انساه ياقلبي .. قصتي حقيقيه

[miSs Rw3aH]

مشكووره عالباارت الروعه

ويااارب يعوضك بـ ابن حلال يحبك وتحبينه
وينسيك هذا اللي مدري اش اسمه

واصلا هو كل انتظار يشك ويحسب انك تكلمي ولد

اصلا بركه انو سابك لانو كيف بتعيشي معاه وهوا ما عنده ثقه فيكي

ممكن دحين انتي تبكي وتحزني بس صدقيني انو راح تنسي مع الايام

( ما بعد الليل الا النهار ) <<< يعني انشاء الله بتلاقي احسن منو و تنسيه مرررره

.........................................

[nooooody]

طيب حبايب قلبي انا بكتب لكم قصتي بالتفصيل من اول و كاااااااااااامله
انا بنت عمري 19 سنه ادرس في اول جامعه بس حاليا تركت الجامعه لاني بروح جامعه غيرها
المهم اني لما نجحت من ثالث متوسط اهلي اشتروا لي هدية نجاح جوال و كنت مررررره مبسوطه جت زارتنا بنت خالتي من الشرقيه و قالت ان عندها جوال بس محد يدري عنه حتى اهلها
و طبعا الجوال المخفي شي طبيعي بتكون البنت تكلم فيه شباب و كانت تعرفنا على اصحابها و اختي الكبيره لما شافت ان وضعها ابد مو حلو قالت لا تعطينها لا رقمي ولا رقمك و اذا عرفت انك اعطيتيها ارقامانا اخلي بابا يسحب الجوال منك و انا سمعت كلام اختي
بعد سنه جت خالتي و سكنت عندنا بالرياض و ماما سوت عزيمه بالبيت علشانها و كنا البنات جالسين بالحوش و مبسوطين اللي تتسبح بالمسبح و اللي تسولف و اللي ترسل بلوتوث يعني كلوحده مع اللي بعمرها و بنت خالتي كان عمرها 23 و انا عمري 16 يعني فرق السن كثير و هي عندها خبره بالاجهزه عاد معروف عني اني ما اهتم باغراضي جت ماما و قالت امسكي جوالك صاحبتك اتصلت عليك مليون مره و انتي حضرتك ما تدرين وينه و تقول انها تبيك ضروري يمكن عندها مشكله و راحت شوي ورجعت و كانها تذتكرت شي قالت على فكره ترى جوالك طاح مني شوفيه اذا يشتغل و الا قولي لابوك يشتري لك جهاز جديد
جت بنت خالتي و قالت لي هاتي انا اعرف اصلحه بس انتي دخلي رقمك السري و بعد شوي اعطتني اياه و قالت خلاص صلحته
و عدا تقريبا شهر على خير المهم سافرنا ورحنا مصر و قبل ما نطلع من البيت سمعت جوالي يدق طبعا كنت ناسيته ولو ما دق ما اخذته شفت رقم غريب و ما رديت طبعا بابا هزأني قال انتي ما تعرفين شي هنا شلون تطلعين و تتركين جوالك اجل انا ليه شاريه لك قلت له طيب خلاص ما صار شي الجوال و اخذته
المهم رحنا فندق شربا كوفي و برضو اتصل نفس الرقم قالت لي ماما ردي يمكن وحده من صاحباتك مغيره رقمها
عاد رديت
الو
مساء الخير
نعم
هذا جوال ريم
لا اخوي غلطان
طيب ممكن نتعرف؟؟
قلت لك غلطان
اوووووووووووه شكلك عسبيه
قفلت بوجهه
بعدها رحنا دريم بارك
و ركبت لعبه تمووووووووت خووووووف و انا باللعبه حسيت بجوالي يهز في جيب البنطلون
نزلت من اللعبه و انا مييييييته صياح
بابا:يووووووووه يا نودي شكلك يقطع ضحك هههههههههههههه
قلت له:ايه انت بس جرب اركبها تتشهد 60 مره
ماما:هههههههههههههه طيب يلا مالكم نيه تكملون لعب؟؟
الا يدق الجوال مره ثانيه قلت في نفسي يا ربييييييييييييييه ما ابي ارد و صوتي كله صياح
اعطيته ماما
قلت لي رقم غريب
لما شفته قلت اشوا مو نفس الرقم اللي قبل شوي بس ما ريت
و اتصل مره ثانيه خليت بابا يرد اول ما قال بابا الو على طول اتقفل الخط
المهم رحنا لعبنا و استانسنا و نسيييييييييييت ان فيه ارقام تتصل علي
لما تذكرت قلت خليني احوله صامت علشان ما احس بشي ابد
و احنا نتعشا تقريبا الساعه 2 او 2 ونص كنا في بيتزا هت اللي في المهندسين و دق جوال اختي
الا صاحبتها قالت لها ليش نودي ما ترد؟؟ اختي تتصل عليها و ما ترد
عاد اختي فهمت اني محولته صامت و انا ما تفرق عندي اترك الجوال ايااااااام ع الصامت و انساه
قالت لها اختي خلاص بعد 5 دقايق قولي لاختك تتصل تكون محولته عام
و بعد 5 دقايق اتصلت صاحبتي
الو
اهلين يادوبا ليش ما تردين
يعني ما تعرفيني انسى جوالي ع الصامت
طيب انتي وينك الحين؟؟ عندك ازعاج.. للحين بالملاهي!!
لا يالهبله الملاهي قفلت من الساعه12 ونص بس انا الين في بيزا هت اللي بالمهندسين...و انتي
لا احنا اليوم رجعنا بدري انا الحين بالشقه
