نفسي عزيزه

[ابــو شــذى]

شعر صراحه عجبني وانشاء الله يعجبكم


نفسي عزيزه من جفاني جفيته0000حتى ولو يصعب على القلب فرقاه

الصاحب المغرور يبراه بيته 0000والله ماأهين النفس وأدور أرضاه

وأن كان طالت مدتي مانسيته 0000بعز نفسي وأجبر القلب ينساه

أنا لو دورت غيره لقيته 0000وهو بعد غيري يدور ويلقاه

يوم أنه هاويني فأنا اللي هويته0000من حبني بحب شوفه وبهواه

أول وأنا منه العزى ماقويته 0000منه الصبر يومين ماوالله أقواه

يومه يهلي بي أليا نصيته 0000يوم الموده بيننا بالمساواة

يأمر وينهي صاحبي ماعصيته 0000راعي الغلا يأمر حبيبه وينهاه

واليوم خان ولو رجع مابغيته 0000عليه صار القلب ياناس ماقساه

غير حبيب مخلص لي لقيته 0000ماهو يجافيني وأنا ماأقدر أجفاه

وسلامتكم00


منقول

[أســــ الغنج ــــير]

اخوي ابوشدى
يعطيك العافيه
اختيار موفق
وهذي القصيده غناها الفنان الراحل بشيرحمد شنان
بس ياليت تسمح لي بنقلها للقسم المناسب لها
وهو قسم المنقولات الادبيه
لأنه هو المختص بالمنقولات
لكن قبل كذا حبيت اشكرك
على المشاركه وارحب فيك بقسمنا قسم همس القوافي
واتمنى اني اقرأ شي يخصك اخوي بهذا القسم
لاعدمتك وتقبل تحيات
وتقدير اخوووووك
أســــ الغنج ــــير

[زهرة التوليب]

الله يعطيك العافية

وصح لسان شاعرها ويسلم بنانك ..

لاهنت

[ابــو شــذى]

يعطيكم العافيه

ومشكور على التوجيه اخوي اسير


مرور ولا اجمل من كذا

[همسة غلاااا]

يعطيك الف عافية اخوي

هالقصيدة قديمة شوي بس كلماتها رووعة

تسلم اخوي