قصتي مع شغالتنا المرجوجه صليحه

[الأميره الساهره]

مسااااء / صبااااااااااح الخيييييير
اخباركم ؟وتسيف احوالكم والجيران والحاره وكل من يعز عليكم

الموووهييم

> اول شي احب اعطيكم فكرة عن شغالتنا

> > شغالتنا يا كرام مخروشة الى ابعد حد يعني لما نشوفها جايبه الشاهي نعلن حالة الطوارئ ونزل البزران للملاجئ
> >
> > لانه عادي عندها تشيل 13 بريق شاهي بيد و10 دلال قهوة بيدها الثانيه وتمشي صافطه الطبلون يعني كنها تصاقط ظلالها
> >
> > انا اقول لامي احس انها مسكونه بجني كان يشارك في اختراق الضاحية
> >
> > تصدقون شرينا جهاز تعلقه معها علشان امي لما تبيها تناديها بالجهاز بس للأسف علشان سرعتها صار الجهاز ما يلقط الارسال
> >
> > يعني لو تبي تعذبها خلها لا تتحرك بس ثواني
> >
> > وبعدين عادي تناديها وتسالها عن شي ما تدري الا هي رايحه ومخليتك.... مو تطنييش لا بس دباشه
> >
> > انا احس انها ما قد شافت بشر ولا تدري وشلون يتعاملون مع بعض
> >
> >
> > تقدرون تقولون انها مخروشه وفي روايه اخرى سبيكه
> >
> > المهم انا صار لي معها موقف قوي
> >
> > مرة وانا راقيه لغرفتي مروقه وادخل غرفتي وانا من عادتي اني ادخل غرفتي وبعدين اعطي الباب كعب قوي واصكه واقفل غرفتي
> > أبوك يالأسلوب
> > واطلع جوالي وانطله على المخده مع انه دايم يطيح ورى السرير وابلش ادوره
> > المووووووهيييم
> > وافسخ البلوزه واحطه في مكانه المعتاد اللي هو اجدعه على الارض
> >
> > بعدين اشيل التيورالقصير اللي تكون فوق البنطلون واصفطها لين تصير مثل الكوره واشوتها على المعلاق قصدي الشماعه <<<< ههه خخخ والله صدق<<طيب منو قالك احلفي
> >

> >
> > المهم حمامي الله يعزكم جوا غرفتي
> >
> > المهم يوم فسخت الزوائد من اللباس (التيور والبلوزه)<<متعوب عليها بقوووه
 قعدت قدام المرايه اتميلح نفسي واكلم روحي وانكت شوي وامسك المشط واتخيله مكروفون واغني الامااااااااااااااااااااااكن يعني قمة الطرب
> >
> > واستعرض واستهبل وأرقص والعب مع صورتي بالمرايه..<<خبركم سوالف المهبل اللي مثلي
 واكلم نفسي بالمرايه واقول بتعقلين انتي والا يععععع كععععع
> > وارفسه برجلي خخخخخخخخ
> >
> > وبقية الحركات اللي انا دايم اسويها بشرط ما يكون عندي احد
> >
> > عاد انا دايم انهي حركاتي هذي بقفزه على السرير وكنت دايم وانا انط اقول دووووووق فليــــب<<< هذ اسم اللي كان يسوق كريندايزر <<< ايقالك شرحتي شي الحين
> >
> > عاد وانا ناطه بين السماء والارض حانة مني التفاته<<< الله اخيراً قلت حانه من زمان وانا ودي اقول هالكلمه
> > المهم يوم حانة مني التفاته للحمام وش شفت
> >
> > صليحه >> اسم شغالتنا .... واقفه بوسط الحمام وماسكه مكنسة وسطل وهي منصدمه
> >
> > قلت لها صليحة خيررررر وش عندك . . زي العاده ما ردت رجعت مرة ثانيه بالاشاره اسالها وش عندك كل هذا وانا بين السماء والارض ما بعد وصلت السرير<<<< ما تكذب ابـــــــــــــــــــــــد
> >
> > وجلسنا اناظر بعض اللي يشوفنا يقول والتقى الحبيبان وانا ودي اخذ المكنسة اللي معها واكنس البهاق اللي بوجهها
> >
> > ثم امسك راسها وادخله بوسط السطل اللي فيه مويه علشان اشوف من وين ينسم راسها
> >
> > واصرخ عليها يا دبشه ورى ما تكلمتي وعلمتيني انك هنا
> >
> > وكالعاده كنك تكلم جدار
> > المهم لاني عارفتها دريت انها يوم سمعت صوتي انخرشت ولا درت وش تسوي
> >
> > وبذهانتها الخارقه قالت بقعد هنا ومهب شايفتني ....<< لعنبو دارك ودار مخك
> >
> > عاد انا قعدت اتذكر وش كنت اسوي يلعن ابو الفشيله بس اللي مهونها علي قلت اشوى اني ما فسخت كل شي
> > كان انا اللي بطلب من اهلي يسفروني انا مو هي
> >
> > المهم اني قلت لها خلاص امشي اطلعي وانا ابي افتح باب غرفتي اسمع امي جايه لغرفتي وتناديني
> >
> > يا سلاااااااااااااااااااام على الحظ
> >
> > انا والشغاله بغرفتي والغرفة مقفله وانا كاسيه عاريه ما علي الا بنطلون برمودا الضاغط وبدي
> >
> > يعني امي لو هي عمياء بيروح علطول بالها لذاك الشي
> >
> > يعني التهمة لبساني لبساااااني
> >
> >
> > علشان تعيشون معي الموقف
> > انا ما علي الا سروال برمودا ضاغط وبدي الله لايبلاكم والشغاله جنبي واقفه ,,,والباب مقفل وورى الباب امي
> >
> > وانا اعرف امي ماراح تروح الا اذا فتحت الباب
> >
> > في هاللحظه .... خطرت في بالي فكرة انما ايه ما تخرش الميه
> > لي اخو يدرس برى وامي تموووووت فيه واذا دق تركض امي ركض كأنه ولد جايته مكالمه من بنت وهو من زمان ينتظرها << خخخخخخخخخخ بدينا بالمعاير
 المووووهيييم
> >
> > فقفزت على السرير واخذت الجوال ودقيت على بيتنا ورد على ولد اختي من تحت قلتله انا خالك بدر وين جدتك بسرعه انا اكلم من برا
> >
> > فقام البزر يصوت لامي خااااااااااااااااالي
بدررررررررررررر بالتلفووووووووووووون
> > <<مصدق هالولد اني بدر بس ورع ماعليه شرهه