طيب كذبي اسمع عندك ازعاج و اغاني
لا يا هبله انا الحين في البلكونه اتفرج على زواج
حبيبتي ثوني بس عندي ويتنق
ناظرت الرقم هو نفسه اللي بالملاهي و ما رديت
ايوه حبيبتي سوري اتاخرت عليك طيب ليش اليوم راجعين بدري وين رحتوا
رحنا للفور سيزون اتعشينا هناك و رجعنا الساعه وحده
طيب عندهم اشياء حلوه؟؟
يس بعض الاشياء
طيب بكره وين رايحين؟؟ودي اشوفك..
مدري للحين ما خططنا
طيب شرايك نروح ستي ستار؟؟
اوووووووكييييييي وناااااااسه
اوكي الحين ما خليتيني اتعشا و انا اليوم كله مو ماكله شي غير الكوفي و السلاش
مو صاحيه انتي ما تتوبين اقول بس كلي زي الناس بدل ما تتعبين و تخربي على اهلك السفره
طيب يلا سي يو تومورو
باي
و رجعت اكمل اكل
ماما:ايش عندها فرح؟؟متصله عليك الحين غريبه!!
لا بس لانهم رجعين اليوم بدري..على فكره بابا بكره نبي نروح ستي ستار اللي بمصر الجديده
بابا:طيب ان شاء الله...بس كاني سمعتك تبين تشوفين فرح هناك
يس من زمان ما شفتها
بابا:اذا ابوها موجود ما راح اكون معكم
لا بابا هي و امها و اخواتها بيجون مع السواق
بابا خلاص اوكي
(للمعلوميه انا و صاحبتي فرحكل سنه نسافر مصر بس هالمره غير كنا بطياره وحده و احنا رايحين و طياره وحده و احنا راجعين)
(فرح صاحبتي ايام المتوسط و بالثنوي هي غيرت مدرستها راحت على مدرسه حكوميه و بين بابا و ابوها حزازيات لدرجه اني بالرياض ما ازورها ولا تزورني)
و يدق الجوال مره ثانيه و نفس الرقم
بابا قال ردي يمكن احد يبيك و يوم رديت استحوا و قفلوا
رديت
الو
صباح الخير
نعم
مين معي
انت المتصل و اتوقع انك غلطان
ممك اعرف وين انتي؟؟
قفلت بوجهه
و مر كم يوم و انا على هالحال
لين صرت اقفله و ماصار احد يتصل علي
رجعت الرياض و بديت ثاني ثنوي و دخلت قسم علمي على حسب طموحي طب و الحمد لله جبت نسبه حلوووووووووه
المهم طبعا من الفرحه بالنجاح ما انام و في يوم من لايام شفت بابا الصباح قبل ما يروح للدوام لقيته بالحوش يسوي رياضه رحت عنده اسوي معه رياضه
سألته:بابا متى بنسافر؟؟
بابا:هالسنه ما في سفر
انا جتني الصيحه:طيب ليش ما راح نسافر فرح بيسافرون
بابا:من قال لك ان فرح بيسافرون؟؟
على حسب كلامها قبل اسبوع
بابا:لا ابشرك ما راح يسافرون
من قال لك؟؟
بابا:فيه اسباب كثير انتي ما تعرفينها
طيب و احنا ايش دخلنا فيهم احنا نبي نسافر
بابا:حبيبتي قلت لك سفرتهم ما لها علاقه بسفرتنا
طيب ليش يوم هم ما راح يسافرون قلت احنا ماراح نسافر؟؟
بابا:صدف... انا عندي ظروف بالشغل و ابوها بعد نفس الشي عنده ظروف بالشغل
ايش عرفك عن ابوها
بابا:نودي خلاص...بعدين انتي ناسي ان شغلي و شغل ابوها نفس الشي
ايييييييييييييييييه صــــــــــــــــح تذكرت
بابا:بدري عليك فهاوه مدري على مين طالعه
طيب نبي شي بدل سفر
بابا:خلاص اجيب لكم كل وحده لاب توب
يااااااااااااااااااااااااي ونااااااااااسه طيب متى
بابا:انا عارف انك نشبه واني ما راح ارتاح لين اجيبه لك انا بجيبه لك الويك اند الجاي بس بشرط....
حاضر بسوي كل شي تبيه....بس اليوم اي يوم؟؟؟
بابا:ما الومك من حوستك ما تدرين اليوم ايش...اليوم الاحد...بس ما تبين تعرفين شرطي؟؟
هاه<<نست ان فيه شرط
بابا:ابيك تشربين حليب الحين قدامي...انتي مو بزر اقول لك اشربي حليب
بابا والله العظيم عندي حساسيه من الحليب
بابا:هذي المشكله و حضرتك ما تاكلين ادويتك
لا من قال ما اكلها والله العظيم اكلها
بابا:طيب حضرتك اخرتيني عن الدوام
طيب بابا قود نايت بروح انام
بابا:اي قود نايت..قولي تمسي على خير
<<ما صدقت تدخل الغرفه الا هي بسااااااااابع نووووووووووومه
صحيت على صوت الجوال
رديت و انا نايمه
الو
مساء الخير ..فيه احد ينام لين الحين!!!
ايش دخلك ؟؟
طيب ممكن تروحين تصحصحين علشان نسولف على روقان
كم الساعه الحين؟؟<<<ما تدري من المتصل
الساعه 8 بالليل
طيب شكرا لانك صحيتني يلا باي
قفلت بوجهه
يوم رحت تروشت و روقت رحت اشيك ع الجوال علشان اعرف مين المتصل لقيته رقم غريب
قلت بالطقاق
رحت لبست و اتكشخت و رحت بيت عمو
طبعا لما صحيت لقيت البيت فاضي اهلي كلهم طالعين رحت ادورهم في بيت عمو
