الدخول للسحالي فقط ممنوع دخول التماسيح (مو ناقصه تشمت)

[!! مـ ع ــزوفة حـزن !!]

هلالالالالالالا وغلالالالالالا بالكل

اخباركم عساكم بخير <<<<<ذربه هالبنت

واخبار الاهل والجيران <<<<<ماتنعطى وجه والا بتسأل عن الحاره كلها

الموووهيم مااطول عليكم <<كل هذا وماطولتي

بقولكم عن موقف مضحك مبكي صار لي

قولو آمين يالسحالي عسى ماتطيح فيه وحده منكم <<<<دعوه من القلب

كان ياماكان في سالف العصر والاوان<<<<<<<ماقلت لكم ماتنعطى وجه

خلاص لاتزعلون بسرد عليكم ماحدث (بسرد عليكم <<<اوخصص وربي متعوب عليها )

مرة من المريرات كنت عازمه شلة القراده صديقاتي على الغداء

تعرفون مستلمه الراتب ويدي تحكني الين اصرفه 5 من الشهر وانا منتفه ماعندي لو انه ريال مشقوق <<<<ياحبك للهذره

اخلصي لا ادوسك

الموووهيم كنت عازمتهم في مطعم سبازيو اللي في برج المملكه في الدور الــ 77

ماكان المطعم مزحوم مافيه غير شويه عقب ماخلصنا من الغداء وتنط الخبله صديقتي الصدوقه قالت وراه مانطلع للممشى دام

مافيه احد وبلاش (اللي يأكل في المطعم مسموح له يطلع للممشى بلاش بس اللي جاي من الباب للطاقه ويبي يدرعم فوق لازم

ينق 25 ريال)<<<<<<<صايره مرشده سياحيه
والله وتجيني ام الركب من الروعه بس مابينت <<<فطينه
ويوافقون كل البنت وانا احاول فيهن عدلن بدلن لكن الشكوى لله مسكتهن ام العبيد
واستسلم واطلع معهم واول ماطلعنا وتسمر رجليني بالارض وتقوم تسحب فيني صديقتي الصدوق الين وصلنا لمنتصف الممشى
ومير تسمر هي ومااحس الا بشي رطب على يدي واضطر افتح عيوني الا وهالشي الرطب سعبولة صديقتي الصدوق وهي فاكه

خشتها وناظر باللي فاكه خشتها فيه
الا وذاك الطخمه اللي يشق الوجه راجع ومعاه ذاك الخال <<<تبطون عظم اشرح لكم وش الخال ماعندي استعداد انجلد
لو انه بالارض كان فكيت خشتي مثلها بس دامني معلقه بين السماء والارض معصي عساني اصلب طولي
المووووهيم ماحسيت الا وانا طايره وقوه منتزعتني من الارض .. حاولت استوعب وش السالفه الا والخبله صديقتي

الصدوق ماسكتن يدي وتركض بكل سرعتها تبي تلحق الطخمه اللي راح للمصعد وفي روايه اخرى الاسانسير
حاولت اوقفها بس ماكو فايده عساني اوقف نفسي وركبي اللي تصافق واللي زاد السرعه ان الممشي مثل المنحدر <<<مايمديكم

على اللغه صح
(اللي مو من الرياض ولا راح للممشى هو في اعلى برج المملكه ومقوس يعني كانك تمشي على قوس قزح <<<اوخصص

يالوصف وين الوليد عنك)
وعند نهاية الممشى وبتداء السيراميك اللي يوصل للمصعد وتكع صديقتي ذاك البريك وبروايه اخرى تمسك فرامل علشان ماينتبه

انها كانت تركض وتفك يدي النذله لابسه بوت رياضه مو انا المقروده اللي لابسه كعب حاد صايره زرافه
وتكرفس الا انا زاحفه على ركبي مترين قدام ماوقفني الا شي ابيض صقعت فيه وارفع عيون بشوف وش هالشي
وماشوف الا عيوني بعيون الطخمه ووجهه صاير اشارة مرور من كثر ماهو ماسك ضحكته وفجاءه الا ذاك الصوت اللي زين

مانهدت منه المملكه
كااااااااااااااع كع كع <<<<<الخال فاقع ذيك الضحكه اللي بموت مانسيتها
وماحسيت الا بيدين ترفعني عن الارض وتسمي علي (للامانه انا ماسمعت غير بسم ا... والباقي ضاع مع الضحك)

وناظر الا هي صديقتي الصدوق تحاول توقفني ويجون باقي البنات يساعدون
وينفتح باب المصعد وحسبي الله على عدوهن سبع التحاسيب اللي سحبني ودخلني المصعد مع هالطخمه والخال
طبعآ الخال ماوقف ضحك الا كل شوي يزيد ضحكه ويلتفت عليه الطخمه وهو يالله ماسك عمره لا يضحك ويقوله بس يالهيس

لكن الخال لاحياه لمن تنادي بعالم ثاني من الضحك
واول مافتح المصعد واروح وانا اعرج لدورة المياه (عزكم الله) وقعد اصيح وانواع الدموع والمناشق وصديقتي الصدوق

تمسح دموعي والثانيه تعالج ركبتي المجروحه والباقيات طايحات على الارض ويرافسن من كثر الضحك .. ومن بعدها حرمت اطلع من البيت

الفوائـــــد :
_ لاترحون مع صديقتي الصدوق الى اي مكان لا على الارض ولا في السماء
_تم منع لبس الكعب من قبلي كاسحليه وانصح جميع السحالي بذالك
_ ان جاز لكم الموضوع ردو وان ماجاز لكم بعد ردو <<<لاتطيحون وجهها
_ هذا احد المواقف المضحكه في حياتي(مواقفي كثر شعر راسي )ان جاز لكم قلت غيره وان ماجاز لكم بعد بقول غيره <<<ماعندها غيركم يسمعها وبتغثكم

تحياتي

معزوفه حزينه

[!! أنـثـى الـ خ ـيـآلـ !!]

ههههههههههه
قريت البدايه والفوائد
<<< مستعجله


*حجز مكان*



لي باكــ للتعليق

[امل العالم]

وااااااااااااو انا أول وحده أرد ع الموووضوع التحفه

الفوائـــــد :

_ لاترحون مع صديقتي الصدوق الى اي مكان لا على الارض ولا في السماء

خخخخخخخخخخخخخ هههههههه

_تم منع لبس الكعب من قبلي كاسحليه وانصح جميع السحالي بذالك

اي والله انا ما ألبس إلا جوتي رساضه او سبورت الكعب بس في العروس>> اي هين هذا لأن عندي فقر دم وأتعب

من الكعب بسررعه
_ ان جاز لكم الموضوع ردو وان ماجاز لكم بعد ردو <<<لاتطيحون وجهها

هو جاز لي وبس إلا ضحكني
_

هذا احد المواقف المضحكه في حياتي(مواقفي كثر شعر راسي )ان جاز لكم قلت غيره وان ماجاز لكم بعد بقول غيره <<<ماعندها غيركم يسمعها وبتغثكم

خخخخخخخخ يلا قولي لي مواقفك واقولك موقف صاار لي بس مو محرج كثرك >>ألأخت ماتتفشل قدام الرجاال

لك ودي

[!! مـ ع ــزوفة حـزن !!]

غاليتي انثى الخيال

هههههههههههههههههههههههههههه

هو زبدة الهرج في البدايه والفوائد والباقي كله هذره <<<<<<زين انك معترفه


انتظر تعليقك يالغلا

[الحنون.]

ههههههههههههههههههههههههه

يعطيك العافيه

تقبلي مروري