> > امي اول ما سمعته يصووووت تدروشت وتلخبطت وقامت تقول يووووووه قله انها فوووووووق وصارت تمشي وتدور التلفون اللي فووووق وهي تقووول افففففففف وين ودت التلفون هالشغاله
> >
> > وانا في نشوة الفرح لنجاح خطتي الجهنميه اذا بصليحه <<<< مرة ثانيه اسم شغالتنا
> >
> > اذ بها يوم سمعت امي تقول (وين ودت التلفون هالشغاله) اذ بها بأعلى صوتها تقول... فوق مكتبه يا ماما
> >
> > انا من قوة غبائها والحركة اللي سوتها ما استوعبت الموقف قعدت لحظات علشان مخي يتعرف على هالموقف بس ما لقى اي موقف مشابه قد مر عليه يعني سبق مو صحفي سبق غبائي لهالشغاله
> > الادميه ذي ذكائها خارج التغطيه الا مخها منتهي الصلاحيه هذي طفرة في الدباشه
> >
> > المهم انا صرت ما اسمع لامي صوت مدري هي سمعت الشغاله والا لا
> >
> > يوووووم جت المصيبه
> > وانا واقفه عند الباب اتسمع والشغاله جنبي
> > اذ بصليحه تمسك عروة الباب وتبي تفتحه فرمقتها <<<< حلوه رمقتها ذي صح خخخخخخخخخخ
> > المهم رمقتها بعيني يعني وش تبين قالت لا ماما افتح الباب لا ماما حرااااااااااااااااااااااااااااااااام لااااااااا ماما لا يذبح انا فيه بيبي هناك صغير حرااااااااااااااااااااام ماما
> >
> > ياسلاااااااااااااااااااااااااااااااااااااام الاخت فاهمه غلط تحسبني اسوي كل ذا علشااااني ابي اذبحه

