وهذه قصيده للشاعر فالح العجلان من اختياري إن شاء الله اتعجبكم واسمها "جروح المسا":
حبيبتي لو ذبل وردك مع فله
........................................في ذمتي ماطرى غيرك على بالي
يمكن على شان قلبي ماشفى غله
........................................من حبك اللي محى لول مع التالي
إلى زهمتي عطيتك خافقي كله
........................................وإلى انتخيتي رميت الشال وعقالي
عمرك سمعتي عن حبيبٍ يقتله خله؟!
........................................من يقطف الورد لأحبابه قتل غالي!
يا طاهره والغدر "ماهو على حله"!
........................................تبت يد اللي يخونك يا بعد حالي
عمرك سمعتي شجاع يهزمه ظله؟!
........................................من شاف طرفك حزين وقال: أنا مالي؟
ياحبي اللي أعرفه زين وأدله
........................................ماكنه إلا خدين الروح وظلالي
تدرين وش يذبح الرجال ويذله؟
........................................قهرٍ مع الوقت صار أكبر من آمالي
إلى سكتنا تزايد طيننا بلــه
........................................وإلى حكينا . . حكينا بالخلا الخالي
من ضاع وجهك . . وأنا أقول الغلا من له!
........................................من غاب نورك . . وجرح الليل غربالي
عمرك سمعتي حبيبٍ يقتله خله؟!
........................................من يقطف الورد لأحبابه قتل غالي
قلبي . . وأنا أدري عطيتك وانتهى كله
........................................حبيبتي لا يضيع . . الشال وعقالي؟
وسلامتكم
جروح المساء 
العرض العادي