فتح لي الباب نايف ولد عمو
نايف: هلا نودي
اخواتك فيه
نايف:لا..انتي ما تدرين؟؟
عن ايش؟
نايف:كلهم رايحين بيت عمتي
والله اني كا دريت اصلا محد قال لي اخر انسان شفته بالبيت السواق لاني توي جايه معه
نايف:طيب ايش بتسوين الحين؟؟
مدري بس شكلي بروح لهم
نايف:من جدك تروحين بروحك للخرج مع السواق؟؟
تصدق اني اخاف اروح للخرج مع السواق
نايف: طيب انا بعد لي شغله بالصناعيه اوديك لهم و بعدين اروح شغلي
اوكي يلا
نايف: وين يلا؟
اجل؟؟
نايف:بروح اتروش و اغر ملابسي و اتغدا و اوديك
اقول اذا وراك غدا ما راح نروح لهم الا الساعه 1
و احنا رايحين اشتر لك فطرية لوزين
نايف: طيب يالنشبه
يلا روح استناك..نايف نايف
نايف:خير؟
ابي الاب حقك شوي
نايف: خذيه هذا هو قدامك
شكرا
<<مارد علي عارف اذا رد ما راح نخلص سوالف
المهم و انا رايحه للخرج مع نايف دق جوالي شفت نفس الرقم اللي صحناي من النوم
خليت نايف يرد
الو
السلام عليكم
عليكم السلام
هذا جوال خالد
لا اخوي غلطان و لاعاد تتصل
ابشر باي
المهم رحت بيت عمتي
كانت الساعه تقريبا 10
ماما فتحت فمها ع الاخر ما تخيلت اني بجي بروحي مع السواق
ههههههههههههههههههههههههههههههه ماما هههههههههههههه شفيك؟؟
ماما:اتذكرك نايمه و ما تدرين وش السالفه
ايه لانكم ما قلتوا لي انكم هنا قلت اجي و اسويها لكم سبرايز
ماما:مالت عليك وعلى مفاجئآآتك
طيب ماما شكرا ع التحطيم
ماما:تعالي
هلا
ماما:مين جابك
قلت لها السالفه من طاطا لسلام عليكم
عدى الاسبوع على خير و بابا شرى لي لاب و انسبطت كثييييييييييير
و الاجازه قضيناها كلها هبال و سهر و لما نروح ننام عند وحده ممن البنات كل وحده معها لابها و جوالها و ناخذ مسجات و صور و اغاني من بعض
و انا هذا حالي كل يوم و الثاني متصل علي واحد و بعضهم يقولون كلام وسسسخ مرررررررره ما ينقال
و خلصت الاجازه
دخلت الطامه الكبرى ثالث ثنوي
و اذاكر و اشد حيلي علشان اجيب نسبه تدخلني طب
و كل شوي طالع نظام
و المدرسات الخصوصيات اللي تجيني و اللي اروح لها احس ما عندي وقت
مره تقييم و مره اختبارات شهريه و مره اختبارات دوريه
و الحمد لله اختباراتي الدوريه كلها حلوه
و اخذت التقرير الاول للاختبارات الدوريه و جبت فيه 100%
و نفس الشي التقرير الثاني100%
و جت ايام المراجعه
و انا خلقه عقدتي الفيزياء بس علشان الطب كل شي يهون
جت ايام المراجعه و ما كنت انام تجيني باليوم مدرستين
و لما يطلعون انام ساعتين او بالاصح ما انام بس انسدح و اترك النور مفتوح المهم في يوم كانت عندي مدرسة الرياضيات و بعدها رحت عند مدرسة الانجلش و خلصت منهم و رجعت للبيت اخذت شور و تووووووووني منسدحه الا يدق الجوال رديت و انا مغمضه
الو
مساء الخير
خير
محتاجه شي؟
ترى مالي خلقك تعبانه حدي بريح شوي و اقوم اذاكر
طيب ريحي معي
ياربيييييييييييييييه شلون وقح؟؟متاكد انك متربي؟؟
اكيد..لو اني مو متربي ما اتصلت عليك
طيب بشر امك
طيب تبين اذاكر لك شي؟
الشرهه مو عليك الشرهه علي انا اللي تاركه جوالي مفتوح بهالوقت..قفلت بوجهه
و مرت الاختبارات و اخيس اختبار كان عندي الرياضييات و الفيزياء مع ان الاسئله كانت سهله بس ما حليت مدري ليه
و جبت نسبه مررررررررررررره مو حلوووووووه 92%
و الترم الثاني حاولت احافظ على نسبتي بس للاسف جبت 79%
و برضو ما سافرنا لان طول الاجازه عندنا زواجات
على فكره هذا حالي ما تغير كل شوي يتصل احد
وجا وقت التسجيل بالجامعات طبعا جامعة الملك سعود ما فكرت فيها مجرد ما شفت نسبتي
و سجلت بجامعة البنات و قبلوني قسم لغه عربيه انتساب
طبعا انا ما احب اللغه العربيه و مو شاطره فيها و انتساااااااااااااب يعني جااااااايبه العيد
المهم اول ما بدت الدراسه قلت لبابا انا الحين بداوم بالجامعه و جهازي من اول ما شريت جوال ما غيرته<<برج العرب،عارفه بتقولوون مغبره بس والله ماكان لي اهتمام بالجوال
المهم راح بابا و جاب لي جهاز جديد بس بدون كام طبعا لان جامعتنا ممنوع فيها الكام قلت له طيب ابي رقم جديد لان هذا عليه ازعاجات و بعدين ما يصلح جهاز جديد و رقم قديم
