمي همومـي وراي
كنت اطير من السعاده يوم اشوفك تضحكيـن
كنت ذايب في هواكي مثل سكر وسـط مـاي
كنت نايم في العسل وارسم من الفرحه سنيـن
كنت اظنك قلب عاشق ماسكن وسطه سـواي
ما وعيت الا وأنتـي فـي خفوقـي تطعنيـن
ما وعيت الا وسيفك في الحشا رايـح وجـاي
ورده اي والله ورده بس عرفتـي تجرحيـن
كل شـي فينـي جريـح الا فخامـة كبريـاي
مـا تأثـرت بغيابـك ويـش يعنـي دمعتيـن
بكره انسى صدقينـي وارجـع بكامـل قـواي
ادري ان حنا افترقنـا بـس ابفهـم حاجتيـن
علميني وش كسبتي وعلمينـي وش خطـاي
اصـلا الموضـوع كلـه مـا تعدىكلمتـيـن
التقينـا عنداحبـك وافترقنـا عـنـد بــاي

منقـووووول

[^^جوري^^]

مشكووووووره
مرررررررررررررررررررررررره روعه
تسلمين حياتي

[دموعي لدروبك شموع]

شكـــــــراً
قصيده روعـــــــــــه
ننتظر جديدكـ

[كـ ـيـ ـنـ ـا ز]

ஐஐஐ

صـ ح لسان
الشاعـر
و تسلم يد الناقـل
يعطيك ألف عافية

ஐஐஐ

[قلبي وصاني عليك]

يسلموووووو امووره ع النقل تسلم ايدك
كلمات قمه في الروعه
لا خلا ولا عدم