الو يا شيخ

[رووح طفله]

الووووووووووو ياشيخ!!

طبعا انا من المتابعين للبرامج الدينيه اللي فيها اتصالات وسؤال الشيخ مباشره لاني احسها اشياء يوميه بحياتنا نجهلها مفيده وتعلمنا باحكام دينا

ولكنها لاتخلوو من الاكشن والاثاره من اتصالات بعض حريمنا المعهوده
سؤال موجه لبعض الحريم ليه ثم ليه ثم why تحبون تعقدون انفسكم وتعقدونا معكم ببعض الاسئله!!
ماراح اطول عليكم ادري ورعانكم يصيحون ومستعجلات خوذوا هذه النماذج على الهواء مباشره!!

الو الو ياشيخ يرد عليها نعم اخلصي خخخخ ترد هي ماحكم البلياج?
الشيخ وشو البلياج؟؟ والمذيع اختي السائله ممكن توضحين اكثر (ليته ماقالها وضحي)
البلياج ياشيخ 3 مدري 4 صبغات يحطون على الشعر هذا لاصار كوكتيل واخاف يمنع الوضوء لان الشعره تصير سميكه وعليها صبغات
الشيخ لالا يمنع الوضوء مايجوز ويبدا يقول الادله ويشرح

نبتدي حنا المشاهدات انا واخواتي شوشنا مبليجه وطايره ونقول لبعض وش نسوي نحلق على الزيرو والا وش نسوي
تقوم اختي تدق على شيخ معروف بالقصيم يقول لا حلال وترى الشيخ مافهم من الاخت لانه كبير بالسن وهي عقدتها عليه

طيب ليه ياحرمه يوم تسلطين وتشرحين غلط وانتي عارفه نص المشاهدات شوشهم مبليجه خخخخخخخخخخ

اتصال اخر

الو الو ياشيخ يرد خير وش تبين خخخخ انتشرت بالاونه الاخيره الفروه النسائيه والجزم ام اصبع هل هي تشبه بالرجال؟
يرد الشيخ ترى انتم يالحريم دايم هذا سؤالكم بس اسمعي سؤالي هل اذا زوجك والا اخوك لبس هالفروه وهالجزمه وراح المسجد عادي
ترد هي لا شكلها نسائي ماتصلح !! قال الشيخ خلاص يعني نسائي ومو تشبه وبقلبه يقول صكي الخط ضيعتي وقت البرنامج خخخخ
(بعدي والله الشيخ خخخخخخخخخ)

اتصال اخر

الو الو ياشيخ يرد الشيخ يانعم تقول عاد هي ماحكم لبس العدسات اللاصقه؟
يرد الشيخ عادي لاارى فيها شي بس الحرمه مازالت على الخط الا غصب تصير حرام وشلون قالت للشيخ بس اوقات الخطبه والملكه البنات يلبسونها وتصير عيونهم زرق وخضر
هنا عاد يرد الشيخ لا مايجوز هذه فيها خدعه للخاطب مايصلح
وعاد هي فرحانه صح صح ياشيخ (شكل اهلها معيين يشرون لها عدسات خخخخخخ)

الاتصال هذا عجيب وحده ابرت ذمتها شوفوا وش سوت!!

الو الو ياشيخ انا تكلمت بأم وبناتها وتكلمت بأعراضهم زور وتسببت كم من مره بقطع نصيبهم بالزواج
والشيخ اعوذ بالله ماهذا وتكمل هي بس ياشيخ تراني تبت توبه نصوحه واستغفرت قالها تقبل الله منك لحد هنا اوكي
بس ترى ياشيخ انا بريت ذمتي ورحت عند الام وبناتها وحكيت كل شي هاااااا
وطردوني وقاطعوني وصارت مشاكل السؤال وش حكمهم هم لاحظوا هم !
قال الشيخ وش هالتصرف من قالك هذا ابراء للذمه ليه تعقدون حياتكم وهزأها على الهوى ( مره اخرى بعدي والله الشيخ خخخخخخ)

اللي ابي أوصله ليه التعقيد ؟؟ ليه كثره الاسئله والدخول بأدق ادق التفاصيل
في اشياء كثيره انجنيت منها ماكتبتها
ترى كثره السؤال سببت بهلاك الامم من قبل ؟ غير كذا بعض الشيوخ مايعرفون سوالف الحريم بلياج وتشقير ووو فيطلق الحكم بناء على شرحها هي فالغلط مو منه
من بعض هالحريم اللي ودك تمسكينها وتلفين على رقبتها سلك التلفون خخخخخخخخخخخ

[منسدح بالصاله]

والله إنك صادقه

فيه بعض النسوان وواضح من استفسارها إنها متحديه وحده أو إنها تبغى تنتصر لرأيها

يعني مثلا سألت سؤال وتتمنى إن الشيخ يقول مثلا حرام عشانها أختلفت هي وصديقتها ولا تبغى