و جاب لي رقم جديد
المهم وقتها كان رمضان
و بعد عيد الفطر رحنا ستار ستي و انا بالملاهي دق علي رقم
رديت
الو
مساء الخيرااااااااااااات
خير
ابي اتعرف
قفلت بوجهه
المهم و صار يرسل مسجات كلها خرابيط
و ارسل اخر مسج"ما اكون ولد ابوي اذا ما خليتك تتصلين يا .........(قال اسمي)"
قلت يمكن تخمين و طلع صح
ارسلت له"اعلى ما بخيلك اركبه"
بعد فتره ارسل مسج فيه اسمي الكااااااااااااااامل
انا بديت اخاف منه
اتصلت عليه
قال:ما توقعتك بهالسرعه بتحبيني
كيف عرفت عني كل هذا؟؟
شوفي اذا ما كلمتيني بفضحك و بقول لابوك انك تكلمين عيال
و قفل
بديت اخاف و خفت اقول لبابا يصير بجد يشك فيني
انا عارفه اللي سويه غلط بس وربي غصب عني مو بكيفي
و بعدين بابا معروف نوعا ما بالرياض يعني انا باكل تراب
المهم و بعد كم يوم اتصل علي
رديت و انا ميته خوف و قال انه اشترى جهاز مستعمل و فيه رقمي و اسمي
قلت له و باقي البنات اللي بالجوال؟؟
قال اتقاسمنهاهم انا و اصحابي و كل واحد اخذ وحده و اتوقع انك بتخافين على سعة ابوك
و صار يتصل علي بشكل يومي و تصالاته كلها بالليل (هو بالشرقيه بس يدرس بجده)
و في يوم قال لي بأمر: ترى انا متخانق مع ابوي و اتصلي علي لان ابوي ماصار يرسل لي مصروف
وصار يرسل كول مي و اتصل عليه و يطول بالساعات و احيان ما اتصل عليه و يعصب و دايم يهددني في بابا
المهم جت الفاتوره الاولى 1200 و انا سددت منها 400 و بابا سدد 900 و بابا قال لي غريبه انتي دايم فاتورتك ما تعدي 300 ثاني مره لا تسوين كذا و تكلمين كثير قلت له حاضر
و بعد اسبوعين قلت له ليش ما نسولف بالمسن؟؟احسن..
قال بس بشرط.. تشغلين الكام
قلت ما عندي كام
قال كذابه
المهم اخذ ايميلي و بعض الاحيان اسولف معه بالمسن بس بدون كام لان ما عندي اصلا كام و حتى لو عندي ما اشغلها له
صار يقول لي ما تدخلين النت الا بـ استاذان مني و اذا دخلت و لقيتك فاتحه مسن يا ويلك
سويت له بلوك و صرت ادخل على كيفي
وصار يقول لي بتزوجك قلت ابشر بالخير قال تتيرقين؟؟قلت سلامتك بس شكلك بتحط راسك براسنا
بصراحه و بدون غرور هو مو من مستوانا لا الاجتماعي ولا المادي يعني مستحيل يتزوجني
المهم صار يسألني عن المنتديات اللي ادخلها قت له منتدى سعد الحارثي عصب و زعل قلت بالطقاق
و مرت يويمن ما اتصلت عليه و اتصل علي
ارسل مسج"انتي ما تخافين على سمعة اهلك؟؟ما تخافين على نفسك؟؟"
ارسلت له" ايش دخل كل هذا"
المهم ارسل كول مي و اتصلت عليه
قال:ليش ما تعتذرين؟؟
قلت:ليش؟ما سويت شي؟
قال:ولو لازم تعتذرين
قلت له:مو انا ......بنت......اعتذر، انا الحين بقعد اذاكر الدكتوره بتسال عن المحاظره الماضيه
الا ماما تفتح علي الباب قفلت بسرعه
قالت لي مين تكلمين؟
قلت ما اكلم احد
ماما:طيب ليش خايفه
مو خايفه عادي
ماما بدت تشك:هاتي الجوال
قفلته و عطيتها
و جلست اذاكر و انا ادعي ربي ان هالليله تعدي على خير
دخلت مره ثانيه قالت يقول ابوك افتحي الجوال
فتحت الجوال
و بعد شوي جا بابا
قال لي افتحي رمز القفل جاك مسج فتحته الا هو مرسل مسج "انا لمياء كنت بسال بكره فيه اختبار؟؟اذا صاحيه ردي..هذا جوال اختي"
بابا:صاحبتك اتصلت بس انا ما رديت
شكرا بابا
و الفاتوره الثانيه عدت على خير كانت 600
الطامه الكبرى تخانقت معه مره ثانيه و ارسل"اذا ما خليتك تقولين لابوك انك تكلمين عيال ما اكون ولد فلان" علي جيش عيال يتصلون علي
و صرت اكلم صاحباتي ليل و نهار علشان احل هالمشكله و جتن الفاتوره 1090 بابا رعل مره وانا ما كان عندي ميزانيه اسدد
رجع و هاوشني علشان الفاتوره قلت له اني ابي اغير رقمي قال توك لك 6 شهور قلت له طيب ما ابي جوال
صار يسحب مني الكلام لين قلت له اني اكلم ولد على حسابي قلت له السالفه من طاطا لسلام عليكم
تخانقت معه علشان كان يبيني اطلع معه شقه و انا رفضت اني اقابله تقلون السالفه بواحد من ردودي ع القصه
المهم ان الحين بابا اخذ مني الجوال و الاب توب و صار ما يعاملني مثل اول احس بمعاملته معي فيها جفاف شوي
و انا الحين استخدم لاب اختي علشان كذا مستعجله و اخصرت الفتره الاخيره
بانتظار ابو فراس

