أستجواب في المطبخ

[وحيدة الدار]

بسم الله الرحمن الرحيم

السلام عليكم ورحمة الله وبركاته

مسائكم خير

ودي نتعرف على بدايتك في المطبخ لأن البدايات تحمل ذكريات حلوه


المحرجه والمضحكة


تعالوا بنا نتذكر تلك الأيام من خلال هذه الأسئله


[*]متى أول مره بديتي تطبخين؟
[*]وش أول شي طبختيه؟
[*]ماردة فعل اللي طبختي لهم وكلوا من أكلك لأول مره؟
[*]ماهو شعورك من خلال أول ردة فعل؟
[*]هل مازلتي تطبخين حتى الأن؟
[*]تحبين المطبخ ولا؟


*موقف طريف مر عليك أثناء الطبخ ؟


يالله الكل يشارك خاصه البنات


بسرررررررررررررعه



تقديري
وحيدة الدار

[روح الغـلا]

يا هلا اختي

نورتي

موضوعك حلو

ويسعدني اشارك فيه

،،

عاد انا احسه فيضحه لي وبقول وامري لله هع

[*]متى أول مره بديتي تطبخين؟

مممممم اتذكر اول مرة طبخت فيها في صف اول ثنوي
بس كان تعليم

[*]وش أول شي طبختيه؟

كان غدانا ،، كبسه هع،، لاني كنت لاصقه بامي فالمطبخ لما تطبخ وصار عندي
خلفيه بالطبخ ومعلومات كثيره وخبره

[*]ماردة فعل اللي طبختي لهم وكلوا من أكلك لأول مره؟

طبعا هم لازم يمدحون حتى لو ما نجحت الطبخه من باب التشجيع
وبصراحه اكلوه كله وهذا الللي خلاه بذاكرتي للان

[*]ماهو شعورك من خلال أول ردة فعل؟

تعرفين لما ينترس صدرك هوا من الفرح وتحسين انك منتفخه ومو قادره تسكرين فمك
هههههه والله اني اضحك على روحي

[*]هل مازلتي تطبخين حتى الأن؟

تهي تهي تهي ايه للاسف ولا مو بس كذا
اليوم مسويه غدانا ههههه
بس ترى كنت ناويه اعزمكم
بس تعرفون لازم احجز مكان واطلب سيارات اسعاف ههههه
>>رفووع اخاف انتي اللي مخليتها تطرح الموضوع

[*]تحبين المطبخ ولا؟

في واقع الامر مو حيل بس اللي خلاني اطبخ
حكم الزمن هههههههه
>مافي داعي اكثر كلام

*موقف طريف مر عليك أثناء الطبخ ؟

مممممممممممممم
اذكر مرتن من المراريت وانا مندمجه في الطبخ واحوسه بالمطبخ
طبعا انا اذا طبخت لا حد يدخل عندي لاني ما احب الربشه

وانا اللي ما سكه صلصة الطماطم وابي افتحها
واجي بحماس وبقوه ابي اضغط عليها بس
طلعت العلبع خاينه وانفجرت بوجهي وحاست وجهي وملابسي
والجدار
احمد ربي ماكان فيه احد عندي
وبسرعه بسرعه الحق على وجهي واغسله
واجيب فوطه وامسح السمردحه اللي سويتها

>>تدرون عاد كانت الصلصه احسن ماسك للوجه هع هع


،،


نورتي اختي وطرح موفق
كل الود
،،

[دنيـــا ومن يدري؟؟]

[*]متى أول مره بديتي تطبخين؟

كنت يمكن في رابع ابتدائي

[*]وش أول شي طبختيه؟

كريم كراميل

[*]ماردة فعل اللي طبختي لهم وكلوا من أكلك لأول مره؟

عادي مدحوه

[*]ماهو شعورك من خلال أول ردة فعل؟

اكيد مبسوووطه
[*]هل مازلتي تطبخين حتى الأن؟

اطبخ قليل يعني شي مو اساسي

[*]تحبين المطبخ ولا؟


احيانا على حسب المزاج

*موقف طريف مر عليك أثناء الطبخ ؟
اكلت وانا صايمه في رمضان


مشكوووره اختي عالموضوع

[أحلام عادية]

السلام عليكم ورحمة الله وبركاته

وعليكم السلام ورحمة الله وبركاته

مسائكم خير

مساؤك ورد

[*]متى أول مره بديتي تطبخين؟

كنت وقتها بالاساس

[*]وش أول شي طبختيه؟

سويت شوربة دجاج ودجاج محمر وويكة (أكلة شعبية عندنا ) ..

