قهر الرجال

[سطام الشمري]

بسم الله الرحمن الرحيم ..


.

.

.


.. نَص أتَمنى أن يَرتَقِي لِذَائقتكُم المُترَفه ..


.

.

.

الليالي .. والوفـا .. والشـوق .. والدمـع الأصيـل=روُحت مع موكب الأحزان في ماض الليال
والسهر .. ومعانق الأحلام .. والدرب الطويل=السبب فيها .. هنوف(ن) في خفوقي لا تزال
أقبلت مثل الهوا لا عانق .. أطراف النخيل=وأرحلت مثل الضمى لا صاح .. من خلف الزلال
ياوجودي / يوم أناظرها وتشرّ للرحيل=وجد من مالت سنينه .. مثل ميلات العقال
مابقالي منها ياكود .. دمعات(ن) تسيل=يوم لفت ترتجي وصلي .. ولا جاها مجال
الوفي .. لامن بكا لابد يبكي من غليل= دمعته لا روُحت / تروي حكايات(ن) طوال
في خفوقي تبكي .. الأشواق وأهاتي دليل=وفي عيوني تحكي الأحزان عن .. قهر الرجال
والله إني مابغيت أنساك .. يالصبر الجميل=لين شفت إن التواصل .. بيننا شي(ن) محال
علميها ياسحاب الهم / بالقلب العليل=كيف تتركني بحر الشمس من عقب الظلال ..!
وخبريها ياحُروف الحب .. عن عابر سبيل=واحدن ماحبها ياكود عفه وإرتجال ..!
وذكروها في .. حياة البدو جيل(ن) بعد جيل=كيف كنا نستر العذراء ولا نخشى القتال
يابري حالي .. وياوجدي ليا زاد الفتيل=وأستضاقت فسحة الأظلاع .. من بعد الزوال
وياوجودي .. لا برق جرحي وعبراتي تخيل=ولاحت أمزون المحاجر .. وأنتثر دمعي وسال
وياوجودي .. لا أرتويت الهم عقب السلسبيل=وجد أهات الكويتي .. في نهار الإحتلال
وياوجودي .. يوم أناظرها وتشرّ للرحيل=يوم لفت ترتجي وصلي .. ولا جاها مجال

.

.

.

بقلـــــــــــــــــــــــــمي
سطام فيصل الشمري

[سيرا ماديرا]

بجد قصيدة كلها وصف رائع لمشهد اروع

وانا ماشاءلله عليك اقرا القصيده عشت جو ثاني

حزن وليل ونخيل على اصاله البداوة .. اجواء لا يقدر ان يعايشها الا شاعر بصراحه

ابدعت في كل شي ... قصيده متكامله وصفا .. تعبيرا .. لفظا .. وزنا .. قافيه

تسلم وانطر جديدك

[كينــاز]

ஐஐஐ

وخبريها ياحُروف الحب .. عن عابـر سبيـل
واحـدن ماحبهـا ياكـود عفـه وإرتجـال ..!
صـ ح لسانك
قصيدة أقل ما يُقال عنها رائـ ع ـة
يعطيك ألف عافية

ஐஐஐ

[أســــ الغنج ــــير]

اخوي الغالي
سطام الشمري
انت شاعر وقرأت لك مشاركه قبل كذا وماعلى قلمك غبار
والقصيده هذي جزله وكان نفسي اعلق عليها بتعبيري الخاص وابيـّن مدى اعجابي واتعاطى معها شعور ثاني لكنك خربت علي الشغله وسكرت قدامي الباب بغلطه غير مقصوده
وانا متأكد لكن ماأقدر اتحمل مسؤليتها يابعدي
الغلطه اللي وقفت قدامي هو عدم تحديد مصدر القصيده
هل هي بقلمك او منقوله
ياليت لاعدمتك توضح لنا هل القصيده من ابداع اخونا سطام والا معجبته وناقلها لأن هذي من شروط همس القوافي في منتدى غرام والقصد هو حفظ حقوق النشر
عالعموم اخوي انتظر اجابتك ولي عوده بأذن الله
اخوووووووووووك
أســــ الغنج ــــير

[***هيفاء***]

المشاركة الأصلية كتبت بواسطة سطام الشمري

.. نَص أتَمنى أن يَرتَقِي لِذَائقتكُم المُترَفه ..

النص ارتقى لذائقتنا وتبطح فيها بعد.... بصراحة روووووعة


.

.

.

الليالي .. والوفـا .. والشـوق .. والدمـع الأصيـل=روُحت مع موكب الأحزان في ماض الليال
والسهر .. ومعانق الأحلام .. والدرب الطويل=السبب فيها .. هنوف(ن) في خفوقي لا تزال
أقبلت مثل الهوا لا عانق .. أطراف النخيل=وأرحلت مثل الضمى لا صاح .. من خلف الزلال
ياوجودي / يوم أناظرها وتشرّ للرحيل=وجد من مالت سنينه .. مثل ميلات العقال

تشبيه جميل من بصمة شمرية

مابقالي منها ياكود .. دمعات(ن) تسيل=يوم لفت ترتجي وصلي .. ولا جاها مجال
الوفي .. لامن بكا لابد يبكي من غليل= دمعته لا روُحت / تروي حكايات(ن) طوال
في خفوقي تبكي .. الأشواق وأهاتي دليل=وفي عيوني تحكي الأحزان عن .. قهر الرجال

تصوير رائع للقهر ... حيث الرجال لا تطلق العنان لدموعها إنما تظهر على شكل آهات .. وقفت عند هذا البيت وقرأته كذا مرة .. رهيب

والله إني مابغيت أنساك .. يالصبر الجميل=لين شفت إن التواصل .. بيننا شي(ن) محال
علميها ياسحاب الهم / بالقلب العليل=كيف تتركني بحر الشمس من عقب الظلال ..!
وخبريها ياحُروف الحب .. عن عابر سبيل=واحدن ماحبها ياكود عفه وإرتجال ..!
وذكروها في .. حياة البدو جيل(ن) بعد جيل=كيف كنا نستر العذراء ولا نخشى القتال
يابري حالي .. وياوجدي ليا زاد الفتيل=وأستضاقت فسحة الأظلاع .. من بعد الزوال

الأضلاع* .... ما عندي شي أقوله بعد ما وصفت حالك بالسراج المشتعل في وسطه فتيل(القلب) واستضاقت عليه ضلوعك بعد المغيب

وياوجودي .. لا برق جرحي وعبراتي تخيل=ولاحت أمزون المحاجر .. وأنتثر دمعي وسال

لا أجد تعبير مناسب أمام هذا البيت ... برق جرحي !!!!!! تصوير ألم الجرح بهذه الدقة العجيبة ... فعلا الألم دائما يأتي مثل البرق سريع وخاطف ومؤلم وبعد البرق عادة يهل المطر .. مشاء الله عليك

وياوجودي .. لا أرتويت الهم عقب السلسبيل=وجد أهات الكويتي .. في نهار الإحتلال

إلى صارت آهاتك آهات كويتي نهار الاحتلال ... عز الله إن همك كبير كبر الجبال

وياوجودي .. يوم أناظرها وتشرّ للرحيل=يوم لفت ترتجي وصلي .. ولا جاها مجال

.

.

.


سطام فيصل الشمري

صح اللسانك ... وعلا شانك

يعطيك العافية وفالك الهنوف

تقبل مروري