[انساه ياقلبي]

مرحباااااااااااااااا بكل من رد على قصتي.. وانا معكم بنسااااه لنو واحد مايستاهل اني انزل دمعتي كل يوم علشانه يوم شاف القصة وعرفها ارسل مسج ((( سامحيني يا...؟ وربي انا ظلمتك وعارف انك ضحيتي بشيا كثيره علشاني بس انا ماستاهلك ولا عمري شكيت فيك بس ماقدر اتزوجك وسويت كذا لجل تشفين نصيبك وتمنى انك تنسيني )))
بالله عليكم ذي كلام يقوله وينه من اول ليه مقاله اول
وختي aooooohy
بلصراحه انتي غلطتك اكبر من غلطتي ليه كلمتيه وانتي ماتبين خليه يهدد بس في الخير مراح يسوي شي ولا لو خبرتي اهلك واذا سوا شي اهلك قد اهلك داريين انه هو يهددك هذي انتي اعترفتي لبوك .....



ومره ثانيه اشكر كل من رد على قصتي ونصحني انا ادري اني غلطت بس مايفيد الندم ولا حطيت قصتي هنا الا لجل تنصحووني
ولاني ندمانه على شي كثر ماعصيت ابوي كم واحد يتقدم لي ورفضه رغم ان ابوي يحاول يجبرني بس اعاند ......... بااااااااااااااااي حبايب

