وشلون بصبر
البارحـه هاجـت علـي التفاكيـر
ليلي قضيته بين هوجاس وافكـار
ولا لقيت لما وطى النفـس تفسيـر
وأصبحت كني راعي النار والغـار
حزنٍ بقلبي كسّـر القلـب تكسيـر
لولا ضلوعي تردع القلب كد طـار
على الذي له داخل القلـب تقديـر
الصاحب اللي بيني وبينـه أسـرار
دار الزمان وصار بالعهـد تغييـر
مدري غدر بي مدري الوقت غـدار
قبل الموادع قـال تذكرنـي بخيـر
إبعد وانا ابعد وافرض الحب ماصار
حنـا نوينـا وعاكستنـا المقاديـر
وهلّت دموعه يوم فكر بالأقـدار
قال النهايه جعـل دربـك مسافيـر
حاول تناسى اللي مضى صير صبّـار
قلت الله اقوى ما طلبتيـه بيصيـر
غصب عليّه قلت ماكنـت مختـار
ياللي جرحت القلب ليـه المعاذيـر
جرحتني لا تتـرك الجـرح تذكـار
وشلون ابصبر كان شفتك مع الغير
وانا الذي عليك من نفسـي اغـار
طلال السعيــــــد
رد: أجمل ماقيل من مشاعر 
العرض العادي