[*]ماردة فعل اللي طبختي لهم وكلوا من أكلك لأول مره؟

شجعوني كتير بس طبعاً مازحوني اول ما عرفوا اني انا اللي سويته .. و بعدين صارو يطلبو زياده ..


[*]ماهو شعورك من خلال أول ردة فعل؟

صرت اطبخ لي طبخة كل يوم ( عجبتها الحكاية )..

بعدين صارت علي حسب مزاجي وظروف البيت

[*]هل مازلتي تطبخين حتى الأن؟

اطبخ بس مو كل يوم

[*]تحبين المطبخ ولا؟

كثيييييييييير احبو ..

*موقف طريف مر عليك أثناء الطبخ ؟

اذكر مرة حطيت علي الكيكة ملح ليمون بدل السكر .. وتخيلو الطعم




يسسسسسسلمووووو والحين اتفضلو كلكم معزومين كيكة شوكولاته من عمايل اديا وحياة عينيا

[جــوجــو]

متى أول مره بديتي تطبخين؟

والله اظن بخامس ولا راابع ابتدائي ....

وش أول شي طبختيه؟

احم احم ..كنت طاابخه اصعب طبخه ههههه ........ بيض مقلي بس كان محترق هع

ماردة فعل اللي طبختي لهم وكلوا من أكلك لأول مره؟

اول مرهـ كان ولد خالتي وبنت عمي ويااي .... وهم اللي ذااقوهـ عااد ذاك اليوم تشققت من الوناااسه من كثر ما امدحووهـ ....هذاا وهو محترق لو كااان عدل وش كاان سوو <<<مصدقه عمري هع

ماهو شعورك من خلال أول ردة فعل؟

والله تشققت من الوناااسه ^_^

هل مازلتي تطبخين حتى الأن؟

ايه للحين ...

تحبين المطبخ ولا؟

احبه اذا كنت موب مغصوبه ادشه هع ...

موقف طريف مر عليك أثناء الطبخ ؟

مرهـ يوم اني بثاني عدادي كنت اسوي شيكن بورقر ....وكان اخوي يترجااني اسوي له عااد انااااا موب راااااااضيه ....<<<< شوفوا وش صاار لي من الحسد...
فقعدت اسوولف مع الشغالات وانا اللي اقلي البورقر ... وكل وحدهـ من الشغالات تبي تسوي بدالي رفضت وقلت انااااااا اللي ابي اسوي بروحي ...،،،عااد ما توعيت الا القلاايه شبت كلهاااا ضوو كبيـــــــــــــــــــــــــرهـ .... ومن شفت الحريقه اعطيهاا احلى شردهـ واصاااارخ بالحووش بيتنااااااااااااا احترق ياعالم بيتنااا احترق ... ههههههههههه ومن هالصراخ طلعوا كل اللي بالمجلس وااي فشله ..كان فيه نااااس غرب ويجوني ابوي وعمامي وجدي الله يرحمه .... ويسألون وش اللي صااار عاد يووم شاافوا ان السالفه قلايه محترقه بس .....هااوشووني هواش على كيف كيفكم ههههههههه ومن بعدهااااا ماعاد قليت الا واحد معاااي يساعدني هع...... واخوي يضحك علي ويقول شفتي ..لو مسويه لي معاج من البدايه مااكان صاار كل هذا ...هذي عقاب من ربج ....<<< وبس ادري هذرتي واايد هع




وحيدة الداار

تسلم يمناااااج يالغاليهـ على المووووضووع الحلوـوـو

يعطيج العااافية

نترقب جديدج بشووق ........