هذه أول مشاركه لي في هذا القسم ان شائ الله تعجبكم
,
,
,
عندما يتمحور التركيز العاطفي في بؤرة الضياع
فسرعان ما تحوّر الأيّام رسالة حواء اليَّ على أنّها
*..*..* طيش طفل...!! *..*..*
*...*...*فقط في بؤرة الضياع*...*...*
*...*...*فقط في عالم الضياع*...*...*
*...*...*فقط في لحظة ضياع*...*...*
*..*..*
على ذكرى حبيبي تشرق الشمس وتغيب وتشرق القمرى وهمّ تقـوم
تناهيدي بعرض البحر موجه تشتكي منها خـدود الساحـل الغربـي
*
على ذكرى حبيب الروح ابنقش في جدار القلب بآهاتي جيوش سهوم
وابكتب في جدار اليأس جملة - ليش تجزاني بهالقسوه على قلبـي-..؟
*
وابجمع من بقايا زفرةٍ بالجوف قلبـي المنتثـر فـي هالسمـاء نجـوم
وابروزها بدواويني على الرمضا قصايد تنزف الدمعـه علـى حبّـي
*
حبيبي كانها الفرقى بحزّب لك جيوش العاطفـه ثمّـاً عليـك تقـوم
قوافي الشعر غاراتٍ تهزّك لين تطلب هدنتـي فـي عاصفـة حربـي
*
جيوشٍ لو تقابل جيش فُرْسي أو جيـوشٍ بربريّـه أو جيـوش الـروم
تزلزلها وتحفر تحت رجليهـا مقابرهـا وأنامـا قـد بـدى ظربـي
*
لقيت إنّي بنيت من الخيوط العنكبوتيّه جـدار مـن الوهـم وحلـوم
وكنت احلم مثل غيري بالاستقلال أكوّن في الهوى مستعمرة حبّي..!!
*
لقيت إنّي أمام اليأس والحرمان رغم الإنتصـار ابقـى أنـا المهـزوم
رضيت بقسمتى اللي بالعدل من قبل ميلادي كتبهـا خالقـي ربّـي
*
وابرجع للجدار اللي كثر ماقد كتبت من القصايد به غـدى مزحـوم
ومن عيني اليسار انزف دموعي ترسم اللي قد جنيته من سبـب ذنبـي
*
تشكّل لوحةٍ فيها الشفق الاحمر وفي وسطه تصـوّر وجهـي المحـروم
وفي عيني اليمين ارسـم يدينـي للسمـاء مرفوعـةٍ مستغفـرٍ ربّـي
*
على بعض السوايا اللي تبنّتها الطياشه في عقل طفلٍ غـدى مهمـوم
وتاهت به خطاوي حظّه العاثر ... مثل ما تاهت الفرحه على دربـي
*
الا يالله يسّر نزعة الروح التـي قامـت تشبّـث وابلـت الحلقـوم
وعوّضني بحورٍ عين عقب اللي على الدنيـا بهجرانـه تلاعـب بـي
*
أنا مدري وليش العين خانتني وخلّتني عقب حبّـي وريـث سقـوم.؟
ولا ادري ليش حتّى سقوم حبّي من بلاويها بغلايلهـا تزايـد بـي.؟
*
أنا مدري وليش الساحل الغربي يشكّل في سماء عيني حـزام غيـوم.؟
ولا ادري ليش صوت امواجه يحرّك احاسيسي وينحر بسمتي قربـي.؟
*
ولا ادري ليش اذا منّي جلست بوحدتي ويّا القلم أكتب بلحن اللوم.؟
ولا ادري ليش أنا في كبرياء الصمت أعيش بلوعتي والهم ثايـر بـي.؟
*
ولا ادري ليش إذا منّي بغيت ابني على المجهول قمت ابني على المعلوم.؟
ولا ادري وشهي علوم الخبر والحال.؟ في بحر الهوى قامت تمايـل بـي
*
صحيح إن الهوى قسمه إلهيّه .. مثل ماهو النصيب مقـدّر ومقسـوم
الا ياللْه...عقب قسمة هذيك اللي جفتني يسّر اللي حيل تشعـر بـي
أتمنى ان تكون المشاركه بمستوى الطموح وتقبلوا تحياتـــــي ,,,
*..*..*..*
طيش طفـل 
العرض العادي