> > مدري اضحك والا اصيح والا وش اسوي فيها
> >
> > من زينك انتي ووجهك اللي كأنه رسمة ولد بالروضه العيون يبيلها كروكي علشان تلقاها وخشم افنس كأنه محول غاز
> >
> > لعنبو شكلك لو تطب علينا الشرطه اخذو علي حكم قصاص وانتي الله يرحمك
<<<<< قويه شوي بس شلون جت مدري خخخخخخخخخخخخخخخخخخخخخخخخخ
> >
> > المهم الآدميه مصره تفتح الباب وما دريت الا هي فاتحه القفل وامي جنب الباب تقول ,,,, صليحه!!!! صليحه انتي هنا
> >
> > وقبل ما تفتح امي الباب دورت بسرعه شرشف صلاة مالقيته وتطيح عيوني على الشيله اللي طايحه على الارض وامد ايدي باخذه.<< ... في هاللحظه فتحت امي الباب
> > ولا لقيت تصريفه لوضعي وانا ماده ايدي للارض باخذ الشيله الا اني لا ارادياً قلت
> > اللللللللللللللللللللللله اكبررررررررررررررررررررر<<<<< ايه سويت نفسي اصلي واسجد خخخخخخخخخخخخخخخخخخخخخخخخخخخخخخخخ
> > وش اسوي ما لقيت اي تصريفه وبعدين ما ابي امي تسالني عن شي فاحسن شي اسوي نفسي اصلي
> >
> > المهم انا في نفسي اقول يارب انها ما تلاخظ اني اصلي وانا بهالشكل
> >
> > امي دخلت وتنحت شوي بعدين قالت للشغاله وش قاعده تسوين لكن كالعاده الشغاله اكلت تبن وسكتت وطلعت
> >
> > وقفت امي شوي وانا قاعده اصلي واقول في نفسي اشوى انها ما انتبهت علي
> >
> > المهم شوي الا و يوم قالت لي اجل تصلين هاه !!!!!!!!!! وانا اللي ابلع ريقي مو بس ريقي الا حتى اللوز بلعتها
> > قالت اجل تصلين,,,, زين بس ترى القبله غرب وانت تصلين شرق
> >
> > وطلعت وصبخت بالباااااب بقوووووووووووه
> >
> > يوووووووووووووووووووووووووووووووه انوااااااااع الصدماااااااات ياربيه وش اسوووووووي
> > واقعد افكر يارب وش اسوي والله اني مظلوووومه <<<<< واقعد افكر وافكر ,,,,, قلت احسن حل الصرااااحة واللي يصدق يصدق واللي مو مصدق لا يصدق
> >
> > وما انتبهت لنفسي الا بعدين طول فترة تفكيري وانا قاعده اكمل صلاتي خخخخخخخخخخخخخ
<<ههه الله يرجني من الخرعه مالوم نفسي

> > المهم لبست ملابسي ونزلت ورحت لامي وهي من هوووول الموقف قاعده تتنافض وودها تذبحني
> > يوم جيت ابي ابوسها على راسها وافهمها صرخت بوجهي لا تكلميني ولا تبوسيني ابعدي عني
> > قلت اسمعي
> > الصدق مجراه والكذب مفراه
> > قالت وشو
> > قلت الصدق منجراه والكذب مفتراه
> > قالت وش تقولين انتي
> > قلت اففففف الصدق زين والكذب شين وشوله الفلسفه
> > وقعدت اقولها كل اللي صار واحلف ايمان واقسم بالله
> >
> > والحمد لله لان امي واثقه فيني صدقتني>>باينه بالمرررره<<

الخلاصه:
*اذا كانت شغالتكم زي شغالتنا لا تحتك فيها لأنك بتصير مثلها<<اسألو مجربه
*اذا شفت نفسك بالمرايه اتميلح وسو حركات واستهبل وقفل الباب
*لا تصدقون كلامي^ لأنكم بتضيعون تضييييعوون
*ارعصوا ع المثلث اللي تحت والا احفر قبوركم بالمنتدى<<خخخخخ امزح بس ارعصوا
*وه خلصنا <<خير في شي بعد

[مغرم عيونك]

ههههههههههههههههههههههه ياحبي لها صليحه .^_^.

وانتِ موقفك لايحسد عليه لوووووووووول

تشكراتي لكـ ..

[الذيب 9سامي]

هههههههههههههههههههههه والله ان الشغاله منتهيه ونتي طول الوقت وهي فيه ونتي ماتدرين هههههههههه

وتقبلي مروري

[عمر الهوى]

إه إه إه
لا هذي لهث لساني من التعب
ماشاء الله
قصة طويييلة
بس حلوة خخخخخخخخخخخخخخخخخ
يعطيك العافية

[كريم المدينة]

ههههههههههههه

يسلموو على الصرقعة الاميرة الساهرة

الله يعينكم على الشغالة

كويس انه امك ما اتصلت على الهيئة من هول الصدمة <<متعوب عليها هول الصدمة خخخخ

ههههههه والله اتخيلت موقفك قدام المراية تغنين الاماكن وحلفت ما اسمع لمحمد عبده مرة ثانية خخخخخخخخخ

يعطيكي الف عافية

ننتظر جديدك