[مجنونة نيس]

بجد شكرا على صراحتك يا انساه ياقلبي وهو من البداية العلاقة غلط كفاية انه شك فيكي والحمدالله انك عرفتي انه كداب قبل ماتحصل حاجة اكبر ودي لازم تكون عبرة ليكي ولغيرك ومسيرك تنسيه لانه اساسا ميستاهلش انك تفتكريه والمفروض تتخلصي من كل حاجة بعتهالك عشان تحاولي تنسيه باسرع وقت
اما بالنسبة لنودي غلطتك من البداية انك سمعتي كلامه كان لازم تقولي لاهلك وهما يتصرفوا وباباكي شوية بس كده وهيرجع تاني زي الاول بس انتي غلطتي فاتحملي شوية من غلطك وان شاء الله تكون عبرة لكم وكل البنات وليا انا كمان اننا منثقش في الشباب مهما كان طبعا في اهل للثقة بس ده نادر وجوده
وابو فراس في انتظارك تكمل قصتك اللي بردو هتكون عبرة لينا كلنا
تحياااااااااااتي: مجنونة نيس

[أبو فراس.]

السلام عليكم ورحمة الله وبركاته
أولا: بتأسف على غللي حصللكم يالغالين
وأنا مبسوط إنك غيرتي الصوره أنساه ياقلبي طلعت المسأله ملعوب زي ما قلت فأول مشاركه و كل شيء صار واضح إنك تشوفي مستقبلك
nooooooooode آسف على الرد المتأخر كنت مشغول شويتين
صدق المثل إللي يقول (((الأقارب عقارب ))) وتر أتصرفتي صح بس للأسف أتصرفتي متأخر على العموم
الله فكك من هالوقح و أبوكي شوي شوي بيلين بس هو لازم يحسسك بغلطك وهذا طبيعي لازم ترجعي ثقت أبوكي و هذي مهمتك
وتر الغلط ما هو مشكله المهم نتعلم من خطأنا