تخسر قدامها فتجلس تلف وتدور لين يقول حرام وتروح لصديقتها وتحكم حكم عام على المسأله

أو إنها مقهوره من شي ولا تبغاه يصير فتحاول تجبر الشيخ أو مثلا تلف في السؤال لين يحرم هذا

الشي , وهي ما تدري بعواقب هذي الأمور

النبي صلى الله عليه وسلم يقول فيما معناه ( ذروني ما تركتم فإنما أهلك من كان قبلكم كثرة سؤالهم

واختلافهم على أنبيائهم )

وفيه سؤال صرت أحفظ الجواب عن ظهر قلب والنسوان رفضوا إنهم يقتنعون

وكلما جا شيخ جديد في الحلقه يسألونه نفس السؤال عسى الشيخ يقول حلال

وهو ( تشقير الحواجب )

والله إني طفشت منه حتى المقدم زعل مره وقال بنحط شريط في البرنامج بحكم التشقير


فيه بعض المتصلين والمتصلات والله إنك تحس إنهم مسوسين وهم اللي ذبحونا

الموسوسين هم اللي يطلعون مثل هذي المشاكل ويذبحون المشايخ ( الله لا يبلانا )

ولا بعضهم يسأل

يقول يا شيخ : أنا أصوم الإثنين والخميس ولكن بعض الأحيان أترك الإثنين فما الحكم ؟؟

طيب إسأل سؤال عام يعني تبغى تقول للشيخ بأنك تصوم الإثنين والخميس

المشكله بعضهم يسأل أسأله تقول يا شيخ هذا من السلف

وش هذي الأسئله الدقيقه اللي تدل على الورع والزهد عند هذا الشخص

وتحصله في الأخير من يرتكب المحرمات


في بعض الأحيان والله إني أغير البرنامج مثل ( الجواب الكافي ) أو أقفل الراديو ( سؤال على الهاتف )

لأن ظغطي أرتفع من بعض الأسئله

من جد مسوسين وأبلشونا

[اميرة باخلاقها]

موضوعكي ممتع ومفيييييييد

النوعية من الحريم ذولا يجيبون المرض والصدااااااااااع

ليييييش التعقيد بالااسئلة

يسلممموووووووو

اميرة

[مرجانه]

ههههههههههههه

هي والله

الحريم دوم يحطن من السؤال قصّة !!

وانا ييقهرني هذيل اللي يسألن في أمور خاااااصه جداً وعلى الهواء مباشره

تخلي وجه الشيخ يتلوّن!!!!


الله يهديها ويهديهن ويهدي الجميع

ويصلح حال الامه ويعين شيوخنا على امور الفتوى

اللي شوشت على الناس كثير من الامور

والله يحفظكم

[ماريا 2]

والله انك صادقه ............... يبغالهم شنق ذولا الحريم .............. عارفه زمان كنت اتابع مثل هالبرامج على اساس اتثقف ولما كبرت شوي بديت افهم و عرفت انو في اسئله ما ل امها داعي .............. و صرت ما اتابع الى ان اتت لحظه الانتصار و الله اني فرحت بذاك الوقت و لو انها سعاده وقتيه........ لانو الحاريم هما هما ما راح يتغيرون ............المهم السالفه هيا
كنت انا واخوي على التلفزيون و فجاه على غفله ......... اخوي تطوع و قلب القناه الاولى......... اصلا هي ترا قناتين......... المهم و لا في وحده متصله و تكلم الشيخ و تساله سواااااااال الله لا يعيديه انا وجهي تلون و قمت و انسحبت بهدوء مع اني مسكينه مالي دخل بالموضوع ....................
المهم و الشيخ يقولها وهيا منسجمه مع نفسها وتشرح المسكينه ............ شوي تجيب له صوره و مصره تكمل مع ادق التفاصيل .......... لو سمحتي يا اخت هذا السوال لا يفيد المستمعين لانه حاله خاصه لذا الرجاء انو تتصلي بعد البرنامج .......... و قطعوا الخط بوجهها اصلا هيا تلعثمت ............. احسن و اللللللللللله برد قلبي ....... حاريم اخر زمن ............ الحياء من الايمان ولو انو ما في حياء بالدين ولكن مو بهالطريقه والاسلوب ........... اقري واذا مالقيتي اللي تبين اسالي مطوعه تفيدك اما تتصلين و تحرجين الشيخ وبعدين تاكلين كسحه ........ هذا ما يرضي الله و رسوله والمشكله الاسئله نفسها تتكرر مع اختلاف الوضعيات .................. والله اني اشك انو بقى برصيدها ريالين وحبت تحللهم
و كمان على قولتكم بعض الاحيان يتصلوا وكانهم يبغون الشيخ يحلل شي بالغصب ولا يحرمه ........و تجادله و تفاحمه و بعدين تستوعب انو ما في امل ............
والله الحلال بين والحرام بين ............. و الاشياء الحرام تنعد ومحصوره و محفوظه من كثر ما يسالوا عنها